شينحۋا اگەنتتىگىنىڭ 5 - ايدىڭ 4 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 4 - كۇنى تايلاند پاتشالىعىنىڭ پاتشاسى ۋاجيلالۇڭگۇڭ پاتشانىڭ تاققا وتىرعاندىعىن قۇتتىقتاپ تەلەگرامما جولدادى.
شي جينپيڭ قۇتتىقتاۋ تەلەگراماسىندا مىنالاردى ءبىلدىردى: مارتەبەلى پاتشانىڭ تاققا وتىرعان ساتىندە، مەن جۇڭگو ۇكىمەتى مەن جۇڭگو حالقى اتىنان، سونداي - اق ءوز اتىمنان ءسىزدى جانە تايلاند حالقىن شىن ىقىلاسپەن قۇتتىقتايمىن جانە ىزگى تىلەك تىلەيمىن. ءسىز جۇڭگو حالقىنىڭ بايىرعى دوسىسىز، ۇزاق ۋاقىتتان بەرى جۇڭگو مەن تايلاندتىڭ دوستىق ىستەرىنە كوڭىل ءبولىپ، قولداۋ كورسەتىپ كەلەسىز. مەن جۇڭگو مەن تايلاند قارىم - قاتىناسىنىڭ دامۋىنا وسكەلەڭ ءمان بەرەمىن، سىزبەن بىرگە قۇلشىنىپ، جۇڭگو مەن تايلاندتىڭ ءداستۇرلى دوستىعىن ۇزدىكسىز اسقاقتاتىپ، ”ءبىر بەلدەۋ، ءبىر جول“دى بىرگە قۇرۋ سەلبەستىگىن تەرەڭدەتىپ، ەكى ەلدىڭ جان - جاقتىلى ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور ىلگەرىلەۋشىلىككە قول جەتكىزۋىن جەبەۋدى قالايمىن. تايلاند پاتشالىعىنىڭ كوركەيىپ - گۇلدەنۋىن، حالقىنىڭ باقىتتى، امان - ساۋ بولۋىن تىلەيمىن.