تيانشان تورابى   ›   ۇيرەنۋ   ›   شولۋ

ۇلى ارماندى جۇزەگە اسىرۋعا حاۋىپسىز، ورنىقتى ورتا ازىرلەيىك

  − باس شۋجي شي جينپيڭنىڭ بۇكىل مەملەكەتتىك قوعام حاۋىپسىزدىگى قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى

  حالىق گازەتىنىڭ شولۋشىسى

  ”جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، ’قوس 100 جىلدىق‘ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا حاۋىپسىز، ورنىقتى ساياسي قوعامدىق ورتا جاراتۋ كەرەك“. بۇكىل مەملەكەتتىك قوعام حاۋىپسىزدىگى قىزمەتى ماجىلىسىندە باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، قوعام حاۋىپسىزدىگى قىزمەتىن ويداعىداي ىستەۋگە جان - جاقتى ورنالاستىرۋ جاساپ، ايقىن تالاپتار قويدى. ءار دارەجەلى پارتكومدار مەن ۇكىمەتتەر، ءار دارەجەلى قوعام حاۋىپسىزدىگى ورگاندارى جانە قالىڭ قوعام حاۋىپسىزدىگى حالىق ساقشىلارى يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ قوعام حاۋىپسىزدىگى قىزمەتى جونىندەگى شەشىمدەرىن، ورنالاستىرۋلارىن ناقتى تياناقتاندىرۋ كەرەك.

  بيىل جاڭا جۇڭگو قۇرىلعاندىعىنىڭ 70 جىلدىعى. 70 جىل كەدەرگىلەردى الاستاپ، قيىنشىلىقتاردى جەڭگەن، 70 جىل ەكپىندەي العا ىلگەرىلەگەن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. اسقار تاۋلار مەن اساۋ وزەندەردەن وتكەنىمىزبەن، ءالى دە تاۋ اسىپ، تاس باسۋىمىزعا تۋرا كەلەدى، بۇكىل پارتيانىڭ، بۇكىل ەلدەگى ءار ۇلت حالقىنىڭ الدىنداعى بورىش ءتىپتى دە داڭقتى، مىندەت ءتىپتى دە جاپالى، سىن - سايىس ءتىپتى دە قاتاڭ، قىزمەت ءتىپتى دە ۇلى. كەمە اعىس ورتاسىنا كەلگەندە تولقىن ونان ارى كۇشەيگەن، ادام تاۋدىڭ بەل ورتاسىنا كەلگەندە جول ونان ارى قيىنداعان وسى ساتتە، بۇكىل ەل حالقىنىڭ ءبىر نيەتپەن ىنتىماقتاسىپ، قامال الىپ، قيىنشىلىقتاردى جەڭۋى، كەزەڭنەن اسىپ، قىساڭنان ءوتۋى تىپتەن قاجەت. كۇردەلى دە قاتاڭ حالىقارالىق جاعداي مەن ەل ءىشىنىڭ جاپالى دا اۋىر رەفورما، دامۋ، ورنىقتىلىق مىندەتى الدىندا، قوعام حاۋىپسىزدىگى ورگاندارى باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، قاجىرلىلىقپەن رەفورما جاساپ، جاڭالىق اشىپ، ىسىلعان شەبەرلىك جەتىلدىرىپ، ساياسي حاۋىپسىزدىكتى باتىل قورعاعاندا، قوعامنىڭ تىنىشتىعىن باتىل قورعاعاندا، حالىقتىڭ الاڭسىز بولۋىنا باتىل كەپىلدىك ەتكەندە عانا، جاڭا داۋىردەگى جاڭا ساپاردا تاماشا حاۋىپسىز، ورنىقتى ورتا جاراتا الادى.

  ۇلى ارماندى جۇزەگە اسىرۋعا حاۋىپسىز، ورنىقتى ورتا جاراتۋدا زاڭدى، ءادىل، وركەنيەتتى اتقارۋدى قاتاڭ ارناعا ءتۇسىرۋ كەرەك. ادىلدىك، تۋراشىلدىق − زاڭ اتقارۋدىڭ، ءادىليا قىزمەتىنىڭ جانى. زاڭ اتقارۋ، ءادىليا قىزمەتىنىڭ ءبىرىنشى شەبىندە تۇرعان قوعام حاۋىپسىزدىگى ورگاندارىنىڭ زاڭدى، ءادىل، وركەنيەتتى اتقارۋدى قاتاڭ ارناعا تۇسىرە الۋ - الماۋ حالىق بۇقاراسىنىڭ ءتول مۇددەسىنە سايادى، پارتيا مەن ۇكىمەتتىڭ زاڭمەن جونگە سالۋ وبرازىنا سايادى. شەشۋشى بۋىندى مىقتى ۇستاپ، زاڭ اتقارۋ ۇقىعىنىڭ اينالىم مەحانيزمى مەن باسقارۋ، باقىلاۋ، تەجەۋ جۇيەسىن كەمەلدەندىرىپ، حالىق بۇقاراسىنا ءاربىر دەلونى بىتىرۋدە، ءاربىر ءىستى ءبىر جاقتى ەتۋدە ادىلدىكتى، تۋراشىلدىقتى سەزىندىرۋگە قۇلشىنۋ كەرەك. زاڭ اتقارۋدىڭ ەڭ جاقسى ونىمدىلىگى − جۇرتتى شىن مانىندە يلاندىرۋ. زاڭدى، ءادىل، وركەنيەتتى اتقارۋدى قاتاڭ ارناعا ءتۇسىرۋ تالابىن دۇرىس يگەرىپ، جان - جاقتى دايەكتىلەندىرىپ، قىلمىستىلارعا سوققى بەرۋدى ادامدىق ۇقىقتى قامتاماسىز ەتۋمەن، ونىمدىلىككە تالپىنۋدى ادىلدىكتى جۇزەگە اسىرۋمەن، زاڭ اتقارۋ ماقساتىن زاڭ اتقارۋ فورماسىمەن ورگانيكالى ۇشتاستىرىپ، ەڭ تاماشا زاڭدىق ونىمدىلىكتى، ساياسي ونىمدىلىكتى، قوعامدىق ونىمدىلىكتى قۇلشىنا جۇزەگە اسىرۋ كەرەك. زاڭنىڭ بەدەلى حالىقتىڭ شىن جۇرەكتەن قولداۋى مەن شىنايى سەنۋىنەن كەلەدى. زاڭ الدىندا بارلىق ادامنىڭ تەڭ بولۋىنان جازباي، جالپى حالىققا زاڭ جالپىلاستىرۋ ۇگىت - تاربيەسىن كۇشەيتىپ، تۇتاس قوعامدا زاڭ بويىنشا ءىس بىتىرەتىن، ىسكە جولىقسا زاڭدى ىزدەيتىن، ماسەلەنى شەشكەندە زاڭدى قولداناتىن، قايشىلىقتى جويۋدا زاڭعا سۇيەنەتىن تاماشا زاڭمەن جونگە سالۋ ورتاسىن قالىپتاستىرۋدى ىلگەرىلەتۋ كەرەك.

  ۇلى ارماندى جۇزەگە اسىرۋعا حاۋىپسىز، ورنىقتى ورتا ازىرلەۋدە رەفورما ارقىلى ساقشى قوسىنىن قۇدىرەتتەندىرۋ جولىمەن بۇلجىماستان ءجۇرۋ كەرەك. جاڭا داۋىردەگى قوعام حاۋىپسىزدىگى رەفورماسىن تەرەڭدەي ىلگەرىلەتۋدە، ءسوز جوق، ورگاندى سايلاۋىتتاندىرىپ، ساقشى تۇرلەرىن ساڭلاقتاندىرىپ، نەگىزگى ساتىنى كۇشەيتىپ، نەگىزدى ناقتىلاندىرىپ، فۋنكتسياسى عىلمي، ءىس ۇقىعى ايقىن، قولباسشىلىق ىركىلىسسىز، اينالىمى جوعارى ءونىمدى قوعام حاۋىپسىزدىگى ورگانى قۇرىلىمى فۋنكتسيا جۇيەسىن جەدەل ورناتۋ كەرەك؛ ءسوز جوق، عىلىم - تەحنيكالىق تاسىلدەردى اناعۇرلىم جاقسى يگەرىپ، قولدانىپ، ۇلكەن ساندى مالىمەت ستراتەگياسىن اتقارىپ، قوعام حاۋىپسىزدىگى قىزمەتىنىڭ ساپاسىندا بۇرىلىس جاساۋدى، ونىمدىلىگىندە بۇرىلىس جاساۋدى، قوزعاۋشى كۇشىندە بۇرىلىس جاساۋدى جاپپاي دەمەۋ، ىلگەرىلەتۋ كەرەك؛ ءسوز جوق، ءتىپتى دە كوپ، ءتىپتى دە جوعارى ساپالى قىزمەت وتەۋ شارالارىن جولعا قويىپ، بۇقارانىڭ ءىس ءبىتىرۋى قيىن بولۋ، ءىس ءبىتىرۋى باياۋ بولۋ، سارپالداڭعا ءتۇسۋ، قولايلى بولماۋ سياقتى كورنەكتى ماسەلەلەردى كۇش سالا شەشىپ، حالىق بۇقاراسىن ءتىپتى دە كوپ، ءتىپتى دە تىكە، ءتىپتى دە ناقتى تابىس سەزىمىنە كەنەلدىرۋ كەرەك.

  ۇلى ارماندى جۇزەگە اسىرۋعا حاۋىپسىز، ورنىقتى ورتا جاراتۋدا جوعارى ساپالى، ىسىلعان قوعام حاۋىپسىزدىگى قوسىنىن سومداۋ كەرەك. ”زاڭ الدىمەن ءوزىن جونگە سالۋ ارقىلى ادامدى جونگە سالۋى كەرەك، الدىمەن جاقىندى جونگە سالۋ ارقىلى الىستى جونگە سالۋ كەرەك“. قوعام حاۋىپسىزدىگى قوسىنى پارتيا مەن حالىق ءۇشىن جاۋاپكەرشىلىك ارقالاپ، مىندەتتى ادا ەتەتىن بەكەم قۋات جەتىلدىرۋدە قۇرىشتاي بەرىك مۇرات - سەنىمگە يە، قۇرىشتاي بەرىك جاۋاپكەرشىلىك ارقالايتىن، قۇرىشتاي بەرىك ىسىلعان شەبەرلىككە يە، قۇرىشتاي بەرىك تارتىپكە، ستيلگە يە بولۋ كەرەك. ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن قۇرۋدان، ساقشى قوسىنىن قاتاڭ جونگە سالۋدان جازباي، قوعام حاۋىپسىزدىگىنىڭ قۇرىش قوسىنىن كۇش سالا سومداعاندا، قوعام حاۋىپسىزدىگى ورگاندارى پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارا الادى.

  ”بەتكە الىپ جاسىل تاۋدى، تەپسەڭدى، شىعىس جەلمەن كوتەرەيىك جەلكەندى.“ ءار ۇرپاقتىڭ ءوز ۇزاق جورىعى، ءار ۇرپاقتىڭ ءوز جاۋاپكەرشىلىگى بار. جاڭا داۋىردە ەكپىندەي العا ىلگەرىلەپ، جاڭا ساپار باستاپ، مىزعىماس بەرىك سەنىممەن، شاپشاڭ قيمىلدايتىن ارىنمەن، تاباندى قايسارلىقپەن قوعام حاۋىپسىزدىگى قىزمەتىنىڭ جاڭا جاعدايىن ۇزدىكسىز اشساق، ءسوز جوق، جۇڭگو اتتى الىپ كەمەنىڭ تولقىن جارىپ، ورنىقتى قاداممەن الىستارعا جەتۋىن جەبەپ، ۇلتتىڭ گۇلدەنۋ ۇلى ءىسىن العا ىلگەرىلەتە الاتىن بولامىز.

  (شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى