تيانشان تورى   ›   جاڭالىقتار   ›   شينجياڭ حابارلارى

عىلمي زەرتتەۋ جەتىستىگىن بايتاق دالاعا جازدى

  − جۇڭگو عىلىم اكادەمياسى شينجياڭ فيزيكا - حيميا تەحنيكالىق زەرتتەۋ ورنىنىڭ تەتە اعا زەرتتەۋشىسى نۇربولات ايدارقان جايىندا

  ءتىلشى شيە حۇيبيان

  4 - ايدىڭ 27 - كۇنى تاڭ اعارا بەرە جۇڭگو عىلىم اكادەمياسى شينجياڭ فيزيكا - حيميا تەحنيكالىق زەرتتەۋ ورنىنىڭ تەتە اعا زەرتتەۋشىسى نۇربولات ايدارقان موتوتسيكلىن ءمىنىپ، قاراقاش اۋدانى اۋىل شارۋاشىلىعى عىلىم - تەحنيكا باقشاسىنا كەلدى. باقشادا جەتىلدىرىلگەن راۋشان گۇلى قالامشالارىنىڭ كۇننەن - كۇنگە جاقسى ءوسىپ كەلە جاتقانىن كورىپ، ول ىشكى تەبىرەنىسىن باسا المادى.

  ”جاڭا ءادىس بويىنشا كەلەر جىلى راۋشان گۇلى قالامشاسىنىڭ سانىن 100 مىڭنان اسىرۋعا بولادى، سوندا گۇل قالامشاسىنىڭ وزىندىك قۇنى ءار تۇبىنە بۇرىنعى 2 − 3 يۋاننان ءبىر يۋانعا تومەندەيدى. وزىندىك قۇن تومەندەسە، ەگەتىن ادامدار كوبەيەدى“، - دەيدى نۇربولات.

  وتباسىلارىن ارالاپ، قىستاق تۇرعىندارىنىڭ جۇرەك قالاۋىن ءبىلدى

  2016 - جىلى نۇربولات جۇڭگو عىلىم اكادەمياسى شينجياڭ فيزيكا - حيميا تەحنيكالىق زەرتتەۋ ورنىنىڭ قاراقاش اۋدانى جاھانباق اۋىلى ايماق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ءبىر مۇشەسى بولدى. ”ول كەزدە ايماق قىستاعىنداعى تۇرعىنداردىڭ جارتىسى كەدەي ەدى، ادامنىڭ كوپ، جەردىڭ از بولۋى كەدەيلىكتىڭ ءبىر سەبەبى ەكەن“، - دەيدى نۇربولات.

  وتباسىلاردى ارالاۋ بارىسىندا ول راۋشان گۇلىنەن جاسالعان راۋشان گۇلى توسابى، راۋشان گۇلى توساپ نانى سياقتىلاردىڭ ەرەكشە قارسى الىناتىنىن، ءبىراق راۋشان گۇلىن ەگۋدىڭ وزىندىك قۇنى جوعارى، تەحنيكالىق قيىندىعى جوعارى، ونىمدىلىگى باياۋ بولعاندىعى سەبەپتى، قىستاق تۇرعىندارىنىڭ كوبىنىڭ ونى ەگۋگە باتىلى بارمايتىندىعىن بايقايدى. عىلمي زەرتتەۋ قىزمەتكەرى بولعان سوڭ، نۇربولات تەحنيكا ۇيرەتۋ ارقىلى قىستاق تۇرعىندارىنىڭ راۋشان گۇلىن ەگىپ، كەدەيلىكتەن ارىلىپ، بايۋىن جۇزەگە اسىرۋىنا كومەكتەسۋدى ويلايدى.

  ”باسىندا ءۇي - ءۇيدى ارالاپ قىزمەت ىستەدىم، ءبىراق ەشكىمنىڭ ەگۋگە زاۋقى سوقپادى“، - دەيدى نۇربولات − سونىمەن سىناق رەتىندە ەگىپ، قىستاق تۇرعىندارىنا كورسەتۋگە بەل بايلادىم.

  سونىمەن قىزمەت اترەتى 3 مۋ جەر شىعارىپ، راۋشان گۇلى قالامشاسىن ەگىپ، ەكىنشى جىلى گۇل اشقان سوڭ 5000 نەشە يۋانعا ساتتى. ”ورتاشا ەسەپپەن ءبىر مۋ جەر ءبىر كەدەي وتباسىن كەدەيلىكتەن ارىلتا الادى“، - دەيدى نۇربولات − كەيىن قىستاق تۇرعىندارىنان ەگىپ سىناپ كورگىسى كەلەتىندەر شىقتى.

  ءبىراق جاڭا ماسەلە تاعى كەسە - كولدەنەڭ بولدى، بازارداعى راۋشان گۇلى قالامشالارىنىڭ وزىندىك قۇنى تىم جوعارى بولعاندىقتان، كوپتەگەن قىستاق تۇرعىندارى تاعى جۇرەكسىنىپ قالدى. سونىمەن نۇربولات عىلمي تاقىرىپ گرۋپپاسىن باستاپ، راۋشان گۇلى قالامشاسىن جەتىلدىرۋدىڭ جاڭا ءادىسى جونىندە ىزدەنىس جاساي باستادى.

  قيىن ماسەلەنى شەشىپ، قىستاق تۇرعىندارىنىڭ سۇرانىسىن قاناعاتتاندىردى

  باقىلاۋعا قولايلى بولۋ ءۇشىن، نۇربولات قىزمەت اترەتى تۇرعان جەردىڭ جانىنان تاعى 3 فىن جەر اجىراتىپ، شاعىن لاپاس سالىپ، قىزمەت ارەدىگىنەن پايدالانىپ تاجىريبە جاسادى. ول تاجىريبە تابىستى بولعان سوڭ جىلىجايعا كوشىرىپ ەگىپ سىناپ كورۋدى، ونان كەيىن جالپىلاستىرۋدى جوسپارلادى.

