− باۋديڭ شۋەيۋانىنان وقۋ تاۋىسىپ باتىس بولىككە وقۋ - اعارتۋعا كومەككە كەلگەن وقۋشىلاردىڭ چەرشەندە تامىر تارتىپ، ءبىلىم بەرىپ ادام تاربيەلەگەندىگى تۋرالى
ءتىلشى سۇڭ ياۋىن
ءبىر توپ ادام كەرەك - جاراعىن كوتەرىپ، ارمان ارقالاپ، ءۇي ىشىنە قوش ايتىپ، تۋىپ وسكەن مەكەندەرىنەن باتىس سولتۇستىك شەكارا وڭىرگە كەلدى. ولار باتىس بولىككە جىڭعىلداي تامىر تارتىپ، كەڭ - بايتاق ءشول - جازيراعا شەكسىز تىرشىلىك كۇشىن سيلادى. بۇلار − باۋديڭ شۋەيۋانىنان وقۋ تاۋىسىپ باتىس بولىككە وقۋ - اعارتۋعا كومەككە كەلگەن وقۋشىلار ەدى.
19 جىلدىڭ الدىندا، حىبەي باۋديڭ شۋەيۋانىنان وقۋ تاۋىسقان 15 وقۋشى پويەزبەن باتىسقا جول الىپ، بايىنعولين موڭعۇل اۆتونوميالى وبلىسىنىڭ چەرشەن اۋدانىنا كەلدى. قازىر ولار چەرشەندە تامىر تارتىپ، وزدەرىنىڭ ەڭ تاماشا جاستىق ورالىن چەرشەن اۋدانىنداعى بالالارعا ارناپ، ءار ۇلت بالالارىنىڭ توپ - توبىمەن ءشول - جازيرادان سامعاپ شىعۋىنا كومەكتەستى. سونىمەن بىرگە، ولار وسى جەردە وزدەرىنىڭ قۇنىن ايگىلەپ، ماحابباتتىڭ بال ءدامىن تاتىپ، بالا شاقتاعى ارماندارىن ورىندادى.
چەرشەن − مەنىڭ جانۇيام
4 - ايدىڭ 30 - كۇنى 2019 - جىلعى جوعارى مەكتەپ ەمتيحانىنا 40 كۇنگە جەتپەيتىن ۋاقىت قالدى. سول كۇنى ساعات 20 دا، چەرشەن اۋداندىق 2 - ورتا مەكتەپ 3 - جىلدىق 10 - كلاسىنىڭ كلاس جەتەكشىسى ديڭ جيانشين كەشكى اسىن ىشە سالا اسىعىس - ۇسىگىس ساباقحاناعا قايتىپ كەلىپ، وقۋشىلارعا سىناۋ قاعازىنداعى سۇراۋلاردى تۇسىندىرە باستادى. ”وقۋشىلاردىڭ پىسىقتاۋى ەڭ سوڭعى كەزەڭگە قادام قويدى، مەن ولاردىڭ جانىندا بولىپ، قيىن، كۇردەلى سۇراۋلاردى ءتۇسىندىرىپ كەلەمىن“، - دەدى ديڭ جيانشين.
باۋديڭ شۋەيۋانىنان 1 - توپتا چەرشەنگە وقۋ - اعارتۋ بويىنشا كومەككە كەلگەن وقىتۋشى رەتىندە، ديڭ جيانشيننىڭ چەرشەنگە كەلىپ قىزمەت ىستەپ، تۇرمىس كەشىرگەنىنە 19 جىل بولدى، ول وسى جەرگە ابدەن ءسىڭىپ كەتتى، ونىڭ سوزىمەن ايتقاندا، ”چەرشەن − مەنىڭ ءۇيىم“.
2000 - جىلى ديڭ جيانشين حىبەيدەگى قىزمەت ورايىن تاستاپ، شينجياڭعا باراتىن پويەزعا شىقتى. 19 جىلدان بەرى ديڭ جيانشين ىقىلاسى مەن سۇيىسپەنشىلىگىن چەرشەنگە ارناپ، ءبىلىم ارقىلى 1000نان استام وقۋشىنى تاكلاماكان شولىنەن اتتاندىرىپ، چەرشەننىڭ دامۋىنا ءوز ۇلەسىن قوستى. الايدا ول اكە - شەشەسى مەن تۋىستارىنىڭ الدىندا قاتتى قىنجىلادى. ”وسىنشا كوپ جىلدان بەرى كوكتەم مەرەكەسىن اكە - شەشەمنىڭ جانىندا ءبىر - اق رەت وتكىزگەن ەكەمىن“. جاسى ەگدەلەگەن اكە - شەشەسىن اۋىزعا العاندا، ديڭ جيانشين قىستىعىپ اۋزىنا ءسوز تۇسپەي قالدى.
قازىر ديڭ جيانشين مەن ايەلى چەرشەندە ورنىقتى تۇرمىس كەشىرىپ جاتىر. ولاردىڭ ىقپالىندا 2018 - جىلى ديڭ جيانشيننىڭ نەمەرە قىزى مەن بولە ءىنىسى دە چەرشەنگە كەلىپ وقىتۋ قىزمەتىمەن اينالىسىپ، چەرشەننىڭ وقۋ - اعارتۋ ىسىنە ءۇن - ءتۇنسىز ۇلەس قوسۋدا.
ۇستاز بەن شاكىرت اراسىنداعى سۇيىسپەنشىلىك جۇرەكتەردى تەربەدى
باۋديڭ شۋەيۋانىنان وقۋ تاۋىسىپ باتىس بولىككە وقۋ - اعارتۋ بويىنشا كومەككە كەلگەن حوۋ چاۋرۋدىڭ وزىنە جاساعان قامقورلىعى جوۋ ۋىنفيدىڭ ءالى ەسىندە، حوۋ چاۋرۋدىڭ جاساتىپ بەرگەن كوزىلدىرىگىن ءالى كۇنگە دەيىن ساقتاپ كەلەدى. ”وسى كوزىلدىرىك ماعان بولاشاق جولىمدى انىق كورسەتتى“، - دەدى جوۋ ۋىنفي.
ورتا مەكتەپتىڭ 3 - جىلدىعىنداعى كەزىندە كورۋ قۋاتى تومەن بولعاندىقتان، جوۋ ۋىنفيدىڭ وقۋ ناتيجەسى قۇلدىراپ كەتەدى، بۇل حوۋ چاۋرۋدىڭ نازارىن اۋدارادى. حوۋ چاۋرۋ جوۋ ۋىنفيگە ءبىر كوزىلدىرىك ساتىپ اپەرەدى. وقىتۋشىنىڭ قولىنان كوزىلدىرىكتى العاندا، جوۋ ۋىنفي اسەرلەنگەنىنەن كوزىنە جاس الادى. 2013 - جىلى شينجياڭ پەداگوگيكا داشۋەسىنەن وقۋ تاۋىسقان سوڭ جوۋ ۋىنفي چەرشەنگە ورالىپ، بوبەكتەر تاربيەشىسى بولدى، ”مەن حوۋ مۇعالىمنان ۇيرەنىپ، چەرشەندەگى بالالارعا سۇيىسپەنشىلىك ارناۋىم كەرەك“، - دەيدى ول.
چەرشەندە حوۋ چاۋرۋ مەن جوۋ ۋىنفيدىڭ اڭگىمەسى سياقتى ىستەر كوپ.
چەرشەن اۋداندىق 2 - ورتا مەكتەپتىڭ ماتەماتيكا وقىتۋشىسى ليۋ يانحۇڭ وقۋشىلارى ۇسىنعان كارتچكانى ءالى كۇنگە دەيىن ساقتاپ ءجۇر. وقۋشىلارىن ساعىنعاندا كارتچكانى الىپ شىعىپ كورەدى.
2004 - جىلى 8 - ايدا باۋديڭ شۋەيۋانىنان وقۋ تاۋىسقان ليۋ يانحۇڭ ءوزىنىڭ الدىنداعى مەكتەپتەس اعا - اپەكەلەرىنىڭ ءىزىن باسىپ چەرشەن اۋداندىق 2 - ورتا مەكتەپكە كەلىپ وقىتۋشى بولادى. ون نەشە جاس بالالاردىڭ ەڭ تەنتەك كەزدەرى، ول تالاي رەت اشۋدان ساباقحانادان كەڭسەگە جىلاپ كەلدى، ءبىراق جاسىن قۇرعاتىپ العان سوڭ تاعى ساباعىن وتە بەرەدى. وقۋشىلاردىڭ ماتەماتيكا نەگىزى ءالسىز بولعاندىقتان، ليۋ يانحۇڭ نەگىزدەن باستاپ ءبىر - بىردەن سويلەدى، وقۋشىلاردىڭ تۇسىنبەگەن جەرلەرىن قايتا - قايتا ءتۇسىندىردى.
ليۋ يانحۇڭ بىلاي دەدى: تەك وقىتۋشىلىق جاۋاپكەرشىلىك قانا ەمەس، اسىرەسە، وقۋشىلارعا دەگەن ماحابباتتىڭ ارقاسىندا قىزمەتىمدى تاباندىلىقپەن جالعاستىردىم.
جول ۇزاق بولعانىمەن، جاۋاپكەرشىلىك ارقامىزدا
سۇن تۇڭتۇڭ − حىبەي باۋديڭ شۋەيۋانىنان وقۋ تاۋىسىپ چەرشەنگە وقۋ - اعارتۋ بويىنشا كومەككە كەلگەن ەڭ جاس وقىتۋشىلاردىڭ ءبىرى. 2017 - جىلى 8 - ايدا سۇن تۇڭتۇڭ ىشكى ولكەدەگى قىزمەتىن تاستاپ شينجياڭعا كەلدى. ”مەكتەپتەگى كەزىمدە وزىمنەن بۇرىن وقىعان اعا - اپەكەلەرىمنىڭ ىزگى ىستەرىن ەستىگەن ەدىم، ولار مەنىڭ ۇلگىم“، - دەدى سۇن تۇڭتۇڭ.
جاڭا وقىتۋشىلاردىڭ قىزمەتكە تەزىرەك جەتىلۋىنە مۇمكىندىك جاساۋ ءۇشىن چەرشەن اۋداندىق 2 - ورتا مەكتەپ ”چيڭلان ينجەنەرياسى“ن اتقارىپ، ساقا وقتىۋشىلار جاڭا وقىتۋشىلاردى جەتەكتەدى. ماماندىعى ۇقسايتىندىقتان، سۇن تۇڭتۇڭ مەكتەپتەس اپەكەسى حوۋ چاۋرۋدىڭ كومەگىندە ساباق دايىنداۋ، ساباق ءوتۋ، كلاستاردى باسقارۋ، جەتەكشىلىك ەتىپ، ءجون سىلتەۋ سياقتى وقىتۋ شەبەرلىگىن تەز يگەردى، سونداي - اق كوپ مەديا، ساباقحاناداعى ءوزارا ىقپالداستىق فورمالارىن قولدانىپ، تاريح ساباعىنا اناعۇرلىم كوپ جاڭا ماعىنا قوستى.
سۇن تۇڭتۇڭ: ”چەرشەنگە وقۋ - اعارتۋعا كومەككە كەلۋدى تاڭداعان ەكەنمىن، تاباندىلىقپەن جالعاستىرۋىم كەرەك، بۇل مەنىڭ جاۋاپكەرشىلىگىم، وقۋشىلارعا جاۋاپتى بولۋىم كەرەك“، - دەدى. جاستىق ورالدارىن ءشول - جازيراعا ارنادى، جاستىق ورالدارىن چەرشەنگە ارنادى. قازىرگە دەيىن چەرشەن اۋداندىق 2 - ورتا مەكتەپتە باۋديڭ شۋەيۋانىنان وقۋ تاۋىسىپ باتىس بولىككە وقۋ - اعارتۋ بويىنشا كومەككە كەلگەن 27 وقىتۋشى بار، ولار جاستىقتىڭ تەرىن چەرشەننىڭ دالاسىنا توگىپ، ءشول - جازيراداعى بالالارعا ءۇمىتتىڭ قاناتىن بايلادى.