تيانشان تورابى   ›   زاڭ تارازى   ›   زاڭنان كەڭەس

بايىنعولين وبلىسىنىڭ وقۋ - اعارتۋ جۇيەسى مەكتەپتە جابىرلەۋدەن ساقتانۋ جانە ونى وڭاۋ قىزمەتىن تىڭعىلىقتى ىلگەرىلەتتى

  ءتىلشى ميھىرگۇل وبۇل، ەرىكتى تىلشىلەر سۇن يۇڭحۇي، سۇي جىچياڭ 5 - ايدىڭ 8 - كۇنى ۇرىمجىدەن حابارلايدى. ”مەكتەپتە جابىرلەۋدىڭ فورماسى الۋان ءتۇرلى، ۇرىپ - سوعۋ، زيان جەتكىزۋ ارەكەتىنەن سىرت، ياناتتاۋ، جالا جابۋ، قورقىتۋ، وقشاۋلاۋ، شەتكە قاعۋ سياقتى ارەكەتتەر دە مەكتەپتە جابىرلەۋگە جاتادى. وسى تەكتەس جاعدايعا جولىققاندا، ءسوز جوق، دەر كەزىندە اتا - اناسىمەن، وقىتۋشىمەن بايلانىس جاساۋ قاجەت، ىشتەي تىنىپ ۇندەمەي قويماۋ كەرەك...“ تاياۋدا بايىنعولين موڭعۇل اۆتونوميالى وبلىسىنىڭ وقۋ - اعارتۋ جۇيەسى قوعام حاۋىپسىزدىگى تاراۋلارىمەن بىرلەسىپ مەكتەپتەردى ارالاپ، دەلو ارقىلى زاڭدى ءتۇسىندىرۋ، ءوزارا سۇراۋ قويىپ جاۋاپ بەرۋ سياقتى تاسىلدەرمەن، قاراپايىم، ۇعىنىقتى تىلمەن وقۋشىلارعا قارا، سۇرقيا كۇشتەردىڭ بەينەلەنۋ فورمالارى مەن سالاتىن زيانىن ءتۇسىندىرىپ، ماڭىنداعى قارا، سۇرقيا كۇشتەردى قالاي پارىقتاۋدى، سونداي - اق قارا، سۇرقيا كۇشتەردىڭ زاقىمداۋ، مەكتەپتە جابىرلەۋ ارەكەتىنە قاراتا ءوزىن قالاي قورعاۋدى ۇعىندىردى.

  بايىنعولين وبلىسىنىڭ وقۋ - اعارتۋ جۇيەسى مەكتەپتە جابىرلەۋدەن ساقتانۋدى جانە ونى وڭاۋدى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ جانە تىنىش مەكتەپ اۋلاسىن قۇرۋ قىزمەتىنىڭ كولەمىنە ەنگىزىپ، جەرگىلىكتى حالىق سوت مەكەمەسى، حالىق پروكۋراتۋراسى، قوعام حاۋىپسىزدىگى مەكەمەسى، وداق كوميتەتى سياقتى تاراۋلارمەن بىرلەسىپ، «بايىنعولىن وبلىسىنىڭ ورتا، باستاۋىش مەكتەپ وقۋشىلارىنىڭ جابىرلەنۋدى جالپى بەتتىك وڭاۋدى اتقارۋ جوباسى»ن باسىپ تاراتىپ، وقۋشىلاردى جابىرلەۋدى جان - جاقتى وڭاۋدى وقۋ - اعارتۋ جۇيەسىندە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ماڭىزدى مازمۇنى ەتىپ، باياندى، جاراسىمدى، ورنىقتى مەكتەپ ورتاسىن جاراتۋعا قۇلشىندى.

  بايىنعولين وبلىسىنىڭ وقۋ - اعارتۋ جۇيەسى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن زاڭمەن جونگە سالۋ ۇگىتى، مەكتەپ اۋلاسىنداعى جابىرلەۋدى جاپپاي وڭاۋ، مەكتەپ توڭىرەگىندەگى ورتانى جاپپاي وڭاۋ، ءتۇيىندى نىسان قۇرىلىسى، وتباسى مەن مەكتەپ بىرگە قۇرۋ سياقتىلارمەن ۇشتاستىرىپ، مەملەكەت تۋى استىندا لەكسيا سويلەۋ، نەگىزگى تاقىرىپتا كلاس، اترەت جيىنىن اشۋ، ەلىكتەمە سوت سياقتى ءتۇرلى فورمالارمەن يدەيا ءمورال، پسيحيكالىق اقاۋسىزدىق جانە زاڭمەن جونگە سالۋ، حاۋىپسىزدىك سياقتى مازمۇنداردا كەڭ كولەمدە ۇگىت، تاربيە قيمىلىن ورىستەتىپ، وقۋشىلاردىڭ قوعامدىق جاۋاپكەرشىلىك سەزىمىن كۇشەيتۋىنە، سەنىمدىلىككە باسا ءمان بەرۋ، تۋراشىلدىقتى قورعاۋ ۇستانىمىن ورناتۋىنا جەتەكشىلىك ەتىپ، قوعامدىق وڭ ەنەرگيانى اسقاقتاتتى.

  بايىنعولين وبلىسىنداعى اۋداندىق، قالالىق وقۋ - اعارتۋ، عىلىم - تەحنيكا مەكەمەلەرى، ءار دارەجەلى، ءار ءتۇرلى مەكتەپتەر مەكتەپتە جابىرلەۋدەن ساقتانۋ، ءبىر جايلى ەتۋ ءتۇزىمىن دەر كەزىندە بەلگىلەپ، كەمەلدەندىرىپ، ونى وقىتۋشىلاردىڭ، جۇمىسشى - قىزمەتشىلەردىڭ كەزەكشىلىك ىستەۋ جالپى بارىسىندا قامتىپ، قىزمەت ورنى جاۋاپكەرشىلىگىن ايقىنداپ، وقۋشىلاردىڭ كومەك سۇراۋ تەلەفونىن جاريالادى، سونداي - اق جاۋاپتى ادامدى تۇراقتاندىردى. پسيحيكالىق اقىل - كەڭەس بولىمىنەن پايدالانىپ، وقۋشىلارعا پسيحيكالىق اقاۋسىزدىق جاعىنان كەڭەس بەرىپ، ءجون كورسەتىپ، وقۋشىلار اراسىنداعى قايشىلىقتى، پىسيحيكالىق ماسەلەلەردى ەگجەي - تەگجەيلى ۇعىسىپ، وقۋشىلاردىڭ يدەيالىق جاعدايى مەن ماسەلەنىڭ تۋىلۋ سىڭايىن دەر كەزىندە يەلەدى. مەكتەپتەر شىنايى كوڭىل ءبولۋ، دەن قويا جاراستىرۋ سياقتى تاسىلدەرمەن قايشىلىقتاردى شەشىپ، وتاعاسىلارىمەن دەر كەزىندە وقۋشىلاردىڭ مەكتەپتەگى بەينەسى جونىندە سويلەسىپ، وقۋشىلاردىڭ ۇيرەنۋ جانە يدەيالىق قىزمەتىن كۇش سالا جاقسى ىستەدى.

  ”ءبىز مەكتەپتە جابىرلەۋدى جاپپاي وڭاۋ قىزمەتىنىڭ ۇزاق ۋاقىتتىق ءونىمدى مەحانيزمىن ورناتىپ جانە اقاۋسىزداندىرىپ، مەكتەپتەردىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە قۋزاۋ - جەتەكشىلىك ەتۋدى كۇشەيتىپ، ۇگىت تەبىنىن ونان ارى ارتتىرىپ، كوپ ساتىلى، جان - جاقتى، ستەرەولدى تاربيە بەرۋ، الدىن الۋ جۇيەسى قۇرىلىسىن ىلگەرىلەتەمىز“، - دەدى بايىنعولين وبلىستىق وقۋ - اعارتۋ مەكەمەسى پارتيا باسشىلىق گرۋپپاسىنىڭ شۋجيى شۇي ىرحۇي.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى