تيانشان تورى   ›   ۇيرەنۋ   ›   نازاريا

پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارايىق

  − باس شۋجي شي جينپيڭنىڭ بۇكىل مەملەكەتتىك قوعام حاۋىپسىزدىگى قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى

  حالىق گازەتىنىڭ شولۋشىسى

  بورىش جاۋاپكەرشىلىك ارقالاۋعا ۇندەيدى، بورىش كەلەشەككە جەتەلەيدى.

  بۇكىل مەملەكەتتىك قوعام حاۋىپسىزدىگى قىزمەتى ماجىلىسىندە، باس شۋجي شي جينپيڭ ۇلتتىڭ گۇلدەنۋ ۇلى ءىسىن كوزدە ۇستاپ، ەل ءىشى - سىرتىنداعى اۋقىمعا تەرەڭ تالداۋ جاساپ، قوعام حاۋىپسىزدىگى ورگاندارىنىڭ پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋى جونىندە ايقىن تالاپتار قويدى، بۇل ءبىزدىڭ قوعام حاۋىپسىزدىگى قىزمەتىن جاقسى ىستەپ، حالىقتىڭ تىنىش ءومىر، شات - شادىمان تىرشىلىك كەشىرۋىن، قوعامنىڭ تىنىش، ءتارتىپتى بولۋىن، مەملەكەتتىڭ باياندى تىنىشتىعىن اناعۇرلىم ويداعىداي قامتاماسىز ەتۋىمىز جونىنەن توتەنشە ماڭىزدى مانگە يە.

  پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋدا، پارتيا ورتالىق كوميتەتىنىڭ جاڭا داۋىردەگى قوعام حاۋىپسىزدىگى قىزمەتى مىندەتىنىڭ ورنىن تۇراقتاندىرۋىن جەتە ءتۇسىنۋ كەرەك. كەزەكتە ءبىز ءدوپ كەلىپ وتىرعان سىرتقى ورتا مەن ىشكى شارت - جاعدايدا تەرەڭ وزگەرىستەر تۋىلىپ، العا ىلگەرىلەۋ جولىندا كوپتەگەن جاڭا حاۋىپ - قاتەرلەرگە، سىن - سايىستارعا ءدوپ كەلدىك، قوعام حاۋىپسىزدىگى ورگاندارىنىڭ مىندەتى ءتىپتى جاپالى دا اۋىر بولا ءتۇستى. بيىل 1 - ايدا اشىلعان ورتالىقتىڭ ساياسي - زاڭ قىزمەتى ماجىلىسىندە، باس شۋجي شي جينپيڭ ساياسي - زاڭ شەبى مەملەكەتتىڭ ساياسي حاۋىپسىزدىگىن قورعاۋ، قوعامنىڭ كەلەلى جاعدايىنىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ تىنىش ءومىر، شات - شادىمان تىرشىلىك كەشىرۋىن قامتاماسىز ەتۋ سىندى ماڭىزدى بورىش - مىندەتتەردى ارقالاۋدا دەپ ايقىن العا قويدى. بۇل − پارتيا ورتالىق كوميتەتىنىڭ جاڭا داۋىردەگى قوعام حاۋىپسىزدىگى قىزمەتى مىندەتىنىڭ ورنىن تۇراقتاندىرۋى، جاڭا داۋىردەگى قوعام حاۋىپسىزدىگى قىزمەتىن جاقسى ىستەۋدىڭ نەگىزگى بويسۇنۋ ولشەمى. ءسوز جوق، مىنانى جەتە تانۋ كەرەك، مەملەكەتتىڭ ساياسي حاۋىپسىزدىگىن قورعاۋ − ماڭىزدى ساياسي جاۋاپكەرشىلىك، قوعامنىڭ جالپى جاعدايىنىڭ ورنىقتىلىعىنا شىنايى كەپىلدىك ەتۋ − نەگىزگى مىندەت، قوعامنىڭ ادىلدىگىن، تۋراشىلدىعىن جەبەۋ − وزەكتى قۇن تالپىنىسى، حالىقتىڭ شات - شادىمان تۇرمىس، الاڭسىز تىرشىلىك كەشىرۋىن قامتاماسىز ەتۋ − ءتۇبىرلى نىسانا. تەك مىندەتىنىڭ ورنىن تۇراقتاندىرۋدى جەتە يگەرىپ، جاۋاپكەرشىلىك سەزىمى مەن بورىشتىلىق سەزىمىن ۇزدىكسىز كۇشەيتكەندە عانا، مىندەت اتقارىپ، جاۋاپكەرشىلىكتى ادا ەتۋدىڭ سانالىلىعى مەن تاباندىلىعىن كۇشەيتۋگە بولادى.

  پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋدا، ساياسي حاۋىپسىزدىكتى باتىل قورعاۋ، قوعامنىڭ تىنىشتىعىن باتىل قورعاۋ، حالىقتىڭ الاڭسىز بولۋىنا كەپىلدىك ەتۋ كەرەك. رەفورمانى، دامۋدى ىلگەرىلەتۋدە، ايبىندى نىسانانى جۇزەگە اسىرۋدا، ءسوز جوق، حاۋىپسىز، ورنىقتى ساياسي قوعامدىق ورتا بولۋ كەرەك، مۇندا قوعام حاۋىپسىزدىگى ورگاندارىنىڭ بۇلتارماس جاۋاپكەرشىلىگى بار. تۇرلىشە قوعامدىق قايشىلىقتاردان بەلسەندىلىكپەن ساقتانىپ، ونى ۇيلەسىمدى جويىپ، قوعامنىڭ ومىرشەڭدىك كۇشكە تولى بولۋىمەن بىرگە، تىنىش، ءتارتىپتى بولۋىنا شىنايى كەپىلدىك ەتۋ كەرەك. ورنىقتىلىقتى قورعاۋ مەن ۇقىقتى قورعاۋدىڭ قاتىناسىن ويداعىدايءبىر جاقتى ەتىپ، ورىندى، زاڭعا سيىمدى ارىز - تالاپتاردى شەشىپ، بۇقارانىڭ مۇددەسىن قورعاۋمەن بىرگە، بۇقارانىڭ ارىز - تالاپتارىن زاڭ بويىنشا بەينەلەۋىنە جەتەكشىلىك ەتىپ، قوعامدىق ءتارتىپتى قورعاۋ كەرەك. بۇقارانىڭ حاۋىپسىزدىك سەزىمىنە ىقپال ەتەتىن كورنەكتى ماسەلەلەردى توڭىرەكتەي وتىرىپ، قىلمىستىلارعا سوققى بەرۋ، حالىقتى قورعاۋ مىندەتىن ويداعىداي اتقارىپ، حالىق بۇقاراسىنىڭ حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتۋگە قۇلشىنىپ، اناعۇرلىم جوعارى دەڭگەيلى تىنىش جۇڭگونى قۇلشىنا قۇرۋ كەرەك.

  پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋدا، ”ورنىقتىلىق“ سىندى وسى ءتۇيىندى ماڭىزدى ورىنعا قويىپ، حاۋىپسىزدىككە كەپىلدىك ەتۋدىڭ، ورنىقتىلىقتى قورعاۋدىڭ شارالارىن مىقتاپ، ناقتى يگەرۋ كەرەك. بيىل جاڭا جۇڭگو قۇرىلعاندىعىنىڭ 70 جىلدىعى، 2020 - جىل جاپپاي دوڭگەلەك داۋلەتتى قوعام ورناتۋدىڭ ءونىمىن كورەتىن جىل، 2021 - جىل پارتيامىز قۇرىلعاندىعىنىڭ 100 جىلدىعى، ءاربىر جىل تۇگەلدەي ماڭىزدى ۋاقىت ءتۇيىنى، قىزمەتتەردى جاقسى ىستەۋدەگى ماڭىزدى كورديناتا. بيىل حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ مىندەتى ەرەكشە جاپالى دا اۋىر بولادى. حالىقتى وزەك ەتۋدەي دامۋ يدەياسىنان جازباي، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، ”ورنىقتىلىق“ سىندى كەلەلى جاعدايدى تياناق ەتىپ، حاۋىپسىزدىككە كەپىلدىك ەتۋدىڭ، ورنىقتىلىقتى قورعاۋدىڭ ءتۇرلى شارالارىن كۇشەيتۋدە، قۇرىشتاي بەرىك مۇرات - سەنىم، قۇرىشتاي بەرىك جاۋاپكەرشىلىك ارقالاۋ، قۇرىشتاي بەرىك ىسىلعان شەبەرلىك، قۇرىشتاي بەرىك ءتارتىپ، ستيل بولسا، قوعام حاۋىپسىزدىگى قىزمەتىن اناعۇرلىم جاقسى ىستەپ، جاڭا جۇڭگو قۇرىلعاندىعىنىڭ 70 جىلدىعىن تاماشا ناتيجەمەن قارسى الاتىن بولامىز.

  بورىش قانشالىق داڭقتى بولعان سايىن، مىندەت قانشالىق جاپالى دا اۋىر بولعان سايىن، سونشالىق جاۋاپكەرشىلىك ارقالاپ، ىسكەرلىك كورسەتۋ كەرەك. بۇكىل ەلدەگى قوعام حاۋىپسىزدىگى شەبى مەن قالىڭ قوعام حاۋىپسىزدىگى حالىق ساقشىلارى باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، وسكەلەڭ ساياسي جاۋاپكەرشىلىك سەزىمىمەن، تاماشا رۋحاني كۇيمەن، تىڭعىلىقتى قىزمەت ستيلىمەن ءارقايسى ورنالاستىرۋلاردى ەگجەي - تەگجەيلى، تاپتەشتەپ، ناقتاپ تياناقتاندىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتسەك، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا حاۋىپسىز، ورنىقتى ساياسي قوعامدىق ورتا جاراتا الاتىن بولامىز.

  (شينحۋا اگەنتتىگىنىڭ 5 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.