تيانشان تورابى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى «قالا نەگىزگى ساتى پارتيا قۇرىلىسى قىزمەتىن كۇشەيتۋ جانە جاقسارتۋ جونىندەگى پىكىر»دى باسىپ تاراتتى

  شينحۋا اگەنتتىگىنىڭ 5 - ايدىڭ 8 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى كەڭسەسى «قالا نەگىزگى ساتى پارتيا قۇرىلىسى قىزمەتىن كۇشەيتۋ جانە جاقسارتۋ جونىندەگى پىكىر»دى باسىپ تاراتتى ءارى حابارلاندىرۋ شىعارىپ، جەر - جەردىڭ، تاراۋلاردىڭ ءىس جۇزىندىكپەن ۇشتاستىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.

  «پىكىر»دە مىنالار باسا دارىپتەلدى: ساياسي يقۋات پەن ۇيىمداستىرۋ قۋاتىن كورنەكتىلەندىرىپ، پارتيانىڭ قالا نەگىزگى ساتى ۇيىمدارىنداعى ۇيىمدىق جۇيەسىن قاتايتىپ، جۇيە قۇرىلىسىن جانە تۇتاس تۇلعالىق قۇرىلىستى كۇشەيتىپ، ءوڭىر بويىنشا ءبىر تۇتاس جوسپارلاناتىن، جوعارعى كاسىپتىك سالالار باسشىلىعى مەن جەرگىلىكتى پارتيا، ۇكىمەت باسشىلىعى سايكەسەتىن، جوعارى مەن تومەن بىرلەسە ارەكەتتەنەتىن، بىرگە قۇراتىن، ورتاقتاساتىن قالا نەگىزگى ساتى پارتيا قۇرىلىسى قىزمەتىنىڭ جاڭا جاعدايىن قالىپتاستىرۋ كەرەك.

  «پىكىر»دە مىنالار تالاپ ەتىلدى: قالا نەگىزگى ساتى پارتيا قۇرىلىسى قىزمەتىنە ۇيىمدىق باسشىلىقتى كۇشەيتىپ، پارتكوم ءبىر تۇتاس باسشىلىق ەتەتىن، ۇيىمداستىرۋ تاراۋلارى باستاماشىلدىقپەن جاۋاپتى بولاتىن، قاتىستى تاراۋلار مەن كاسىپ سالاسى جۇيەلەرى بىردەي كىرىسەتىن باسشىلىق ءتۇزىلىسىن جانە جاۋاپكەرشىلىك مەحانيزمىن اقاۋسىزداندىرىپ، تۇرگە ءبولىپ جەتەكشىلىك ەتۋدى كۇشەيتىپ، جەر جاعدايىنا قاراي دالمە - ءدال شارا قولدانىپ، قالا نەگىزگى ساتى پارتيا قۇرىلىسىنان ۇلگى كورسەتۋ، جەتەكتەۋ ارەكەتىن ورىستەتىپ، نەگىزدىك قامتاماسىزداندىرۋدى بەكەمدەپ، قالا نەگىزگى ساتى پارتيا قۇرىلىسىنىڭ جالپىلىق ساپاسىن جوعارىلاتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.