  قايتا - قايتا سىناق جاساپ ءجۇرىپ، نۇربولات اقىرى تابىسقا جەتتى. 3 جىلعا جۋىق ۋاقىتتا ول عىلمي تاقىرىپ گرۋپپاسىن باستاپ، قالامشا ءوسىرۋدىڭ جيىنى 4 ءتۇرلى ءادىسىن تاپتى. مۇنىمەن قويماي، قىستاق تۇرعىندارىنىڭ ەگۋ ونىمدىلىگىنىڭ بارىنشا جوعارى بولۋىنا كەپىلدىك ەتۋ ءۇشىن، ول عىلمي تاقىرىپ گرۋپپاسىن باستاپ ىزدەنىس جاساپ، راۋشان گۇلى قالامشاسىن ارالاستىرىپ ەگۋ ۇلگىسىن تاپتى. ”ەگىلگەن راۋشان گۇلى قالامشالارىنىڭ اراسى الىس، الدىڭعى مەرزىمدەگى قالامشالار كىشكەنە بولادى، وعان ءبيداي، جۇگەرى سياقتىلاردى ارالاستىرىپ ەكسە، بالەندەي ىقپالى بولمايدى“، - دەيدى نۇربولات.

  قىستاق تۇرعىنى ياسىن تۇرسۇنتوحتى 2018 - جىلى 6 مۋ جەرگە راۋشان گۇلىن ەگىپ، ءبيداي مەن ۋسارىمساقتى ارالاستىرىپ ەگىپ، ۋسارىمساقتان 20 مىڭ يۋان كىرىس كىرگىزىپتى. بيىل ول تاعى دا ارالاستىرىپ ەگۋدى تاڭداعان. ”كەلەر جىلدان باستاپ، راۋشان گۇلى شەشەك اتۋ مەزگىلىنە وتەدى، ءار مۋىنان 4000 يۋان كىرىس كىرەدى دەپ مەجەلەپ وتىرمىن“، - دەيدى ياسىن.

  ياسىننىڭ باستاۋىندا راۋشان گۇلىن ەگەتىن قىستاق تۇرعىندارى بارعان سايىن كوبەيدى. قازىر جۇڭگو عىلىم اكادەمياسى شينجياڭ فيزيكا - حيميا تەحنيكاسىن زەرتتەۋ ورنىنىڭ قىستاقتا تۇرعان قىزمەت اترەتى جاھانباق اۋىلىندا راۋشان گۇلىن ەگۋدى 200 مۋدان استام جەرگە جالپىلاستىردى.

  جەردىڭ قۇنىن جوعارىلاتىپ، قىستاق تۇرعىندارىنا پايدا جەتكىزدى

  2016 - جىلى شينجياڭ فيزيكا - حيميا تەحنيكاسىن زەرتتەۋ ورنى قاراقاش اۋدانىندا 100 مۋلىق شينجياڭ ەرەكشەلىگىنە يە ءدارى ماتەريالدارىن ەگۋ بازاسىن قۇرىپ، قازىرگە دەيىن 32 ءتۇرلى ەرەكشە ءدارى ماتەريالىن ەنگىزدى ءارى جالپىلاستىرۋعا، ەگۋگە لايىقتى 10 نەشە ءتۇرلى ءدارى ماتەريالىن تاڭداپ شىقتى.

  ”راۋشان گۇلىنە ءدارى ماتەريالىن ارالاستىرىپ ەگۋگە بولادى، سوندا قىستاق تۇرعىندارىنىڭ كىرىسى ءتىپتى جوعارى بولادى“. تەحنيكادان پايدالانىپ، قىستاق تۇرعىندارىنىڭ ازعانتاي جەرىن اناعۇرلىم كوپ اقشاعا جاراتۋ عىلمي زەرتتەۋ قىزمەتكەرلەرىنىڭ قاجىماس تالپىنىسى ەسەپتەلەدى، - دەدى نۇربولات. بۇل ءۇشىن نۇربولات تالاي شارۋا تەحنيكتەردى باۋلىپ شىقتى.

  اناعۇرلىم كوپ عىلىم - تەحنيكا جەتىستىكتەرىن بايتاق دالاعا جازۋ − نۇربولاتتىڭ بۇرىننان بەرگى تالپىنىسى، وسى ءۇشىن ول تالاي ماراپاتقا يە بولدى. 2010 - جىلى نۇربولات اۆتونوميالى رايوندىق وزات قىزمەتكەر؛ 2016 - جىلى اۆتونوميالى رايوننىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىندەگى وزات قىزمەتكەر بولىپ باعالاندى. ”عىلمي زەرتتەۋ جەتىستىكتەرى بۇقارانىڭ سۇرانىسىن شىنايى قاناعاتتاندىرعاندا عانا قۇنعا يە بولادى“. بولاشاقتا شينجياڭ ەرەكشەلىگىنە يە اناعۇرلىم كوپ ءدارى ماتەريالدارىن تاۋىپ، تەحنيكاعا سۇيەنىپ ەگۋدى جالپىلاستىرىپ، كاسىپ سالالاندىرىپ دامىتۋدى جۇزەگە اسىرىپ، اناعۇرلىم كوپ قىستاق تۇرعىندارىن پايداعا كەنەلتۋدى ارماندايمىن، - دەيدى نۇربولات.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس