تيانشان تورى   ›   جاڭالىقتار   ›   ساياحات

”1 - مامىر“ دەمالىسى كەزىندە شينجياڭنىڭ ساياحاتى قىزۋ ورلەۋگە كوتەرىلدى

جيىنى 3 ميلليون 378 مىڭ 200 ساياحاتشى (رەت) قابىلدادى ساياحات كىرىسى 2 ميلليارد 384 ميلليون يۋانعا جەتتى

  ءتىلشى ياۋ گاڭ 5 - ايدىڭ 4 - كۇنى ۇرىمجىدەن حابارلايدى. 3 - جاق سەرىكتەستىكتىڭ تەكسەرۋ ساناعى بويىنشا، ”1 - مامىر“ دەمالىسى كەزىندە بۇكىل شينجياڭ جيىنى 3 ميلليون 378 مىڭ 200 ساياحاتشى (رەت) قابىلداعان، ساياحات كىرىسى 2 ميلليارد 3844 ميلليون يۋانعا جەتكەن، شينجياڭنىڭ ساياحات بازارى ءۇرتىس قىزۋ ورلەۋگە كوتەرىلدى.

  تانىستىرۋعا قاراعاندا، 2018 - جىلعى ”1 - مامىر“ دەمالىسى 3 كۇن، 2019 - جىلعى ”1 - مامىر“ دەمالىسى 4 كۇن بولعاندىعى سەبەپتى، 3 كۇندى سالىستىرۋعا بولاتىن ولشەم ەتكەندە، 2019 - جىلى 5 - ايدىڭ 1 - كۇنىنەن 3 - كۇنىنە دەيىن بۇكىل شينجياڭ ساياحات بويىنشا 2 ميلليون 570 مىڭ 200 ادام (رەت) قابىلداپ، بىلتىرعى سايكەس مەزگىلدەگىدەن %42.82 ارتقان، ساياحات كىرىسى ءبىر ميلليارد 817 ميلليون يۋانعا جەتىپ، بىلتىرعى سايكەس مەزگىلدەگىدەن% 52.56 ارتقان.

  جەكە اۆتوكولىگىمەن ساياحاتتاۋ كوپتەگەن ساياحاتشىنىڭ ءبىرىنشى تالعامىنا اينالدى. 5 - ايدىڭ 2 - كۇنى شىنجىن، حۋنان، لياۋنيڭ سياقتى جەرلەردەن كەلگەن 20 نەشە ۇيشە اۆتوكولىك قۇمىل قالاسىنىڭ يجوۋ رايونىنان جولعا شىعىپ، 2 - كەزەكتى ”ۇيشە اۆتوكولىكپەن شينجياڭدى ارالاۋ“ قيمىلىنىڭ بەتاشارىن اشتى. ءپىشان اۋدانىنىڭ قۇمتاۋ ءشولى كورىنىس ءوڭىرى جەكە اۆتوكولىگىمەن كەلگەن قىرۋار ساياحاتشىنى قارسى الدى. قۇم تاۋعا شىعۋ، تۇيە ءمىنۋ، قۇمدا تولقىن قۋۋ، قۇمدى دالادا تۇنەۋ سياقتى قيمىلدار ساياحاتشىلاردىڭ قۇمدى شولدە اسىر سالىپ ويناۋىنا مۇمكىندىك جاراتتى. 5 - ايدىڭ 1 - كۇنىنەن 3 - كۇنىنە دەيىن، كورىنىس ءوڭىرى 60 مىڭعا تاياۋ ساياحاتشى قابىلداپ، جالپى كىرىسى ءبىر ميلليون 450 مىڭ 800 يۋانعا جەتىپ، بىلتىرعى سايكەس مەزگىلدەگىدەن جەكە - جەكە %278.88، %113.33 ارتقان.

  گۇل تاماشالاپ سەيىل - سەرۋەن قۇرۋ ساياحاتى قىزۋ قارسى الىندى. بۇراتالا قالاسىنىڭ 10 مىڭ مۋلىق تاس الما ەكولوگيالىق باقشاسىنداعى تاس الما گۇلى جايقالا اشىلىپ، قاراعان كوزگە تاۋ - دالانى قاپتاعان تاس الما گۇلى كورىنىپ، جۇرتتى شەكسىز قۋانىشقا بولەدى. 5 - ايدىڭ 1 - كۇنى بۇراتالا قالاسىنىڭ تۇڭعىش كەزەكتى تاس الما مادەنيەت ساياحات مەرەكەسى بۇكىل شينجياڭ بويىنشا اۋماعى ەڭ ۇلكەن وسى ءبىر جاساندى تاس الما ورمانىندا وتكىزىلدى. سالت - سانا ويىندارى، حاتكەرلىك - سۋرەت تۋىندىلارى كورمەسى، تاس الماعا قاتىستى عىلىمداردى جالپىلاستىرۋ كورمەسى، بۇراتالانىڭ تارتۋ - تارالعىلارى كورمەسى سياقتى الۋان ءتۇرلى فورماداعى قيمىلدار كوپتەگەن جەرگىلىكتى بۇقارانى جانە ساياحاتشىلاردى تاماشالاۋعا، سەيىل - سەرۋەن قۇرۋعا باۋرادى.

