تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

رايونىمىزدىڭ بيىلعى العاشقى توپتاعى ورتالىقتىڭ مەجە ەسەبىنەن قونىس جاڭالاپ كەدەيلەردى سۇيەمەلدەۋ ينجەنەرياسىنا قارجى ءبولۋ جوسپارى ءتۇسىرىلدى

  10 مىڭ ادامدى كوشىرۋ جوسپارلاندى

  ءتىلشى شى شين 5 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، رايونىمىزدىڭ بيىلعى العاشقى توپتاعى ورتالىقتىڭ مەجە ەسەبىنەن قونىس جاڭالاپ كەدەيلەردى سۇيەمەلدەۋ ينجەنەرياسىنا قارجى ءبولۋ جوسپارى تۇسكەن. وسى رەت قونىس جاڭالاپ كەدەيلەردى سۇيەمەلدەۋ بويىنشا 10 مىڭ ادامدى كوشىرۋ جوسپارلانىپ، ورتالىقتىڭ مەجە ەسەبىنەن 100 ميلليون يۋان قارجى بولىنگەن، بۇل قارجى قونىس جاڭالاپ كەدەيلەردى سۇيەمەلدەۋ بويىنشا كوشىرىپ ورنالاستىرىلاتىن تۇرعىن ءۇي قۇرىلىسىنا جۇمسالادى ەكەن.

  اۆتونوميالى رايوندىق دامۋ جانە رەفورما كوميتەتى جەر - جەردەن كوشىرۋ، ورنالاستىرۋ، سوڭعى كەدەيلىكتەن ارىلتۋ سياقتى ءتۇرلى قىزمەتتەردى ءبىر تۇتاس جوسپارلاپ، ورنالاستىراتىن تۇرعىن ءۇي جانە سايكەستى نەگىزدىك قۇرىلعى، الەۋمەتتىك قىزمەت وتەۋ قۇرىلعى قۇرىلىسىن تىڭعىلىقتى ويداعىداي ىستەۋمەن قاتار، سوڭعى كەدەيلىكتەن ارىلتۋ شارالارىن دا جەدەل تياناقتاندىرىپ، ءبىر وتباسىن كوشىرسە، سول وتباسىن كەدەيلىكتەن ورنىقتى ارىلتۋعا شىنايى كەپىلدىك ەتۋدى تالاپ ەتتى.

  اۆتونوميالى رايوندىق حالىق ۇكىمەتى تاياۋدا اۆتونوميالى رايوننىڭ قونىس جاڭالاپ كەدەيلەردى سۇيەمەلدەۋىنىڭ سوڭعى سۇيەمەلدەۋ قىزمەتى جونىندە تەلەۆيزور - تەلەفون ءماجىلىسىن اشىپ، جەر - جەردەن، ءارقايسى تاراۋدان ”كوشىرۋ − ءتاسىل، كەدەيلىكتەن ارىلتۋ − ماقسات“ ءتۇبىرلى تالابى بويىنشا، 7 جاقتاعى قىزمەتتى ءتۇيىندى تۇردە ويداعىداي ىستەۋدى تالاپ ەتتى. تۇرعىن ءۇي قۇرىلىسىن، ەسكى ۇيلەردى شاعۋدى جانە قايتا اشۋ، قايتا جاسىلداندىرۋدى بار كۇشپەن ىلگەرىلەتىپ، ”13 - بەسجىلدىق“ قونىس جاڭالاپ كەدەيلەردى سۇيەمەلدەۋ قۇرىلىسى مىندەتتەرىن باتىل ورىنداۋ؛ قىستاققا، وتباسىنا، ادامعا قاراي شارا اتقارۋعا تاباندى بولىپ، سوڭعى سۇيەمەلدەۋ كاسىبىن زور كۇشپەن دامىتۋ؛ جۇمىستانۋ شەبەرلىگىنە باۋلۋ قىزمەتىن مىقتاپ يگەرىپ، كوشىرىلگەن بۇقارانىڭ جۇمىستانۋ شەبەرلىگىن كۇش سالا جەتىلدىرۋ؛ ساۋداگەر شاقىرىپ، قارجى ەنگىزۋ سەرپىنىن كۇشەيتىپ، ءوز جەرىندە، جاقىن ماڭدا جۇمىستاندىرۋ كولەمىن كەڭەيتۋ؛ سايكەستى نەگىزدىك قۇرىلعى جانە الەۋمەتتىك قىزمەت وتەۋ قۇرىلعى قۇرىلىسىن كەمەلدەندىرىپ، الەۋمەتتىك قىزمەت وتەۋدىڭ تەڭ بولۋىن جەبەۋ؛ ورنالاستىرۋ تۇيىندەرىندەگى نەگىزگى ساتى پارتيا ۇيىمى قۇرىلىسىن كۇشەيتىپ، پارتيا قۇرىلىسىن يگەرىپ، كەدەيلىكتەن ارىلتۋدان قامال الۋدى جەبەۋ؛ كوشىرىپ ورنالاستىرىلاتىن رايوننىڭ قوعام اماندىعىن كەمەلدەندىرىپ، الەۋمەتتىك اۋماقتاردىڭ ارالاسۋىن جەبەۋ كەرەك.

  قونىس جاڭالاپ كەدەيلەردى سۇيەمەلدەۋ كۇردەلى قوعامدىق جۇيەلى ينجەنەريا، ساياساتتىق سيپاتى كۇشتى، شارپيتىن كولەمى كەڭ، اۆتونوميالى رايوندىق دامۋ جانە رەفورما كوميتەتى جەر - جەردەن ينجەنەريا قۇرىلىسىن ۇيىمداستىرۋ، اتقارۋ قىزمەتىن نەگىزگى قۇرىلىس ءتارتىبى بويىنشا ويداعىداي يگەرۋدى، كەزىككەن ماسەلەلەردى دەر كەزىندە سايكەستىرىپ، ءبىر جايلى ەتۋدى، جوسپاردىڭ اتقارىلۋ جاعدايىن باسقارۋدى كۇشەيتۋدى تالاپ ەتتى.

  الداعى جەردە، اۆتونوميالى رايوندىق دامۋ جانە رەفورما كوميتەتى تۇتاس بارىسىن باقىلاپ، تەكسەرىپ، ورتالىقتىڭ مەجە ەسەبىنەن قارجى ءبولۋ بارىسىن، سوڭعى جۇمىستارىن باقىلاۋ - باسقارۋ قىزمەت سەرپىنىن اناعۇرلىم كۇشەيتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى