تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىزمەتتى بۇقارانىڭ كوڭىلىنەن شىعاتىنداي ىستەدى

− ءۇرىمجى تۇرعىن ءۇي الەۋمەتتىك قورىن باسقارۋ ورتالىعىنىڭ سايباق رايونى لۋيۋان كوشەسى ءمالى باسقارماسى تيانشان قۇرىلىس ماتەريالدارى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جايلى

ءتىلشى ءابيبا، ەرىكتى ءتىلشى جاڭ لەي

   قىزمەت اترەتى تەكسەرۋ - زەرتتەۋ جۇرگىزگەننەن كەيىن، الەۋمەتتىك اۋماقتىڭ 4500 شارشى مەتر الاڭىن وزگەرتىپ، وعان ”جۇرت تىلەگىن توعىستىرۋ . ۇلتتار ىنتىماعى مادەنيەت الاڭى“ دەپ ات قويدى.

   قىزمەت اترەتىنىڭ بايلانىس جاساۋى مەن تانىستىرۋىندا، 26 وتباسىنىڭ جۇمىسقا ورنالاسۋ ماسەلەسى شەشىلدى، 2 وتباسىنداعى 8 ادام دەربەس شارۋاشىلىق قۇردى.

   تۇرعىندار اڭىس ەتكەن ماسەلەلەردى قىزمەت اترەتىنىڭ مۇشەلەرى ءبىر - بىردەن ەستەلىككە الىپ، ماسەلەنىڭ اۋىر - جەڭىلدىگىنە، شۇعىل - شۇعىل ەمەستىگىنە قاراي سالالاپ جيناقتاپ، شەشۋگە بولاتىندارىن دەر كەزىندە شەشىپ، جاۋاپكەرشىلىكتى ادامعا دەيىن تياناقتاندىردى.

  ”بۇگىن ’ۇعىسۋ، تيىمدىلىك جاساۋ، توعىستىرۋ‘ اپتا سوڭى كينوحاناسىندا قايسى كينونى قويادى؟“

  ”وتانشىلدىق كينو − «مەنىڭ 1919 - جىلىم» قويىلادى“.

  ”وتە جاقسى بولدى، بۇگىن سىرتتا جاڭبىر جاۋىپ تۇر ەكەن، كوپشىلىك قول شاتىر العاندى ۇمىتىپ قالماڭدار، مەن قازىر شىعامىن“...

  5 - ايدىڭ 4 - كۇنى، ءۇرىمجى قالاسى سايباق رايونى لۋيۋان كوشەسى ءمالى باسقارماسى تيانشان قۇرىلىس ماتەريالدارى الەۋمەتتىك اۋماعى تۇرعىندارىنىڭ ۋيچات توبى توتەنشە دۋماندى بولدى، كوپتەگەن تۇرعىندار الەۋمەتتىك اۋماقتىڭ قيمىل ورتالىعىنا بىرگە بارىپ كينو كورۋگە ۋادەلەستى.

  اپتا سوڭى كينوحاناسىنا ادامدار جينالدى، مادەنيەت الاڭى سالتاناتتى ارتتىردى، قولايلى قىزمەت وتەۋ ارقىلى جۇرت تىلەگىن توعىستىردى... ءۇرىمجى تۇرعىن ءۇي الەۋمەتتىك قورىن باسقارۋ ورتالىعىنىڭ سايباق رايونى لۋيۋان كوشەسى ءمالى باسقارماسى تيانشان قۇرىلىس ماتەريالدارى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ۋيچات توبىن قۇرۋ، جۇرت تىلەگىن توعىستىرۋ . ۇلتتار ىنتىماعى مادەنيەت الاڭىن سالۋ، ”جەكسەنبى كۇنى ’ۇعىسۋ، تيىمدىلىك جاساۋ، توعىستىرۋ‘ بويىنشا حالىققا قىزمەت وتەۋ بايلانىس ورنىن“ قۇرۋ قاتارلى ءتۇرلى شارالار ارقىلى تۇرعىندار قاۋىمىنىڭ جۇرەگىنە جالعاساتىن كوپىر سالىپ، شىنايى سۇيىسپەنشىلىك پەن قاجىرلى قۇلشىنىس ارقىلى قىزمەتتى بۇقارانىڭ كوڭىلىنەن شىعاتىنداي ىستەدى.

  جۇرت اڭىسىن كوڭىل قويا تىڭداپ، قيىنشىلىقتاردى شەشتى

  تيانشان قۇرىلىس ماتەريالدارى الەۋمەتتىك اۋماعى قالا مەن اۋىل تۇيىلىسكەن وڭىردەگى تيپتىك الەۋمەتتىك اۋماقتىڭ ءبىرى، 87 عيماراتتا جالپى 3427 وتباسى، 9056 ادام بار؛ جالپى جان سانى مول، ساۋداگەر مول، ءۇيدى جالعا الىپ وتىرعاندار مول، جىلجىمالى جان سانى مول، نەگىزدىك قۇرىلعىلارى ءالسىز.

  ”ماسەلە كوپ بولۋدان قورىقپايمىز، ءبىز بۇقارانىڭ ماسەلەسىن شەشۋگە كومەكتەسۋ ءۇشىن كەلگەنبىز، كوپشىلىك بىرگە جەڭىمىزدى ءتۇرىپ الىپ، قايراتتانا ىستەيىك“، - دەدى قىزمەت اترەتىنىڭ باستىعى، ءبىرىنشى شۋجي جۋ جياڭ ارىندى داۋىسپەن.

  عيماراتقا شىعىپ وتباسىلارىن ارالاپ، پىكىر الىپ، بۇقارانىڭ جۇرەك ءسوزىن تىڭدادى، جۋ جياڭ 7 اترەت مۇشەسىن ەرتىپ الىپ 3 اي ۋاقىتپەن وتباسىلارىن ءبىر - بىرلەپ ارالاپ جاعداي ۇعىستى، قولدارىنداعى پىكىر العان داپتەرلەرى ەستەلىككە تولدى.

  تۇرعىندار: ”مادەنيەت، كوڭىل اشۋ قۇرىلعىلارى كەمشىل، بۇقارانىڭ كوڭىل اشۋ قيمىلدارى از“ دەگەندى ەرەكشە اڭىس ەتتى.

  ” ەڭ كوپ اڭىس ەتىلگەن ماسەلە − بۇقارانىڭ ەڭ كوكەي تەستى ماسەلەسى سانالادى، قانشا قيىن بولسا دا شەشۋىمىز كەرەك“، - دەدى جۋ جياڭ تىلشىگە، قىزمەت اترەتى تەكسەرۋ - زەرتتەۋ جۇرگىزگەننەن كەيىن، الەۋمەتتىك اۋماقتىڭ 4500 شارشى مەتر الاڭىن وزگەرتىپ، وعان ”جۇرت تىلەگىن توعىستىرۋ . ۇلتتار ىنتىماعى مادەنيەت الاڭى“ دەپ ات قويدى؛ شاعىن اۋماقتىڭ كىرەر قاقپاسى، ماڭداعى عيمارات، قورشاۋ سياقتى جەرلەردەن تولىق پايدالانىپ، ۇقساماعان تاقىرىپتا 35 مادەنيەت ۇگىت قابىرعاسىن جاسادى؛ الاڭدا جاڭادان ۇلتتار ىنتىماعى مادەنيەت كاريدورىن سالىپ، اقپارات قىزۋ تۇيىندەرى، حالىققا ءتيىمدى ساياسات قاتارلى مازمۇنداردان 30 ۇگىت تاقتاسىن جاسادى؛ ”ۇعىسۋ، تيىمدىلىك جاساۋ، توعىستىرۋ“ قىزۋ ءتۇيىندى ينفورماتسيا تەرەزەسىن قۇرىپ، ۇگىتتى بۇقارا قۇمارتا تىڭداپ، ۇناتىپ كورەتىن فورمامەن جان - جاقتى جۇرگىزدى.

  ”الاڭدا بوي جازۋدى ۇناتامىن، مادەنيەت كاريدورىن كورىپ، دەنە شىنىقتىرۋ اسپاپتارىندا دەنە شىنىقتىرىپ، حالىققا قولايلى ورىندىقتا وتىرىپ كورشىمەن اڭگىمەلەسەمىن. كەشتە ينفورماتسيا تەرەزەسىنىڭ شىراعى جارقىراپ، ءبىز تۇرعىنداردىڭ دا جۇرەگىن نۇرلاندىردى“. اۋا رايى جاقسى بولسا بولعانى، الەۋمەتتىك اۋماقتىڭ تۇرعىنى جۋ شيفاڭ ءار كۇنى الاڭدا سەيىلدەيدى.

  قازىر جۇرت تىلەگىن توعىستىرۋ . ۇلتتار ىنتىماعى مادەنيەت الاڭى كوپشىلىكتىڭ ەڭ ۇناتىپ كەلەتىن جەرىنە اينالدى.

  قىزمەت اترەتى تاعى الەۋمەتتىك اۋماقتىڭ جەر استى بولمەسىن وزگەرتىپ، ول ارانى قىزىل ايالداما، ۇيرەنۋدە قۇدىرەتتى ەل بازاسى، اقىسىز كىتاپ وقۋ، ”ساعات التى جارىم“ ساباقحاناسى، دەنە شىنىقتىرۋ ءبيى قاتارلىلار ءبىر تۇلعالاندىرىلعان 500 شارشى مەترلىك ۋنيۆەرسال قىزمەت وتەۋ قيمىل ورتالىعىنا اينالدىردى، تۇرعىندار ۇناتاتىن اپتا سوڭى كينوحاناسى دا وسى ارادا.

  جۇمىستانۋىنا كومەكتەسىپ، ۋايىمنان ارىلتتى

  ”ايگۇل، جاڭا قىزمەت ورنىڭدا قانداي ىستەپ جاتىرسىڭ؟ ءسوز جوق، جاقسى ىستەپ، اعا بۋىنداردان كوپ ۇيرەن، بولاشاقتاعى جولىڭ مۇنان دا جاقسى بولادى“. 5 - ايدىڭ 4 - كۇنى، الەۋمەتتىك اۋماق ەسىگى الدىندا، جۋ جياڭ تۇرعىن ايگۇلدى شابىتتاندىرىپ جاتتى.

  2017 - جىلى جوعارى مەكتەپ بىتىرگەننەن كەيىن، ايگۇل كوپ سابىلسا دا لايىقتى قىزمەت تابا المايدى، وتباسىنداعىلار دا بۇدان قاتتى ابىرجيدى. قىزمەت اترەتى قاتىستى تاراۋلارمەن بەلسەنە بايلانىس جاساپ، وعان ءبىر كاسىپورىننان بۇعالتىرلىق قىزمەت تاۋىپ بەرەدى.

  ”جۇمىستانعاننان كەيىن، جىگەرلەنە ءتۇستىم، اكە - شەشەمنىڭ دە كوڭىلى كوتەرىلىپ، تۇرمىسىمىز بارعان سايىن جاقسارا ءتۇستى“. قازىر ايگۇلدىڭ سەنىمى ارتا ءتۇستى.

  قىزمەت اترەتىنىڭ بايلانىس جاساۋى جانە تانىستىرۋى ارقاسىندا، جۇمىستانۋ ماسەلەسى ايگۇلمەن بىرگە شەشىلگەن تاعى 25 وتباسى بار، 2 وتباسىنداعى 8 ادام دەربەس شارۋاشىلىق قۇردى.

  ”قىزمەت اترەتى بىزگە پارتيانىڭ ابزال ساياساتىن تەرەڭ ۇعىندىرىپ، جۇرەگىمىزگە جىلۋلىق سەزىندىردى“. 2018 - جىلى 8 - ايدا، تۇرعىن باھارگۇل يزاق ءوزى كەستەلەگەن بەس جۇلدىزدى قىزىل تۋدى قىزمەت اترەتىنە ۇسىنىپ، العىس سەزىمىن ءبىلدىردى.

  حالىق ءۇشىن قىزمەت وتەۋدە ەشقانداي بويكۇيەزدىككە سالىنبادى

  تيانشان قۇرىلىس ماتەريالى الەۋمەتتىك اۋماعىندا، ”جەكسەنبى كۇنى ’ۇعىسۋ، تيىمدىلىك جاساۋ، توعىستىرۋ‘ بويىنشا حالىققا قىزمەت وتەۋ بايلانىس پۋنكتىن“ بىلمەيتىن ادام جوق.

  ءار جەكسەنبى كۇنى، قىزمەت اترەتىنىڭ مۇشەلەرى اترەت كيىمدەرىن كيىپ، كەۋدەلەرىنە قىزمەت كۋالىكتەرىن تاعىپ، قولدارىنا تۋ ۇستاپ، حالىققا قولايلى قالتالارىن اسىپ الىپ، الەۋمەتتىك اۋماقتى ارالاپ ءجۇرىپ قىزمەت وتەپ، ساياسات ۇگىتتەپ، اقىل - كەڭەس بەرىپ، حالىقتىڭ اڭىسىن تىڭداپ، حالىقتىڭ قيىنشىلىعىن شەشىپ بەرەدى.

  ”ەسىگىمىزدىڭ الدىنداعى جەر استى قۇدىعىنىڭ قاقپاعى بۇزىلىپ قالعان ەدى، قوجالىققا جەتكىزىپ قوياسىزدار ما؟“.

  ”تۇرعىندار رايونىنىڭ قاقپا الدىنداعى جول وتە تار، اۆتوكولىك وڭاي كەپتەلىپ قالادى، سونى ءبىر كەڭەيتسە“ ...

  تۇرعىندار اڭىس ەتكەن ماسەلەلەردى قىزمەت اترەتىنىڭ مۇشەلەرى ءبىر - بىردەن ەستەلىككە الىپ، ماسەلەنىڭ اۋىر - جەڭىلدىگىنە، اسىعىس - اسىعىس ەمەستىگىنە قاراي سالالاپ جيناقتاپ، شەشۋگە بولاتىندارىن دەر كەزىندە شەشىپ، جاۋاپكەرشىلىكتى ادامعا دەيىن تياناقتاندىردى، سونداي - اق قىزمەتتىڭ ىلگەرىلەتىلۋ جاعدايىن تۇرعىندارعا دەر كەزىندە اڭىس ەتىپ، تۇرعىنداردىڭ باقىلاۋىن قابىلدادى.

  قىزمەت اترەتى تاعى تۇرعىندار ءبي اترەتىن، دەنە تاربيە اترەتىن جانە ەرىكتىلەر قىزمەت وتەۋ اترەتىن ۇيىمداستىرىپ، وسى 3 اترەتتىڭ كۇشى ارقىلى ءتۇرلى مادەنيەت قيمىلدارىن جانە ”حالىققا قولايلى“ قىزمەت وتەۋ قيمىلدارىن ورىستەتتى.

  ”جەر استى سۋ قۇبىرىن جالعاۋ، اسفالت جاتقىزۋ، جەتىم - جەسىر كاريالاردان حال سۇراۋ، ءبىز بۇقارا ورتاعا قويعان ماسەلەلەردىڭ بارلىعىن مۇمكىندىكتىڭ بارىنشا شەشۋگە كۇش سالامىز“. قازىرگە دەيىن قىزمەت اترەتى اقىل - كەڭەس بەرۋدەن قىزمەت وتەۋ قيمىلدارىن ءجۇز رەتتەن استام ورىستەتىپ، تۇرعىندار ءۇشىن نەشە مىڭ ادام - رەت قىزمەت وتەدى.

  ”قىزمەتتى بۇقارانىڭ قالاۋىنان شىعا ىستەيمىز، ناقتى ىستەردى كوبىرەك ىستەيمىز، پارتيا مەن تۇرعىندار اراسىنداعى جۇرەكتەس كوپىر بولۋعا قۇلشىنامىز“. مىنە بۇل قىزمەت اترەتى مۇشەلەرىنىڭ باستان - اياق ۇستانعان ۇرانى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى