ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك

　　بۇكىل مەملەكەتتىك قوعام حاۋىپسىزدىگى قىزمەتى ءماجىلىسى 5 - ايدىڭ 7 - ، 8 - كۇندەرى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

　　بەيبىت داۋىردە، قوعام حاۋىپسىزدىگى قوسىنى − قۇرباندىعى ەڭ كوپ، ۇلەسى ەڭ زور قوسىن. بۇل ەرەكشە قوسىنعا ەرەكشە قامقورلىق جاساپ، ساياسي جاقتا كوڭىل ءبولىپ، قىزمەت جاقتا قولداۋ كورسەتىپ، مامىلە جاقتا قامتاماسىز ەتىپ، ساقشىلارعا قامقورلىق جاساۋ شارالارىن جان - جاقتى تياناقتاندىرۋ كەرەك. حالىق ساقشىسى داڭق ءتۇزىمىن كەمەلدەندىرىپ، وزات تيپتەردى جەتىلدىرۋ جانە ۇگىتتەۋ تەبىنىن ارتتىرىپ، قوعام حاۋىپسىزدىگى حالىق ساقشىسىنىڭ كاسىپتىك داڭق سەزىمىن، ماقتانىش سەزىمىن، تاۋەلدىلىك سەزىمىن كۇشەيتۋ كەرەك.

　　شينحۋا اگەنتتىگىنىڭ 5 - ايدىڭ 8 - كۇنى بەيجيڭنەن بەرگەن حابارى (تىلشىلەر زوۋ ۋي، ياڭ ۋيحان). بۇكىل مەملەكەتتىك قوعام حاۋىپسىزدىگى قىزمەتى ءماجىلىسى 5 - ايدىڭ 7 - ، 8 - كۇندەرى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا تاريحي شارت - جاعدايدا، قوعام حاۋىپسىزدىگى ورگاندارى جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، جالپىلىق مەملەكەت حاۋىپسىزدىگى كوزقاراسىنان جازباي، حالىقتى وزەك ەتۋ سىندى دامۋ يدەياسىنان جازباي، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارىپ، حالىق بۇقاراسىنىڭ حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتۋگە قۇلشىنىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا حاۋىپسىز، ورنىقتى ساياسي قوعامدىق ورتا جاراتۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ ماجىلىسكە قاتىناستى.

　　شي جينپيڭ سوزىندە بىلاي دەپ باسا دارىپتەدى: پارتيا 18 - قۇرىلتايىنان بەرى، كۇردەلى ەل ءىشى - سىرتى جاعدايى الدىندا، پارتيا ورتالىق كوميتەتى ەل ءىشى، حالىقارالىق ەكى ۇلكەن جاعدايدى، دامۋ جانە حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، قوعام حاۋىپسىزدىگى قىزمەتىن كۇشەيتۋ جونىندە ءبىر قىدىرۋ كەلەلى شەشىمدەر شىعارىپ، ورنالاستىرۋلار جاساپ، ءبىر قىدىرۋ كەلەلى رەفورما شارالارىن اتقارىپ، قوعام حاۋىپسىزدىگى رەفورماسىن جاپپاي تەرەڭدەتىپ، پارتيانى قاتاڭ باسقارۋدى، ساقشى قوسىنىن قاتاڭ جونگە سالۋدى جان - جاقتى ىلگەرىلەتىپ، قوعام حاۋىپسىزدىگى ورگاندارىنىڭ زاڭ اتقارۋداعى الەۋمەتتىك سەنىمدىلىگىن جوعارىلاتىپ، قوعامنىڭ ادىلدىگىن، تۋراشىلدىعىن جەبەدى، حالىق بۇقاراسىنىڭ حاۋىپسىزدىك سەزىمىن كۇشەيتتى، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتتى. شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ قوعام حاۋىپسىزدىگى حالىق ساقشىلارىنان شىنايى حال سۇرادى.

　　شي جينپيڭ بىلاي دەپ اتاپ كورسەتتى: اماليات بارىسىندا، ءبىز قوعام حاۋىپسىزدىگى قىزمەتىنىڭ زاڭدىلىعى جونىندەگى تانىمدى تەرەڭدەتىپ، كوپتەگەن قىمباتتى تاجىريبەلەر جيناقتادىق، ءساتتى تاجىريبەلەردى، ءسوز جوق، ويداعىداي قورىتىندىلاپ، ونان ويداعىداي پايدالانىپ، قوعام حاۋىپسىزدىگى قىزمەتىنىڭ مىزعىماس دۇرىس ساياسي بەتالىسىنا شىنايى كەپىلدىك ەتىپ، رەفورما جاساۋدان، جاڭالىق اشۋدان جازباي، پارتيانى قاتاڭ باسقارۋدان، ساقشى قوسىنىن قاتاڭ جونگە سالۋدان جازباي، پارتياعا ادال بولۋ، حالىق ءۇشىن قىزمەت ىستەۋ، زاڭ اتقارۋدا ءادىل بولۋ، تارتىپتە قاتاڭ بولۋ جالپى تالابى بويىنشا، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن، جوعارى ساپالى، ىسىلعان قوعام حاۋىپسىزدىگى قوسىنىن سومداۋ كەرەك.

　　شي جينپيڭ بىلاي دەپ باسا دارىپتەدى: قوعام حاۋىپسىزدىگى ورگاندارىن ساياسي جاقتان قۇرىپ جانە يگەرىپ، جالپى ساقشىلاردى ”ءتورت تانىم“دى كۇشەيتۋگە، ”ءتورت سەنىم“دى بەكەمدەۋگە، ”ەكىنى قورعاۋ“دى ورىنداۋعا جەتەكتەپ، يدەيادا، ساياسيدا، ارەكەتتە پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. جالپى ساقشىلاردى دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن بەرىك ورناتۋعا تاربيەلەۋ كەرەك. كادرلاردى پارتيا باسقارۋ پرينسيبىنە تاباندى بولىپ، جاڭا داۋىردەگى جاقسى كادر ولشەمى بويىنشا، ءار دارەجەلى قوعام حاۋىپسىزدىگى ورگاندارىنىڭ باسشىلىق القاسى مەن باسشى كادرلارىن جاقسى تاڭداۋ، سەپتەۋ كۇشەيتۋ كەرەك. ءار دارەجەلى قوعام حاۋىپسىزدىگى ورگاندارى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ سياقتى جاعدايلاردى قۋزاۋ - تەكسەرۋ، ونىمدىلىگىن، جاۋاپكەرشىلىگىن قۋزاۋ مەحانيزمىن كەمەلدەندىرىپ، پارتيانىڭ لۋشيان، باعىت - ساياساتتارىنىڭ جانە كەلەلى شەشىمدەرىنىڭ، ورنالاستىرۋلارىنىڭ ەش بۇلجىماستان دايەكتىلەنۋىنە، تياناقتانۋىنا كەپىلدىك ەتۋ كەرەك.

　　شي جينپيڭ بىلاي دەپ اتاپ كورسەتتى: تۇرلىشە قوعامدىق قايشىلىقتاردان بەلسەندىلىكپەن ساقتانىپ، ونى ۇيلەسىمدى جويىپ، قوعامنىڭ ومىرشەڭدىك كۇشكە تولى بولۋمەن بىرگە، تىنىش، ءتارتىپتى بولۋىنا شىنايى كەپىلدىك ەتۋ كەرەك. ورنىقتىلىقتى قورعاۋ مەن ۇقىقتى قورعاۋدىڭ قاتىناسىن ويداعىداي ءبىر جاقتى ەتىپ، ورىندى، زاڭعا سيىمدى ارىز - تالاپتاردى شەشىپ، بۇقارانىڭ مۇددەسىن قورعاۋمەن بىرگە، بۇقارانى ارىز - تالاپتارىن زاڭ بويىنشا جەتكىزۋگە جەتەكتەپ، قوعامدىق ءتارتىپتى قورعاۋ كەرەك. بۇقارانىڭ حاۋىپسىزدىك سەزىمىنە ىقپال جەتكىزەتىن كورنەكتى ماسەلەلەردى توڭىرەكتەي وتىرىپ، قىلمىستىلارعا سوققى بەرۋ، حالىقتى قورعاۋ قىزمەت جاۋاپكەرشىلىگىن ويداعىداي اتقارىپ، قارا كۇشتەرگە، سۇرقيا كۇشتەرگە قاتىستى، مىلتىققا، جارىلعىش زاتتارعا قاتىستى، زورلىقتى كۇش، لاڭكەستىككە جانە جەكەلەردىڭ ۇشقارىلىعىنا قاتىستى زورلىقتى كۇش قىلمىستارىنا، ۇرلىق، توناۋشىلىق، الدامشىلىق، بادىك، قۇمار، ەسىرتكى، ازىق - تۇلىك، ءدارى - دارمەك، قورشاعان ورتا سياقتىلارداعى كورنەكتى زاڭعا قايشى قىلمىستارعا تەگەۋىرىندى سەسكەندىرۋ كۇيىن ساقتاپ، سىلەيتە سوققى بەرۋدەن، قىلپى بىلىنە سالا سوققىلاۋدان جازباۋ كەرەك. سوققى بەرۋ مەن ساقتانۋدى ۇشتاستىرۋدان، تۇتاس تۇلعالىق ساقتانۋدان جانە تىزگىندەۋدەن، ارنايى ورگاندار قىزمەتى مەن بۇقارالىق لۋشياندى ۇشتاستىرۋدان، جابال ساقتانىپ، جۇمىلا وڭاۋدان جازباي، ”فىڭچياۋ تاجىريبەسى“نە ويداعىداي تاباندى بولىپ، ونى ويداعىداي دامىتىپ، پارتيانىڭ بۇقارالىق لۋشيانىنا ويداعىداي تاباندى بولىپ، ونى ويداعىداي دايەكتىلەندىرىپ، بۇقارانى تولىق جۇمىلدىرىپ، بۇقارانى ۇيىمداستىرىپ، بۇقاراعا سۇيەنىپ، نەگىزگى ساتى قوعامىن وڭاۋدا جاڭالىق اشۋدى ىلگەرىلەتىپ، اناعۇرلىم جوعارى دەڭگەيلى تىنىش جۇڭگو قۇرۋعا قۇلشىنۋ كەرەك.

　　شي جينپيڭ بىلاي دەپ باسا دارىپتەدى: ادىلدىك، تۋراشىلدىق − زاڭ اتقارۋدىڭ، ءادىليا قىزمەتىنىڭ جانى. شەشۋشى بۋىندى مىقتى ۇستاپ، زاڭ اتقارۋ ۇقىعى اينالىم مەحانيزمىن جانە باسقارۋ، باقىلاۋ، تەجەۋ جۇيەسىن كەمەلدەندىرىپ، حالىق بۇقاراسىنا ءار دەلونى ءبىتىرۋ بارىسىندا، ءار ءىستى ءبىر جاقتى ەتۋ بارىسىندا ادىلدىكتى، تۋراشىلدىقتى سەزىندىرۋگە قۇلشىنۋ كەرەك. زاڭدى قاتاڭ، ولشەمدى، ءادىل، مادەنيەتتى اتقارىپ، قىلمىستىلارعا سوققى بەرۋدى ادامدىق ۇقىقتى قامتاماسىز ەتۋمەن، ونىمدىلىككە تالپىنۋدى ادىلدىكتى جۇزەگە اسىرۋمەن، زاڭ اتقارۋ ماقساتىن زاڭ اتقارۋ فورماسىمەن ورگانيكالى بىرلەستىرىپ، ەڭ تاماشا زاڭدىق ونىمدىلىكتى، ساياسي ونىمدىلىكتى، قوعامدىق ونىمدىلىكتى قۇلشىنا جۇزەگە اسىرۋ كەرەك. زاڭ الدىندا بارلىق ادام تەڭ، ءارقانداي ادامنىڭ زاڭنان جوعارى تۇرۋىنا بولمايدى. جالپى حالىققا زاڭ جالپىلاستىرۋ ۇگىت - تاربيەسىن كۇشەيتىپ، تۇتاس قوعامدا زاڭ بويىنشا ءىس بىتىرەتىن، ىسكە جولىقسا زاڭدى ىزدەيتىن، ماسەلەنى شەشكەندە زاڭدى قولداناتىن، قايشىلىقتى جويۋدا زاڭعا سۇيەنەتىن تاماشا زاڭمەن جونگە سالۋ ورتاسىن قالىپتاستىرۋدى ىلگەرىلەتۋ كەرەك.

　　شي جينپيڭ بىلاي دەپ اتاپ كورسەتتى: سەنىمدى بەكەمدەپ، ۇتىمدى ساتتەن پايدالانىپ ىلگەرىلەپ، جاڭا داۋىردەگى قوعام حاۋىپسىزدىگى رەفورماسىن ونان ارى تەرەڭدەتۋ كەرەك. تەگىس باسقارىپ، ورگاندى سايلاۋىتتاندىرىپ، ساقشى تۇرلەرىن ساڭلاقتاندىرىپ، نەگىزگى ساتىنى كۇشەيتىپ، نەگىزدى نىعايتىپ، يقۋاتى عىلمي، ءىس ۇقىعى ايقىن، قولباسشىلىعى ىركىلىسسىز، اينالىمى جوعارى ءونىمدى قوعام حاۋىپسىزدىگى ورگان قۇرىلىمى يقۋات جۇيەسىن جەدەل ورناتۋ كەرەك. نەگىزگى ساتىنى مىقتاپ يگەرۋ، نەگىزدى مىقتاپ يگەرۋ بەتالىسىن ورناتىپ، ءتۇيىندى نەگىزگى ساتىعا اۋدارۋدى، ساقشى كۇشىن نەگىزگى ساتىعا سالۋدى، قامتاماسىزدىقتى نەگىزگى ساتىعا بەيىمدەۋدى ىلگەرىلەتىپ، نەگىزگى ساتىنىڭ ناقتى قۋاتىن كۇشەيتۋ، نەگىزگى ساتىنىڭ ومىرشەڭدىك كۇشىن قاۋلاتۋ، نەگىزگى ساتىنىڭ جاۋىنگەرلىك كۇشىن جوعارىلاتۋ كەرەك. قۇرىلىم رەفورماسىمەن سايكەستىرىلگەن قاتىستى ساياسات - ءتۇزىم رەفورماسىن تەرەڭدەتىپ، يقۋات ورنالاستىرۋىن، قۇرىلىم ورنالاستىرۋىن، كۇش، بايلىق ورنالاستىرۋىن جاقسارتىپ، قۇرىلىمنىڭ، قىزمەتكەرلەردىڭ يقۋاتىن بىرىكتىرۋدى، كاسىپتىك قىزمەتتەردى توعىستىرۋدى، مەحانيزمدى، جۇمىس ءتارتىبىن ۇشتاستىرۋدى كۇشەيتۋ كەرەك. ءىرى ساندى مالىمەتتى قوعام حاۋىپسىزدىگى قىزمەتىندە جاڭالىق اشۋدىڭ، دامۋدى ىلگەرىلەتۋدىڭ ءىرى قوزعالتقىشى، جاۋىنگەرلىك كۇش تۋدىرۋدىڭ، جەتىلدىرۋدىڭ جاڭا ارتۋ ءتۇيىنى ەتىپ، قوعام حاۋىپسىزدىگى قىزمەتىنىڭ ساپاسىندا بۇرىلىس جاساۋدى، ونىمدىلىگىندە بۇرىلىس جاساۋدى، قوزعاۋشى كۇشىندە بۇرىلىس جاساۋدى جاپپاي دەمەۋ، ىلگەرىلەتۋ كەرەك. ءتىپتى دە كوپ، ءتىپتى دە جوعارى ساپالى قىزمەت وتەۋ شارالارىن جولعا قويىپ، بۇقارانىڭ ءىس ءبىتىرۋى قيىن بولۋ، ءىس ءبىتىرۋى باياۋ بولۋ، سارپالداڭعا ءتۇسۋ، قولايلى بولماۋ سياقتى كورنەكتى ماسەلەلەردى كۇش سالا شەشىپ، حالىق بۇقاراسىن ءتىپتى دە كوپ، ءتىپتى دە تىكە، ءتىپتى دە ناقتى تابىس سەزىمىنە كەنەلدىرۋ كەرەك.

　　شي جينپيڭ بىلاي دەپ باسا دارىپتەدى: ساقشى قوسىنىن قاتاڭ جونگە سالۋدى ءبىر ءسات تە بوساڭسىتۋعا بولمايدى. ساياسي ارقىلى ساقشى قوسىنىن قۇرۋدان، ساقشى قوسىنىن جاپپاي قاتاڭ جونگە سالۋدان جازباي، قۇرىشتاي بەرىك مۇرات - سەنىمگە يە، قۇرىشتاي بەرىك جاۋاپكەرشىلىك ارقالايتىن، قۇرىشتاي بەرىك ىسىلعان شەبەرلىككە يە، قۇرىشتاي بەرىك تارتىپكە، ستيلگە يە قوعام حاۋىپسىزدىگىنىڭ قۇرىش قوسىنىن قۇرۋ كەرەك. مۇرات - سەنىم تاربيەسىن ساقشى تاربيەلەپ، رۋح سومداۋدىڭ، ارقاۋدى بەكەمدەۋدىڭ، نەگىزدى جەتىلدىرۋدىڭ ستراتەگيالىق ينجەنەرياسى رەتىندە بوساڭسىتپاي ۇدايى يگەرىپ، جايشىلىقتا مىقتاپ ۇستاۋدان، كۇندەلىكتى باسقارۋدان جازباي، تۇتاس ساقشىلاردا يمەنەتىن، ساقتاناتىن، تومەنگى شەكتى ساقتايتىن وسكەلەڭ سانالىلىقتى شىن مانىندە قالىپتاستىرۋ كەرەك. تارتىپكە، زاڭعا قايشى ماسەلەلەرگە قاي - قاشان دا ”نولدىك توزىمدىلىك“تى ساقتاپ، مەيلى ”جولبارىس“ نەمەسە ”شىبىن“، الدە قارا، سۇرقيا كۇشتەر سياقتى زاڭعا قايشى قىلمىستىلاردىڭ ”باسقالقا“سى بولسىن، الدە بۇقارانىڭ ماڭىنداعى ”شاعىن شىرىكتەسۋ“ بولسىن، بارلىعىن ءتارتىپ بويىنشا، زاڭ بويىنشا قاتاڭ تەكسەرىپ ءبىر جاقتى ەتۋ كەرەك.

　　شي جينپيڭ بىلاي دەپ اتاپ كورسەتتى: بەيبىت داۋىردە، قوعام حاۋىپسىزدىگى قوسىنى قۇرباندىعى ەڭ كوپ، ۇلەسى ەڭ زور قوسىن. بۇل ەرەكشە قوسىنعا ەرەكشە قامقورلىق جاساپ، ساياسي جاقتا كوڭىل ءبولىپ، قىزمەت جاقتا قولداۋ كورسەتىپ، مامىلە جاقتا قامتاماسىز ەتىپ، ساقشىلارعا قامقورلىق جاساۋ شارالارىن جان - جاقتى تياناقتاندىرۋ كەرەك. حالىق ساقشىسى داڭق ءتۇزىمىن كەمەلدەندىرىپ، وزات تيپتەردى جەتىلدىرۋ جانە ۇگىتتەۋ تەبىنىن ارتتىرىپ، قوعام حاۋىپسىزدىگى حالىق ساقشىسىنىڭ كاسىپتىك داڭق سەزىمىن، ماقتانىش سەزىمىن، تاۋەلدىلىك سەزىمىن كۇشەيتۋ كەرەك.

　　شي جينپيڭ بىلاي دەپ اتاپ كورسەتتى: ءار دارەجەلى پارتكومدار قوعام حاۋىپسىزدىگى قىزمەتىنە وسكەلەڭ ءمان بەرىپ، قوعام حاۋىپسىزدىگى قىزمەتىنە باسشىلىقتى كۇشەيتىپ، قوعام حاۋىپسىزدىگى ورگاندارىنىڭ مىندەت - ۇقىعىن زاڭ بويىنشا جۇرگىزۋىنە، مىندەت - جاۋاپكەرشىلىگىن اتقارۋىنا قولداۋ كورسەتىپ، قوعام حاۋىپسىزدىگى قىزمەتى بارىسىندا كەزدەسكەن ناقتى قيىنشىلىقتار مەن ماسەلەلەردى شەشۋگە كومەكتەسىپ، قوعام حاۋىپسىزدىگى ورگاندارىنىڭ زاڭ بويىنشا مىندەت - جاۋاپكەرشىلىگىن اتقارۋىنا تاماشا شارت - جاعداي جاراتۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن قورىتىندى سوزىندە بىلاي دەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، قوعام حاۋىپسىزدىگى قىزمەتىن وسىزامانداندىرۋ جانە قوعام حاۋىپسىزدىگى قوسىنىن توڭكەرىستەندىرۋ، جۇيەلىلەندىرۋ، مامانداندىرۋ، كاسىبيلەندىرۋ قۇرىلىسىن زور كۇشپەن ىلگەرىلەتىپ، زاڭ بويىنشا مىندەت اتقارۋ قابىلەتىن ۇزدىكسىز جوعارىلاتىپ، جوعارى ساپالى، ىسىلعان قوعام حاۋىپسىزدىگى قۇرىش قوسىنىن قالىپتاستىرىپ، زاڭدى قاتاڭ، ولشەمدى، ءادىل، وركەنيەتتى اتقارۋدان جازباي، ساياسي حاۋىپسىزدىكتى باتىل قورعاۋ، قوعامنىڭ تىنىشتىعىن باتىل قورعاۋ، حالىقتىڭ الاڭسىزدىعىنا باتىل كەپىلدىك ەتۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءىشىنارا مۇشەلەرى، مەملەكەتتىك كەڭەستىڭ ءىشىنارا مۇشەلەرى ماجىلىسكە قاتىناستى.　ءارقايسى ولكەلەردىڭ، رايونداردىڭ، قالالاردىڭ جانە جوسپارى ايىرىم جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ءارقايسى ولكە ورتالىق قالا پارتكومدارىنىڭ نەگىزگى جاۋاپتىلارى جانە ساياسي - زاڭ كوميتەتتەرىنىڭ، قوعام حاۋىپسىزدىگى مەڭگەرمەلەرىنىڭ (مەكەمە) نەگىزگى جاۋاپتىلارى، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى مەملەكەت مەنشىگىندەگى ءىرى كاسىپورىنداردىڭ، ارميانىڭ قاتىستى ورىندارىنىڭ جاۋاپتىلارى، ت. ب ماجىلىسكە قاتىناستى.