تيانشان تورى   ›   جاڭالىقتار   ›   شۋجي ەستەلىگى

جيلين ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، شينجياڭعا باعىتتامالى كومەكتەسۋ قىزمەتىن تەكسەردى

  چىن چۋانگو، جيڭ جۇنحاي، شوكىرات زاكىر، لي پىڭشين قيمىلعا قاتىناستى

  تىلشىلەر ياۋ تۇڭ، جاۋ جىيۇن 5 - ايدىڭ 9 - كۇنى ۇرىمجىدەن حابارلايدى. 5 - ايدىڭ 7 - كۇنىنەن 9 - كۇنىنە دەيىن جيلين ولكەلىك پارتكومنىڭ ورىنباسار شۋجيى، ولكە باستىعى جيڭ جۇنحاي جيلين ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى لي پىڭشين قيمىلعا قاتىناستى.

  5 - ايدىڭ 9 - كۇنى تۇستەن كەيىن جيلين. شينجياڭ شينجياڭعا باعىتتامالى كومەكتەسۋ قىزمەتى اڭگىمە ءماجىلىسى ۇرىمجىدە وتكىزىلدى. چىن چۋانگو اۆتونوميالى رايوندىق پارتكوم جانە حالىق ۇكىمەتى، سونداي - اق تۇتاس رايونىمىزداعى ءار ۇلت حالقى اتىنان جيلين ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرگەندىگىن قىزۋ قارسى الدى، جيلين ولكەسىنىڭ ۇزاق ۋاقىتتان بەرى شينجياڭ قىزمەتىنە بارىنشا قولداۋ كورسەتىپ كەلگەندىگىنە جانە قالتقىسىز كومەگىنە شىن جۇرەكتەن العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جيلين ولكەلىك پارتكوم جانە ولكەلىك حالىق ۇكىمەتى، سونداي - اق تۇتاس ولكەدەگى قالىڭ كادر - جۇرتشىلىق شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ جيليندە قىزمەت تەكسەرگەندە جانە شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ”3 بەس“ دامۋ ستراتەگياسىن ىشكەرىلەي ىلگەرىلەتىپ، ورتا، شىعىس، باتىس ”ءۇش ۇلكەن بولىك“ قۇرىلىسىن جەدەلدەتىپ، ”ءبىر نەگىز، التى قوس“ كاسىپ سالاسى كەڭىستىك ورنالاستىرۋىن باستاپ اتقارىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدە كەلەلى ىلگەرىلەۋشىلىككە قول جەتكىزىپ، جاپپاي گۇلدەنۋ، جان - جاقتى گۇلدەنۋ جاعىندا تىڭ نىق قادام تاستادى. ءبىز شىن جۇرەكتەن قۇتتىقتايمىز.

  چىن چۋانگو مىنانى ءبىلدىردى: جيلين ولكەلىك پارتكوم جانە ولكەلىك حالىق ۇكىمەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك ساناپ، شينجياڭعا كومەكتەسۋ قىزمەتىنىڭ وي جەلىسى جاڭا، تەبىنى كۇشتى، ونىمدىلىگى جاقسى بولىپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى، شينجياڭداعى ءار ۇلت حالقى شىن جۇرەكتەن العىس ايتادى. شينجياڭ ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، جيليننىڭ وزىق تاجىريبەلەرىنەن مۇقيات ۇيرەنىپ، ۇلگى الىپ، تۇلعالىق جاۋاپكەرشىلىكتى تياناقتاندىرىپ، شينجياڭعا كومەكتەسۋ ابزالدىلىعىنان ويداعىداي پايدالانىپ، ناقتى سەلبەستىكتى كۇشەيتىپ، تەڭ يگىلىككە كەنەلىپ دامۋدى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن تىڭعىلىقتى ىلگەرىلەتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ءىس جۇزىندىك ناتيجەلەرمەن قارسى الادى.

  جيڭ جۇنحاي جيلين ولكەلىك پارتكوم جانە ولكەلىك ۇكىمەت اتىنان شينجياڭداعى ءار ۇلت كادر - جۇرتشىلىعىنىڭ جاپالى شارت - جاعدايدا شەكارا ءوڭىردى قورعاعاندىعىنا، تالىقپاي تالپىنعاندىعىنا، ءورىس اشا ىلگەرىلەگەندىگىنە، قول جەتكىزگەن تابىستارىنا، قوسقان ۇلەستەرىنە وسكەلەڭ قۇرمەت ءبىلدىردى. جيليننىڭ ەكونوميكالىق، قوعامدىق دامۋ جاعدايىن تانىستىرعاننان كەيىن، ول بىلاي دەدى: پارتيا 18 - قۇرىلتايىنان بەرى، شينجياڭ ۇيعۇر اۆتونوميالى رايوندىق پارتكوم جانە ۇكىمەت باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولدى، قوعامدىق جالپى جاعدايدىڭ جاراسىمدى، ورنىقتى اۋقىمى كىسىنى سۇيىندىرەدى، ەكونوميكالىق، قوعامدىق دامۋ ناتيجەسى كىسىنى ءتانتى ەتەدى، ىزدەنىس جاساعان جاقسى تاجىريبەلەرى مەن تاماشا تاسىلدەرى كىسىنى جىگەرلەندىرەدى، جيليننىڭ جاپپاي گۇلدەنۋىنە، جان - جاقتى گۇلدەنۋىنە الاتىن ۇلگى دايىنداپ، وي ءورىسىن كەڭەيتتى.

  جيڭ جۇنحاي بىلاي دەدى: شينجياڭنىڭ التايىنا باعىتتامالى كومەكتەسۋ − پارتيا ورتالىق كوميتەتىنىڭ جيلينگە تاپسىرعان كەلەلى ساياسي مىندەتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، ءسوز جوق، ىشكەرىلەي دايەكتىلەندىرىپ، تياناقتاندىرىپ، سەنىمدى اقتاپ، كۇتكەن ۇمىتتەن شىعىپ، كەلەلى تاپسىرمانى ادا ەتىپ، شينجياڭعا باعىتتامالى كومەكتەسۋ مىندەتىن جوعارى ساپامەن ورىنداپ، شينجياڭنىڭ ورنىقتىلىق، دامۋ ىستەرىن قولداپ، ورنىقتى، ۇزاق ۋاقىت ءونىمدى ۇسىنىلىم مەحانيزمىن كەمەلدەندىرىپ، ءىس جۇزىندىكپەن ۇشتاستىرا وتىرىپ كاسىپ سالالارىنىڭ دامۋىن جەبەپ، كەدەيلىكتەن ارىلتۋدان قامال الۋعا بار كۇشپەن كومەكتەسىپ، حالىق تۇرمىسىنا قاتىستى ناقتى ىستەردى تىڭعىلىقتى ويداعىداي ىستەپ، دارىندىلار جاعىنان قولداۋدى ەش مىزعىماستان كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىنا جيليننىڭ كۇش - قۋاتىن ارنايمىز. جيلين مەن شينجياڭنىڭ وڭىرلىك سەلبەستىكتى باعدار، ەكونوميكا - ساۋدا اۋىس - ءتۇيىسىن دانەكەر، سايكەسە دامۋدى نىسانا ەتىپ، بايلىقتى اشىپ، ءتۇيىلىستىرۋدى يگەرىپ، بازاردى كەڭەيتىپ، جۇڭگونىڭ قار - مۇز كاسىپ سالاسىنداعى تىڭ ارتۋ ۇيەگىن بىرلەسىپ قۇرىپ، جيلين - شينجياڭ ساياحات ۇلكەن اينالما جەلىسىن قالىپتاستىرۋىنا؛ شىعىس پەن باتىستى تۇتاستىرىپ، موڭعۇليانى، رەسەيدى كوزدەپ، ەۆروپا - ازياعا قادام باسىپ، ءبىر - ءبىرىنىڭ ارتىقشىلىعىنان پايدالاناتىن اشىق سەلبەستىك جاعدايىن قالىپتاستىرۋىنا؛ تەحنيكانى يگەرىپ، جەتىستىكتەردى كادەگە جاراتىپ، تۇعىر ورناتىپ، جوعارى ساپالى دامۋدىڭ بىرىككەن كۇشىن بىرلەسىپ ۇلعايتۋىنا بولادى.

  اڭگىمە ماجىلىستە شوكىرات زاكىر اۆتونوميالى رايوننىڭ ەكونوميكالىق، قوعامدىق دامۋ جاعدايىن تانىستىردى.

  شينجياڭداعى كەزىندە جيلين ولكەسىنىڭ پارتيا، ۇكىمەت ۋاكىلدەر ۇيىرمەسى ىلگەرىندى - كەيىندى ءۇرىمجى قالاسىندا جانە التاي ايماعىنىڭ التاي قالاسىندا، جەمەنەي اۋدانىندا، قابا اۋدانىندا، بۋىرشىن اۋدانىندا تەكسەرۋ - زەرتتەۋ جۇرگىزىپ، شينجياڭعا باعىتتامالى كومەكتەسۋ نىساندارىن تەكسەرىپ، ەگىنشى - مالشىلاردى ارالاپ حال سۇراپ، التاي ايماعىنىڭ (جيجى) سۋىق ءوڭىر ەكونوميكاسىن زەرتتەۋ ورنىنا ۋيۆەسكا اسىپ، باعىتتامالى كومەكتەسۋ قىزمەتى اڭگىمە ءماجىلىسىن اشىپ، شينجياڭعا كومەككە كەلگەن كادرلارعا امانداسا بارىپ حال سۇرادى.

  اۆتونوميالى رايوننىڭ باسشىلارىنان ەركىن تۇنياز، جي جىڭ، ۋاڭ يۇڭميڭ، ما شيۇڭچىڭ جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.