ءتىلشىنىڭ حوتان ايماعىنا باعىتتامالى كومەكتەسۋ قىزمەتىنە جەتەكشىلىك ەتۋ بولىمىنەن ۇعىسۋىنشا،5-ايدىڭ 2-كۇنىنەن باستاپ، بەيجيڭ دۇنيە جۇزىلىك باۋ-باقشا كورمەسىنىڭ كەدەيلىكتەن قۇتىلدىرۋدان قامال الۋ كورمە رايونىنداعى 160 شارشى مەترلىك بەيجيڭ «كەدەيلەردى سۇيەمەلدەۋ سارايى» كورەرمەندەرىن قارسى الدى، كورمە سارايىنا شىلان، جاڭعاق، ەتتى سۇڭعىلا سياقتى حوتان ايماعىنىڭ ەرەكشە ونىمدەرى قويىلۋمەن بىرگە، حوتان ايماعىنىڭ تاقىرىپتىق كۇنى قيمىلى دا باستالدى .
بولمە ىشىندەگى كورمە رايونىنان سىرت، سىرتتاعى LED ۇلكەن ەكرانىندا شينجياڭنىڭ جەر-جەرلەرىندەگى كەيدەيلىكتەن قۇتىلدىرۋ جۇمىسىندا قولعا كەلتىرگەن ناتيجەلەر، ساياحات بايلىقتارى، ۇلتتىق سالت-سانا، قالا كوركى سياقتىلار تانىستىرىلدى.
بەيجيڭ قالاسىنىڭ حوتان ايماعىنا باعىتتامالى كومەكتەسۋ قىزمەتىنە جەتەكشىلىك ەتۋ ءبولىمىنە قاراستى شارۋاشىلىق سەلبەستىك ٴبولىمىنىڭ باستىعى ما يۇڭشين بىلاي دەدى : ٴبىز حوتان ايماعىنىڭ ۋاكىلدىك سيپاتقا يە ساپالى ونىمدەرىن مۇقياتتىلىقپەن تاڭداپ الدىق ءارى جەرگىلىكتى باستاماشى كاسىپورىندار ارقىلى دۇنيە جۇزىلىك باۋ-باقشا كورمەسىنە قاتىناستىردىق، وسى ارقىلى حوتاننىڭ ساپالى ونىمدەرىنىڭ اتاعىن ونان ارى جوعارىلاتىپ، جەرگىلىكتى ورىنداعى كەدەي وتباسىلارىنىڭ كەدەيلىكتەن قۇتىلىپ، كىرىسىن ارتتىرۋىنا قول ۇشىن بەرۋدى ءۇمىت ەتتىك.
بۇل رەتكى حوتان تاقىرىپتىق كۇنى قيمىلى 2 اپتاعا جالعاسادى، حوتان ايماعىنداعى ادەبيەت ـ كوركەمونەر قىزمەتكەرلەرى ءار كۇنى ناق مايداندا ٴان ـ ٴبي نومىرلەرىن كورۋدەن سىرت، حوتان ايماعىنىڭ ساپالى جەمىس ـ جيدەك ونىمدەرىن تانىستىرادى.
