تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيالى كادرلاردىڭ قارا كۇشتەرگە، سۇرقيا كۇشتەرگە ساياتىن شىرىكتەسۋگە جانە ”باسقالقا“ بولۋعا قاتىستى 10 تيپتىك دەلونى اشىق جاريالادى. بۇل 10 تيپتىك دەلو مىنالار:
1. اقسۋ ايماعى توقسۋ اۋداندىق قوعام حاۋىپسىزدىگى مەكەمەسىنىڭ بۇرىنعى ورىنباسار باستىعى، ينتەرنەت حاۋىپسىزدىگى جانە ينفورماتسيالاندىرۋ پارتيا قىزمەت كوميتەتىنىڭ بۇرىنعى ورىنباسار شۋجيى ياڭ يۇيجۇڭنىڭ قارا، سۇرقيا كۇش توپتارىنا ”باسقالقا“ بولۋ قاتارلى ماسەلەلەرى. 2012 - جىلى 6 - ايدان 2018 - جىلى 10 - ايعا دەيىن، ياڭ يۇيجۇڭ لي ⅹ باس بولعان قارا، سۇرقيا كۇش توپتارىنىڭ جەر استى قۇمارحاناسىن اشىپ، زاڭسىز قارىز اقشا تاراتۋىنا قاتىناسىپ، 645 مىڭ يۋان پايدا العان؛ قىزمەت قولايلىلىعىنان پايدالانىپ، لي ⅹ سياقتى قارا، سۇرقيا كۇش توپتارىنا حابار - وشار جەتكىزىپ، بەلگىلەمەگە قايشى تۇردە دەلو جاعدايىن ۇعىسىپ ءارى دەلونى ءبىر جاقتى ەتۋگە كيلىگىپ، ولاردىڭ زاڭ جازاسىنان جالتارۋىنا كومەكتەسىپ، جالپى مولشەرى 827 مىڭ يۋاندىق مال - مۇلىك العان. مۇنان سىرت، ياڭ يۇيجۇڭدا باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار. 2018 - جىلى 12 - ايدا ياڭ يۇيجۇڭعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
2. تارباعاتاي ايماعى قوبىقسارى موڭعۇل اۆتونوميالى اۋداندىق پروكۋراتۋرا پارتيا باسشىلىق گرۋپپاسىنىڭ بۇرىنعى ورىنباسار شۋجيى، باس پروكۋرورى مىڭحى نارىسۋدىڭ قارا قوعام سيپاتىندىق ۇيىمدارعا ”باسقالقا“ بولۋ قاتارلى ماسەلەلەرى. 2005 - جىلى 4 - ايدان 2009 - جىلى 10 - ايعا دەيىن، مىڭحى نارىسۋ قوبىقسارى موڭعۇل اۆتونوميالى اۋداندىق قوعام حاۋىپسىزدىگى مەكەمەسىنىڭ ورىنباسار باستىعى مىندەتىن اتقارعان كەزىندە، ليۋ ⅹ سياقتى قارا قوعام سيپاتىندىق ۇيىمنىڭ مۇشەلەرىمەن ۇزاق ۋاقىت استاسىپ، ءتىل بىرىكتىرىپ، وسى توپتىڭ اۋىر دارەجەدە پالە ىزدەپ، سويقان شىعارۋ، بوپسالاۋ سياقتى دەلولارىن بارلاپ ءبىر جاقتى ەتكەن كەزدە 30 مىڭ يۋان سىرىڭكەلىك الىپ، دەلوعا قاتىستى 10 ادامنىڭ زاڭنىڭ جازاسىنان جالتارۋىنا كومەكتەسكەن؛ 2011 - جىلدان بەرى قوبىقسارى موڭعۇل اۆتونوميالى اۋداندىق پروكۋراتۋرانىڭ باس پروكۋرورى مىندەتىن اتقارعان كەزدە دەلوعا قاتىستى ادامداردىڭ جازاسىن جەڭىلدەتۋگە نەمەسە كەشىرىم ەتۋگە كومەكتەسكەن، باسقالاردىڭ جالپى مولشەرى 225 مىڭ يۋاندىق مال - مۇلكىن تالاي رەت زاڭسىز قابىلداعان. مۇنان سىرت، مىڭحى نارىسۋدا باسقا دا تارتىپكە، زاڭعا اۋىر دارەجەدە قايشىلىق جاساعان ماسەلەلەر دە بار. 2018 - جىلى 12 - ايدا مىڭحى نارىسۋعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
3. قاشقار ايماعى قاشقار جاڭا ءشار اۋداندىق قوعام حاۋىپسىزدىگى مەكەمەسى باپان شۇيموۋ ساقشى بولىمشەسىنىڭ بۇرىنعى باستىعى ۋاڭ پىڭنىڭ قارا، سۇرقيا كۇش توپتارىنا ”باسقالقا“ بولۋ قاتارلى ماسەلەلەرى. 2016 - جىلدان 2017 - جىلعا دەيىن ۋاڭ پىڭ قىزمەت قولايلىلىعىنان پايدالانىپ، قاراستى وڭىرىندەگى ما ⅹ باس بولعان قارا، سۇرقيا كۇش توپتارىنىڭ جەر استى قۇمارحاناسىن اشۋ، قۇمار ويناۋعا زاڭسىز ۇيىمداستىرۋ، باسقالاردى زاڭسىز قاماۋ، پالە ىزدەپ، سويقان شىعارۋ، جوعارى ءوسىمدى قارىز اقشانى قۋزاۋ، تاراتۋ، قۇمار قارىزى سياقتى زاڭسىز قىلمىستىق ارەكەتتەرگە قورعاۋشى بولىپ، جالپى مولشەرى 715 مىڭ يۋاندىق ”كولدەنەڭ“ پايدا ءتۇسىرىپ، مال - مۇلىك الىپ، ما ⅹتىڭ قوعام حاۋىپسىزدىگى ورگاندارىنىڭ سوققىسىنان جالتارۋىنا كومەكتەسكەن. مۇنان سىرت، ۋاڭ پىڭدا باسقا دا تارتىپكە، زاڭعا اۋىر دارەجەدە قايشىلىق جاساۋ ماسەلەسى بار. 2019 - جىلى 4 - ايدا ۋاڭ پىڭعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
4. بايىنعولين موڭعۇل اۆتونوميالى وبلىسى كورلا قالاسى ىنتىماق ءمالىسى پارتيا قىزمەت كوميتەتىنىڭ بۇرىنعى ورىنباسار شۋجيى، ءىس باسقارماسىنىڭ بۇرىنعى مەڭگەرۋشىسى رەيىم قادىردىڭ قارا قوعام سيپاتىندىق ۇيىمدارعا ”باسقالقا“ بولۋ قاتارلى ماسەلەلەرى. 2017 - جىلدان 2018 - جىلعا دەيىن، رەيىم قادىر قاراستى وڭىرىندەگى يۇي ⅹ باس بولعان قارا قوعام سيپاتىندىق ۇيىمداردىڭ قىلمىستىق ارەكەتتەرىن قورعاشتاپ، ولاردىڭ بوستان بازارىندا زورلىقتى كۇش كورسەتىپ، قوقان - لوقى جاساۋ، پالە شىعارىپ، تيجاراتشىلاردى قۋدالاۋ، ”قورعاۋ اقىسىن“ جيۋ، زورلىق - زومبىلىق، زورەكەرلىك ىستەۋ سياقتى زاڭعا قايشى قىلمىستىق ارەكەتتەرىن قورعاعان؛ جوعارى دارەجەلى تاراۋلار تەكسەرۋ بارىسىندا، رەيىم قادىر يۇي ⅹ سياقتى ادامدارعا حابار - وشار جەتكىزىپ، قىلمىستىق فاكتتەردى بۇركەمەلەگەن؛ قىزمەت ۇقىعىنان پايدالانىپ، جەكە مۇددەسىن كۇيتتەپ، جالپى مولشەرى 78 مىڭ يۋاندىق مال - مۇلىك العان. مۇنان سىرت، رەيىم قادىردا باسقا دا تارتىپكە، زاڭعا اۋىر دارەجەدە قايشىلىق جاساۋ ماسەلەسى بار. 2018 - جىلى 5 - ايدا رەيىم قادىرعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
5. سانجى حۇيزۋ اۆتونوميالى وبلىسى قۇتىبي اۋدانى تاسباسپالداق اۋىلى تەرەكتى قىستاعى پارتيا ياچەيكاسىنىڭ بۇرىنعى شۋجيى ناسىرات كاۋكەردىڭ سۇرقيا كۇشتەرگە ساياتىن شىرىكتەسۋ قاتارلى ماسەلەلەرى. 2007 - جىلى 2 - ايدان 2018 - جىلى 10 - ايعا دەيىن ناسىرەت كاۋكەر تەرەكتى قىستاعى پارتيا ياچەيكاسىنىڭ شۋجيى مىندەتىن اتقارعان كەزىندە، كەزەك اۋىستىرۋ قىزمەت تارتىبىنە قايشىلىق جاساپ، اۋلەت كۇشتەرى ارقىلى بەلەت جيىپ، پارامەن سايلانۋ ارقىلى قىستاق دارەجەلى ۇيىمداردىڭ كەزەك اۋىستىرۋ سايلاۋىن بۇلدىرگەن؛ تۇرلىشە پىكىردە بولعان سايلاۋشىلاردى قوقان - لوقى جاساپ، قورقىتقان ءارى سايلاۋ اياقتاعاننان كەيىن ءتۇرلى شارالاردان پايدالانىپ، سوققى بەرىپ، كەك العان؛ قىستاق تۇرعىندارىنا 160 مىڭ يۋاننان استام ءتۇرلى ينجەنەريا قاراجاتىن زورلىقپەن مىندەتتەگەن؛ تۇتاس قىستاقتىڭ ەگىستىك سۋىن پايدالانۋىن مەڭگەرىپ، جەردى كوتەرمەگە العان وتباسىلارىن قىساۋ، زورلاۋ ارقىلى ولاردان جەردىڭ ەگىنشىلىك پايداسىنان جالپى مولشەرى 325 مىڭ يۋاندى وزىنە قايتارتقان؛ باسقالارمەن سەرىكتەسىپ، حالىققا تيىمدىلىك جاساۋ نىساندارى تولىقتاما قاراجاتىنان ءبىر ميلليون 200 مىڭ يۋاندى جالداپتىقپەن العان. مۇنان سىرت، ناسىرات كاۋكەردە باسقا دا تارتىپكە، زاڭعا اۋىر دارەجەدە قايشىلىق جاساۋ ماسەلەسى بار. 2018 - جىلى 10 - ايدا ناسىرات كاۋكەرگە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
6. قىزىلسۋ قىرعىز اۆتونوميالى وبلىسى اتۇش قالالىق قوعام حاۋىپسىزدىگى مەكەمەسى پامير ساقشى بولىمشەسىنىڭ بۇرىنعى باستىعى چىن ديڭبيننىڭ قارا، سۇرقيا كۇش توپتارىنا ”باسقالقا“ بولۋ قاتارلى ماسەلەلەرى. 2014 - جىلى 12 - ايدا چىن ديڭبين قارا، سۇرقيا كۇش توپتارىنىڭ مۇشەلەرى ليۋ ⅹتىڭ، موۋ ⅹتىڭ باسقالاردى قاساقانا زاقىمداۋ دەلوسىن بارلاپ، ءبىر جاقتى ەتكەندە، ولاردىڭ قىلمىستىق ىستەرمەن قۋزالۋىنان جالتارۋىنا كومەكتەسىپ، قىلمىستىق ىستەر دەلوسىن ادەيى قوعام اماندىعى دەلوسى دەڭگەيىنە تومەندەتىپ ءبىر جاقتى ەتكەن؛ 2015 - جىلى 1 - ايدا رىن ⅹ سياقتى قارا، سۇرقيا كۇش توبى مۇشەلەرىنىڭ باسقالاردى زاڭسىز قاماۋ دەلوسىن ءبىر جاقتى ەتكەندە، دەلوعا قاتىستى توپتىڭ 3 مۇشەسىن بەلگىلەمەگە قايشى بوساتقان ءارى قارسى جاقتان اقشا العان؛ 2015 - جىلى 3 - ايدا قارا، سۇرقيا كۇش توبىنىڭ باس اتامانى جاڭ ⅹتىڭ ەلەۋلى قۇمار ويناۋ دەلوسىن ادەتتەگى ەكونوميكالىق داۋ - شار دەلوسى رەتىندە ءبىر جاقتى ەتىپ، ونىڭ قوعام حاۋىپسىزدىگى ورگاندارىنىڭ سوققى بەرۋىنەن جالتارۋىنا كومەكتەسكەن. 2018 - جىلى 10 - ايدا چىن ديڭبينگە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
7. بۇراتالا موڭعۇل اۆتونوميالى وبلىسى جىڭ اۋداندىق قوعام حاۋىپسىزدىگى مەكەمەسى قالاشىق ساقشى بولىمشەسىنىڭ بۇرىنعى باستىعى ليۋ حانسىننىڭ قارا، سۇرقيا كۇش توپتارىنا ”باسقالقا“ بولۋ قاتارلى ماسەلەلەرى. 2017 - جىلى 7 - ايدان 2018 - جىلى 2 - ايعا دەيىن ليۋ حانسىن قالاشىق ساقشى بولىمشەسىنىڭ باستىعى مىندەتىن اتقارعان كەزدە با ⅹتىڭ، جوۋ ⅹتىڭ وزىنە قاراستى وڭىرىندە جەزوكشەلىك ىستەۋدەي زاڭعا قايشى قىلمىستىق ارەكەتپەن شۇعىلدانۋىن قورعاپ، قوعام حاۋىپسىزدىگى ورگاندارىنىڭ سوققى بەرۋىنەن جالتارۋىنا كومەكتەسكەن، با ⅹتىڭ، جوۋ ⅹتىڭ جەڭىل جازالانۋىنا نەمەسە جازادان كەشىرىم ەتىلۋىنە تالاي رەت كومەكتەسكەن ءارى قارسى جاقتان قىرۋار مال - مۇلىك العان. 2019 - جىلى 3 - ايدا ليۋ حانسىنعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
8. ءۇرىمجى قالالىق قوعام حاۋىپسىزدىگى مەكەمەسى يوۋچىڭ بولىمشە مەكەمەسى 13 - رايون ساقشى بولىمشەسىنىڭ بۇرىنعى باستىعى جاڭ لەيدىڭ بەتكە قاراپ زاڭدى بۇزۋ، قارا، سۇرقيا كۇش توپتارىنا ”باسقالقا“ بولۋ قاتارلى ماسەلەلەر. 2015 - جىلى 2 - ايدان بەرى جاڭ لەي زاڭ اتقارۋ بارىسىندا قىلمىستىق ىستەر دەلوسىن اماندىق دەلوسىنا وزگەرتۋ، ەڭبەك سىڭىرگەندىگى تۋرالى جالعان دالەل كورسەتۋ، اۋرۋ تاريحىن جالعاننان جاساۋ سياقتى تاسىلدەرمەن، فاڭ ⅹ باستاعان قارا، سۇرقيا كۇش توبىنداعىلاردىڭ قىلمىستىق ىستەر جازاسىن كەشىرىم ەتكەن نەمەسە جەڭىلدەتكەن؛ سوتتاعانعا دەيىن كەپىلگە بەرۋ راسمياتتارىن ءبىتىرۋ بارىسىندا، وزگەلەردەن زاڭسىز 25 مىڭ يۋان سىرىڭكەلىك العان. مۇنان سىرت، جاڭ لەي قىزمەت قولايلىلىعىنان پايدالانىپ، 331 مىڭ يۋان پارا العان. 2019 - جىلى 1 - ايدا جاڭ لەيگە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
9. قۇمىل قالاسى يجوۋ رايونى تۇرعىن ءۇي، قۇرىلىس مەكەمەسى پارتكومىنىڭ بۇرىنعى ورىنباسار شۋجيى، مەكەمە باستىعى، قۇمىل قالا ىستەرى سەرىكتەستىگى پارتيا باس ياچەيكاسىنىڭ بۇرىنعى شۋجيى، باس مەڭگەرۋشىسى حان گوبيننىڭ سۇرقيا كۇشتەردىڭ مەردىگەرلىكتى شاۋجايلاۋ، مەردىگەرلىك جاعىندا استاسۋىنا جول بەرۋ قاتارلى ماسەلەلەرى. 