تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىستاققا ءبىر توپ جاس كەلدى

  شينجياڭ گازەتىنىڭ جالپىلىق اقپارات قۇرالى تىلشىلەرى لي چيۋجين، لي لين، ۋاڭ يۇيجاۋ، وتكىر نيجات، چين يۋەۋىن

  4 - ايدىڭ 30 - كۇنى ءۇشتۇرپان اۋداندىق پارتكوم ۇيىمداستىرۋ ءبولىمىنىڭ اقتوعاي اۋىلى قامىسوستەڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى اكىرامجان امەت (سولدا) قىزمەت اترەتى قۇرعان قارا ساڭىراۋقۇلاق ەگۋدەن ۇلگى كورسەتۋ بازاسىندا وسى قىستاقتاعى كەدەي وتباسىلارىنا قارا ساڭىراۋقۇلاق ەگۋ تەحنيكاسىن ۇيرەتۋدە. سۋرەتتى ءتىلشى وتكىر نيجات تۇسىرگەن

  كوكتەمگى ءۇشتۇرپان اۋدانى اقتوعاي اۋىلى قامىسوستەڭ قىستاعىندا جاپ - جاسىل اعاش جاپىراقتارى جەلمەن بىرگە تەربەلىپ، قىزىل تۋلار جەلبىرەيدى. 5 - ايدىڭ 4 - كۇنى ايبىندى مەملەكەت ءانى ۇنىمەن قىستاقتىڭ 4 - مامىر قوزعالىسىنىڭ 100 جىلدىعىن ەسكە ءتۇسىرۋ، سيلاۋ - ماداقتاۋ جينالىسى جانە ”جاستىق شاقتا پارتياعا تالپىنۋ. جاڭا داۋىرگە ۇلەس قوسۋ“ تاقىرىپتىق وداق كۇنى قيمىلى قىستاق تۇرعىندار كوميتەتىنىڭ ءماجىلىس بولمەسىندە وتكىزىلىپ، قىستاقتىڭ كەدەيلەردى سۇيەمەلدەۋ كادرى ءادىل قيۇمدى قامتىعان 6 ۇزدىك وداق مۇشەسى سيلانىپ ماداقتالدى. ءادىل ءوزىنىڭ سيلانعانداعى اسەرىن تىلگە العاندا: ”ماڭايىمدا ۇلگىلەر بولعاندىقتان، العا باسۋىما كۇش - قۋات سيلادى“، - دەدى. ونىڭ ۇلگىسى − ءۇشتۇرپان اۋداندىق پارتكوم ۇيىمداستىرۋ ءبولىمىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قامىسوستەڭ قىستاعىندا تۇراتىن قىزمەت اترەتىنىڭ مۇشەلەرى.

جاستىق جالىنى قاۋلاعان قوسىن

  ”41 جاستاعى مەنەن باسقا بەسەۋى تۇگەلدەي ’80 - جىلدار‘دىڭ ’90 - جىلدار‘دىڭ تۇلەگى“. ءۇشتۇرپان اۋداندىق پارتكوم ۇيىمداستىرۋ ءبولىمىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قامىسوستەڭ قىستاعىندا تۇراتىن قىزمەت اترەتىنىڭ باستىعى ءاجىرام تۇرسىن تىلشىگە قىزمەت اترەتىنىڭ مۇشەلەرىن تانىستىردى ءارى ”ولار شەتىنەن ۇزدىك“ دەپ باعالادى.

  بۇل باعا قىستاقتاعى 79 جاستاعى ساقا پارتيا مۇشەسى تۇرسىن تايىر جاعىنان راستالدى. ”ءار كۇنى تاڭەرتەڭ ورنىمنان تۇرعانىمدا، قىزمەت اترەتىندەگى جاستاردىڭ قىستاق تۇرعىندارىنىڭ وتباسىنا بارىپ، وندىرىسكە كومەكتەسىپ جاتاتىندىعىن كورەمىن“، - دەدى تۇرسىن، - وسى جاستار قىستاققا كەلگەننەن بەرى، قىستاعىمىز كوركەيىپ، قىستاق تۇرعىندارىنىڭ ءوندىرىس بەلسەندىلىگى جوعارىلادى.

  قامىسوستەڭ قىستاعىندا 327 وتباسى، 1480 ادام بار، جان باسىنا 1.9 مۋ ەگىستىك جەر تۋرا كەلەدى، ادام كوپ، جەر از. توپىراعى قۇنارسىز، ەرەكشە كەدەي قىستاق، بۇكىل قىستاقتا ارحيۆ تۇرعىزىپ، كارتچكالاندىرىلعان 139 كەدەي وتباسى، 624 كەدەي بار.

  ءۇشتۇرپان اۋداندىق پارتكوم ۇيىمداستىرۋ ءبولىمى 2017 - جىلدان باستاپ، قابىلەتى مىعىم كادرلاردى ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇرۋ قىزمەتىن ورىستەتۋگە تاڭداپ جىبەرىپ، كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋگە دەم بەردى. 2018 - جىلدان باستاپ، اۆتونوميالى رايون تاڭداپ جىبەرگەن ءبىرىنشى شۋجي مەن جوعارى مەكتەپ جىبەرگەن كەدەيلەردى سۇيەمەلدەۋ كادرلارى دا قامىسوستەڭ قىستاعىنا بارىپ، قىستاق ”ەكى كوميتەتى“مەن بىرگە قيىندىقتاردى جەڭىپ، قىستاق تۇرعىندارىن كەدەيلىكتەن ارىلىپ اۋقاتتانۋعا باستادى.

  ”جاستار جالىندى، وزىندىك ويلارى مەن جاسامپازدىعى بار“، - دەدى وسى قىستاق پارتيا ياچەيكاسىنىڭ ورىنباسار شۋجيى توقتام ۋايىت، - وسى جاستار كەدەيلىكتەن ارىلتۋدان قامال الۋعا ومىرشەڭدىك سيلاپ، وي جەلىسىمەن قامدادى. ولار تاعى ۇيرەنۋ، كومەكتەسۋ، جەتەكتەۋ رولىن ساۋلەلەندىرىپ، كۇندەلىكتى قىزمەت بارىسىندا ”ءبىردىڭ بىرگە“ بويىنشا قىستاقتاعى جاس كادرلارعا كومەكتەسىپ، ولارعا قىزمەتتى تىكەلەي ۇيرەتىپ، قىستاق كادرلارىنىڭ قىزمەت قابىلەتىن پارمەندى تۇردە جوعارىلاتتى.

  26 جاستاعى ءادىل بىلاي دەدى: بۇرىن كومپيۋتەر ىستەتۋدى بىلمەيتىنمىن، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى، كەدەيلەردى سۇيەمەلدەۋ كادرى ياڭ تۇڭتۇڭ تىكەلەي ۇيرەتتى، قازىر كومپيۋتەر ىستەتۋگە توسەلۋمەن بىرگە، ياڭ تۇڭتۇڭنان كوپتەگەن قىزمەت ادىستەرىن يگەرىپ، قىزمەتتى جاقسى ىستەۋ سەنىمىم ارتا ءتۇستى.

قىستاق تۇرعىندارىنا ەتەنە ”ازاماتتار“

  قىزمەت اترەتىندەگى 5 جىگىت تەپسە تەمىر ۇزەتىن جاستار. لي گۋاڭنىڭ بويى 1.88 مەتر، دەنەسى شىمىر، اسكەر بولعان ول جۇمىستى شاپشاڭ تىندىرادى. 2017 - جىلى لي گۋاڭدى ءۇشتۇرپان اۋداندىق پارتكوم ۇيىمداستىرۋ ءبولىمى قامىسوستەڭ قىستاعىنا جىبەردى، ول وسىندا جارىم جىل قىزمەت ىستەدى، قسىتاقتاعى جاستار ونى ەرەكشە جاقسى كورەدى. بيىل لي گۋاڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەسى رەتىندە وسى قىستاققا تاعى كەلگەندە، قىستاق تۇرعىندارى قاباعات قۋاندى، ونىڭ باس قۇراعاندىعىنا ءبىر جىلدان اسقاندىعىن بىلەتىن كوپتەگەن قىستاق تۇرعىنى ونى كەلىنشەگىن ەرتىپ كەلىپ قوناق بولۋعا شاقىردى.

  اكرام امەت ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كونە مۇشەسى، ول قامىسوستەڭ قىستاعىنىڭ كەلبەتىندەگى، بەينەسىندەگى وزگەرىستەرگە كۋا بولدى. 2018 - جىلى قىستاق تۇرعىندار كوميتەتىنىڭ الدىنداعى ”تۇيىق جول“ مەملەكەت 219 - تاس جولىمەن جانە ولكە 316 - تاس جولىمەن تۇتاسىپ، بۇل قىستاق تۇيىق كۇيدەن قۇتىلىپ، قاتىناسى قولايلى ورتالىق قىستاققا اينالدى؛ قىستاق تۇرعىندار كوميتەتىنىڭ اۋماعى 2 جىلدا 5 ەسە كەڭەيدى، ىركەس - تىركەس 600 ادام سياتىن زال، قىستاق تۇرعىندارى جۇمىس بىتىرەتىن زال جانە مادەنيەت كاريدورىن سالدى. اكرام بىلاي دەدى: قىزمەت اترەتى وتكەن جىلى 3 - قىستاق تۇرعىندار گرۋپپاسىنىڭ قۇبىر سۋ قۇبىرىن وزگەرتىپ، 27 وتباسىنىڭ قىس ماۋسىمىنداعى اۋىز سۋ قيىنشىلىعى ماسەلەسىن شەشتى. 2018 - جىلى ءۇشتۇرپان اۋداندىق پارتكوم ۇيىمداستىرۋ ءبولىمىنىڭ قامىسوستەڭ قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا تۇراتىن قىزمەت اترەتى اۆتونوميالى رايون دارەجەلى قىستاقتا تۇرۋ قىزمەتىندەگى ۇزدىك قىزمەت اترەتى بولىپ باعالاندى.

  ”ءبىز ۇنەمى كۇندىز وتباسىلارىن ارالاپ، كەشتە ماتەريال جازامىز“. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەسى لەي گاڭ كومپيۋتەردىڭ جانىندا ءتىلتاقتانى باسىپ وتىرىپ، تىلشىگە ءوزىنىڭ قىزمەت جاعدايىن تانىستىردى. لەي گاڭ گانسۋلىق، داشۋە تاۋىسقاننان كەيىن ءۇشتۇرپان اۋدانىندا قىزمەتكە ورنالاسقان، كەيىن اتا - اناسى مەن ءىنىسىن دە ءۇشتۇرپانعا كوشىرىپ اكەلگەن. لەي گاڭ بىلاي دەدى: ”تەك قىستاق تۇرعىندارىنا شىنايى سۇيىسپەنشىلىكپەن قىزمەت ەتسەك بولعانى، قىستاق تۇرعىندارى بىزبەن سىرلاس بولادى. قىستاق تۇرعىندارىنىڭ ىقىلاسپەن مەنى ۇيلەرىنە شاقىرىپ، الدىما ۇيىندەگى ەڭ جاقسى نارسەسىن اكەلگەندەگى تەبىرەنىسىم ەستەن كەتپەيدى“.

كەدەيلىكپەن بەلدەسەتىن ءبىر رەتكى قامال الۋ شايقاسى

  ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەسى الىمجان تۇرسىن ءار كۇنى ەرتە شىعىپ، كەش قايتىپ، ءار كۇنى جۇمىس ورنىندا قاربالاستاپ جۇرەدى. بيىل قىستاق 60 بەيقۇت ءۇي سالىپ جاتىر، ول بەيقۇت ۇيلەردىڭ قۇرىلىس قارقىنىنا جانە قۇرىلىس ساپاسىنا ءار ۋاق نازار اۋدارىپ وتىرادى. قىستاق تۇرعىندارىن كەدەيلىكتەن ارىلۋعا جەتەكتەۋ ءۇشىن، بيىل جىل باسىندا قىستاق قۇرىلىس اترەتىن ۇيىمداستىرىپ، ءبىرتالاي كەدەي قىستاق تۇرعىنىن جۇمىسقا قابىلدادى. شارۋالاردىڭ ءۇي سالۋعا قاتىناسۋى ولاردىڭ كىرىسىن ارتتىرۋمەن قاتار، ولاردىڭ جاۋاپكەرشىلىگىن دە جەتىلدىردى. ”شارۋالاردىڭ مۇددەسىنە ساياتىن ماسەلەلەردە تيتتەي دە سالعىرتتىق ىستەۋگە بولمايدى“، - دەدى الىمجان.

  ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەسى، ”90 - جىلداردىڭ تۇلەگى“ ياڭ تۇڭتۇڭ ءوز قۇربىلارىنان الدەقايدا سابىرلى دا سالماقتى كورىنەدى. بيىل ونىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسقاندىعىنىڭ ەكىنشى جىلى. كەدەيلەردى سۇيەمەلدەۋ كادرى رەتىندە ول قىستاقتاعى 139 كەدەي وتباسىن تۇگەل ارالاپ شىقتى. ”قازىر كەدەيلىكتەن ءالى ارىلماعان 63 وتباسى، 276 ادام بار، كەدەيلىكتەن دالمە - ءدال ارىلتۋ تالابى بويىنشا، ءبىز ادامعا قاراي شارا قولدانىپ، بيىل تۇتاس قىستاقتى اۋىر كەدەي قىستاق قاتارىنان شىعارۋعا قۇلشىنامىز“، - دەدى ياڭ تۇڭتۇڭ، - كەدەيلىكتەن ارىلتۋدان قامال الۋدىڭ ءبىرىنشى شەبىندە قىزمەت ىستەۋ ەرەكشە ماعىنالى، جاستىق شاقتا كۇرەس جۇرگىزۋ، كۇرەس جۇرگىزۋ بارىسىندا ءومىرىمىزدىڭ قۇنىن جۇزەگە اسىرۋىمىز كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى