يۋە يانيۇن
اقپارات قۇرالدارىنىڭ حابارىنا قاراعاندا، ”1 - مامىر“ قىسقا دەمالىس كەزىندە، ءۇرىمجى بۇكىل قالاداعى ءار دارەجەلى ورگاندارداعى كادرلار مەن جاس ەرىكتىلەردى ۇيىمداستىرىپ ”وركەنيەت پەن ساياحات ساپارلاس بولسىن“ اتتى ەرىكتىلەردىڭ قىزمەت وتەۋ قيمىلىن ورىستەتكەن.
ساياحاتتاۋ − كوركەمدىكتى ىزدەۋ، كوركەمدىكتى بايقاۋ، كوركەمدىكتى باستان كەشىرۋ بارىسى. وسى دەمالىس مەزگىلىندە، كورىنىس وڭىرلەرىندە، كورىنىس تۇيىندەرىندە ىرىقتىلىقپەن ورتا تازالاپ، وركەنيەتكە ءجون سىلتەپ جۇرگەن ەرىكتىلەر بارعان جەرىندە وركەنيەتتى ساياحاتتاۋدىڭ وڭ ەنەرگياسىن جەتكىزىپ، ماقتاۋ ايتىپ القارلىق وركەنيەت كوركەمدىگىن تاراتتى.
ەرىكتىلەر عانا ەمەس، سوڭعى جىلداردا ءتۇرلى فورماداعى باستامالاردىڭ ارقاسىندا وركەنيەتتى ساياحات تانىمى كۇن سايىن جۇرت جۇرەگىنە تەرەڭ ۇيالادى. تۇزدە تاماقتانعاننان كەيىن، ساياحاتشىلار جەمىس قابىعىن، سۋلياۋ قۇمىرالاردى ۇمىتپاي تازالاپ الا كەتەتىن بولدى؛ گۇل - بايشەشەكتەر اراسىندا سۋرەتكە تۇسكەندەر ءبىر - بىرىنە كورىكتى گۇلدى تاپتاپ كەتپەۋدى ەسكەرتەتىن بولدى... سانالى وركەنيەتتى ءجۇرىس - تۇرىس ارقىلى ساياحاتتاعى كوز تارتارلىق ”جىلجىمالى كورىنىس“كە اينالعان ساياحاتشىلار بارعان سايىن كوبەيدى.
”كوپىر ۇستىندە كورىنىستى تاماشالاپ تۇرعان ءسىزدى عيماراتتان كورىنىس تاماشالاپ تۇرعاندار كورىپ تۇرادى“. ءاربىر ”جىلجىمالى كورىنىس“تەر وركەنيەتتى سالتتى تاراتۋدا، ءبارى دە توڭىرەكتەگى ساياحاتشىلارعا تۋرا پسيحيكالىق ەمەۋرىن اڭداتىپ، سول ارقىلى وركەنيەتتىڭ ءبىر ءتۇرلى سانالى ادەتىن قالىپتاستىرىپ، ءتىپتى كوپ ادامدى ساياحات بارىسىندا وركەنيەت تاراتۋعا جەتەكتەيدى.
ساياحات بارىسىنداعى ”جىلجىمالى كورىنىس“تىڭ كوبەيۋى ساياحاتشىنىڭ جەكە ءوز باسىنىڭ ساپاسى جوعارىلاعاندىعىن كورسەتىپ عانا قالماستان، قوعامدىق وركەنيەت ورەسىنىڭ دە تۇلعالىق جاقتان وسكەندىگىن ايگىلەيدى. ساياحاتقا اتتانعان شاعىمىزدا ءوزىمىزدىڭ دە ساياحاتتاعى ”جىلجىمالى كورىنىس“ ەكەنىمىزدى استە ۇمىتپالىق.
(”لەپتى لەبىز“ ماقالا قابىلداۋ حات ساندىعى: xjrbplb@126.net/)
