اۋاگۇل جۇماق جارىم جىلدان بەرى، نان يلەۋ، نان جابۋ سياقتى جۇمىستارعا شەبەر بولىپ الدى. “قىزمەت اترەتىنىڭ 4 رەت ۇيگە كەلىپ، مەنىڭ قىزمەت تابۋىما كومەكتەسكەنىنە العىس ايتامىن، ولار قول ۇشىن بەرمەگەندە، تۇرمىسىم جاقسارا تۇسپەگەن بولار ەدى“،-دەدى اۋاگۇل.
4 ـ ايدا، اقسۋ ايماعى ٴۇشتۇرپان اۋدانى وتباسى اۋىلى الاساي قىستاعىندا كوكتەمنىڭ جانعا جايلى جىلى لەبى ەسىپ، ءىشىنارا قىستاق تۇرعىندارى اتىز باسىنداعى ەگىس جۇمىستارىنىڭ قاربالاستىعىنا تۇسسە، كەيبىرى سىرتقا شىعىپ جۇمىس ىستەۋگە جول الدى، ال تاعى بىرەۋلەرى قىستاقتاعى زاۆودتاردا جۇمىس ىستەي باستادى.
37 جاستاعى اۋاگۇل الاساي قىستاعىنداعى ءوز ەڭبەگىنە سۇيەنىپ، باقىت جاراتقانداردىڭ ءبىرى، قىزمەت اترەتىنىڭ قايتا-قايتا دەم بەرىپ، قولداۋ كورسەتۋىنىڭ ارقاسىندا، اۋاگۇل قاراپايىم ءبىر ديقاننان جۇمىسشىعا اينالىپ، تۇراقتى كىرىسكە قولى جەتتى.
ليۋ كىشين قىزمەت اترەتىنىڭ مۇشەلەرىمەن بىرگە تالداۋ جاساعاننان كەيىن: قىستاقتىڭ نان جابۋ زاۆودىنا بارىپ جۇمىس ىستەۋ ديقانداردىڭ وتباسى جۇمىسىنا ىقپال كورسەتپەيدى، الايدا ولار باس تارتتى، مۇنداعى سەبەپ ولاردىڭ كىرىستەرىن ارتتىرۋ تىلەگى كۇشتى ەمەس، كەدەيلەردى سۇيەمەلدەۋدە، ەڭ الدىمەن ولاردىڭ جىگەرىن شىڭداۋ ءتيىس،-دەپ ءتۇيدى. اۋاگۇلدى نان زاۆودىنا بارىپ جۇمىس ىستەۋگە كوندىرۋ ءۇشىن، ليۋ كىشين قىزمەت اترەتىن باستاپ اۋاگۇلدىڭ ۇيىنە 3 رەت بارىپ، يدەيالىق قىزمەت ىستەدى. ولاردىڭ قۇلشىنۋلارىنىڭ ارقاسىندا اۋاگۇل اقىرى نان زاۆودىنا بارۋعا كونەدى. قىزمەت اترەتىنىڭ مۇشەلەرى نان زاۆودىنىڭ جاۋاپتىسىمەن دەرەۋ حابارلاسىپ، كەلەسى كۇنى-اق جۇمىسقا ورنالاستىرادى.
جارىم جىلدان اسا ۋاقىت ءوتتى، اۋاگۇلدىڭ قىزمەتى مەن تۇرمىسىندا زور وزگەرىستەر بولدى، ول جۇمىسىن كۇش سالا ىستەپ، ەڭ ۇزدىك قىزمەتكەرلەردىڭ بىرىنە اينالدى، اي سايىن سيلىق اقشا الدى، ايلىق ەڭبەكاقىسى 2000 يۋان اينالاسىندا بولىپ، وتباسىنىڭ قيىنشىلىعى شەشىلىپ، «ەكىدە تارىقتىرماۋ، ۇشتە قامتاماسىز ەتۋ» ولشەمىنە جەتتى.
ۇعىسۋعا قاراعاندا، وتكەن 2 جىلدا الاساي قىستاعىنىڭ 95 وتباسىنداعى 354 ادام كەدەيلىكتەن قۇتىلىپتى.
