بىلتىر وڭتۇستىك شينجياڭنىڭ 4 ايماق - وبلىسىنا وقۋشىلارعا قارجىلاي كومەك بەرۋ قارجىلارىنان 4 ميلليارد 400 ميلليون يۋان بوساتتى، يگىلىگىن كورگەن وقۋشى 3 ميلليون 60 مىڭ ادام - رەتكە جەتتى
ءتىلشى رىن حۋا 5 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق اقپارات كەڭسەسى باسقارىپ اشقان اۆتونوميالى رايوننىڭ وقۋ - اعارتۋ ارقىلى كەدەيلىكتەن ارىلتۋدان قامال الۋ جونىندەگى اقپار جاريالاۋ ماجىلىسىنەن ۇعىسۋعا قاراعاندا، اۆتونوميالى رايون ”ەكىدەن تارىقتىرماۋ، ءۇشتى قامتاماسىز ەتۋ“دى تىعىز ارقاۋ ەتىپ، وقۋ - اعارتۋ بويىنشا حالىققا تيىمدىلىك جەتكىزۋ ينجەنەرياسىن بار كۇشپەن ىلگەرىلەتىپ، وقۋ - اعارتۋ ارقىلى كەدەيلىكتەن ارىلتۋدان قامال الۋ قىزمەتىن بارىنشا كۇشەيتىپ، بۇقارانىڭ رازى بولۋ سالىستىرماسى مەن تابىس سەزىمى كورنەكتى جوعارىلاعان.
اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ يۇيگۋاڭ تانىستىرىپ بىلاي دەدى: اۆتونوميالى رايون ساياساتتاردى دالمە - ءدال بەلگىلەپ، وقۋ - اعارتۋ ارقىلى كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتتى. ”قارجىلاي كومەككە يە بولعان وقۋشىلار، ارحيۆ تۇرعىزىلىپ، كارتچكالاندىرىلعان وقۋشىلار، قيىنشىلىق قىسپاعىندا قالعان وقۋشىلار، مۇمكىندىگى شەكتەۋلى وقۋشىلار“ سىندى 4 ءتىزىم داپتەرىن جانە ءبىر قىزمەتتى ىلگەرىلەتۋ ەسەپ داپتەرىن جاساپ، ارحيۆ تۇرعىزىلىپ، كارتچكالاندىرىلعان وقۋشىلاردىڭ شىن اتى - ءجونى ءتۇزىمىن اۋدانعا، اۋىلعا، قىستاققا، مەكتەپكە، كلاسقا، ادامعا دەيىن تياناقتاندىرىپ، وتباسىندا ەكونوميكالىق قيىنشىلىعى بار وقۋشىلاردىڭ وقۋىن قامتاماسىزداندىرۋعا، قارجىلاي كومەكتەسۋدىڭ جاپپاي قامتۋىنا شىنايى كەپىلدىك ەتتى. 2018 - جىلدىڭ سوڭىنا دەيىن تۇتاس رايونىمىزداعى باستاۋىش مەكتەپكە ءتۇسۋ جاسىنداعى بالالاردىڭ مەكتەپكە ءتۇسۋ سالىستىرماسى %99.9عا، ورتالاۋ مەكتەپ جاسىنداعى جاس وسپىرىمدەردىڭ وقۋعا ءتۇسۋ تازا سالىستىرماسى 99.3% كە ورتالاۋ مەكتەپ ساتىسىنان ورتا مەكتەپ ساتىسىنا جوعارىلاپ وقۋ سالىستىرماسى %97.3كە جەتتى.
رايونىمىز مىندەتتى وقۋ - اعارتۋ مەكتەپتەرىنىڭ مەكتەپ باسقارۋ شارت - جاعدايىن جاقسارتىپ، اۆتونوميالى رايوننىڭ قالا مەن اۋىلدىڭ مىندەتتى وقۋ - اعارتۋىن ءبىر تۇلعالاندىرىپ دامىتۋىن جاپپاي ىلگەرىلەتتى. 2018 - جىلى رايونىمىز جيىنى 4 ميلليارد 870 ميلليون يۋان قارجى قوسىپ، ”كەدەي وڭىرلەردەگى مىندەتتى وقۋ - اعارتۋى ءالسىز مەكتەپتەردىڭ نەگىزگى مەكتەپ باسقارۋ شارت - جاعدايىن جان - جاقتى جاقسارتۋ“ جانە ”3 ءوڭىر، 3 وبلىس“تا وقۋ - اعارتۋ ارقىلى كەدەيلىكتەن ارىلتۋدان قامال الۋ ينجەنەرياسىن اتقاردى، مۇندا وڭتۇستىك شينجياڭنىڭ 4 ايماق - وبلىسىنا 3 ميلليارد 350 ميلليون يۋان قارجى قوسىپ، اۋىل - قىستاقتاعى مىندەتتى وقۋ - اعارتۋ مەكتەپتەرىنىڭ مەكتەپ باسقارۋ شارت - جاعدايى جاپپاي جاقساردى.
اۆتونوميالى رايون تاعى ءتۇرلى وقىتۋعا قارجىلاي كومەك بەرۋ جۇيەسىن كەمەلدەندىرىپ، ۇكىمەت جەتەكشىلىك ەتەتىن، مەكتەپ، قوعام تولىقتايتىن ”ءۇش ءبىر تۇلعالانعان“ قارجىلاي كومەك بەرۋ جۇيەسىن قالىپتاستىرىپ، 2018 - جىلى وڭتۇستىك شينجياڭنىڭ 4 ايماق - وبلىسىنا وقۋشىلارعا قارجىلاي كومەك بەرۋ قارجىلارىنان جيىنى 4 ميلليارد 400 ميلليون يۋان بوساتتى، يگىلىگىن كورگەن وقۋشى 3 ميلليون 60 مىڭ ادام - رەتكە جەتتى. سونىمەن قاتار، اۋىل - قىستاقتىڭ مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىن اتقارىپ، مەكتەپ اسحاناسى تاماقپەن قامداۋ، كاسىپورىندار قورەكتىك تاعام جەتكىزۋ سىندى ەكى ءتۇرلى تاماقپەن قامداۋ فورماسىن، قورەكتىك تاڭەرتەڭگى (تۇسكى) تاماق، ساباق ارالىعىنداعى قوسىمشا تاماق، نەگىزگى تاماق ولشەمىن جوعارىلاتۋ سىندى 3 ءتۇرلى قورەكتىك تاعاممەن قامداۋ ءادىسىن قولدانىپ، ءبىر ميلليون 310 مىڭ وقۋشىنى يگىلىكتەندىردى.
وقۋ - اعارتۋ قوسىنى قۇرىلىسى جاعىندا، اۆتونوميالى رايون جۇمىسقا قابىلداۋ تۇزىمىنە رەفورما جاساپ، جۇمىسقا قابىلداۋ ۇقىعىن تومەنگە بەرىپ، بۇكىل ەلدى بەتكە الىپ جۇمىسقا قابىلدادى، 2018 - جىلى تۇتاس رايونىمىز جيىنى 58 مىڭ 800 وقىتۋشى تولىقتادى، وقۋ - اعارتۋعا كومەكتەسۋ وقىتۋشىسىنان 26 مىڭ ادامدى تاڭداپ جىبەردى. 2 ميلليارد يۋان قارجى ورنالاستىرىپ، وڭتۇستىك شينجياڭنىڭ 4 ايماق - وبلىسى وزدەرى جۇمىسقا قابىلداعان وقىتۋشىلاردىڭ ەڭبەكاقىسىن شەشۋگە ارنايى ىستەتتى؛ وڭتۇستىك شينجياڭنىڭ 4 ايماق - وبلىسىنداعى 100 مىڭنان استام اۋىل - قىستاق وقىتۋشىلارىنا تۇرمىستىق كومەك قاراجات تاراتتى. ”كەلەسى ساتىدا ءبىز كەدەي وڭىرلەردىڭ مىندەتتى وقۋ - اعارتۋىن جاپپاي قامتاماسىزداندىرىپ، كەدەي وتباسىلارىنداعى وقۋ جاسىنداعى بالالاردىڭ كەدەيلىك سەبەبىنەن وقۋسىز قالۋ، وقۋدان قالۋ جاعدايىنىڭ تۋىلماۋىنا كەپىلدىك ەتەمىز. سونىمەن قاتار، اۋىل - قىستاق وقىتۋشىلار قوسىنى قۇرىلىسىن كۇشەيتىپ، كاسىپتىك وقۋ - اعارتۋدىڭ كەدەيلەردى سۇيەمەلدەۋ رولىن تولىق ساۋلەلەندىرىپ، وقۋ - اعارتۋ ارقىلى كەدەيلىكتەن ارىلتۋدان قامال الۋ نىساناسىن، مىندەتىن جەڭىستى ورىنداۋعا شىنايى كەپىلدىك ەتەمىز“، - دەدى ليۋ يۇيگۋاڭ.