  ۋجياچۇي چيڭگىداحۋ ساياحات كورىنىس وڭىرىندەگى ءبىر ميلليون 800 مىڭ ءتۇپ الۋان ءتۇستى قىزعالداق گۇل تەڭىزىن قالىپتاستىرىپ، كوپتەگەن ساياحاتشىنى باۋرادى. ”ءار جىلى وسى مەزگىلدە قىزعالداق تاماشالاۋعا كەلەمىن، قىزعالداقتىڭ ءتۇرى جانە ءتۇسى بارعان سايىن مولايىپ كەلەدى، ساياحاتشىلار دا بارعان سايىن كوبەيدى“، - دەيدى ءۇرىمجى قالاسىنىڭ تۇرعىنى جيا حى.

  بيڭتۋان 12 - شىسىنىڭ سانپيڭ ەگىس الاڭىنداعى ”ازيا كىندىگى گۇل تەڭىزى“ تاقىرىپتىق باقشاسىندا لوياڭنان ەنگىزىلگەن 8 ۇلكەن تۇستەگى 30 مىڭ ءتۇپ مۋدان گۇلى قۇلپىرا اشىلدى. باقشادا ەگىلگەن لۋبيڭحۋا، قىزعالداق، شۇعىنىق، بيڭجۇي (مۇز كۇرەڭكەي) سياقتى 40تان استام تۇردەگى تاماشالاۋعا ارنالعان گۇلدەر جارىسا قۇلپىرا اشىلىپ، جۇرتتى گۇلدەردى تاماشالاۋعا، كوڭىل اشۋعا باۋرادى.

  جەر - جەردىڭ باي مازمۇندى ساياحات مەرەكەسىن قۇتتىقتاۋ قيمىلدارى كوپتەگەن ساياحاتشىلاردى باۋرادى. 5 - ايدىڭ 1 - كۇنى لوپنۇر اۋدانىنىڭ 7 - كەزەكتى لوپنۇرلىقتار سالت - سانا قاقتاما مەرەكەسى لوپنۇرلىقتار قورجاسى كورىنىس وڭىرىندە جانە داشي قىستاعىنىڭ نان ساۋدا كوشەسىندە ءبىر ۋاقىتتا وتكىزىلدى. مەرەكە باستالعان كۇنى لوپنۇرلىقتار قورجاسى كورىنىس وڭىرىندەگى ەجەلگى ادىسپەن بالىق قاقتاۋ، اياقپەن قوزعالتاتىن قايىق جارىسى، قۇمدى شولدە بالىق اۋلاۋ، قۇمدى شولدە قازىنا ىزدەۋ، ”قۇمدى ءشول كەشى“ اتىنداعى مۋزيكا شادىمان كەشى سياقتى قيمىلدار 7000نان استام ساياحاتشىنى كورىنىس وڭىرىنە كەلىپ سەيىلدەۋگە جانە ءدامدى تاعامداردان ءدام تاتۋعا باۋرادى. دەمالىستىڭ 4 كۇنىندە لوپنۇر اۋدانى ساياحاتشىدان 160 مىڭ 700 ادام (رەت) قابىلداپ، ساياحات كىرىسى 18 ميلليون 520 مىڭ يۋانعا جەتتى. 5 - ايدىڭ 1 - كۇنىنەن 4 - كۇنىنە دەيىن، ءۇشتۇرپان اۋدانى ”جىبەك جولىنداعى بۇلاق قالا . ءۇشتۇرپاندا كۇتىنۋ“ اتىنداعى كەدەيلىكتەن ارىلتۋدى جەبەۋ مادەنيەت ساياحات مەرەكەسىن وتكىزدى، مەرەكە كەزىندە يانچۋانحى كورىنىس ءوڭىرى جانە شىرعاناق ورمانى كورىنىس ءوڭىرى جاياۋ ءجۇرۋ، كوركەمونەر كونسەرتى، ءدامدى تاعامدار جارمەنكەسى سياقتى قيمىلدار وتكىزدى. ”1 - مامىر“ دەمالىسى كەزىندە ءۇشتۇرپان اۋدانى ساياحاتشىدان 52 مىڭ ادام (رەت) قابىلداپ، ساياحات كىرىسى 6 ميلليون 277 مىڭ يۋانعا جەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى