تيانشان تورابى   ›   زاڭ تارازى   ›   زاڭنان كەڭەس

”تورىن تالقانداپ، قالقانىن قيراتۋ“ قارا، سۇرقيا كۇشتەردىڭ تالماۋ جەرىنە ءدال ءتيدى

  بۇكىل رايونىمىزداعى ءتارتىپ تەكسەرۋ، باقىلاۋ - تەكسەرۋ ورگاندارى قارا، سۇرقيا كۇشتەرگە ساياتىن شىرىكتەسۋدى شوعىرلى تۇردە جونگە سالدى

  ءوز حابارىمىز. جەمسارى اۋدانى بەيتيڭ قالاشىعى يۇيجياگۇڭ قىستاعى پارتيا ياچەيكاسىنىڭ بۇرىنعى شۋجيى، قىستاق كوميتەتىنىڭ بۇرىنعى مەڭگەرۋشىسى كاڭ جىۋىن ۇرۋ، ياناتتاۋ، قۇقاي كورسەتۋ سياقتى تاسىلدەر ارقىلى بۇقارانى باسىنىپ، قىزمەت قولايلىلىعىنان پايدالانىپ بۇقارانىڭ مۇددەسىنە زيان جەتكىزگەندىكتەن، پارتيادان ايداۋ جازاسى بەرىلدى، زاڭعا قايشى قىلمىستىق ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى؛

  التاي قالالىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ بۇرىنعى مۇشەسى، ارناۋلى تۇراقتى مۇشەسى قۋانبەك سانياز التاي قالالىق حالىق پروكۋراتۋراسىنىڭ باس پروكۋرورى بولىپ تۇرعان كەزدە، قارا، سۇرقيا كۇشتەردىڭ ”باسقالقاسى“ بولعاندىقتان، پارتيادان ايداۋ، قىزمەتتەن ايداۋ جازاسى بەرىلدى، زاڭعا قايشى قىلمىستىق ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى؛

  ...

  تاياۋدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيالى كادرلاردىڭ قارا كۇشتەرگە، سۇرقيا كۇشتەرگە ساياتىن شىرىكتەسۋىنە جانە ”باسقالقا“ بولۋىنا قاتىستى 10 تيپتىك دەلونى حابارلاندىردى. كادرلار مەن بۇقارا قول سوعىپ قۋانىپ، القاۋ ايتتى.

  ورتالىقتىڭ قارا كۇشتەردى الاستاۋعا، سۇرقيا كۇشتەردى جويۋعا قۋزاۋ - جەتەكشىلىك ەتۋ 21 - گرۋپپاسىنىڭ شينجياڭعا كەلىپ جايعاسۋىنا ساي، بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءوز قىزمەتتەرىن تياناق ەتىپ، ىرىقتىلىقپەن جاۋاپكەرشىلىك ارقالاپ، ارنالاردى ىركىلىسسىزدەندىرىپ، كوپ ءتۇرلى شارانى قاتار قولدانىپ، بۇكىل رايونىمىزدا قارا كۇشتەردى الاستاپ، سۇرقيا كۇشتەردى جويۋدىڭ ”تورىن تالقانداپ، باسقالقاسىن قيراتۋ“ سىندى جاڭا كەزەكتى ارىندى شابۋىلىن قوزعادى.

  جىلاندى تالماۋ جەرىنەن ۇر، اعاشتى ءتۇپ تامىرىمەن قوپار. قارا، سۇرقيا كۇشتەردىڭ تالماۋ جەرى − ”باسقالقاسى“. ”باسقالقا“ جويىلماي، قارا، سۇرقيا كۇشتەر تۇبەگەيلى الاستالمايدى. 4 - ايدىڭ ورتا شەنىندە اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇكىل رايونىمىزدىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى بويىنشا باقىلاۋ، ءتارتىپ اتقارۋ، جاۋاپقا تارتۋ قىزمەتىن ىلگەرىلەتۋ ءماجىلىسىن اشىپ، «بۇقارانىڭ توڭىرەگىندەگى قارا، سۇرقيا كۇشتەرگە ساياتىن شىرىكتەسۋ جانە ”باسقالقا“ بولۋ ماسەلەسىن شوعىرلى تۇردە جونگە سالۋ قىزمەت جوباسى»ن جاساپ، باسىپ تاراتىپ، ”تورىن تالقانداپ، باسقالقاسىن قيراتۋ“دىڭ ىرىقتىلىعىن مىقتاپ يگەرىپ، اشىق قارا، سۇرقيا كۇشتەرگە سوققى بەرۋدەن كومەسكى قارا، سۇرقيا كۇشتەردى، سونداي - اق “باسقالقالار”دى تەرەڭ قازىپ، تۇبەگەيلى تەكسەرۋگە قاراي ويىستى.

  بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءۇن قوسىپ اتتانىسقا كەلىپ، پارتيالى كادرلاردىڭ قارا، سۇرقيا كۇشتەرگە ساياتىن ماسەلەلەرىن ءتارتىپتى اتقارۋدى تەكسەرۋدىڭ ءتۇيىنى ەتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىندە بايقالعان ”باسقالقا“ بولۋ ماسەلەسىنىڭ دەرەكتەرىن الدىمەن ءبىر جايلى ەتىپ، سوڭىنا دەيىن تەكسەرىپ، استە ىرقىنا جىبەرمەي، دالمە - ءدال سوققى بەرۋگە، ءۇزىلدى - كەسىلدى الاستاۋعا، ادا - كۇدە تارتىپ شىعارۋعا شىنايى كەپىلدىك ەتىپ، ءتارتىپ اتقارۋدا، زاڭ اتقارۋدا، ءسوز جوق، قاتاڭ بولۋدىڭ، قارا كۇشتەردى، ءسوز جوق، تۇبەگەيلى الاستاپ، سۇرقيا كۇشتەردى، ءسوز جوق، تۇبەگەيلى جويۋدىڭ كۇشتى سيگنالىن ۇزدىكسىز تاراتىپ، قارا كۇشتەردى الاستاپ، سۇرقيا كۇشتەردى جويۋعا پارمەندى تۇزىمدىك كەپىلدىك ازىرلەدى.

  بايىنعولين موڭعۇل اۆتونوميالى وبلىستىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيالى كادرلار مەن ۇكىمەت قىزمەتكەرلەرىنىڭ قارا، سۇرقيا كۇشتەرگە ساياتىن شىرىكتەسۋى، ”باسقالقا“ بولۋى ماسەلەلەرىنىڭ دەرەكتەرىن ءتۇپ تامىرىن قوپارا جاپپاي تەكسەردى؛ بۇراتالا موڭعۇل اۆتونوميالى وبلىستىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ساۋدا سارايلارىندا، ەرەن بازارلاردا، ادامدار شوعىرلانعان ورىنداردا جانە بۇكىل وبلىستاعى 389 قىستاق - اترەتتە (الەۋمەتتىك اۋماق) قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە قاتىستى مالىمدەۋ تەلەفونىن جاريالادى... ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى مالىمدەۋ ارنالارىن ىركىلىسسىزدەندىرىپ، ارىز - شاعىم ايتۋ تەرەزەسى مەن 12388 جەدەل لەنياسىنىڭ رولىن تولىق ساۋلەلەندىرىپ، كاسىپ سالاسى ستيلى جەدەل لەنياسى، سايت، قول تەلەفون كليەنتى سياقتى مالىمدەۋ تۇعىرلارىنان پايدالانىپ، اۋىلدارعا بارىپ ارىز قابىلداۋ، ءبىرىنشى شەپتە وتباسىلارىن ارالاپ تەكسەرۋ، شارلاپ تەكسەرۋ - باقىلاۋ سياقتى تاسىلدەردى قولدانىپ، ماسەلەنىڭ دەرەك كوزدەرىن كەڭەيتىپ، دەرەكتەردىڭ كەلۋىن كۇتىپ وتىرۋدى ىرىقتىلىقپەن شابۋىلعا وتۋگە وزگەرتىپ، قارا، سۇرقيا كۇشتەرگە ساياتىن شىرىكتەسۋ جانە ”باسقالقا“ بولۋ ماسەلەسىنىڭ دەرەكتەرىن جيناۋدى، كۇندەلىكتى باقىلاۋدى جانە دەرەكتەردى ءبىر جايلى ەتۋدى شىن مانىندە كۇشەيتىپ، قارا كۇشتەردى الاستاۋدىڭ، سۇرقيا كۇشتەردى جويۋدىڭ، شىرىكتەسكەندەردى جازالاپ، ”باسقالقا“نى قوپارۋدىڭ حالىقتىق سوعىسىن جاپپاي باستادى. 4 - ايدىڭ 8 - كۇنىنەن بەرى، بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءار ءتۇرلى ارنالارمەن قارا، سۇرقيا كۇشتەرگە ساياتىن شىرىكتەسۋ جانە ”باسقالقا“ بولۋ ماسەلەسىنىڭ دەرەكتەرىنەن 282 سىن قابىلدادى.

  اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ىرىقتى تۇردە قاتىستى تاراۋلارمەن ۇشتاسىپ، اقىلداسىپ، ينفورماتسيالاردان بىرگە پايدالانىپ، ماسەلە دەرەكتەرىن تەز تاپسىرۋ، اڭىس قايتارۋ مەحانيزمىن تياناقتاندىرىپ، قارا، سۇرقيا كۇشتەرگە ساياتىن ەلەۋلى ماسەلە دەرەكتەرىن تىكە تەكسەرىپ، تىكە ءبىر جايلى ەتىپ، اشىق جاريالاپ قۋزاپ، جوعارى مەن تومەن بىرلەسىپ قيمىلداپ، ماسەلە دەرەكتەرىن تەكسەرىپ ءبىر جاقتى ەتۋدەگى ”بوگەت“تى ارشىدى. 2018 - جىلدان بەرى اۆتونوميالى رايوندىق قارا كۇشتەردى الاستاۋ، سۇرقيا كۇشتەردى جويۋ كەڭسەسى اشىق جاريالاپ قۋزاعان قارا، سۇرقيا كۇش توپتارىنا قاتىستى ەلەۋلى تيپتىك دەلولاردىڭ استارىنداعى شىرىكتەسۋ جانە ”باسقالقا“ بولۋ ماسەلەلەرىنىڭ دەرەكتەرى جونىندە ايماقتىق، وبلىستىق، قالالىق ءتارتىپ تەكسەرۋ كوميتەتتەرىن، باقىلاۋ - تەكسەرۋ كوميتەتتەرىن باسىمدىققا يە كۇشتەردى شوعىرلاندىرىپ، تەرەڭ قازىپ، تۇبەگەيلى تەكسەرۋگە قۋزادى.

  ىلە قازاق اۆتونوميالى وبلىستىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى قارا، سۇرقيا كۇشتەرگە ساياتىن دەلولاردى دەرەك بويىنشا تۇبەگەيلى قۋزاستىرىپ، تەرەڭ قازىپ، جەلىنى كەڭەيتىپ، ءبىر - بىرلەپ انىقتاپ، قارا، سۇرقيا كۇشتەردىڭ ارتىنداعى ”باسقالقالار“دى، ”پەردە ارتىنداعى دەمەۋشىلەر“دى جانە ”ەكىبەتكەيلەر“دى قاتاڭ تەكسەرىپ ءبىر جاقتى ەتتى؛ سانجى قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 2018 - جىلدان بەرى قوعام حاۋىپسىزدىگى ورگاندارى بارلاپ ءبىر جاقتى ەتكەن قارا، سۇرقيا كۇشتەرگە ساياتىن 11 دەلونى، وعان قاتىستى ادامداردى قايتا تەكسەرىپ، ءارقانداي دەرەكتى قالت جىبەرمەي، ”باسقالقالار“دىڭ سىتىلىپ كەتۋىنەن قاتاڭ ساقتاندى؛ كورلا قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى قارا كۇشتەردى الاستاۋ، سۇرقيا كۇشتەردى جويۋدى شىرىكتەسۋگە قارسى تۇرۋ كۇرەسىمەن، نەگىزگى ساتىداعى ”شىبىن قاعۋ“مەن ۇشتاستىرىپ، قارا، سۇرقيا كۇشتەردىڭ استارىنداعى شىرىكتەسۋ ماسەلەلەرىن قاداعالاي كوزدە ۇستاپ، بايلانىس تورى مەن ”باسقالقا“نى قاتاڭ تەكسەرىپ، پارتكوم مەن ۇكىمەتتىڭ تۇلعالىق جاۋاپكەرشىلىگىن، سونداي - اق فۋنكتسيالىق تاراۋلاردىڭ باقىلاۋ - تەكسەرۋ جاۋاپكەرشىلىگىن قايتالاي قۋزاستىردى.

  قىسىمدى ۇزدىكسىز جەتكىزىپ، جاۋاپكەرشىلىكتى ناقتىلاندىردى. تۇيىندەرمەن بىرلەستىرىپ دەلونى كوتەرمەگە الۋ مەحانيزمىن ورناتتى، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسىنىڭ 7 مۇشەسى 14 ايماق، وبلىس، قالانى بولەكتەر بويىنشا كوتەرمەگە الىپ، 4 - ايدىڭ 18 - كۇنىنەن 24 - كۇنىنە دەيىن اترەت باستاپ ايماق، وبلىس، قالالارعا بارىپ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى جونىندە باقىلاۋ، ءتارتىپ اتقارۋ، جاۋاپقا تارتۋ جاعدايىنا سول جەردىڭ وزىندە قۋزاپ جەتەكشىلىك ەتىپ، تەكسەرۋ جۇرگىزىپ، بۇقارانىڭ توڭىرەگىندەگى قارا، سۇرقيا كۇشتەرگە ساياتىن شىرىكتەسۋ جانە ”باسقالقا“ بولۋ ماسەلەلەرىن شوعىرلى تۇردە جونگە سالۋ جونىندە ورنالاستىرۋ جاساۋدىڭ، ماسەلە دەرەكتەرىن تەكسەرۋدىڭ، دەلولاردى تەكسەرىپ ءبىر جاقتى ەتۋدىڭ، سونداي - اق جاۋاپكەرشىلىكتى قۋزاستىرۋدىڭ تياناقتانعان - تياناقتانباعانى تۋراسىندا قۋزاپ جەتەكشىلىك ەتىپ، تەكسەرۋ جۇرگىزدى. تەكسەرە بىلمەيتىندەرگە ءتۇيىندى تۇردە وي جەلىسىن كورسەتىپ، ءادىس ۇيرەتتى؛ تەكسەرگىسى كەلمەيتىندەردى شاقىرىپ اڭگىمەلەسىپ، ساقتاندىردى، سىن ايتىپ، تاربيە بەردى؛ تەكسەرۋگە باتىلدىق ەتە الماعانداردى، باتىل جاۋاپكەرشىلىك ارقالاماعانداردى، جاۋاپكەرشىلىكتى ادا ەتپەگەندەردى، ”باسقالقانى“ قيراتپاعانداردى، مىندەتىن وتەمەي، جاۋاپكەرشىلىگىن اتقارماعانداردى باتىل جاۋاپقا تارتىپ، جاۋاپكەرشىلىگىن قۋزادى. ىلە وبلىسى، تارباعاتاي ايماعى، التاي ايماعى، بۇراتالا وبلىسى، ءۇرىمجى قالاسى، بايىنعولين وبلىسى سياقتى ايماق، وبلىس، قالالاردىڭ ءتارتىپ تەكسەرۋ كوميتەتتەرىنىڭ، باقىلاۋ - تەكسەرۋ كوميتەتتەرىنىڭ نەگىزگى باسشىلارى الدىڭعى شەپتە قولباسشىلىق ەتىپ، باستاماشىلدىق ەتىپ تۇيىندەرمەن بىرلەستىرىپ دەلولاردى كوتەرمەگە الدى.

  ۇعىسۋعا قاراعاندا، بۇكىل رايونىمىزدىڭ قارا كۇشتەردى الاستاۋ، سۇرقيا كۇشتەردى جويۋ كۇرەسىن باقىلاۋ، ءتارتىپ اتقارۋ، جاۋاپقا تارتۋ قىزمەتىن ىلگەرىلەتۋ ءماجىلىسى اشىلعاننان كەيىن، شىرىكتەسكەندەردى جازالاپ، ”باسقالقا“نى قيراتۋدا ۇزدىكسىز تىڭ ىلگەرىلەۋشىلىكتەرگە قول جەتىپ، تىڭ ناتيجەلەر جارىققا شىققان. تەك 4 - ايدىڭ 16 - كۇنىنەن 26 - كۇنىنە دەيىنگى ارالىقتا بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى جاڭادان 39 دەلو تۇرعىزىپ، 13 ادامعا ۇستاپ تۇرۋ شاراسىن قولدانعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى