اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ القاسى كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتىلگەن ماسەلەلەردى رەتتەۋ - تۇزەتۋ جونىندە ارناۋلى تاقىرىپتا دەموكراتيالىق تۇرمىس جيىنىن اشتى
ىرىقتىلىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەيىك
ءتىلشى جاۋ جىيۇن 5 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ماقۇلداۋىمەن، 5 - ايدىڭ 5 - كۇنى اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ القاسى ءبىر كۇندىك ۋاقىتپەن، كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتىلگەن ماسەلەلەردى رەتتەۋ - تۇزەتۋ جونىندە ارناۋلى تاقىرىپتا دەموكراتيالىق تۇرمىس جيىنىن اشتى. جيىن ”ساياسي دەڭگەيدى جوعارىلاتىپ، ساياسي جاۋاپكەرشىلىكتى ناقتىلاندىرىپ، جاپپاي رەتتەۋ - تۇزەتۋگە شىنايى كەپىلدىك ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ“دى نەگىزگى تاقىرىپ ەتىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىنىڭ جانە شارلاۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، نازاردى شارلاۋدا اڭىس ەتىلگەن پىكىرلەرگە شوعىرلاندىرىپ، سىن جانە ءوز - وزىنە سىن ورىستەتىپ، ورىن تەپكەن ماسەلەلەردى مۇقيات تاۋىپ، ورتاعا سالىپ، ماسەلەلەردىڭ ءتۇپ قاينارىنا تالداۋ جاساپ، قۇلشىنۋ بەتالىسى مەن رەتتەۋ - تۇزەتۋ شارالارىن اناعۇرلىم ايقىنداپ، كەدەيلىكتەن ارىلتۋ مىندەتىنىڭ دەر كەزىندە ورىندالۋىنا شىنايى كەپىلدىك ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جيىندى باسقاردى ءارى ءسوز سويلەدى.اۆتونوميالى رايوندىق ءتارتىپ تەكسەرۋ كوميتەتىندەگى، اۆتونوميالى رايوندىق پارتكوم ۇيىمداستىرۋ بولىمىندەگى، اۆتونوميالى رايوندىق كەدەيلەردى سۇيەمەلدەۋ كەڭسەسىندەگى قاتىستى جولداستار جيىنعا قاتىناسىپ جەتەكشىلىك ەتتى.
ۇكىمەتتىڭ پارتيا باسشىلىق گرۋپپاسى وسى جولعى ارناۋلى تاقىرىپتىق دەموكراتيالىق تۇرمىس جيىنىن ويداعىداي اشۋعا بارىنشا ءمان بەرىپ، ارنايى جوبا جاسادى. جيىننىڭ الدىندا پارتيا باسشىلىق گرۋپپاسىنىڭ قۇرامىنداعىلار نازاريا ۇيرەنۋ وزەكتى گرۋپپاسىنىڭ توپتىق ۇيرەنۋى جانە وزدىگىنەن ۇيرەنۋ سياقتى تاسىلدەر ارقىلى باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارى مەن شارلاۋ قىزمەتىنە قاتىستى ماڭىزدى نۇسقاۋىنىڭ رۋحىن جان - جاقتى جۇيەلى ۇيرەندى ءارى كەڭ كولەمدە پىكىر - ۇسىنىستار الىپ، ىشكەرىلەي سىرلاسىپ، اڭگىمەلەسىپ، سالىستىرىپ تەكسەرۋ ماتەريالىن دەن قويا دايىنداپ، نازاردى شارلاۋداعى اڭىس ەتىلگەن پىكىرلەرگە شوعىرلاندىرىپ، ماسەلەلەردى ىشكەرىلەي تەكسەرىپ ورتاعا سالىپ، تۋىلۋ سەبەبىنە تالداۋ جاساپ، رەتتەۋ - تۇزەتۋ بەتالىسىن ايقىندادى.
جيىندا شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ القاسى اتىنان سالىستىرىپ تەكسەرۋ جۇرگىزدى ءارى ءوزى باستاپ جەكە سالىستىرىپ تەكسەرۋ جۇرگىزدى، ۇكىمەت پارتيا باسشىلىق گرۋپپاسىنىڭ القاسىنداعىلار ءبىر - بىردەن جەكە سالىستىرىپ تەكسەرۋ جۇرگىزىپ، لەبىز ءبىلدىرىپ، سىن جانە ءوز - وزىنە سىندى قاتاڭ، مۇقيات ورىستەتتى.
شوكىرات زاكىر قورىتىندى سوزىندە بىلاي دەپ باسا دارىپتەدى: ساياسي دەڭگەيدى شىن مانىندە ءوسىرىپ، كەدەيلىكتەن ارىلتۋدان قامال الۋ جونىندە ارناۋلى شارلاۋ ورىستەتۋدىڭ كەلەلى ماڭىزىن جەتە تانۋ كەرەك. ”ءتورت تانىم“دى شىن مانىندە كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شارلاۋدا اڭىس ەتىلگەن پىكىرلەر بويىنشا رەتتەۋ - تۇزەتۋدە، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە ىرىقتىلىقپەن جاۋاپكەرشىلىك ارقالاۋدى، بەلسەندىلىكپەن ىسكەرلىك كورسەتۋدى ويداعىداي يگەرىپ، اۆتونوميالى رايوندىق پارتكومنىڭ تالاپتارىن قاتاڭ ستيلمەن ناقتاپ تياناقتاندىرۋ، سونىمەن بىرگە جۇيەنى اناعۇرلىم تياناقتاندىرۋعا كۇش سالىپ، تۋ باستان ءتۇزىمدى كەمەلدەندىرۋ، اعاتتىقتاردى تولىقتاۋ، ۇستىنەن وڭاۋ مەن تۇبىرىنەن وڭاۋدى بىردەي جۇرگىزۋ كەرەك.
شوكىرات زاكىر بىلاي دەپ اتاپ كورسەتتى: وسى جولعى رەتتەۋ - تۇزەتۋدى وراي ەتىپ، رايونىمىزدىڭ كەدەيلىكتەن ارىلتۋدان قامال الۋ قىزمەتىنىڭ تىڭعىلىقتى ىشكەرىلەي ورىستەتىلۋىن ىلگەرىلەتۋ كەرەك. ساياسي جاۋاپكەرشىلىك ارقالاۋ كەرەك، ءىس جۇزىندىكتەن اۋىتقۋعا، ولشەمدى جوعارىلاتۋعا، اراندى اشۋعا بولمايدى ءارى كەدەيلىكتەن وتىرىك ارىلتۋعا، ولشەمدى تومەندەتۋگە، ناتيجەگە ىقپال جاساۋعا بولمايدى؛ ”ەكىدەن تارىقتىرماۋدى، ءۇشتى قامتاماسىز ەتۋ“دى ارقاۋ ەتىپ، ”التى دالمە - ءدال بولۋ“دى تياناقتاندىرىپ، ”جەتى ءبىر توپ“تى تىڭعىلىقتى ىلگەرىلەتىپ، ”ۇشتە سەرپىندى ارتتىرۋ“دى شىن مانىندە ورىنداپ، ”توعىزدى ايقىنداۋ“دى جۇزەگە اسىرىپ، ءتۇرلى شارالاردى اناعۇرلىم تياناقتاندىرۋ كەرەك؛ كەدەيلەردى سۇيەمەلدەۋ سالاسىنداعى كادرلاردىڭ ستيل قۇرىلىسىن كۇشەيتىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى تەرەڭدەتىپ، كەدەيلىكتەن ارىلتۋدان قامال الۋ قىزمەتىندەگى فورماشىلدىق پەن تورەشىلدىكتى باتىل تۇزەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە پارمەندى كەپىل ازىرلەۋ كەرەك.
