تيانشان تورابى   ›   جاڭالىقتار   ›   شينجياڭ حابارلارى

ءۇرىمجى نانشان كورىنىس ءوڭىرى: كوركەم سۋرەت كەسكىندەلۋدە

ءتىلشى يۇي شي

  جوعارى ولشەم، جوعارى دەڭگەيدە دامۋ جوباسىن جاساپ، نىسانداردىڭ قورشاعان ورتاعا ىقپالىن باعالاۋ ءتۇزىمىن قاتاڭ اتقارىپ، ساياحاتتىڭ مادەنيەت مايەگىن بايىتىپ، قىزمەت وتەۋ ساپاسىن جوعارىلاتتى ... كەزەكتە ءۇرىمجى اۋدانى نانشان كورىنىس ءوڭىرى حاۋىپسىز، ءتارتىپتى، ەكولوگياسى تاماشا، قۇرىلعىلارى كەمەلدى، تۇرعىندارى قوناقعۋار، جان جادىراتاتىن جالپى وڭىرلىك ساياحات ورتاسىن جاراتۋعا كۇش سالۋدا.

  ساياحات ساپاسىنىڭ جوعارىلاۋى بازاردىڭ گۇلدەنۋىنە تۇرتكى بولدى، 2018 - جىلى ءۇرىمجى اۋدانىنا كەلگەن ساياحاتشىلار تۇڭعىش رەت 10 ميلليون ادامنان (رەت) اسىپ، ساياحات كىرىسى 950 ميلليون يۋانعا جەتتى. جالپى وڭىرلىك ساياحاتتى دامىتۋ ستراتەگياسىنىڭ جەتەكتەۋىندە، بيىل اتالعان اۋدان ساياحاتشىلار سانى مەن ساياحات كىرىسىن جەكە - جەكە 14 ميلليون ادامعا (رەت) ءبىر ميلليارد 330 ميلليون يۋانعا جەتكىزۋدى نىسانا ەتىپ وتىر.

  كوپ شارانى قاتار قولداندى

 ”ءبىر ماۋسىمدىق ساياحات“ ”ءتورت ماۋسىمدىق ساياحات“قا قاراي ويىستى

  ”مىناۋ گۇل القابىنىڭ اۋدانى 3000 مۋ، قازىر گۇل ەگىپ جاتىرمىز. كوپ وتپەي ساياحاتشىلار مىڭ بوياۋلى سۇلۋ كورىنىستى تاماشالاي الادى!“، - دەدى ءۇرىمجى قالاسى نانشان كورىنىس ءوڭىرىن باسقارۋ كوميتەتىنىڭ ورىنباسار مەڭگەرۋشىسى ۋي جيانيە 4 - ايدىڭ 24 - كۇنى الدىنداعى جاسىل اۋماقتى نۇسقاپ تۇرىپ.

  ۋي جيانيە ايتىپ وتىرعان ”گۇل القابى“ − نانشان كورىنىس ءوڭىرى سالىپ جاتقان جىبەك جولى مادەنيەتى كورمە ورتالىعىن جاسىلداندىرۋ قۇرىلىس نىسانى. اتالعان نىسانعا 30 ميلليون يۋان قارجى قوسىلعان، باستىسى، كۇنباعىس، قىشى، پارسى كۇرەڭكەيى، اق قاڭباق، تىكەنەكتى سارعىلت گۇل سياقتىلار ەگىلەدى.

  تاياۋ جىلداردان بەرى ءۇرىمجى اۋدانى 6 اۋىلدا (قالاشىق) 10 مىڭ مۋلىق گۇل القابىن جاساپ، كوكتەمنەن كۇزگە دەيىن گۇلدەردىڭ شەشەك اتىپ تۇرۋىنا كەپىلدىك ەتتى. ”گۇل قۇلپىرعان نانشان“ العاش كولەم الا باستاپ، ساياحاتشىلار وسىندا اعىلدى، جەرگىلىكتى ەگىنشى - مالشىلار وسىنىڭ ارقاسىندا قورجىندارىن تولتىرا تابىس تاپتى.

  تاياۋ جىلداردان بەرى ءۇرىمجى اۋدانى ”ءتورت ماۋسىمى دا ساياحاتقا جايلى بولاتىن“ ساياحاتتىڭ جاڭا اۋقىمىن قالىپتاستىرۋعا كۇش سالىپ كەلەدى.

  بىلتىر 11 - ايدان باستاپ، ءۇرىمجى اۋدانى قىسقى قار - مۇز ساياحات قيمىلدارىن جاپپاي باستاپ، ”شۋاقتى كۇندە قار تاماشالاۋ. نانشان دۋمانى“ تاقىرىبىندا الۋان فورمالى، باي مازمۇندى ەرەكشە اس - سۋ، حالىقتىق سالت - سانا مادەنيەتى، قار - مۇز سپورتى سياقتى قىسقى ساياحات جەلىلەس قيمىلدارىن ورىستەتتى. قار - مۇز سپورتى، تاۋەكەلشىلدىك، دەنە شىنىقتىرۋ، سەيىل - سەرۋەن جانە دەمالىس سياقتىلار ءبىر تۇلعالانعان قار - مۇز سپورتى ەرەكشەلىگىندەگى شاعىن قالاشىققا سۇيەنىپ، اۋىل - قىستاق ۇلكەن ساحناسى، ەگىنشى - مالشىلاردىڭ وزدەرى ءوندىرىپ، وزدەرى ساتاتىن ۇلكەن بازار سياقتى تاقىرىپتىق قيمىلدار قوستى، ءبىرسىپىرا شارالاردىڭ دەمەۋىندە، نانشان كورىنىس ءوڭىرى ”ءبىر ماۋسىمدىق ساياحات“تان ”ءتورت ماۋسىمدىق ساياحات“قا قاراي ويىسۋدا.

  ءۇرىمجى اۋدانى شۇيشيگوۋ قالاشىعى ميرگوۋ قىستاعىنىڭ مالشىسى تالعات ساتاي بىلاي دەدى: نانشان كورىنىس ءوڭىرى ”ءبىر ماۋسىمدىق ساياحات“قا قوش ايتقان سوڭ، شارۋالار شاتتىعى ساياجايىما كەلەتىن ساياحاتشىلار ءبىر جىلدىڭ ءتورت ماۋسىمىندا دا ۇزىلمەيتىن بولدى.

  دەڭگەيىن ءوسىرىپ، دارەجەسىن جوعارىلاتتى

  ”نانشان ساياحاتى“ جالپى وڭىرلىك ساياحاتتى جەتەكتەدى

  ەكولوگيالىق اۆتوكولىك توقتاتۋ الاڭىنىڭ ءتارتىبى رەتتى، بەلگى تاقتايشالار ءساندى، جاڭاشا، سىمسىز ينتەرنەت قامتىمى سەيىل - سەرۋەن قۇرۋ دەڭگەيىن ءوسىردى... قازىر ”100 شاقىرىمدىق التىن ساياحات ءدالىزى، سەيىل - سەرۋەننىڭ، دەمالۋعا بارۋدىڭ، دالا سەرۋەنىنىڭ تاماشا جەرى“ دەگەن ايگىلى اتى بار تيانشان ۇلكەن اڭعارى كورىنىس ءوڭىرى بۇكىلدەي جاڭا بەت - بەينەمەن شار تاراپتان كەلگەن ساياحاتشىلاردى كۇتىپ الدى.

  مەملەكەتتىك 5A دارەجەلى ساياحات كورىنىس ءوڭىرى رەتىندە، سوڭعى جىلدارى، تيانشان ۇلكەن اڭعارى كورىنىس ءوڭىرى ەرەكشە ساياحات تۇرلەرىن اشۋدى، سونداي - اق نەگىزدىك قۇرىلعىلار قۇرىلىسى تەبىنىن كۇشەيتىپ، زەردەلى ساياحات ءوڭىرى قۇرىلىسى اياق الىسىن جەدەلدەتىپ، كورىنىس ءوڭىرىنىڭ تازالىعى، اس - سۋ جانە قىزمەت وتەۋ ساپاسىن بارىنشا جوعارىلاتىپ، ساياحاتشىلاردىڭ ساياحاتتاۋىنا ءتىپتى دە جايلى جاعداي جاسادى.

  ”ءۇرىمجى نانشان حالىقارالىق ساياحات ءوڭىرى جالپى تۇلعالىق جوباسىنىڭ اتقارىلۋى ءۇرىمجى اۋدانىنىڭ ساياحاتتى دامىتۋ جالپى ارناسىنىڭ دەڭگەيىن ءوسىرىپ، دارەجەسىن جوعارىلاتۋمەن بىرگە، نانشان كورىنىس ءوڭىرىن تىڭ دامۋ ورايىمەن قامدادى“، - دەدى ءۇرىمجى اۋداندىق پارتكومنىڭ تۇراقتى مۇشەسى، ورىنباسار اكىم فاڭ ايگو.

  بىرەگەي كورىنىس ءوڭىرىن قۇرىپ شىعۋ، نانشان كورىنىس ءوڭىرىنىڭ تانىمالدىعى مەن ساياحاتشىلاردىڭ سەزىنۋىن اناعۇرلىم جوعارىلاتۋ ءۇشىن، سوڭعى جىلدارى، ءۇرىمجى اۋدانى 3 ءىرى ينجەنەريانى اتقارۋعا كىرىستى: 5A دارەجەلى كورىنىس ءوڭىرى − تيانشان ۇلكەن اڭعارى كورىنىس ءوڭىرى مەملەكەتتىك ولشەم بويىنشا كورسەتكىشكە قاراپ رەتتەۋ - تۇزەتۋ دەڭگەيىن جوعارىلاتتى؛ 4A دارەجەلى كورىنىس ءوڭىرى − مۋشۇيتاي كورىنىس ءوڭىرى سياقتىلار ساپانى كوتەرۋگە كۇش سالىپ، نەگىزدىك قىزمەت وتەۋ قۇرىلعىلارىن كەمەلدەندىردى؛ 3A دارەجەلى كورىنىس ءوڭىرى − ءۇرىمجى ازيا ۇلى قۇرلىعىنىڭ جاعراپيالىق كىندىگى كورىنىس ءوڭىرى سياقتىلاردىڭ جاپپاي دەڭگەيىن ءوسىرىپ، دارەجەسىن جوعارىلاتتى.

  بىلتىر ءۇرىمجى اۋدانىندا 30 ەگىنشىلەر (مالشىلار) شاتتىعى ساياجايى جۇلدىز دارەجەلى ساياجاي قۇرۋ جانە جۇلدىز دارەجەسىن قايتا تەكسەرۋ قىزمەتىن ورىستەتىپ، بەلگىلى كولەمدە تابىسى بار 340 ەگىنشىلەر (مالشىلار) شاتتىعى ساياجايى ساياحاتشىلاردى قابىلداۋ تۇيىنىندە بولمە ىشىندە سۋمەن شاياتىن دارەتحانا ورناتۋ جۇمىسىن اياقتادى... دەڭگەيىن ءوسىرىپ، دارەجەسىن جوعارىلاتۋ نانشان كورىنىس ءوڭىرى ماركاسىن كورنەكتىلەندىرىپ، بۇكىل اۋداننىڭ ساياحات كاسىبىنىڭ دامۋىنا جەتەكشى بولدى. ساندى مالىمەتتەردە كورسەتىلۋىنشە، بيىل 1 - ايدان 3 - ايعا دەيىن، ءۇرىمجى اۋدانىنا كەلگەن ساياحاتشىلار سانى 2 ميلليون 40 مىڭ ادامعا (رەت) ساياحات كىرىس 175 ميلليون يۋانعا جەتتى.

  تاسىلدە جاڭالىق اشتى

  نانشان كورىنىس ءوڭىرىنىڭ اتاعى اسپاندادى

  ءۇرىمجى اۋدانىنداعى ”ساياحات ءتۇسىمدى كەنى“ رەتىندە، نانشان كورىنىس وڭىرىندە ساياحات بايلىعىنىڭ جالپى مولشەرى مول، تيبى كوپ، ءتۇرى ساپالى.

  ”وسىنداعى كەستەشى ايەلدەردىڭ ءاربىرىنىڭ ايلىق كىرىسى 2500 يۋان دا 5000 يۋان ارالىعىندا“، - دەدى قار - مۇز سپورتى ەرەكشە شاعىن قالاشىعىنىڭ تۇرعىنى حاتيما اينايدۋ ۇلتتىق قولونەر بۇيىمدار دۇكەنىندە تىلشىگە قۋانا.

  تاياۋدا وسى ەرەكشە شاعىن قالاشىق مادەنيەت دەتالى مەن ساياحات دەتالى ءبىر تۇلعالاندىرىلعان ءدامدى تاعامدار كوشەسىن قۇرىپ، نانشان كورىنىس وڭىرىندەگى تاعى ءبىر جارقىن تۇيىنگە اينالدى. ساياحاتشىلار توپ - توبىمەن كەلگەندە، حاتيمانىڭ تيجارات كىرىسى دە ەسەلەپ ارتادى.

  2018 - جىلى ءۇرىمجى اۋدانى، ءسوزسىز، كورۋگە ءتيىستى 10 ۇلكەن كورىنىس ءتۇيىنىن، ءسوزسىز، قونۋعا ءتيىستى 20 شارۋا ءۇيىن، ءسوزسىز، قىزىقتاۋعا ءتيىستى 30 ساياحات نىسانىن، ءسوزسىز، بارىپ تاماقتانۋعا ءتيىستى 50 ءدامدى تاعام ەگىنشىلەر (مالشىلار) شاتتىعى ساياجايىن تانىستىرىپ، نانشان كورىنىس وڭىرىندەگى ساياحات ماركالارىنىڭ مازمۇنىن بايىتتى.

  ءبىر قىدىرۋ ساۋدالاۋ، ۇگىتتەۋ شارالارى نانشان كورىنىس ءوڭىرىنىڭ اتاعىن اسپانداتتى. ”ءۇرىمجى اۋدانى ساۋداگەر شاقىرۋ ارقىلى قۋاتى مىعىم سەرىكتەستىكتەردى نانشان كورىنىس ءوڭىرىن اشۋعا، تيجارات جۇرگىزۋگە قاتىناسۋعا باۋراپ، تۇتاس اۋداننىڭ ساياحات بايلىعىن بايلانىستىرىپ، بىرلەسىپ اشىپ، ونىمدىلىگىن ارتتىردى، ءبىزدىڭ قار شاڭعى الاڭىمىز وسىنىڭ يگىلىگىن كورگەندەردىڭ ءبىرى“، - دەدى شينجياڭ جىبەك جولى حالىقارالىق دەمالىس ءوڭىرى قار شاڭعى الاڭىنىڭ ورىنباسار ديرەكتورى حۋاڭ حى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى