تيانشان تورى   ›   جاڭالىقتار   ›   ساياحات

رايونىمىز مادەنيەت، ساياحات جاعىنان بۇقاراعا تيىمدىلىك جەتكىزەتىن 112 ءتۇرلى قيمىل وتكىزەدى

  ءتىلشى رىن جياڭ 5 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا، 5 - ايدىڭ 19 - كۇنى − جۇڭگو ساياحات كۇنى. رايونىمىزدىڭ جەر - جەرى 5 ۇلكەن ءتۇر بويىنشا مادەنيەت، ساياحات جاعىنان بۇقاراعا تيىمدىلىك جەتكىزەتىن 112 ءتۇرلى قيمىلدى وتكىزەدى ەكەن. سونىمەن قاتار، كوپتەگەن كورىنىس رايوندارى ەسىك بەلەتىن الماۋ، ەسىك بەلەتىن ارزانداتۋ، كەدەيلەردى ساياحات ارقىلى سۇيەمەلدەۋ، مۇگەدەكتەرگە كومەكتەسۋ شاراسىن جانە ەڭبەك ەرى، وزات قىزمەتكەر قاتارلىلارعا ءتيىمدى شارا اتقارادى. جەر - جەر يگىلىك سيپاتتى ادەبيەت - كوركەمونەر كونسەرتىن قويۋ، الەۋمەتتىك مادەنيەت الاڭدارىن تەگىن اشۋ سياقتى مادەنيەت جاعىنان تيىمدىلىك جەتكىزۋ شارالارىن جولعا قويادى.

  جۇڭگو ساياحات كۇنىندە ىلە قازاق اۆتونوميالى وبلىستىق مۇراجايى، حانجيا حانىشالار ەسكەرتكىش سارايى، لين زىشۇي ەسكەرتكىش سارايى، قۇلجا قالاسىنىڭ جوبا كورمەسى، ىلە وزەنى كورىنىس رايونى جانە توعىزتاراۋ اۋدانى ىلگىداي كورىنىس رايونى تەگىن اشىلادى؛ تولى اۋدانىنداعى، قوبىقسارى موڭعۇل اۆتونوميالى اۋدانىنداعى بارلىق A دارەجەلى كورىنىس رايونىنىڭ، سونداي - اق ءدوربىلجىن اۋدانىنداعى ءارقايسى كورىنىس رايوندارىنىڭ ەسىك بەلەتى كەشىرىم ەتىلەدى؛ كوكتوعاي مەملەكەتتىك كەن باقشاسى كورىنىس رايونى بارلىق ساياحاتشىلارعا ەسىك بەلەتىن (ءتۇسىندىرۋ اقىسى، رايون اراسىنداعى اۆتوكولىك اقىسىن وزدەرى كوتەرەدى) كەشىرىم ەتەدى؛ باركول بايىرعى قالاسى كورىنىس رايونىنداعى ءارقايسى كورىنىس تۇيىندەرى تەگىن اشىلادى؛ حىجيڭ اۋدانىنىڭ كۇنەس كورىنىس رايونىنىڭ ەسىك بەلەتى تۇگەلدەي كەشىرىم ەتىلەدى.

  جۇڭگو ساياحات كۇنى كەيبىر كورىنىس رايوندارى جەرگىلىكتى بۇقاراعا ەسىك بەلەتىن كەشىرىم ەتۋ قيمىلىن وتكىزەدى. شاعانتوعاي اۋدانىنىڭ كورىنىس رايوندارى جەرگىلىكتى ساياحاتشىلارعا تەگىن اشىلادى؛ كوكتوعاي اۋدانىنىڭ تۇرعىندارى كوكتوعاي كورىنىس رايونىن ارالاعاندا، ازاماتتىق كۋالىگىن كورسەتۋ ارقىلى تەگىن ەسىك بەلەتىنەن يگىلىكتەنەدى؛ قارامايلى قالاسىنىڭ جانە ورقى رايونىنىڭ تۇرعىندارى ازاماتتىق كۋالىگىن كورسەتۋ ارقىلى جەرگىلىكتى كورىنىس رايوندارىن تەگىن ساياحاتتايدى؛ تۇرپان قالاسىنىڭ تۇرعىندارى ازاماتتىق كۋالىگىن كورسەتسە بولعانى، تۇرپان قالاسىنداعى بارلىق كورىنىس رايوندارىنىڭ ەسىك بەلەتى كەشىرىم ەتىلەدى؛ قاعىلىق اۋدانىنىڭ تۇرعىندارى شيتييامي قالاسى كورىنىس رايونىن تەگىن ساياحاتتايدى؛ يىڭسار اۋدانىنىڭ تۇرعىندارى ازاماتتىق كۋالىگىن كورسەتۋ ارقىلى اۋدانداعىءارقايسى ساياحات تۇيىندەرىن تەگىن ارالايدى.

  كەيبىر كورىنىس رايوندارى ءتىپتى دە ءتيىمدى شارالاردى اتقاردى. 5 - ايدىڭ 18 - كۇنىنەن 19 - كۇنىنە دەيىن موڭعۇلكۇرە اۋدانىنىڭ بارلىق كورىنىس رايوندارىنىڭ ەسىك بەلەتى كەشىرىم ەتىلەدى؛ 5 - ايدىڭ 18 - كۇنىنەن 20 - كۇنىنە دەيىن كۇنەس اۋدانىنىڭ باتىس ءوڭىر شاراپ مادەنيەتى مۇراجايى تەگىن اشىلادى؛ بايىنبۇلاق سياقتى كورىنىس رايوندارى 5 - ايدىڭ 19 - كۇنى تۋعان كۇنىن وتكىزەتىن، ۇيلەنگەن كۇندەرىن تويلايتىن ساياحاتشىلارعا قاراتا ءتيىمدى قيمىلداردى وتكىزەدى.

  كورىنىس رايوندارىنىڭ ەسىك بەلەتىن ارزانداتۋ، كەشىرىم ەتۋ سىندى ءتيىمدى شارالاردان تىس، جەر - جەر كۋالىگى بار مۇگەدەك ساياحاتشىلارعا، ارحيۆ تۇرعىزىلىپ، كارتچكالاندىرىلعان كەدەي وتباسىلارىنا، سونداي - اق ەڭ تومەنگى تۇرمىسى قامتاماسىزداندىرىلاتىن وتباسىلارىنا تيىمدىلىك جاساۋ سىندى كەدەيلەردى ساياحات جاعىنان سۇيەمەلدەۋ، مۇمكىندىگى شەكتەۋلى جاندارعا كومەكتەسۋ شارالارىن اتقارىپ، ەڭبەك ەرى، وزات قىزمەتكەر سىندى وزات بۇقارالىق توپتارعا تيىمدىلىك جاساپ، كوپتەگەن ساياحات سەرىكتەستىگى، قوناق ءۇي، مەيمانساراي، دەمالىس ورىندارى سياقتىلار دا قاتىستى تيىمدىلىك شارالارىن جولعا قويادى.

  بۇدان تىس، ىلە قازاق اۆتونوميالى وبلىسى، قاشقار ايماعى، تۇرپان قالاسى سياقتى جەرلەر جۇڭگو ساياحات كۇنىندە الەۋمەتتىك مادەنيەت الاڭدارىن تەگىن اشادى ءارى ءتۇرلى فورماداعى يگىلىك سيپاتتى ادەبيەت - كوركەمونەر كونسەرتتەرىن قويادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى