تيانشان تورابى   ›   زاڭ تارازى   ›   زاڭنان كەڭەس

بۇراتالا وبلىسىنىڭ ارىز - شاعىم تاراۋلارى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە ارىز - شاعىم قىزمەتى جاعىنان قولداۋ كورسەتتى

  تىلشىلەر جاڭ يانفاڭ، ياڭ شۋحان، ەرىكتى ءتىلشى لي چياڭ 5 - ايدىڭ 13 - كۇنى بۇراتالادان حابارلايدى. ”ۇكىمەتتىڭ قامقورلىعى مەن كومەگىنە العىس ايتامىن، الداعى تۇرمىسىما سەنىمىم ارتتى“. 5 - ايدىڭ 9 - كۇنى جىڭ اۋدانىنىڭ تۇرعىنى چۇي X بۇراتالا موڭعۇل اۆتونوميالى وبلىستىق ارىز - شاعىم مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى شولىنباتتىڭ قولىن قىسا ۇستاپ قايتا - قايتا ”راقىمەت“ ايتتى.

  چۇي Xتىڭ كۇيەۋى لي X جۇك اۆتوموبيلى شوفەرى، 2019 - جىلى 1 - ايدا لي X تاسىمال ماسەلەسى سەبەبىنەن باسقالارمەن ارازداسىپ قالادى ءارى باسقالار جاعىنان قىسقا ۋاقىت قاماپ قويىلىپ جانە سەس كورسەتۋگە ۇشىراپ، زورلىقپەن 20 مىڭ يۋاندىق قارىز قولحاتىن جازۋعا ءماجبۇر بولادى، ولاردىڭ ۇرىپ - سوعىپ ءوش الۋىنان قورىققان، ونىڭ ۇستىنە قارىز قايتارۋعا قاۋقارى كەلمەگەن چۇي X وتباسىنداعىلاردىڭ زارە - قۇتى قالمايدى. چۇي X مۇنى بۇراتالا وبلىسىنىڭ ارىز - شاعىم تاراۋىنا اڭىس ەتىپ، كومەكتەسۋلەرىن ءۇمىت ەتەدى. كوپ وتپەي ول بۇراتالا وبلىستىق ارىز - شاعىم مەكەمەسى مەن قوعام حاۋىپسىزدىگى تاراۋىنان جاۋاپ الىپ، مالىمدەگەن دەلوسى تەز ارادا ءبىر جاقتى ەتىلەدى.

  قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، بۇراتالا وبلىستىق ارىز - شاعىم مەكەمەسى ”ەڭ كوپ بولعاندا ءبىر رەت شاعىم ايتۋ“ قىزمەت ءادىسىن قاراستىرىپ، ورناتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ونىمەن ءونىمدى بىرلەستىرىپ، قارا، سۇرقيا كۇشتەرگە ساياتىن ارىز - شاعىم دەرەكتەرىن جيۋ تەبىنىن كۇشەيتىپ، ”كىم شەشۋگە جولداسا، سول جاۋاپتى بولۋ، كىم قابىلداسا، سول جاۋاپتى بولۋ“ سىندى قوس جاۋاپكەرشىلىك ءتۇزىمىن قاتاڭ اتقارىپ، ارىز - شاعىم جولىمەن اڭىس ەتىلگەن دەرەكتەردى قاتاڭ، ەگجەي - تەگجەيلى تىزىمگە الۋ، وتكىزىپ بەرۋ ارقىلى دەرەكتەردى قابىلداۋدىڭ دەر كەزىندە، مازمۇنى ايقىن، وتكىزىپ بەرۋدىڭ جۇيەلى بولۋىن جۇزەگە اسىرىپ، باسىندا قولىنا العان ادام سوڭىنا شىعارۋ جاۋاپكەرشىلىگىن بەلسەنە تياناقتاندىردى. جوعارى ءونىمدى ارىز - شاعىم قىزمەت ءادىسىن قولدانعاندىقتان، چۇي X مالىمدەگەن ارىز - شاعىم دەلوسى تەز ارادا بارلاپ - تەكسەرىلىپ، بۇقارانىڭ ۇقىق - مۇددەسى قورعالدى.

  بۇراتالا وبلىستىق ۇكىمەتتىڭ ورىنباسار باس حاتشىسى، ارىز - شاعىم مەكەمەسى پارتيا باسشىلىق گرۋپپاسىنىڭ شۋجيى چيان لۇڭشيڭ تانىستىرىپ بىلاي دەدى: بۇقارانىڭ تۇڭعىش ارىزىن جانە ينتەرنەتتەگى شاعىمىن ءبىر جاقتى ەتكەن كەزدە، ارىز - شاعىم تاراۋلارى ەگجەي - تەگجەيلى انىقتاپ، زاڭ بويىنشا تۇرلەرگە ءبولىپ ءبىر جاقتى ەتۋ قىزمەت پرينسيبى بويىنشا، ارىز - شاعىم ىستەرىنە جاۋاپتى قاتىستى تاراۋلاردىڭ بىتىرۋىنە دەر كەزىندە وتكىزىپ بەرەدى. سونىمەن بىرگە، ءبىز ينتەرنەتتە بىتىرۋگە قۋزاۋشىلىق ەتۋ، تەلەفوندا بىتىرۋگە قۋزاۋشىلىق ەتۋ، ءماجىلىس ارقىلى بىتىرۋگە قۋزاۋشىلىق ەتۋ، سول جەردىڭ وزىندە باقىلاۋ - تەكسەرۋ سياقتى فورمالار ارقىلى ارىز - شاعىم ىستەرىنىڭ ۋاعىندا اياقتاۋىن ىلگەرىلەتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە ارىز - شاعىم قىزمەتى جاعىنان قولداۋ كورسەتتىك“، - دەدى چيان لۇڭشيڭ.

  ۇعىسۋعا قاراعاندا، 2018 - جىلدان بەرى، بۇراتالا وبلىسىنىڭ جەر - جەرىندەگى ارىز - شاعىم تاراۋلارى قابىلداعان، ءبىر جاقتى ەتكەن بۇقارادان كەلگەن ارىز - شاعىم حاتى، ارىزدانا كەلۋشىلەر جالپى 305كە (رەت) جەتىپ، ءبىتىرۋ مولشەرى %90 تەن اسقان. وبلىستاعى، اۋدانداعى (قالا) ارىز - شاعىم تاراۋلارى جۇمىس ءبولىسى بويىنشا سەلبەسىپ، ارىز - شاعىم قىزمەتىندە بىرلەسىپ ارەكەتتەنۋ مەحانيزمىنىڭ رولىن تولىق ساۋلەلەندىرىپ، دەرەكتەردى ءبىر - بىرلەپ اداقتاۋ تەبىنىن ۇزدىكسىز كۇشەيتىپ، ساقتالۋى مۇمكىن قارا كۇشتەرگە، سۇرقيا كۇشتەرگە، بىلىقپالىققا ساياتىن دەرەكتەرگە دەلو بويىنشا تالداۋ جۇرگىزگەن. سونىمەن بىرگە، اۆتونوميالى رايوننىڭ ارىز - شاعىم ينفورماتسياسى جۇيەسىنەن پايدالانىپ، ساقتالۋى مۇمكىن قارا كۇشتەرگە، سۇرقيا كۇشتەرگە ساياتىن ارىز - شاعىمداردى اداقتاپ، رەتتەۋ - تەكسەرۋ ارقىلى قارا كۇشتەرگە، سۇرقيا كۇشتەرگە ساياتىن ارىز - شاعىمنان جيىنى التاۋىن بايقاعان ءارى بارلىعىن قاتىستى تاراۋلارعا وتكىزىپ بەرگەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى