تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

”بۇقارا ەڭ كوڭىل ءبولىپ وتىرعان ىستەردەن باستاپ ىستەيمىن“

  − اۆتونوميالى رايوندىق دەنە تاربيە مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باس جەتەكشىسى، مارالباسى اۋدانى عول ءمالى قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ليۋ ي جايىندا

  ءتىلشى جىڭ ييۋان

  جۇلدە الۋعا جانتالاسقان سپورت الاڭىنان كەدەيلىكتەن ارىلتۋدان قامال الۋدىڭ نەگىزگى شايقاس مايدانىنا دەيىن؛ بۇقارا ەڭ كوڭىل ءبولىپ وتىرعان، كوزىمەن كورىپ، قولىمەن ۇستاي الاتىن ىستەردەن باستاپ ىستەدى ... 2 جىلدان استام ۋاقىتتان بەرى، ليۋ ي مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى ناقتى ىسكەرلىكپەن بۇرىنعى اۋىر كەدەي قىستاقتى بۇگىنگى كورىكتى مەكەنگە اينالدىردى.

  بيىل 56 جاستاعى ليۋ ي اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى، اۆتونوميالى رايوندىق دەنە تاربيە مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باس جەتەكشىسى، مارالباسى اۋدانى اناركول اۋىلى عول ءمالى قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي.

نەگىزدى بەكەمدەپ، تاعاندى بەرىكتەپ، بىرلەسكەن پارتيا ياچەيكاسىن قۇردى

  ”ليۋ مەكەمە باستىعى قىزمەتكە كىرىسسە - اق، جاستار سياقتى جالىندى ىنتا - جىگەرمەن ىستەيدى“. 5 - ايدىڭ 11 - كۇنى قىزمەت اترەتىنىڭ مۇشەسى ياڭ ىنديان ليۋ يدى وسىلاي باعالادى.

  ۋاقىت تەگەرشىگىن 2017 - جىلعا قايىرساق، قىزمەت اترەتى قىستاققا العاش كەلگەن كەزدە، عول ءمالى قىستاعىندا قىستاق دارەجەلى پارتيا ۇيىمى ءالسىز، بىتىراڭقى بولۋ، قىستاق كادرلارىنىڭ بۇقارا اراسىنداعى بەدەلى جوعارى بولماۋ جاعدايى ورىن تەۋىپ وتىر ەكەن، ول كەزدە ليۋ ي وزگەرىسكە ايرىقشا ءزارۋ نەگىزگى ساتى پارتيا ۇيىمىنا جولىققان ەدى.

  وتباسىلارىن ارالاپ، سىرلاسىپ، كەڭەسىپ، اماليات بارىسىندا ىزدەنىس جاسادى... قىزمەت اترەتى ”قىستاق پارتيا ياچەيكاسىن كۇشەيتىپ قۇرۋدى جەتەكشى ەتىپ، بۇقارالىق ۇيىم قۇرىلىسىن جەتەكتەۋ، ياچەيكانىڭ ءبىر تۇتاس باسشىلىعىن، ءار جاقتىڭ سەلبەسۋىن، سايكەسۋىن جۇزەگە اسىرۋ“ سىندى نەگىزدى بەكەمدەۋ، تاعاندى بەرىكتەۋ جاڭا جولىن العا قويىپ، عول ءمالى قىستاعى بىرلەسكەن پارتيا ياچەيكاسىن قۇرىپ، ءبىر تۇتاس باسشىلىق ەتىپ، ءبىر تۇتاس جوسپارلاپ قولباسشىلىق ەتتى.

  پارتيا ياچەيكاسى قۇرىلىپ، بەكەمدەلگەن سوڭ، اتويشىل ۇلگىلەردىڭ جەتەكشىلىك رولى كورنەكتىلەنىپ، قىستاق دارەجەلى پارتيا ۇيىمىنىڭ بەدەلى مەن ىقپالى كۇن سايىن جوعارىلادى.

كوپ تۇيىننەن كىرىسىپ، حالىق ءۇشىن ناقتى ىستەر ىستەدى

  ”بۇقارا ەڭ كوڭىل ءبولىپ وتىرعان، كوزىمەن كورىپ، قولىمەن ۇستاي الاتىن ىستەردەن باستاپ ىستەۋ كەرەك“. تەرەڭ ويلانىپ، جەتە تولعانۋدان كەيىن، ليۋ ي ەڭ الدىمەن اۋىل - قىستاق قاتەرلى ۇيلەرىن جاڭالاۋدى عول ءمالى قىستاعىنىڭ كەدەيلىكتەن ارىلتۋدان قامال الۋ شايقاسىنىڭ كىرىسۋ ءتۇيىنى ەتتى.

  سول كەزدە، 300 نەشە قاتەرلى ءۇيدى جاڭالاۋ ۇلكەن قيىندىققا ءدوپ كەلدى: جارتىسىنا جۋىق ءۇي يەلەرى وسى قىستاق نوپوسىنا جاتپايتىن ادامدار ەدى. سونىمەن بىرلەسكەن پارتيا ياچەيكاسى ءۇي سايىن ارالاپ، قايتا - قايتا بۇقارالىق قىزمەت ىستەپ، ساياساتتى جەتە ءتۇسىندىرىپ، بۇقارانىڭ قولداۋىنا يە بولدى.

  نىسان قۇرىلىسى كەزىندە، ليۋ ي ءار كۇنى قىستاق كادرلارىمەن بىرگە قۇرىلىس باسىنا بارىپ تەكسەرىپ، قۇرىلىس ساپاسى مەن اياق الىسىن باقىلادى، سونداي - اق كاسىپتىك قىزمەتكەرلەردى ۇيىمداستىرىپ، اۋلا شارۋاشىلىعى مەن قورا - قالتقى، تەزەك ىدىراتۋ قۇدىعى جانە سۋ، ەلەكتر، جول سياقتى سايكەستى قۇرىلعىلاردى عىلمي جوبالاپ، قيىنشىلىعى بار بۇقارانىڭ كوڭىلى تولاتىن، الاڭسىز بولاتىن ۇيلەردە وتىرۋىنا شىنايى مۇمكىندىك جاسادى.

  2017 - جىلى عول ءمالى قىستاعى شوعىرلى، تۇتاسقان 149 بەيقۇت ءۇي سالىپ، 2018 - جىلى 176 بەيقۇت ءۇي تۇرعىزىپ، بۇكىل قىستاق ادامدارىنىڭ كەڭ، جارىق، قۇرىلعىلارى تولىق بەيقۇت ۇيلەردە وتىرۋىنا جاعداي جاسادى، ءار ۇلت بۇقاراسىنىڭ تۇتاس قىستاقتى كوشىرۋگە جانە جاڭا رايون قۇرىلىسىنا رازى بولۋ مولشەرى %100كە جەتتى.

  قىستاقتىڭ ادامى كوپ، جەرى از بولعاندىقتان، اۋلا شارۋاشىلىعىن دامىتۋ ايرىقشا ماڭىزدى ەدى. بىرلەسكەن پارتيا ياچەيكاسى تەكسەرۋ - زەرتتەۋ ارقىلى اۋلا شارۋاشىلىعىن ۇيلەسىمدى جوسپارلاپ، دامىتىپ، مال باعىمشىلىعى مەن ەگىنشىلىك قۇرىلىمىن ساپالىلاندىردى، قازىر كوكونىس ەگىنشىلىگىنىڭ وزىنەن ءار وتباسى كىرىسىن تۇراقتى تۇردە 2500 يۋاننان ارتتىردى.

  سونىمەن قاتار، بىرلەسكەن پارتيا ياچەيكاسى قىستاق تۇرعىندارىن جۇمىلدىرىپ، 340 مۋ جەردى بىرلەستىرىپ، ەگىنشىلىك سەلبەستىك كووپەراتيۆىن قۇرىپ، قىزاناق، بۇرىش، قاربىز، قاۋىن سياقتى ەكونوميكالىق داقىلداردى عىلمي جولمەن ەگىپ، ەگىنشىلىك قۇرىلىمى جالاڭ، تابيعاتقا سۇيەنىپ جان باعاتىن بۇرىنعى جاعدايدى وزگەرتتى.

  كەزەكتە عىلمي ەگىن ەگۋ تاسىلدەرى جانە اتىز - ارىقتى دەن قويا باپتاۋ ارقىلى عول ءمالى قىستاعىنىڭ قاۋىن - قاربىزى مارالباسى اۋدانىنان تيەسىلى ورىن الىپ، بازارعا شىقسا بولدى ادامدار تالاسىپ ساتىپ الاتىن بولدى.

تەگىن تاربيەلەۋ شارۋاشىلىق قۇرۋ، جۇمىسقا ورنالاسۋ جولىن كەڭەيتتى

  ليۋ ي: كەدەيلىكتەن دالمە - ءدال ارىلتۋدا قىستاق تۇرعىندارىنا ”ناقپا - ناق پايدا“ جەتكىزۋ كەرەك. قىستاق تۇرعىندارىنىڭ كىرىسى ارتسا عانا، ەڭبەك بەلسەندىلىگى جوعارى بولادى، - دەيدى.

  ءىس جۇزىندىكپەن بىرلەستىرىپ، بىرلەسكەن پارتيا ياچەيكاسى سانشيدە ۇلتتىق ەرەكشەلىككە يە قولونەر بۇيىمدارىن وندىرەتىن ءبىر كاسىپورىنمەن حابارلاسىپ، ەنگىزىپ، قىستاقتاعى 48 ايەلدىڭ جۇمىسقا ورنالاسۋ ماسەلەسىن شەشتى، ولار كىرىستەرىن قازىر ايىنا 1000 − 2000 يۋان ارتتىرىپ وتىر.

  بىرلەسكەن پارتيا ياچەيكاسى تاعى ءبىر گەولوگيالىق بارلاۋ كاسىپورنىن بەلسەنە ەنگىزىپ، 13 ادامدى باسقا سالاعا ويىستىرىپ جۇمىسقا ورنالاستىردى، ولاردىڭ ءاربىرى ايىنا كىرىسىن 3500 يۋان ارتتىرىپ وتىر.

  قىستاق تۇرعىنى پاتىگۇل مامەت اسىرە سەزىمتالدىق ەرىن قابىنۋىنا شالدىققاندىقتان، ءوزىن ەرەكشە قوراشىسىنىپ، ۇيىنەن شىققىسى كەلمەيدى ەكەن. قىزمەت اترەتى پاتىگۇلدىڭ جاعدايىنان حابار تاپقان سوڭ، ۇيىنە قايتا - قايتا بارىپ يدەيالىق قىزمەت ىستەپ ءجۇرىپ، ونى جۇرەكتىلىكپەن ۇيىنەن شىعۋعا ىنتالاندىردى. قازىرگى تاڭدا پاتىگۇل قىستاقتاعى زاۆودتا جۇمىس ىستەپ قالماستان، قوسىمشا قىستاقتىڭ تازالىقشىسى دا بولىپ، جىلىنا 30 مىڭ يۋانعا جۋىق تابىس تاۋىپ، تۇرمىس ساپاسىن ايتارلىقتاي جاقسارتىپ الدى.

  پاتىگۇلدەگى وزگەرىستى كورىپ، قىستاق تۇرعىندارىنىڭ سىرتقا شىعىپ جۇمىس ىستەۋ بەلسەندىلىگى اناعۇرلىم جوعارىلاي ءتۇستى.

  قىستاق تۇرعىندارىنىڭ شەبەرلىك دەڭگەيى مەن جالپىلىق ساپاسىن جوعارىلاتۋ ءۇشىن، بىرلەسكەن پارتيا ياچەيكاسى سونىمەن بىرگە ەگىنشىلىك، باعىمشىلىق، اسپازدىق، ەلەكترمەن دانەكەرلەۋ سياقتى جاقتاردا شەبەرلىك كۋرستارىن ۇيىمداستىرىپ، قىستاق تۇرعىندارىنىڭ جۇمىسقا ورنالاسۋ باسەكەلىك قابىلەتى مەن بايۋ جولىنا ءتۇسىپ، تابىس تابۋ قابىلەتتەرىن كۇشەيتتى.

  مۇنان سىرت، بىرلەسكەن پارتيا ياچەيكاسى ”وزەن بويى سپورت باقشاسى“ ەكولوگيالىق سەيىل - سەرۋەن اۋماعىن جوبالادى، سونداي - اق قايراڭ فۋتبولى، قايراڭ ۆولەيبولى، اۆتوموبيل كينوحاناسى، كارتيڭ ماشينا الاڭى، روليكپەن سىرعاناۋ، سۋ ءۇستى سايرانباعى سياقتى نىساندارعا يە وزەن بويى سپورت مادەنيەت باقشاسىن قۇرىپ شىقتى. تىنباي قۇلشىنۋ ارقىلى بۇرىنعى اۋىر كەدەي قىستاق بۇگىنگى كورىكتى مەكەنگە اينالدى. ليۋ ي: ءبىز بۇقارانى دوڭگەلەك داۋلەتتىلىككە جەتۋ جولىندا قايراتتانا العا باسۋعا ۇزدىكسىز باستايمىز، - دەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى