5- ايدىڭ 7 - كۇنى قاشقار ايماقتىق ايەلدەر بىرلەستىگى ۇيىمداستىرعان ”كورىكتى اۋلا“ باعالاۋ قيمىلىندا گۇلقىز ساۋۇتتىڭ اۋلاسى ”كورىكتى اۋلا “ اتاعىنا يە بولدى، اچال قىستاعىنىڭ ايەلدەر قىزمەتىنە جاۋاپتى مەڭگەرۋشىسى ادالات ميجيت (وڭدا) سيلىققا بەرىلگەن كيىم ىشكاپتى ونىڭ ۇيىنە جەتكىزىپ بەردى.
5 - ايدىڭ 7 - كۇنى جاڭا ءشار اۋدانى ارال اۋىلى اچال قىستاعىنىڭ تۇرعىنى ابدۇكەرىم ماترەيىمنىڭ شاعىن اۋلاسىنان شاتتىق ءۇنى كوتەرىلدى. ابدۇكەرىمنىڭ ايەلى گۇلقىز ساۋۇت اۆتونوميالى رايوندىق حالىق ۇكىمەتى كەڭسەسىنەن اچال قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مۇشەلەرىمەن بىرگە داشۋەدە وقيتىن قىزى گۇلجاننات ابدۇكەرىممەن بەينەكەسكىن ارقىلى سويلەستى.
ابدۇكەرىمنىڭ اۋلاسى تازا دا رەتتى بولىپ، تۇرمىس اۋماعىن، باعىمشىلىق اۋماعىن، ەگىنشىلىك اۋماعىن ايىرعان ەدى. اۋلانىڭ شەتىنە سۋمەن شايىلاتىن دارەتحانا جانە مونشا سالىنعان، اۋلا سىرتىنداعى بوس جەرگە ماقتا ەگىلىپتى.
تەك ابدۇكەرىم وتباسىندا عانا ەمەس، بۇگىنگى كۇنى اچال قىستاعىنداعى بارلىق وتباسىندا ۇلكەن وزگەرىس تۋىلدى، اۋلالارىن جوندەپ - رەتتەۋمەن بىرگە، كوپتەگەن قىستاق تۇرعىندارى كرەسلو، اس ۇستەل، سۋ جىلىتقىش سياقتى ءۇي جيھازدارى مەن ءۇي ەلەكتر جابدىقتارىن پايدالاناتىن بولدى.
اۆتونوميالى رايوندىق حالىق ۇكىمەتى كەڭسەسىنەن ”ۇعىسۋ، تيىمدىلىك جاساۋ، توعستىرۋ“ بويىنشا اچال قىستاعىنا تۇسكەن قىزمەت اترەتىنىڭ باستىعى، ءبىرىنشى شۋجي ارزىگۇل بىلال بىلاي دەدى: بيىلدان بەرى، قىستاق كادرلارى مەن بۇقارا ءبىر نيەتپەن كۇش شىعارىپ، قونىستانۋ ورتاسىن جاقسارتۋدان، جۇمىستاندىرۋ ورەسىن جوعارىلاتۋدان، كىرىستى ارتتىرۋدان باستاپ ىسكە كىرىسىپ، كورىكتى اۋىل - قىستاق قۇرۋدى ورىستەتىپ، وسى زامانعى وركەنيەتتى تۇرمىسقا تالپىنۋدى تاقىرىپ ەتكەن ”ءۇش جاڭا “ قيمىلىن ىلگەرىلەتتىك. تۇرمىس ورتاسى مەن قىستاق كەلبەتىنىڭ جاقسارۋى كوپشىلىكتىڭ تاماشا تۇرمىسقا تالپىنىسىن بارىنشا ارتتىردى.
2018 - جىلى اچال قىستاعى 200دەن ارتىق وتباسى اۋلاسىن وزگەرتىپ قۇردى، مۇنىڭ ىشىندە 30 وتباسى قاشقار ايماقتىق ايەلدەر بىرلەستىگى ۇيىمداستىرعان ”كورىكتى اۋلا “باعالاۋ قيمىلىندا سيلاندى.
