تيانشان تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

قالعان قاجىر - قايراتىمدى ساۋلەلەندىرىپ، جۇرەگىمدى پارتياعا ارناپ، بولشەكتەۋشىلىككە تاباندىلىقپەن، باتىلدىقپەن قارسى تۇرامىن

اقسۋ ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى مەڭگەرۋشى

تۇرعۇن ابدىرەيىم

  مەن رەفورما جاساعان، ەسىك اشقان 40 نەشە جىلدان بەرى شينجياڭدا تۋىلعان كەرەمەت وزگەرىستەردى ءوز كوزىممەن كوردىم. ۇزاق ۋاقىتتان بەرى، پارتيا مەن مەملەكەت شينجياڭداعى ءار ۇلت حالقىنا ىقىلاستى قامقورلىق جاساپ، حالىققا ءتيىمدى ينجەنەريالار اتقارىپ، نەگىزدىك قۇرىلعىلار سالىپ، ءار ۇلت حالقىنىڭ تۇرمىسىن بارعان سايىن جاقسارتتى. جۇڭگو كوممۋنيستىك پارتياسىنىڭ باسشىلىعى بولماسا، تيانشاننىڭ تۇستىگى مەن تەرىستىگىندە وراسان زور وزگەرىس بولماس ەدى، شينجياڭداعى ءار ۇلت حالقىنىڭ باقىتتى، تاماشا تۇرمىسى دا بولماس ەدى، شينجياڭنىڭ گۇلدەنگەن، كوركەيگەن، ىنتىماقتى، جاراسىمدى بولاشاعى دا بولماس ەدى.

  از ۇلت پارتيالى باسشى كادر رەتىندە، مەنىڭ ەسەيىپ - ەرجەتۋ بارىسىنداعى ءاربىر قادامىم پارتيانىڭ قامقورلىعى مەن باۋلۋىنان ايرىلعان ەمەس، مەن شىن جۇرەگىمنەن پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، قازىرگى تاماشا تۇرمىسىمدى بارىنشا قاستەرلەپ، بولشەكتەۋشىلىككە، زورلىقتى كۇش، لاڭكەستىگىنە تاباندىلىقپەن، باتىلدىقپەن قارسى تۇرىپ، ىنتىماقتى جەبەپ، ورنىقتىلىقتى قورعايمىن.

  اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ادىلەتتىڭ جانە زاڭمەن جونگە سالۋدىڭ وتكىر سەمسەرىن بيىك ۇستاپ، لاڭكەستىككە قارسى تۇرىپ، ورنىقتىلىقتى قورعاۋدىڭ ”كەشەندى شارالار“ىن اتقارىپ، ۋلى وسپەنى سىلىپ تاستاپ، كورنەكتى ناتيجەلەرگە قول جەتكىزىپ، ءار ۇلت حالقىن قۋانىشقا بولەدى، شابىتتاندىردى. ىنتىماقتى، ورنىقتى جاعداي وڭاي - وسپاق قولعا كەلگەن جوق، مەن ىرىقتىلىقپەن جاۋاپكەرشىلىك ارقالاپ، حالىققا ءتيىمدى، حالىققا پايدالى، حالىقتى بايىتاتىن ساياساتتاردى ۇگىتتەپ، بولشەكتەۋشىلىككە قارسى تۇرۋ كۇرەسىن جانە ”ۇشقارىلىقتى الاستاۋ“ ۇگىت - تاربيەسىن باتىلدىقپەن ورىستەتىپ، ءار ۇلت بۇقاراسىن قىراعىلىقتارىن كۇشەيتۋگە، دۇرىس پەن بۇرىستى ايقىن ايىرۋعا باستايمىن.

  ”ءۇش ءتۇرلى كۇش“ جانە ”ەكىبەتكەيلەر“ − شينجياڭنىڭ قوعام ورنىقتىلىعىن بۇلدىرەتىن ۋلى وسپە، مەملەكەتتىڭ تۇتاستىعىن، ۇلتتار ىنتىماعىن ءبۇلدىرۋدىڭ توركىنى. ولار شينجياڭ تاريحىن بۇرمالاپ، وزگەرتىپ، ۇلتتىق وشپەندىلىككە جەلىكتىرىپ، شينجياڭدى وتانىمىزدىڭ قۇشاعىنان ءبولىپ اكەتۋگە ۇرىندى، ولار ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىمەن ساناسپاي، مەملەكەت زاڭىن قۇتىرىنا اياق استى ەتىپ، زورلىقتى كۇش لاڭكەستىك دەلولارىن قاساقانا تۋدىرىپ، ءبىزدىڭ باقىتتى دا تىنىش تۇرمىسىمىزدى اۋىر دارەجەدە ءبۇلدىردى، ولار − شينجياڭداعى ءار ۇلت حالقىنىڭ ورتاق جاۋى. ءبىز ”ءۇش ءتۇرلى كۇش“پەن، ”ەكىبەتكەيلەر“مەن استە وتاسا المايمىز، وسى الاپاتتاردى، ازعىنداردى، ءسوزسىز، اياۋسىز تارتىپ شىعارۋىمىز، تىپ - تيپىل جويۋىمىز كەرەك. پارتيا مۇشەسى رەتىندە، مەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىلدىقپەن قورعاپ، كوممۋنيستىك پارتيا مۇشەسى وتەۋگە ءتيىستى جاۋاپكەرشىلىگىم مەن مىندەتىمدى ادا ەتەمىن.

  ۇلتتار ىنتىماعى − ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ىرگە تاسى. ىنتىماقتىلىق، ورنىقتىلىق − قۇت، بولشەكتەۋشىلىك، بىلىقپالىق − جۇت. ءبىزدىڭ جاراسىمدى قوعامدىق ءتارتىبىمىزدى بۇلدىرۋگە جول بەرمەيمىز، ءبىزدىڭ تىنىش، ىنتىماقتى قوعامدىق جالپى جاعدايىمىزدى بۇلدىرۋگە جول قويمايمىز. كەزەكتەگى بولشەكتەۋشىلىككە قارسى تۇرۋ كۇرەسىندە ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءۇش ءتۇرلى كۇش“كە قاتاڭ سوققى بەرىپ، تاباندىلىقپەن، باتىلدىقپەن وتاننىڭ تۇتاستىعىن قورعاۋىمىز، ۇلتتار ىنتىماعىن قورعاۋىمىز، قوعام ورنىقتىلىعىن قورعاۋىمىز كەرەك. ءبىز جۇدىرىقتاي جۇمىلىپ، ءار ۇلت ءبىر نيەتتە ىنتىماقتاسقاندا لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جالپى بەتتىك جەڭىسىنە،ءسوزسىز، قول جەتكىزە الامىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى