تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

شىنايى سۇيىسپەنشىلىك عانا حالىق جۇرەگىن جىلىتادى

  − ءۇرىمجى قالالىق عىلىم - تەحنيكا قوعامىنىڭ تيانشان رايونى باقىت جولى اۋماعىن باسقارۋ كوميتەتى باقىت باقشاسى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جاڭ زىلي تۋرالى

  ءتىلشى شيە حۇيبيان

  5 - ايدىڭ 6 - كۇنى جاڭبىر جاۋىپ باسىلعاننان كەيىن، اسپان شايداي اشىلىپ، كۇن كوز ۇيالتادى، الىستان ءالسىن - ءالسىن دۋماندى داۋىس ەستىلەدى، داۋىس شىققان جاققا بارلاپ قاراساق، ءۇرىمجى قالاسى تيانشان رايونى باقىت باقشاسى الەۋمەتتىك اۋماعىنىڭ الاڭىندا قارتتار ەكى - ۇشتەن بىرىگىپ الىپ اڭگىمەلەسىپ وتىر، بالالار الاڭنىڭ ورتاسىندا ءبىرىن - ءبىرى قۋالاپ اسىر سالىپ ويناپ ءجۇر، قاستارىندا الەۋمەتتىك اۋماق بيشىلەر توبىنىڭ بيشىلەرى بيگە جاتتىعىپ جاتىر... بارلىق ادامنىڭ جۇزىنەن باقىت لەبى ەسەدى.

  ”بۇرىنعى باقىت باقشاسى الەۋمەتتىك اۋماعىنىڭ ورتاسى ناشار، قۇرىلعىلارى كونەرىپ كەتكەن ەدى. جاڭ شۋجي كەلگەننەن كەيىن، الەۋمەتتىك اۋماقتىڭ ورتاسىندا ۇلكەن وزگەرىستەر تۋىلىپ، قازىر اتى زاتىنا ساي باقىت باقشاسىنا اينالدى“، - دەدى الاڭدا بيگە جاتتىعىپ جۇرگەن تۇرعىن جوۋ يۇيحۋا.

  ەڭ الدىمەن تۇرعىنداردىڭ قيىنشىلىعىن شەشىپ بەردى

  ”جاڭ شۋجي، 6 - مەرزىمدىك 12 - ءنومىرلى عيماراتتىڭ ەسىك الدىنا جاڭبىر سۋى جينالىپ قالىپتى، دەرەۋ تازالاۋ كەرەك بولىپ تۇر؛ الەۋمەتتىك اۋماقتا تۇرعىندار وتىرىپ دەم الاتىن ورىندىق وتە از، جاز شىققاندا قولايسىز بولعالى تۇر...“ ءار دۇيسەنبى كۇنى مەملەكەت تۋىن شىعارۋ سالتى اياقتاعاننان كەيىن، باقىت باقشاسى الەۋمەتتىك اۋماعىنىڭ تۇرعىندارى ءۇرىمجى قالالىق عىلىم - تەحنيكا قوعامىنىڭ تيانشان رايونى باقىت جولى اۋماعىن باسقارۋ كوميتەتى باقىت باقشاسى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جاڭ زىليدى ورتالارىنا الىپ ماسەلەلەردى اڭىس ەتە باستايدى. بۇل قىزمەت اترەتىنىڭ بيىل ورناتقان جاڭا ءتۇزىمى − ءبىرىنشى شۋجي ءار دۇيسەنبى كۇنى الەۋمەتتىك اۋماقتىڭ جاعداي ايتا كەلگەن تۇرعىندارىن قابىلداۋ ءتۇزىمى.

  ”كوپشىلىك بىردەن - بىردەن ايتىڭىزدار“. جاعداي ايتا كەلگەندەردى قابىلداعان كەزدە جاڭ زىلي باستان - اياق كۇلىمسىرەي وتىرىپ، ءبىر - بىرلەپ جاۋاپ قايتارادى، تاباندا جاۋاپ قايتارۋعا كەلمەيتىندەرىن قىزمەت اترەتىنىڭ بۇقارانىڭ قيىنشىلىقتارى، ءوتىنىش - تالاپتارى داپتەرىنە جازىپ الادى. قازىر بۇل داپتەرگە جازىلعان 126 ماسەلە تۇگەلدەي شەشىمىن تاپتى.

  جاڭ زىلي وتباسىلارىن ارالاپ جاعداي ۇعىسۋ ارقىلى تۇرعىنداردىڭ ۇسىنىس، پىكىرلەرىن ىرىقتىلىقپەن قابىلدايدى. 2017 - جىلى 2 - ايدا باقىت باقشاسى الەۋمەتتىك اۋماعىنا ەندى عانا كەلگەندە، كوپتەگەن تۇرعىن وعان الەۋمەتتىك اۋماقتا حالىققا قولايلى كوكونىس تىكە ساتۋ ءتۇيىنى جوق ەكەندىگىن، تۇرمىستارىنا وتە قولايسىز بولىپ جاتقانىن اڭىس ەتەدى. كەيىن، قىزمەت اترەتى حالىققا قولايلى كوكونىس تىكە ساتۋ ءتۇيىنىن قۇرۋدى ”ءبىرىنشى ينجەنەريا“ رەتىندە قارادى. جاڭ زىلي تۇرعىنداردىڭ ءوتىنىش - تالاپتارىن جيناقتاپ، ورنىن تاڭداپ تەكسەرۋ جۇرگىزىپ، اقىرى 2018 - جىلى 10 - ايدا 2000نان استام وتباسىنداعى تۇرعىندارعا تيىمدىلىك جەتكىزەتىن حالىققا قولايلى كوكونىس تىكە ساتۋ ءتۇيىنىن قۇرىپ شىقتى.

  ”كىمنىڭ ۇيىندە قيىنشىلىق بولسا، جاڭ شۋجي، ايتەۋىر، امالىن تاۋىپ شەشەدى“، - دەدى الەۋمەتتىك اۋماق تۇرعىنى قۇربان سۇپۇر. قۇربان كىرە كولىگىن جۇرگىزەدى، باستاۋىش مەكتەپتە وقيتىن 2 بالاسى وقۋدان تاراپ كەلگەندە قارايلاساتىن ادامى جوق ەدى. جاعدايدى ۇعىسقاننان كەيىن، قىزمەت اترەتى الەۋمەتتىك اۋماقتاعى قۇربان وتباسى سياقتى 22 وتباسىنىڭ بالالارىنا ”التى جارىمداعى ساباقحانا“ اشىپ بەردى. بالالار وقۋدان تاراعاننان كەيىن وسىندا كەلىپ تاپسىرما ورىندايدى، تاڭ داۋىرىندەگى ولەڭدەردى ۇيرەنەدى، كوللەكتيۆ قيمىلدارعا قاتىناسادى، اكە - شەشەلەرى دە الاڭسىز بولدى.

  تۇرعىندارعا باقىت سەزىمىن سيلادى

  جاڭ زىلي ءار كۇنى قانشا قاربالاس بولسا دا ۋاقىت شىعارىپ الەۋمەتتىك اۋماقتىڭ الاڭىن اينالىپ شىعادى، بۇل جەردە ول الەۋمەتتىك اۋماق تۇرعىندارىنا پارتيانىڭ ابزال ساياساتىن ۇگىتتەپ، تۇرعىنداردىڭ جۇرەك ءسوزىن تىڭدايدى. تاعى بىرەۋلەر ”الەۋمەتتىك اۋماقتا 6000نان استام ادام بار، قارتتار %30كە جۋىعىن يەلەيدى، ارەكەت جاسايتىن ورىن وتە از، قارتتار قيمىل ورتالىعىن سالىپ بەرۋىن ءۇمىت ەتەمىز“ دەگەن ۇسىنىس قويادى. مۇنى الەۋمەتتىك اۋماقتاعى 93 جاسقا شىققان ساقا پارتيا مۇشەسى جاڭ ۋيگو ايتقان. قىزمەت اترەتى تەز ارادا الەۋمەتتىك اۋماق كادرلارى، قوجالىق سەرىكتەستىگى سياقتىلارمەن بىرلەسىپ، قارتتار قيمىل ورتالىعىن سالۋعا كىرىستى. قازىر قارتتار قيمىل ورتالىعىن جوسپارلاۋ، ورنىن تاڭداۋ جۇمىسى نەگىزىنەن تۇراقتانىپ بولدى، مەجەمەن بيىل 6 - ايدا جۇمىس باستالادى.

  باقىت باقشاسى الەۋمەتتىك اۋماعىنىڭ وڭتۇستىك جاعىندا 1000 مەترگە جۋىق جاياۋلار جولى بار، بۇل جولدى كۇنىنە 3000 − 4000 ادام - رەتكە جۋىق تۇرعىن، وقۋشى باسىپ وتەدى. جاڭ زىلي قىزمەت اترەتىن باستاپ، جىبەرگەن ورىننىڭ ارتىقشىلىعىن ساۋلەلەندىرىپ، ءۇرىمجى قالالىق عىلىم - تەحنيكا قوعامىمەن جانە الەۋمەتتىك اۋماقتاعى قوجالىق سەرىكتەستىگىمەن سايكەسىپ، وسى جەرگە دەمالاتىن ورىندىق قويىپ، جولدى قايتادان جوندەپ، جولدىڭ ەكى جاعالاۋىنداعى قورشاۋدى ”عىلىمدى جالپىلاستىرۋ مىڭ مەترلىك ءدالىزى“ ەتىپ وزگەرتتى.

  باقىت باقشاسى الەۋمەتتىك اۋماعىندا زەينەتكە شىققان جۇمىسشى - قىزمەتكەرلەر كوپ، قىزمەت اترەتى ءوز قالاۋىمەن قاتىناسقان 150دەن استام تۇرعىندى ۇيىمداستىرىپ، ءبي، ۇستەل دوپ، مۋزيكا، تايجي جۇدىرىقشىلىعى، شانشي تەاترى سياقتى 5 شاعىن توپ قۇرىپ، جىل سايىن ءاربىر شاعىن توپقا 1000 يۋان قيمىل قاراجاتىن بەردى. ءبي توبىنىڭ جاۋاپتىسى جوۋ يۇيحۋا بىلاي دەدى: ”تەگىن تاربيەنىڭ جانە قارجىلاي قولداۋدىڭ ارقاسىندا كوپشىلىكتىڭ قاتىناسۋ ىنتاسى جوعارىلادى. قازىر الەۋمەتتىك اۋماقتا كونسەرت بولسا، بەلسەنە قاتىناسامىز!“.

  2 جىلدان استام ۋاقىتتان بەرى، قىزمەت اترەتى ىلگەرىندى - كەيىندى ”يۋانشياۋدى قۇتتىقتاپ، ىنتىماقتى جەبەۋ“، ”تۋىستارمەن بىرگە كينو كورۋ“، VR ”قىزىل تاربيە بازاسىن ەكسكۋرسيالاۋ“ سياقتى جەلىلەس قيمىلدان 100 رەتتەن استامىن ۇيىمداستىردى. قىزمەت اترەتى مامانداردى شاقىرىپ، ءار توقساندا الەۋمەتتىك اۋماق تۇرعىندارىنا ءبىر رەت سالاماتتىق، كۇتىنۋ بىلىمدەرىنەن لەكسيا جاسادى. ”مادەنيەت قيمىلدارى مولايدى، بۇل تۇرعىنداردىڭ تۇرمىسىن بايىتىپ قالماستان، كوپشىلىكتى تاۋەلدىلىك سەزىمگە يە ەتىپ، باقىت سەزىمىن ارتتىردى“، - دەدى جاڭ زىلي.

  كۇشتەردى ۇيىستىرىپ، حالىققا قىزمەت وتەدى

  ”ادەبيەت - كوركەمونەر ويىن نومىرلەرى، لەكسيا سياقتى كولەمدى قيمىل بولعاندا، الەۋمەتتىك اۋماقتىڭ قيمىل ءۇيى جەتىسپەي قالادى!“، - دەدى ءبىر تۇرعىن جاڭ زىليدى ىزدەپ بارىپ. الەۋمەتتىك اۋماقتا كولەمدى مادەنيەت، دەنە تاربيە قيمىل الاڭى تاپشى بولۋ ماسەلەسىنە مەڭزەس، قىزمەت اترەتى الەۋمەتتىك اۋماقپەن بىرلەسىپ، ”ۇلكەن پارتكوم“ بىرىككەن ءماجىلىسىن اشىپ، تاياۋ ماڭداعى ءبىر ورىنمەن سايكەسىپ، 100 شارشى مەترلىك كوپ فۋنكتسيالى زالىن الەۋمەتتىك اۋماقتىڭ كولەمدى قيمىلدا زاپاس پايدالاناتىن الاڭى ەتتى.

  2019 - جىلى جاڭ زىلي ءبىرىنشى شۋجيدىڭ الەۋمەتتىك اۋماقتىڭ كۇشتەرىن ءبىر تۇتاس جوسپارلاپ تياناقتاندىرۋدى يگەرۋدەي رولىن تولىق ساۋلەلەندىرىپ، باقىت جولى اۋماعىنداعى چىڭشى حۋايۋان الەۋمەتتىك اۋماعىمەن، حۇڭدا الەۋمەتتىك اۋماعىمەن بىرلەسىپ، الەۋمەتتىك اۋماقتىڭ بىرىككەن ءماجىلىس ءتۇزىمىن ورناتىپ، اي سايىن ءبىر رەت كەزەكتى ءماجىلىس اشىپ، الەۋمەتتىك اۋماقتى قاراستى 12 ورىننىڭ پارتيا ۇيىمدارىمەن بىرگە تۇرۋدى، بىرگە قۇرۋدى ىسكە اسىرۋعا جەتەكتەپ، الەۋمەتتىك اۋماقتىڭ ”جالاڭ“ باسقارۋىن مۇشە ورىنداردىڭ ”كوپ نەگىزدى“ باسقارۋ ۇلگىسىنە قاراي ويىستىرۋدى ىلگەرىلەتتى.

  جاڭ زىلي بىلاي دەدى: ”الەۋمەتتىك اۋماقتىڭ كۇشتەرىن ۇيىستىرىپ، بايلىقتان تەڭ يگىلىكتەنۋدى ىسكە اسىرىپ، ارتىقشىلىقتار جاعىندا ءبىر - ءبىرىن تولىقتاپ، قاراستى اۋماقتاعى تۇرعىندارعا بىرگە قىزمەت وتەۋ كەرەك“.

  قىزمەت اترەتى تاعى الەۋمەتتىك اۋماققا كومەكتەسىپ ”X+1+1“ قىزمەت ءادىسىن بەلگىلەدى، ياعني قىزمەت اترەتىنىڭ ءبىر مۇشەسى ءبىر پارتگرۋپپانىڭ باستىعىمەن بايلانىس ورناتادى، ءبىر پارتگرۋپپانىڭ باستىعى كوپتەگەن پارتيا مۇشەسىمەن بايلانىس ورناتۋعا جاۋاپتى بولادى. سونىمەن قاتار، الەۋمەتتىك اۋماقتاعى پارتيا مۇشەلەرىنىڭ ۇلگىلىك، باستاماشىلدىق رولىن ساۋلەلەندىرۋگە ءمان بەرىپ، پارتيا مۇشەلەرىن باستاماشىلدىقپەن ۇگىت - لەكسيا جاساۋ، باستاماشىلدىقپەن پارتيا ساباعىن ءوتۋ سياقتىلارعا ۇيىمداستىرىپ، تۇرعىنداردىڭ الەۋمەتتىك اۋماقتىڭ قىزمەتىنە قاتىناسۋ بەلسەندىلىگىن جوعارىلاتتى. قىزمەت اترەتى مەن الەۋمەتتىك اۋماق كادرلارىنىڭ بىرگە جەتەكتەۋىندە 2 جىلدان استام ۋاقىتتان بەرى، باقىت باقشاسى الەۋمەتتىك اۋماعىندا جيىنى 35 ادام پارتياعا مۇشە بولۋ ءوتىنىشىن تاپسىردى.

  باقىت باقشاسى الەۋمەتتىك اۋماعى پارتيا باس ياچەيكاسىنىڭ شۋجيى جاڭ جيە بىلاي دەدى: جاڭ شۋجي بەينە ءبىر تۋ سياقتى، الەۋمەتتىك اۋماقتىڭ كۇشتەرى مەن تۇرعىندارىن تىعىز ىنتىماقتاستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى