ءتىلشى ميھىرگۇل عوپۇر 5 - ايدىڭ 11 - كۇنى ۇرىمجىدەن حابارلايدى. قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، رايونىمىزدىڭ قوعام حاۋىپسىزدىگى ورگاندارى قارا كۇشتەردى الاستاپ، سۇرقيا كۇشتەردى جويۋدىڭ ”نەگىزگى كۇشى“ بولۋ رولىن تولىق ساۋلەلەندىرىپ، قارا كۇشتەرگە، سۇرقيا كۇشتەرگە ساياتىن ءبىر توپ دەلونى ءساتتى انىقتاپ، قارا كۇشتەرگە، سۇرقيا كۇشتەرگە ساياتىن توپتاردى تالقانداپ، قارا كۇشتەرگە، سۇرقيا كۇشتەرگە ساياتىن ءبىر توپ قىلمىس كۇماندىسىن تۇتقىندادى.
تارباعاتاي ايماقتىق قوعام حاۋىپسىزدىگى ورگانى دىڭⅹباستاعان قارا قوعام سيپاتىن العان ۇيىمدارعا ساياتىن قىلمىس دەلولارىن تەكسەردى جانە قارادى. بۇل توپ نەگىزگى ساتىنىڭ سايلاۋىنا كەدەرگىلىك جاساپ، ءبۇلدىرىپ، كوللەكتيۆتىڭ جەرىن جانە شاعىل الاڭىن يەمدەنىپ الىپ، زاڭسىز پايدا تۇسىرگەن، سونىمەن قاتار قاساقانا كيلىگۋ، زورلىقپەن ساۋدالاسۋ، توپتاسىپ قوعامدىق ءتارتىپتى ءبۇلدىرۋ سياقتى زاڭعا قايشى قىلمىستى ارەكەتتەرمەن دە شۇعىلدانعان. وسى توپتىڭ ينجەنەريانى كوتەرىپ الۋىنا كومەكتەسكەن ءارى جەكە پايدا تۇسىرگەن كوپتەگەن ۇكىمەت قىزمەتكەرلەرى پارتيا ءتارتىبى جازاسىنا، اكىمشىلىك جازاعا تارتىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
بايىنعولين موڭعۇل اۆتونوميالى وبلىستىق قوعام حاۋىپسىزدىگى ورگانى تاياۋدا يانجي حۇيزۋ اۆتونوميالى اۋدانىنداعى جاڭⅹباستاعان قارا قوعام سيپاتىن العان ۇيىمدارعا ساياتىن قىلمىس دەلولارىن تەكسەردى جانە قارادى، بۇل توپ قوعامداعى كەيبىر جۇمىسسىز ادامداردى جيناپ، يانجيدە جانە ونىڭ توڭىرەگىندە قۇمارحانا اشۋ، كۇش كورسەتۋ، زورلىقپەن ساۋدالاسۋ سياقتى زاڭعا قايشى قىلمىستىق ارەكەتتەرمەن شۇعىلدانعان، وسى توپقا ”باسقالقا“ بولعان قاتىستى ۇكىمەت قىزمەتكەرلەرى پارتيا ءتارتىبى جازاسىنا، اكىمشىلىك جازاعا تارتىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
التاي ايماقتىق قوعام حاۋىپسىزدىگى ورگانى چۋⅹ، ماۋⅹباستاعان قارا قوعام سيپاتىن العان ۇيىمدارعا ساياتىن قىلمىس دەلولارىن تەكسەردى جانە قارادى. بۇل توپ التاي قالاسىنان قۇمارحانا اشۋ، قاساقانا كيلىگۋ، زاڭسىز كەن اشۋ، توپتاسىپ توبەلەسىپ زاقىمداۋ، زاڭسىز قاماۋ سياقتى قىلمىستى ارەكەتتەرمەن شۇعىلدانعان.
حوتان ايماقتىق قوعام حاۋىپسىزدىگى ورگانى يⅹباستاعان قارا قوعام سيپاتىن العان ۇيىمدارعا ساياتىن قىلمىس دەلولارىن تەكسەردى جانە قارادى. بۇل توپ قاساقانا كيلىگۋ، قاساقانا زاقىمداۋ، توپتاسىپ قوعامدىق ءتارتىپتى ءبۇلدىرۋ، كۇش كورسەتۋ سياقتى زاڭعا قايشى قىلمىستى ارەكەتتەرىمەن شۇعىلدانعان، وسى دەلوعا قاتىستى ۇكىمەت قىزمەتكەرلەرى پارتيا ءتارتىبى جازاسىنا، اكىمشىلىك جازاعا تارتىلدى، زاڭعا قايشى قىلمىسقا ساياتىن ماسەلەلەرى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلدى.
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، رايونىمىزداعى قوعام حاۋىپسىزدىگى ورگاندارى ماسەلەنى باعدار ەتۋگە تاباندى بولىپ، نايزا ۇشىن قىستاق زورەكەرلەرى، شىرعا نەسيە، سونداي - اق بادىك، قۇمار، ەسىرتكى سياقتى اماندىققا قاتىستى ءتۇرلى بىلىققان تۇيىندەرگە، بىلىققان جايتتەرگە قاداپ، قارا كۇشتەرگە، سۇرقيا كۇشتەرگە ساياتىن زاڭعا قايشى قىلمىستاردىڭ دەرەگىن ءبىر - بىرلەپ اداقتاۋ، تەكسەرۋ ارەكەتىن تاباندىلىقپەن ورىستەتىپ، قارا كۇشتەرگە، سۇرقيا كۇشتەرگە ساياتىن دەرەكتەردى دارەجە، جۇيە، كاسىپ، سالا بويىنشا اداقتايتىن، تەكسەرەتىن قىزمەت جاعدايىن قالىپتاستىرىپ، قارا كۇشتەرگە، سۇرقيا كۇشتەرگە ساياتىن ءتۇرلى ماسەلەلەردىڭ دەرەكتەرىن انىق تەكسەرىپ، جەتە قازىپ، تۇبەگەيلى بايقادى.
قارا، سۇرقيا كۇشتەردىڭ زاڭعا قايشى قىلمىستارىنىڭ قۇپيا بولۋ، جۇمساق زورلىقتى كۇش سياقتى جاڭا ەرەكشەلىكتەرىنە مەڭزەس، اۆتونوميالى رايوندىق قوعام حاۋىپسىزدىگى مەڭگەرمەسى دەلولارعا ارناۋلى جەتەكشىلىك ەتۋ گرۋپپاسىن قۇرىپ، نازاردى ءتۇيىندى وڭىرلەرگە، كاسىپتەرگە، سالالارعا شوعىرلاندىرىپ، ارناۋلى دەلوعا جەتەكشىلىك ەتۋ، كوز جازباي قۋزاۋ سياقتى كوپ ءتۇرلى فورمادان پايدالانىپ، بۇقارا ايرىقشا نازار اۋداراتىن، قوعامدىق ىقپالى ناشار كوپتەگەن قارا، سۇرقيا كۇش دەلولارىنىڭ تۇتاس بارىسىنا جەتەكشىلىك ەتىپ، كوپ تاراۋ بىرلەسىپ قيمىلداپ، سىرت جەردىڭ ساقشىلارىنان پايدالانىپ، قارا، سۇرقيا كۇشتەرگە زاڭ بويىنشا قاتاڭ سوققى بەردى.
رايونىمىزداعى قوعام حاۋىپسىزدىگى ورگاندارى قارا، سۇرقيا كۇشتەردىڭ قىلمىسىنا سوققى بەرۋدى شىرىكتەسۋگە قارسى تۇرۋ كۇرەسىمەن، نەگىزگى ساتىداعى ”شىبىن قاعۋ“ مەن قاتار ورنالاستىرىپ، بىرگە ىلگەرىلەتىپ، مىقتاپ تياناقتاندىرىپ، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قارا، سۇرقيا كۇشتەردىڭ ارتىنداعى شىرىكتەسۋ ماسەلەلەرىن ىشكەرىلەي قازىپ، تۇبەگەيلى تەكسەرۋىنە بەلسەنە سايكەسىپ، قارىم - قاتىناس تورىن باتىل الاستاپ، ”باسقالقا“نى تالقانداپ، قارا، سۇرقيا كۇشتەردىڭ نەگىزىن ءبىر جولاتا كۇيرەتۋ جاعىندا ناقتى، قاتاڭ شارا قولداندى.
