تيانشان تورابى   ›   جاڭالىقتار   ›   وقۋ-اعارتۋ

رايونىمىزدىڭ بيىلعى ادەتتەگى جوعارى مەكتەپتەرگە وقۋشى قابىلداۋ بەلگىلەمەسى جاريالاندى

  ءتىلشى جاۋ شييا 5 - ايدىڭ 10 - كۇنى ۇرىمجىدەن حابارلايدى. 5 - ايدىڭ 10 - كۇنى «اۆتونوميالى رايوننىڭ 2019 - جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى بەلگىلەمەسى» جاريالاندى. بيىل رايونىمىز ءورت ءسوندىرۋ، ورتتەن ساقتانۋ، قۇتقارۋ قىزمەتكەرلەرى جانە ولاردىڭ پەرزەنتتەرى ادەتتەگى جوعارى مەكتەپكە ەمتيحان بەرۋدە يگىلىكتەنەتىن قاتىستى قامقورلىق جاساۋ ساياساتىن قوستى، ناقتى بەلگىلەمە «مەملەكەتتىڭ جالپىلىق ءورت ءسوندىرۋ، ورتتەن ساقتانۋ، قۇتقارۋ قوسىنىنداعى قىزمەتكەرلەرىنە، سونداي - اق ولاردىڭ پەرزەنتتەرىنە وقۋ - اعارتۋدا قامقورلىق جاساۋ قىزمەتىن ويداعىداي ىستەۋ جونىندەگى حابارلاندىرۋ» بويىنشا اتقارىلادى.

  رايونىمىز 6 - ايدىڭ 24 - كۇنى جوعارى مەكتەپ ەمتيحان ناتيجەسىن جانە ورىن رەتىن جاريالايدى؛ 6 - ايدىڭ 26 - كۇنى ءار توپتاعى ارحيۆ بەرۋ مەڭگەرىلمەلى ءنومىر شەگىن جاريالايدى؛ ەمتيحان بەرۋشىلەر 7 - ايدىڭ 1 - كۇنى شينجياڭ وقۋشى قابىلداۋ سايتىندا تالاپ كەستەسىن تولتىرادى.

  رايونىمىز ادەتتەگى جوعارى مەكتەپتەرگە 8 توپتا وقۋشى قابىلدايدى: تولىق كۋرس بويىنشا الدىن الا قابىلداۋ 【كوركەمونەر تۇرىندەگى، دەنە تاربيە تۇرىندەگى، ارميا، ساقشى، قوعام حاۋىپسىزدىگى تۇرىندەگى جانە باسقا دا الدىن الا دەربەس قابىلدايتىن تولىق كۋرس مەكتەپتەر(كاسىپ)】؛ كەدەيلەرگە ارنالعان ارناۋلى ءتۇر، وڭتۇستىك شينجياڭعا ارنالعان جوسپارى ايىرىم جاسالاتىن ءتۇر، شينجياڭعا باعىتتامالى كومەكتەسۋ جوسپارىنداعى تولىق كۋرس بويىنشا 1 - توپتا قابىلداۋ 【مەملەكەت دارەجەلى كەدەي اۋدانداردان، شوعىرلى تۇتاسقان ەرەكشە كەدەي وڭىرلەردەن، وڭتۇستىك شينجياڭنىڭ 4 ايماق - وبلىسىنان، سونداي - اق شينجياڭعا باعىتتامالى كومەكتەسۋ بويىنشا كەدەيلەردى سۇيەمەلدەۋ وڭىرلەرىنەن وقۋشى قابىلدايتىن تولىق كۋرس بويىنشا 1 - توپتا وقۋشى قابىلدايتىن مەكتەپتەر (كاسىپ)】؛ دەربەس تاڭداپ قابىلداۋ؛ تولىق كۋرس بويىنشا 1 - توپتا قابىلداۋ؛ كەدەيلەرگە ارنالعان ارناۋلى ءتۇر، وڭتۇستىك شينجياڭعا ارنالعان جوسپارى ايىرىم جاسالاتىن ءتۇر، شينجياڭعا باعىتتامالى كومەكتەسۋ جوسپارى بويىنشا تولىق كۋرس بويىنشا 2 - توپتا قابىلداۋ؛ تولىق كۋرس بويىنشا 2 - توپتا قابىلداۋ؛ جوعارى دارەجەلى كاسىپتىك مەكتەپتەر (ارناۋلى كۋرس) بويىنشا الدىن الا قابىلداۋ؛ جوعارى دارەجەلى كاسىپتىك مەكتەپتەر (ارناۋلى كۋرس) بويىنشا قابىلداۋ.

  «وقۋشى قابىلداۋ بەلگىلەمەسى»نىڭ تولىق مازمۇنىن بىلمەكشى بولساڭىز، شينجياڭ وقۋشى قابىلداۋ سايتىنان (http://www.xjzk.gov.cn) سۇراستىرۋىڭىزعا بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى