حابارىن جازىپ، سۋرەتىن تۇسىرگەن ءتىلشى حان لياڭ
5 - ايدىڭ 12 - كۇنى قىزمەتتەستەرى ۋاڭ لييىڭگە (الدىڭعى قاتار سول جاقتان ەكىنشى) باقىت تىلەدى.
1980 - جىلى ۋاڭ لييىڭ شينجياڭ مەديتسينا داشۋەسىنە قاراستى 1 - شيپاحانانىڭ سەسترالار مەكتەبىنەن وقۋ تاۋسىپ، وسى شيپاحانانىڭ كۇيىك اۋرۋلارى ءبولىمىنىڭ سەستراسى بولعان. ”مەن كۇتىمدەۋ قىزمەت ورنىندا 40 جىلعا جۋىق ىستەدىم، سالماقتى اۋرۋلار مەديتسينا ءبولىمى، باۋىر - ءوت ءبولىمى سياقتى 16 ءبولىمنىڭ كۇتىمدەۋ - باسقارۋ، حاۋىپسىزدىك، تاربيەلەۋ سياقتى جۇمىستارىنا جاۋاپتى بولدىم“، - دەدى ۋاڭ لييىڭ.
سەسترالىق قىزمەت ءبىرشاما ەرەكشە سانالادى، قىزمەتكە ەرتە بارىپ، كەش قايتۋعا تۋرا كەلەدى، ونىڭ ۇستىنە ۇنەمى كەزەكشىلىك ىستەيدى. ”مەنىڭ ءبىر كۇندە 10 ساعاتتان ارتىق قىزمەت ىستەۋىم قالىپتى داعدىعا اينالعان، سىرتقا كوپ شىقپايتىندىعىمنان، كۇن نۇرىنان ساقتانۋ مايىن از ىستەتەمىن“- دەدى كۇلىمسىرەپ. ۋاڭ لييىڭ بىلاي دەدى: سەسترالىق قىزمەت اسا مۇقياتتىلىقتى قاجەت ەتەدى، تيتتەي دە سەلقوستىق ىستەۋگە بولمايدى، ناۋقاستار ەمدەۋ قىزمەتكەرلەرىنىڭ قۇلشىنۋىندا ساۋىعىپ، شيپاحانادان شىعادى، ولاردىڭ ”راقىمەت“ دەگەن ءبىر اۋىز ءسوزى ەمدەۋ قىزمەتكەرلەرىنە ەرەكشە كوڭىلدىلىك سيلايدى.
”زەينەتكە شىعۋدان بۇرىن، مەن ۇيرەتۋ، كومەكتەسۋ جانە جەتەكتەۋ قىزمەتىن ويداعىداي ىستەپ، ەڭ سوڭعى كەزەكشىلىكتى جاقسى ىستەۋىم كەرەك“، - دەدى ۋاڭ لييىڭ.
ءتىلشى: وسى ەرەكشە كۇندە وتباسىڭىزداعىلارعا نە ايتاسىز؟ - دەپ سۇراعاندا، ۋاڭ لييىڭ تەبىرەنە بىلاي دەدى:”قىزمەت قاجەتىنەن، وسىنشاما كوپ جىلدا مەن جۇبايىلىق جانە انالىق جاۋاپكەرشىلىگىمدى ويداعىداي وتەي المادىم، مەن ولارعا ’كەشىرىڭدەر‘ دەگەن ءبىر اۋىز ءسوزىمدى ايتپاقشىمىن. زەينەتكە شىققاننان كەيىن، مەن ۋاقىتىمنىڭ كوبىندە وتباسىمداعىلارىممەن بىرگە بولىپ، بالا - شاعامنىڭ قىزىعىن كورمەكشىمىن“. شيپاگەرلەردىڭ دياگنوز قويۋىنا، ەمدەۋىنە شىنايى كومەكتەستى، ناۋقاستاردىڭ يگىلىككە كەنەلۋىنە قىزمەت وتەدى. قىزمەتتىڭ ەرەكشەلىگى سەبەبىنەن، سەسترالار ۋاقىتىنىڭ كوبىن ناۋقاستارعا ارنايدى، ولار وزدەرىنىڭ ارەكەتى ارقىلى كۇتىمدەۋ قىزمەتىنىڭ ىرگە تاسىن قالاۋشى جانە وسى زامانعى كۇتىمدەۋ تاربيەسىنىڭ نەگىزىن قالاۋشى − فلورەنس نايتينگالدىڭ سەسترالار جونىندەگى ۋادەسىن امالياتتا ايگىلەدى.
5 - ايدىڭ 12 - كۇنى ۋاڭ لييىڭ (وڭدا) ناۋقاستان دەنساۋلىعىنىڭ قالپىنا كەلۋ جاعدايىن ۇعىسۋدا.
5 - ايدىڭ 12 - كۇنى ۋاڭ لييىڭ (وڭ جاقتان ەكىنشى) سەسترالارعا سول كۇنگى قىزمەتتى ورنالاستىرۋدا .