2017 - جىلى حان گوبين وسى رايوننىڭ كورىكتى اۋىل - قىستاق قۇرۋ نىسانىن ۇيىمداستىرىپ اتقارۋ بارىسىندا، مەردىكگەرلىككە اشىق شاقىرماي، قالا ىستەرى سەرىكتەستىگىن الدىڭعى كەزەڭدىك قۇرىلىستى جۇرگىزۋگە ءوز بەتىمەن ورنالاستىرعان. ونان كەيىن مەردىگەرلىككە شاقىرۋ، مەردىگەر بولۋ راسمياتتارىن تولىقتاپ ءبىتىرۋ بارىسىندا، قول استىنداعىلاردى مىڭ ⅹ باستاعان سۇرقيا كۇشتەرمەن مەردىگەرلىكتى شاۋجايلاۋ، مەردىگەرلىككە استاسۋ جونىندە ءتىل بىرىكتىرۋگە جۇمساپ، مىڭ ⅹتى ەنەرگيا ۇنەمدەۋ بويىنشا وزگەرتىپ سالىناتىن نىساندار قاتارىنا قوسۋعا ۋادە بەرىپ، مىڭ ⅹتىڭ سۇرقيالىق تاسىلدەن پايدالانىپ، جالپى باعاسى 142 ميلليون يۋانعا تۋرا كەلەتىن 5 نىسان قۇرىلىسىن قولعا تۇسىرۋىنە مۇمكىندىك جاساعان. مەردىگەرلىككە شاقىرۋ، مەردىگەر بولۋ جۇمىسى اياقتاعاننان كەيىن، حان گوبيىن قالا ىستەرى سەرىكتەستىگىن وسى 5 قۇرىلىس نىسانىن مىڭ ⅹتەن 4 ميلليون 260 مىڭ يۋانعا ساتىپ الۋعا ورنالاستىرىپ، مەملەكەتكە ءبىرشاما اۋىر زيان سالعان. مۇنان سىرت، حان گوبين قىزمەت قولايلىلىعىنان پايدالانىپ، وزگەلەردەن 3 ميلليون 199 مىڭ 500 يۋان مال - مۇلىك العان. 2018 - جىلى 7 - ايدا حان گوبينگە پارتيادان ايداۋ، اكىمشىلىك مىندەتىنەن الىپ تاستاۋ جازاسى بەرىلىپ، ءبولىم دارەجەلى باسشىلىق مىندەتى ادەتتەگى جۇمىس جۇرگىزۋشى دارەجەسىنە تومەندەتىلدى؛ 2019 - جىلى 2 - ايدا حان گوبينگە ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
10. حوتان ايماعى لوپنۇر اۋداندىق قوعام حاۋىپسىزدىگى مەكەمەسى پارتكومىنىڭ بۇرىنعى مۇشەسى، ورىنباسار مەكەمە باستىعى عالىپ يمىنجاننىڭ قارا قوعام سيپاتىنداعى ۇيىمداردىڭ قۇمارحانا اشۋىنا ”باسقالقا“ بولۋ قاتارلى ماسەلەلەرى. 2016 - جىلى 3 - ايدان 2017 - جىلى 8 - ايعا دەيىن، عالىپ يمىنجان لوپنۇر اۋداندىق قوعام حاۋىپسىزدىگى مەكەمەسىنىڭ ورىنباسار باستىعى بولىپ تۇرعان كەزىندە، تەگىن جارنا قوسۋ فورماسىمەن، قارا قوعام سيپاتىنداعى ۇيىمنىڭ اتامانى ي ⅹ اشقان جەر استى قۇمارحانانىڭ تيجارات قيمىلىنا قاتىناسىپ، 130 مىڭ 400 يۋان پايدا العان. 2017 - جىلى 4 - ايدا لوپنۇر اۋداندىق قوعام حاۋىپسىزدىگى مەكەمەسى ارناۋلى وڭاۋ، تەكسەرۋ جۇرگىزۋ بارىسىندا، عالىپ يمىنجان جەر استى قۇمارحانا اشقان قارا قوعام سيپاتىنداعى ۇيىمنىڭ مۇشەسى ت ⅹكە استىرتىن حابار بەرىپ، ونىڭ قوعام حاۋىپسىزدىگى ورگانىنىڭ سوققىسنان جالتارۋىنا مۇمكىندىك جاساعان. مۇنان سىرت، عالىپ يمىنجاندا باسقا دا تارتىپكە، زاڭعا اۋىر دارەجەدە قايشىلىق جاساۋ ماسەلەلەرى بار. 2018 - جىلى 9 - ايدا عالىپ يمىنجانعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
جوعارىداعى قارا، سۇرقيا كۇشتەرگە ساياتىن شىرىكتەسۋگە جانە ”باسقالقا“ بولۋعا قاتىستى 10 دەلودا، پارتيا، ۇكىمەت ورىندارىنداعى باسشى كادرلار، ساياسي - زاڭ سالاسىنداعى كادر - ساقشىلار، قىستاق دارەجەلى ۇيىمداردىڭ جاۋاپتىلارى دا بار. بىرەۋلەرى بەتكە قاراپ زاڭدى بۇزىپ، قىزمەتىنە نەمقۇرايدى قاراپ، قارا، سۇرقيا كۇشتەردىڭ الىنەن اسۋىنا جول بەرگەن؛ كەيبىرەۋلەرى تىكە قارا، سۇرقيا كۇش ارەكەتتەرىنە قاتىناسىپ، قارا، سۇرقيا كۇشتەرگە ”باسقالقا“ بولعان؛ ەندى بىرەۋلەرى اۋلەتىنىڭ ىقپالىنان پايدالانىپ قىستاقتا ويىنا كەلگەندى ىستەپ، بۇقارانى جابىرلەپ، بۇقارانىڭ مۇددەسىن زيانداعان. وسى ارەكەتتەر پارتيانىڭ باستى ماقساتىنا قايشى كەلىپ، پارتيانىڭ وبرازىنا داق سالىپ، پارتيا مەن بۇقارانىڭ بايلانىسىنا زيان تۋدىردى، ءسوز جوق، قاتاڭ تەكسەرىپ ءبىر جايلى ەتىپ، باتىل جازالاۋ كەرەك.
ءار دارەجەلى ءتارتىپ تەكسەرۋ، باقىلاۋ تەكسەرۋ ورگاندارى ساياسي دەڭگەيدى جوعارىلاتىپ، جاۋاپكەرشىلىكتى مۇقيات اتقارىپ، تىنباي كۇش سالىپ، دالمە - ءدال سوققى بەرىپ، قارا، سۇرقيا كۇشتەرگە ساياتىن شىرىكتەسكەندەردى جانە ”باسقالقا“ بولعانداردى جازالاۋدىڭ تەگەۋرىندى كۇيىن باستان - اياق ساقتاپ، كۇشتى سەس كورسەتىپ، بۇقارانىڭ قاداعالاعان ىستەرىنە جاۋاپ بەرۋى قاجەت. ءتۇيىندى سالالاردى قاداعالاپ، ”باسقالقا“لارعا سوققى بەرۋدى نەگىزگى شابۋىلداۋ بەتالىسى ەتىپ، ”بايلانىس تورىن“ تۇبەگەيلى تەكسەرۋ قاجەت؛ ”جەلىدە جانە جەلىدەن تىس“ ماسەلەنىڭ ءىز - دەرەكتەرىن سارالاپ تەكسەرۋدى ءبىر تۇلعالاندىرىپ ىلگەرىلەتۋدەن جازباي، قاراستى رايونداردىڭ، كاسىپتەردىڭ، سالالاردىڭ قارا، سۇرقيا كۇشتەرگە قاتىستى تۇلعالىق جاعدايى، بەينەلەنۋ فورماسى جانە قالىپتاسۋ سەبەبى سياقتىلارعا ىشكەرىلەي ”بىرلەسىپ“ ءبىر - بىردەن تەكسەرۋ، تالداۋ جاساۋ كەرەك؛ قوعام حاۋىپسىزدىگى ورگاندارىمەن سايكەسە سەلبەسۋدەن، ءبىر تۇلعالاندىرىپ ىلگەرىلەتۋدەن، جاعدايعا قاراي ىلگەرىلەتۋدەن، كۇش سالا قامال الۋدان جازباۋ قاجەت؛ ءبىر جايلى ەتۋدى قۋزاۋ، ءبىر جايلى ەتۋگە وتكىزىپ بەرۋ جانە تىكە تەكسەرۋ، تىكە ءبىر جايلى ەتۋ تەبىنىن ارتتىرىپ، بۇقارانىڭ اڭىسى كۇشتى، قوعام قاداعالاي نازار اۋدارعان قارا، سۇرقيا كۇشتەرگە ساياتىن شىرىكتەسۋگە جانە ”باسقالقا“ بولۋعا قاتىستى ماسەلەلەردى قاتاڭ تەكسەرىپ ءبىر جايلى ەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى ءتارتىپ جاعىنان پارمەندى قامتاماسىزداندىرۋ كەرەك.
