شينحۋا اگەنتتىگىنىڭ 5 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا قالا مەن اۋىلدى توعىستىرا دامىتۋ ءتۇزىلىس - مەحانيزمىن جانە ساياسات جۇيەسىن ورناتۋ، اقاۋسىزداندىرۋ جونىندەگى پىكىردى العا قويدى.
قالا مەن اۋىلدى توعىستىرا دامىتۋ ءتۇزىلىس - مەحانيزمىن جانە ساياسات جۇيەسىن ورناتۋدىڭ، اقاۋسىزداندىرۋدىڭ باستى ماقساتى جونىندە پىكىردە مىنالار العا قويىلدى: 2022 - جىلعا جەتكەندە، قالا مەن اۋىلدى توعىستىرا دامىتۋ ءتۇزىلىس - مەحانيزمى العاشقى ادىمدا ورناتىلادى. قالا مەن اۋىل فاكتورىنىڭ ەركىن اينالىمىنىڭ تۇزىمدىك وتكەلى نەگىزىنەن اشىلادى، نوپوسىن قالاعا قوندىرۋعا قويىلاتىن شەكتەمە بىرتىندەپ كۇشىنەن قالدىرىلادى، قالا مەن اۋىلدىڭ ءبىر تۇتاس قۇرىلىسقا پايدالانىلاتىن جەر بازارى نەگىزىنەن قۇرىلادى، فينانستىڭ اۋىل - قىستاقتى كوركەيتۋگە قىزمەت وتەۋ قابىلەتى كورنەكتى دارەجەدە وسىرىلەدى، اۋىل - قىستاقتىڭ مال - مۇلىكتى قورعاۋ ساۋدا ءتۇزىمى جۇلگەسى نەگىزىنەن قالىپتاسادى، نەگىزگى الەۋمەتتىك قىزمەت وتەۋدى تەڭەستىرۋ ورەسى ورنىقتى قاداممەن جوعارىلاتىلادى، اۋىل - قىستاقتى جونگە سالۋ جۇيەسى ۇزدىكسىز اقاۋسىزداندىرىلادى، ەكونوميكاسى وركەندەگەن وڭىرلەر، قالالار شوعىرى جانە قالالاردىڭ ماڭى ءتۇزىلىس - مەحانيزم رەفورماسىندا الدىمەن تابىسقا قول جەتكىزەدى.
2035 - جىلعا جەتكەندە، قالا مەن اۋىلدى توعىستىرا دامىتۋ ءتۇزىلىس - مەحانيزمى اناعۇرلىم كەمەلدەندىرىلەدى. قالا - قالاشىقتاندىرۋ تولىسۋ مەزگىلىنە قادام تاستاپ، قالا مەن اۋىلدىڭ دامۋ پارقى مەن تۇرعىنداردىڭ تۇرمىس ورەسىندەگى پارىق كورنەكتى دارەجەدە ازايتىلادى. قالا مەن اۋىلداعى ءتارتىپتى جىلجىمالى نوپوستاردىڭ قونىس جاڭالاۋ ءتۇزىمى نەگىزىنەن ورناتىلادى، قالا مەن اۋىلدىڭ ءبىر تۇتاس قۇرىلىسقا پايدالانىلاتىن جەر بازارى جاپپاي قالىپتاستىرىلادى، قالا مەن اۋىلدا جالپىعا ءتيىمدى فينانستىق قىزمەت وتەۋ جۇيەسى جاپپاي قۇرىلادى، نەگىزگى الەۋمەتتىك قىزمەت وتەۋدى تەڭەستىرۋ نەگىزىنەن جۇزەگە اسىرىلادى، قالا مەن اۋىلدى جونگە سالۋ جۇيەسى اناعۇرلىم كەمەلدەندىرىلەدى، اۋىل شارۋاشىلىعىن، اۋىل - قىستاقتى وسىزامانداندىرۋ نەگىزىنەن جۇزەگە اسىرىلادى.
وسى عاسىردىڭ ورتا شەنىنە جەتكەندە، قالا مەن اۋىلدى توعىستىرا دامىتۋ ءتۇزىلىس - مەحانيزمى قالىپتاسىپ، تۇلعالانىپ بولادى. قالا مەن اۋىلدى جاپپاي توعىستىرۋ، اۋىل - قىستاقتى جاپپاي گۇلدەندىرۋ، جالپى حالىقتى تەڭ اۋقاتتاندىرۋ نەگىزىنەن جۇزەگە اسىرىلادى. پىكىردە قالا مەن اۋىل فاكتورلارىن ۇيلەسىمدى سەپتەۋگە ءتيىمدى ءتۇزىلىس - مەحانيزمدى قالاي ورناتۋ، اقاۋسىزداندىرۋ، قالا مەن اۋىلدىڭ نەگىزگى الەۋمەتتىك قىزمەت وتەۋىنىڭ جالپىعا ءتيىمدى، تەڭ يگىلىكتەنۋگە ءتيىمدى ءتۇزىلىس - مەحانيزمىن قالاي ورناتۋ، اقاۋسىزداندىرۋ، قالا مەن اۋىلدىڭ نەگىزدىك قۇرىلعىلار قۇرىلىسىن ءبىر تۇلعالاندىرىپ دامىتۋعا ءتيىمدى ءتۇزىلىس - مەحانيزمدى قالاي ورناتۋ، اقاۋسىزداندىرۋ، اۋىل - قىستاق ەكونوميكاسىن كوپ نەگىزدەندىرىپ دامىتۋعا ءتيىمدى ءتۇزىلىس - مەحانيزمدى قالاي ورناتۋ، اقاۋسىزداندىرۋ، شارۋالار كىرىسىنىڭ ءۇرتىس ارتۋىنا ءتيىمدى ءتۇزىلىس - مەحانيزمدى قالاي ورناتۋ، اقاۋسىزداندىرۋ جانە ۇيىمدىق كەپىلدىك سياقتى جاقتارداعى قىزمەتتەر جونىندە دە ناقتى تالاپ قويىلدى.
