− باس شۋجي شي جينپيڭنىڭ بۇكىل مەملەكەتتىك قوعام حاۋىپسىزدىگى قىزمەتى ماجىلىسىندەگى ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
ەكونوميكا ۇزدىكسىز اقاۋسىز دامىدى، قوعام ۇزدىكسىز حاۋىپسىز، ورنىقتى بولدى، حالىقارا تۇتاستاي جۇڭگونى وسى ”ەكى كەرەمەت“تى جاراتتى، دۇنيە جۇزىندەگى ەڭ حاۋىپسىز سەزىنەتىن مەملەكەتتەردىڭ ءبىرى دەپ قارادى. مۇنداي تابىستارعا قول جەتكىزۋدە بۇكىل مەملەكەتتەگى قوعام حاۋىپسىزدىگى شەبى مەن قالىڭ قوعام حاۋىپسىزدىگى حالىق ساقشىلارىنىڭ ەڭبەگى ەسەلى.
ەندى عانا جابىلعان بۇكىل مەملەكەتتىك قوعام حاۋىپسىزدىگى قىزمەتى ماجىلىسىندە باس شۋجي شي جينپيڭ ماڭىزدى ءسوز سويلەپ، پارتيا 18 - قۇرىلتايىنان بەرى قوعام حاۋىپسىزدىگى قىزمەتىندە قول جەتكەن ناتيجەلەردى تولىق تۇراقتاندىرىپ، اماليات بارىسىندا توپتاعان قىمباتتى تاجىريبەلەردى تەرەڭ قورىتىندىلاپ، جاڭا داۋىردەگى قوعام حاۋىپسىزدىگى ورگاندارىنىڭ بورىشى مەن مىندەتىن تەرەڭ بايانداپ، جاڭا داۋىردەگى قوعام حاۋىپسىزدىگى قىزمەتىنە جالپى بەتتىك ورنالاستىرۋ جاساپ، جاڭا داۋىردەگى قوعام حاۋىپسىزدىگى ورگاندارىنىڭ پارتيا مەن حالىق جۇكتەگەن جاۋاپكەرشىلىك پەن بورىشتى اناعۇرلىم جاقسى ادا ەتىپ، قوعام حاۋىپسىزدىگى قىزمەتىنىڭ جاڭا جاعدايىن اشۋعا، ۇلى ارماندى جۇزەگە اسىرۋعا حاۋىپسىز دە ورنىقتى ساياسي، قوعامدىق ورتا جاراتۋعا العا باسۋ بەتالىسىن نۇسقاپ، ءتۇبىرلى بويسۇنۋ ولشەمىن ازىرلەدى.
اماندىق − حالىق باقىتىنىڭ، ەسەن - ساۋلىعىنىڭ نەگىزگى تالابى، رەفورمانىڭ، دامۋدىڭ نەگىزگى العى شارتى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەل ءىشى، حالىقارالىق ەكى ۇلكەن جاعدايدى، دامۋ جانە حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، قوعام حاۋىپسىزدىگى قىزمەتىن كۇشەيتۋ جونىندە ءبىر قىدىرۋ كەلەلى شەشىمدەردى، ورنالاستىرۋلاردى العا قويىپ، ءبىر قىدىرۋ كەلەلى رەفورما شارالارىن اتقاردى. پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى قوعام حاۋىپسىزدىگى ورگاندارى حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ باس نىساناسىن تىعىز توڭىرەكتەي وتىرىپ، پارتياعا ادال بولۋ، حالىق ءۇشىن قىزمەت ىستەۋ، زاڭ اتقارۋدا ءادىل بولۋ، تارتىپتە قاتاڭ بولۋ جالپى تالابىن مىقتاپ يگەرىپ، شايقاسقان سايىن جەڭىسكە جەتىپ، ساياسي حاۋىپسىزدىكتى، قوعامنىڭ تىنىشتىعىن، حالىقتىڭ الاڭسىزدىعىن پارمەندى قورعادى، ”تىنىش جۇڭگو“ مەملەكەتتىڭ تاماشا وبرازىنا اينالدى. كۇردەلى ەل ءىشى - سىرتى جاعدايىندا مۇنداي جەتىستىكتەرگە قول جەتكىزۋدە، ەڭ ءتۇبىرلىسى، بۇكىل مەملەكەتتەگى قوعام حاۋىپسىزدىگى ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ قوعام حاۋىپسىزدىگى قىزمەتىنە شارتسىز باسشىلىعىنا تاباندى بولدى، بۇكىل مەملەكەتتەگى قالىڭ قوعام حاۋىپسىزدىگى حالىق ساقشىلارى جاۋاپكەرشىلىكتى، بورىشتى ەستە بەرىك ساقتاپ، قيىندىقتاردان قامال الىپ، ەكپىندەي ىلگەرىلەپ، قاجىرلىلىقپەن ۇلەس قوستى.
پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سياقتى بارلىق سالاعا جانە بارلىق جەرگە پارتيا باسشىلىق ەتەدى. قوعام حاۋىپسىزدىگى ورگاندارى جۇڭگوشا سوتسياليزم ىستەرىنىڭ قۇرىلىسشىسى، قورعاۋشىسى، ونى، ءسوز جوق، پارتيا مەن حالىق قولىندا مىقتاپ يگەرۋ كەرەك. پارتيانىڭ قوعام حاۋىپسىزدىگى قىزمەتىنە شارتسىز باسشىلىعىنا تاباندى بولعاندا عانا، قوعام حاۋىپسىزدىگى قىزمەتىنىڭ مىزعىماس دۇرىس ساياسي بەتالىسىنا شىنايى كەپىلدىك ەتىپ، حالىق قوعام حاۋىپسىزدىگى حالىق ءۇشىن دەگەن ايبىندى ۋادەنى ادالدىقپەن امالياتتا ايگىلەۋگە بولادى. پارتيانىڭ شارتسىز باسشىلىعىنا تاباندى بولۋ ءۇشىن، ساياسي باسشىلىقتى كۇشەيتىپ، بۇكىل ساقشىلاردى ”ءتورت تانىم“دى كۇشەيتۋگە، ”ءتورت سەنىم“دى بەكەمدەۋگە، ”ەكىنى قورعاۋ“دى ورىنداۋعا جەتەكتەۋ كەرەك؛ يدەيالىق باسشىلىقتى كۇشەيتىپ، بۇكىل ساقشىلاردى سەنىم نەگىزىن بەرىك ورناتىپ، رۋحاني كالتسيدى تولىقتاپ، يدەيا تىزگىنىن مىقتى ۇستاۋعا، يدەياداعى وسكەلەڭ ىنتىماق - بىرلىك ارقىلى ارەكەتتەگى تاباندىلىققا، پارمەندىلىككە كەپىلدىك ەتۋگە تاربيەلەۋ كەرەك؛ ۇيىمدىق باسشىلىقتى كۇشەيتىپ، كادرلاردىڭ ساياسي ادالدىعىن، ساياسي جاۋاپكەرشىلىك ارقالاۋىن، ساياسي قابىلەتىن، ساياسي ۇستامدىلىعىن جان - جاقتى تارازىلاپ، ساياسيداعى سەنىمدىلىگىنە شىنايى كەپىلدىك ەتۋ كەرەك.
جاعدايدى بارلاعان پاراساتتى بولادى، جاعدايدى مەڭگەرگەن جەڭەدى. قازىر ءبىز ءدوپ كەلگەن سىرتقى ورتا مەن ىشكى شارت - جاعدايدا تەرەڭ وزگەرىستەر تۋىلدى، العا باسۋ جولىمىز از بولماعان جاڭا حاۋىپ - قاتەرلەر مەن سىن - سايىستارعا ءدوپ كەلدى. جاڭا داۋىردە قوعام حاۋىپسىزدىگى ورگاندارى پارتيا مەن حالىق بەرگەن جاۋاپكەرشىلىك پەن بورىشتى جاقسى ادا ەتۋدە، ءسوز جوق، جالپىلىق مەملەكەت حاۋىپسىزدىگى كوزقاراسىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، ءادىل دە وركەنيەتتى زاڭ اتقارۋدى قاتاڭ جۇيەگە تۇسىرۋگە تاباندى بولۋ، رەفورما ارقىلى ساقشىنى قۇدىرەتتەندىرۋ جولىندا بۇلجىماي تاباندى بولىپ، جوعارى ساپالى، شىڭدالعان قوعام حاۋىپسىزدىگى قوسىنىن سومداۋ كەرەك.
”بيلىكتىڭ تەتىگى حالىقتى الاڭسىز ەتۋدە“. حاۋىپسىز ساياسي ورتا، ورنىقتى قوعامدىق ورتا، ادىلەتتى زاڭمەن جونگە سالۋ ورتاسى، ساپالى قىزمەت وتەۋ ورتاسى بولعاندا عانا، حالىق بۇقاراسىندا تابىس سەزىمى، باقىت سەزىمى، حاۋىپسىزدىك سەزىمى بولادى. بۇكىل ەلدەگى قوعام حاۋىپسىزدىگى ورگاندارى مەن قالىڭ قوعام حاۋىپسىزدىگى حالىق ساقشىلارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، قايتپاس قاجىرلىلىقپەن العا ىلگەرىلەسە، ءسوز جوق، حالىقتىڭ تىنىش تىرشىلىك، شات - شادىمان ءومىر كەشىرۋىنە، قوعامنىڭ تىنىش، ءتارتىپتى بولۋىنا، مەملەكەتتىڭ باياندى تىنىشتىعىنا شىنايى كەپىلدىك ەتە الادى.
(شينحۋا اگەنتتىگىنىڭ 5 - ايدىڭ 8 - كۇنى بەيجيڭنەن بەرگەن حابارى)
