تيانشان تورابى   ›   جاڭالىقتار   ›   شينجياڭ حابارلارى

بايىنشىرگ الەۋمەتتىك اۋماعى: تۇرعىندار مەيىرىممەن قىزمەت وتەۋدى القادى

  شينجياڭ گازەتىنىڭ جالپىلىق اقپارات قۇرالدارى تىلشىلەرى چىن چىن، جىن شىشين، يۇي يچاڭ

  قوبىقسارى موڭعۇل اۆتونوميالى اۋدانى قوبىقسارى قالاشىعى بايىنشىرگ الەۋمەتتىك اۋماعىنا كەلسەڭىز جاڭادان اقتالعان عيماراتتاردى، بىركەلكى بولىنگەن اۆتوكولىك توقتاۋ الاڭىن، تازا دا كوركەم جولداردى، سونداي - اق تاتۋ - ءتاتتى ءوتىپ جاتقان ءار ۇلت تۇرعىندارىن كورەسىز.

  جۋىق جىلداردان بەرى، بايىنشىرگ الەۋمەتتىك اۋماعى تۇتاس قالاشىقتىڭ، تۇتاس اۋداننىڭ جالپى بەتتىك باعالاۋىندا ۇزدىك بولدى، الەۋمەتتىك اۋماقتىڭ كادرلارى مۇنى قالاي ورىندادى؟

  5 - ايدىڭ 12 - كۇنى كەشتە تىلشىلىك ىستەيتىن وبيەكتىنى تاڭداماعان جاعدايدا، الەۋمەتتىك اۋماقتىڭ 16 - عيماراتى 3 - ەسىگى 301 - ءۇيدىڭ ەسىگىن قاقتىق، كەلگەن جايىمىزدى تۇسىندىرگەن سوڭ، مۇقتاربەك ارشىن، باقىتقان مۇقان ەسىمدى قازاق جاس جۇبايلار ءبىزدى قىزۋ قارسى الىپ ۇيگە كىرگىزدى، ىلە - شالا كورشىلەرى ما فۋچىڭ مەن داۋ مونگىندى ۇيىنە شاقىردى. اڭگىمە بارىسىندا ولار الەۋمەتتىك اۋماقتىڭ كادرلارىن القاي جونەلدى.

  مونگىن: بۇقارامەن تىلەكتەس كادرعا بۇقارا سەنىم ارتادى

  موڭعۇل تۇرعىن داۋ مونگىن − ”مالانحۋا ۇگىت - لەكسيا اترەتى“نىڭ سانگەرلەر رەجيسسەرى، قازىر الەۋمەتتىك اۋماقتاعى ”ايگىلى ادام“.

  قازىر الەۋمەتتىك اۋماقتا جاسى كەلىپ قالعان تۇرعىندار گۇل باقشادا كۇن شۋاقتاپ، اڭگىمە دۇكەنىن قۇرىپ وتىرعان كەزدەرىندە مونگىندى كورسە بولدى، تۇرعىندارعا قاشان تاعى سانگەرلەر سالتاناتىن وتكىزىپ بەرەسىز دەپ سۇرايتىن بولدى. ”مەن ولارعا كۇلىپ تۇرىپ، قازىر جاتتىعىپ جاتىرمىز، كوپشىلىك ريزا بولاتىنداي وتكىزبەكشىمىز، 5 - ايدىڭ سوڭىنا الا وتكىزۋگە قۇلشىنىپ جاتىرمىز دەيتىن بولدىم“، - دەدى مونگىن. ول بىلاي دەدى: ”قازىر الەۋمەتتىك اۋماق كەڭسە عيماراتىنىڭ 4 - قاباتىندا ءبي بيلەۋ بولمەسى، دەنە تاربيە اسپاپتارىمەن شىنىعۋ بولمەسى بار. ءبي بيلەۋگە، دەنە شىنىقتىرۋعا قۇمار تۇرعىنداردىڭ ۇناتىپ باراتىن جەرىنە اينالدى“.

  مونگىن بىلاي دەدى: ”قازىر الەۋمەتتىك اۋماق كادرلارىنىڭ قىزمەت سالماعى اۋىر، ولاردىڭ بۇقارامەن كەزىگەتىن ۋاقىتتارى دا كوپ. قوبىقسارى موڭعۇل اۆتونوميالى اۋداندىق تۇرعىن ءۇي جانە قالا، اۋىل قۇرىلىسى مەكەمەسىنىڭ بايىنشىرگ الەۋمەتتىك اۋماعىندا تۇراتىن’ۇعىسۋ، تيىمدىلىك جاساۋ، توعىستىرۋ‘ قىزمەت اترەتىنىڭ ورىنباسار باستىعى لي چىڭچياڭدى الىپ ايتساق، تۇرعىنداردىڭ ءۇيىنىڭ سۋ قۇبىرىنان سۋ اقسا، شامدارى بۇزىلسا، مەيلى كۇندىز نەمەسە ءتۇن بولسىن، ول دەر كەزىندە بارادى. بۇگىنگى كۇندە، الەۋمەتتىك اۋماقتىڭ كادرلارى تۇرعىنداردىڭ’ۇلكەن قامقورشىسىنا‘ اينالدى“.

  ما فۋچىڭ: ايتقانىن ورىندايتىن كادرلاردى بۇقارا جاقسى كورەدى

  الەۋمەتتىك اۋماق كادرلارىنىڭ قالدىرعان اسەرى جايلى ءسوز بولا قالسا، الەۋمەتتىك اۋماقتىڭ تۇرعىنى ما فۋچىڭ باسىن يزەپ: ”الەۋمەتتىك اۋماقتىڭ كادرلارى ايتسا ايتقانداي جاقسى!“، - دەپ ماقتاي جونەلەدى.

  ما فۋچىڭمەن اڭگىمەلەسۋ بارىسىندا، ونىڭ قوبىقسارى اۋدان قالاشىعىندا اسحانا اشاتىنىن، 2012 - جىلى الەۋمەتتىك اۋماقتاعى عيماراتتان ءۇي ساتىپ العانىن بىلدىك. الايدا، ما فۋچىڭ وتباسىنىڭ نوپوسى شاۋەشەك قالاسى ەمىل اۋىلى ليۋشىڭ قىستاعىندا. وتكەن جىلدارى ەمدەلۋ اقىسىن ەسەپتەن كوتەرتەر كەزدە، ول ارى - بەرى شاپقىلاپ، وتە اۋرە بولعان ەدى.

  2017 - جىلدىڭ سوڭىندا ما فۋچىڭ الەۋمەتتىك اۋماق پارتيا ياچەيكاسىنىڭ شۋجيى حۋاڭ ليپيڭگە جاعدايىن اڭىس ەتكەن. حۋاڭ ليپيڭ سول ءساتتىڭ وزىندە وعان كومەكتەسىپ قيىنشىلىعىن شەشەتىنىن بىلدىرگەن. سودان كەيىن حۋاڭ ليپيڭ ونىڭ ءوتىنىش بەرىپ، سايكەسۋىنە كومەكتەسەدى، 2018 - جىلدان باستاپ ما فۋچىڭ ەمدەۋ، ءدارى - دارمەك اقىسىن ەسەپتەن كوتەرۋ ءۇشىن باسقا جاققا جۇگىرمەيتىن بولدى. ”الەۋمەتتىك اۋماق مەنى سىرت ادام ساناعان جوق، الەۋمەتتىك اۋماق مەنىڭ ’ءۇيىم‘، مەن دە وسى’ءۇي‘ ءۇشىن ءبىراز ءىس ىستەۋىم كەرەك. اسحاناعا قابىلداعان جاڭا ادامدار وسى الەۋمەتتىك اۋماقتاعى كەدەي وتباسىلارىنىڭ مۇشەلەرى، ءاربىر ادام اي سايىن 2800 يۋان ەڭبەكاقى الادى“، - دەدى ما فۋچىڭ.

  ”الەۋمەتتىك اۋماق كادرلارى ءبىرىنشى شەپتە بولعاندىقتان، ايتقان ءسوزىن، ىستەگەن ىستەرىن بۇقارا كورىپ، ءبىلىپ وتىرادى، تەك بۇقاراعا ايتقان ءسوزىن ورىنداسا، بۇقارا سوندا شىن ىقىلاسىمەن مويىنسال بولادى، سوندا عانا پارتيامىز بۇقارا اراسىندا ءتىپتى دە الەۋمەتتىك سەنىمدىلىككە يە بولىپ، جۇرت تىلەگىن اناعۇرلىم توعىستىرا الادى“. سول كۇنى كەشتە الەۋمەتتىك اۋماق پارتيا ياچەيكاسىنىڭ شۋجيى حۋاڭ ليپيڭ كەڭسەسىندە «شي جينپيڭ ەل باسقارۋ جونىندە»نى ۇيرەنىپ جاتىر ەكەن، ونىمەن اڭگىمەلەسۋ بارىسىندا، ول الەۋمەتتىك اۋماق قىزمەتىن ويداعىداي ىستەۋدىڭ شەشۋشى جەرىن ۇعىندىردى.

  مۇقتاربەك: بۇقاراعا كوڭىل بولەتىن كادردى بۇقارا قۇرمەتتەيدى

  ”چىن اترەت باستىعى جاقسى كادر، ءبىزدى ءارقاشان كوڭىلىندە ساقتاپ جۇرەدى. اي سايىن ءبىزدىڭ وتباسىمىزعا ەكى دە ءۇش رەت كەلىپ، قانداي قيىنشىلىعىمىز بار ەكەنىن ۇعىسىپ، نەندەي كومەك قاجەت ەكەنىن سۇرايدى، جىل سايىنعى مەرەكە - مەيرام كەزىندە ۇيىمىزگە كەلىپ حال سۇرايدى. ول ماعان ساقا كادردىڭ بار قۋاتىن ساۋلەلەندىرىپ، زەينەتكە شىققان پارتيالى كادرلاردى ۇيىمداستىرىپ، الەۋمەتتىك اۋماقتىڭ ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتى جانە الەۋمەتتىك اۋماق’ەكى كوميتەتى‘مەن بىرگە نەگىزگى ساتى ۇيىمدىق قۇرىلىسىن جاقسى ىستەۋدى ايتتى“، - دەدى مۇقتاربەك.

  ”بىلتىردان باستاپ، مەن الەۋمەتتىك اۋماق اشقان مەملەكەتتە ءبىر تۇتاس قولدانىلاتىن ءتىل - جازۋ كۋرسىنا قاتىناستىم. مەنىڭ قولداۋىممەن جۇبايىم دا الەۋمەتتىك اۋماق ۇيىمداستىرعان ”مالانحۋا ۇگىت - لەكسيا اترەتى“نە قاتىناستى. قىزىم ساۋلەتقان مۇقتاربەك بۇرىن اۋداندا قىزمەت ىستەيتىن، مەنىڭ شابىتتاندىرۋىمدا، ول كۋرسقا قاتىناسىپ، سىناۋدان ءوتىپ، قازىر شاعانكول اۋىلى دولانتى قىستاعىنىڭ پارتيا ياچەيكا شۋجيى بولدى“، - دەدى مۇقتاربەك، - ”پارتيا ءبىز سياقتى قارت كادرلارعا وسىنشاما قامقورلىق جاسادى، مەن،ءسوزسىز، پارتيانىڭ ءۇمىتىن اقتايمىن، الەۋمەتتىك اۋماقتىڭ ءۇمىتىن اقتايمىن، مەن قارت كادرلاردى ۇيىمداستىرىپ، ءومىر بويى ىستەپ، ءومىر بويى ۇيرەنىپ، الەۋمەتتىك اۋماق قۇرىلىسى ءۇشىن ۇلەس قوسامىن!“

  ”ءبىز زەينەتكە شىققان پارتيالى كادرلارعا ساياسي جاقتا قۇرمەت كورسەتىپ، يدەيا جاقتا كوڭىل ءبولىپ، تۇرمىستا قارايلاسىپ، ۋاقىتىمىز بولسا قارت كادرلاردىڭ وتباسىلارىن ارالاپ، ولاردىڭ قانداي قيىنشىلىعى بار ەكەنىن ۇعىسىپ، ونى شەشۋگە كومەكتەسەمىز. تەك قارت كادرلاردىڭ تىلەكتەسى بولىپ، ولاردىڭ كۇي - جايىن جۇرەكتە ساقتاعاندا عانا، ولاردىڭ جۇرەگىنەن شىنايى ورىن الا الامىز“، - دەدى الەۋمەتتىك اۋماق كەڭسەسىنە جاڭا عانا تۇرعىندار وتباسىنان جاعداي ۇعىسىپ كەلىپ وتىرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي چىن ديان، ول تىلشىگە ءوزىنىڭ باستان كەشكەن اسەرىن اڭگىمەلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى