لي كىچياڭ رەسەي زۇڭليى مەدۆەدەۆكە حال سۇراۋ تەلەگرامماسىن جولدادى
شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 6 - كۇنى رەسەيدىڭ ءبىر جولاۋشى ۇشاعىنىڭ ماسكەۋ شەرەمەتيەۆ اۋەجايىندا شۇعىل قونۋعا ءماجبۇر بولعاندا ءورت كەتىپ، اۋىر ءولىم - ءجىتىم تۋىلعاندىعى جونىندە رەسەي زۇڭتۇڭى پۋتينگە حال سۇراۋ تەلەگرامماسىن جولدادى.
شي جينپيڭ حال سۇراۋ تەلەگرامماسىندا بىلاي دەدى: ەلدەرىڭىزدىڭ ءبىر جولاۋشى ۇشاعىنىڭ ماسكەۋ شەرەمەتيەۆ اۋەجايىنا شۇعىل قونۋعا ءماجبۇر بولعاندا ءورت كەتىپ، اۋىر ءولىم - ءجىتىم تۋىلعاندىعى جانە مال - مۇلىكتىڭ شىعىنعا ۇشىراعاندىعى جونىندە توسىن حابار ەستىدىم. مەن جۇڭگو ۇكىمەتى جانە جۇڭگو حالقى اتىنان جانە ءوز اتىمنان قازا بولعاندارعا قايعىلى ازا بىلدىرەمىن، جارالانعاندار مەن قازا بولعانداردىڭ وتباسىنداعىلاردان شىنايى حال سۇرايمىن.
سول كۇنى مەملەكەتتىك كەڭەستىڭ زۇڭليى لي كىچياڭ دا وسى جونىندە رەسەيدىڭ زۇڭليى مەدۆەدەۆكە حال سۇراۋ تەلەگرامماسىن جولداپ، قازا بولعاندارعا ازا ءبىلدىردى، جارالانعاندار مەن قازا بولعانداردىڭ وتباسىنداعىلاردان حال سۇرادى.