ءتىلشى لي ياڭ 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 13 - كۇنى تۇستەن كەيىن اۆتونوميالى رايوندىق پارتكوم كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە 16 ورىننىڭ پارتيا، ۇكىمەت نەگىزگى جاۋاپتىلارىن توپتىق شاقىرىپ اڭگىمەلەسۋ ءماجىلىسىن اشىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىنىڭ جانە شارلاۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن دايەكتىلەندىرىپ، تياناقتاندىرىپ، يدەيانى شىنايى بىرلىككە كەلتىرىپ، ساياسي دەڭگەيدى اناعۇرلىم جوعارىلاتىپ، باتىل پوزيتسيامەن، ناقتى ءىس تىندىرۋ ستيلمەن، قاتاڭ تارتىپپەن شارلاۋدا اڭىس ەتىلگەن ماسەلەلەر بويىنشا رەتتەۋ - تۇزەتۋ قىزمەتىن دەن قويا ويداعىداي يگەرىپ، كەدەيلىكتەن ارىلتۋدان قامال الۋدىڭ شەشۋشى شايقاسىندا شەشۋشى جەڭىسكە جەتۋگە كەپىلدىك ەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.
ءماجىلىس مىنانى باسا دارىپتەدى: ساياسي دەڭگەيدى جوعارىلاتىپ، ”ءتورت تانىم”دى كۇشەيتىپ، ”ءتورت سەنىم”دى بەكەمدەپ، ”ەكىنى قورعاۋ“دى ورىنداۋ وسكەلەڭ تۇرعىسىنان، كەدەيلىكتەن ارىلتۋدان قامال الۋدىڭ ساياسي جاۋاپكەرشىلىگىن تاباندىلىقپەن، باتىلدىقپەن ارقالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىن، ورنالاستىرۋلارىن ويداعىداي دايەكتىلەندىرىپ، تياناقتاندىرىپ، ءبىر نيەتپەن سەلبەسىپ، جۇرەكتەردى توعىستىرىپ، كۇشتى ۇيىستىرىپ، رەتتەۋ - تۇزەتۋدى بار زەيىنمەن، قاز - قالپىندا ويداعىداي يگەرىپ، ءىس جۇزىندىك ارەكەتپەن پارتياعا شارتسىز ادال بولۋدى امالياتتا ايگىلەۋ كەرەك.
ءماجىلىس مىنانى باسا دارىپتەدى: ساياسي جاۋاپكەرشىلىكتى شىن مانىندە نىعايتىپ، ماسەلەنى باعدار ەتۋگە تاباندى بولىپ، كەدەيلىكتەن ارىلتۋدان قامال الۋ مىندەتىن قايتالاي رەتتەپ، شارالاردى قايتالاي جىنتىكتەپ، قىزمەتتى قايتالاي تەرەڭدەتىپ، ماسەلەلەردى مىقتاپ قاداعالاپ، شارلاۋدا اڭىس ەتىلگەن ماسەلەلەر بويىنشا رەتتەۋ - تۇزەتۋدىڭ ءتۇرلى تالاپتارىنىڭ ناقتاپ تياناقتاندىرىلۋىنا كەپىلدىك ەتۋ كەرەك. تۇلعالىق جاۋاپكەرشىلىكتى ايقىنداپ، جاۋاپكەرشىلىك جۇيەسىن ورناتىپ، شىن ىقىلاسپەن بەرىلىپ، كەدەيلىكتەن ارىلتۋدان قامال الۋداعى ”اڭعارلى ادام“داردى جىبەرىپ، نەگىزگى ساتىنىڭ ماسەلەنى ويلاسۋىنا، اقىل كورسەتۋىنە، تياناقتاندىرۋدى يگەرۋىنە بەلسەنە كومەكتەسىپ، ءتۇرلى مىندەتتەردى جوعارى ولشەممەن، جوعارى ساپامەن ويداعىداي ورىنداۋعا كەپىلدىك ەتۋ كەرەك.
ءماجىلىس مىنانى اتاپ كورسەتتى: شاقىرىپ اڭگىمەلەسۋ قىسىم، ونان دا ماڭىزدىسى جاۋاپكەرشىلىك؛ زور ءۇمىت، ونان دا ماڭىزدىسى جەبەۋ. وسى رەتكى شاقىرىپ اڭگىمەلەسۋگە ايرىقشا ءمان بەرىپ، قاتاڭ مامىلەدە بولىپ، شاقىرىپ اڭگىمەلەسۋدى وراي ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدى شىن مانىندە كەلەلى ساياسي مىندەت جانە ماڭداي الدى حالىق تۇرمىسى ينجەنەرياسى ەتىپ، ىشكەرىلەي، جان - جاقتى يگەرىپ، ناقتى ونىمدىلىككە قول جەتكىزۋ كەرەك. ءارقايسى مۇشە ورىندار ونەگە بولۋ، جەتەكشىلىك ەتۋ رولىن ويداعىداي ساۋلەلەندىرىپ، بۇكىل شينجياڭداعى ءارقايسى تاراۋلارعا، ورىندارعا ونەگە جانە ۇلگى بولۋ كەرەك.
ءماجىلىس مىنانى باسا دارىپتەدى: شارلاۋدا اڭىس ەتىلگەن پىكىرلەرگە ۇشتاستىرىپ، رەتتەۋ - تۇزەتۋدى باتىلدىقپەن مىقتاپ يگەرۋ كەرەك. ارناۋلى تاقىرىپتىق دەموكراتيالىق تۇرمىس جيىنىن قاتاڭ، مۇقيات ويداعىداي ورىستەتىپ، وزىنەن، ءبىرىنشى باسشىدان، القادان باستاپ، شىنايى يگەرىپ، ناقتى ىستەۋ، جوعارى تومەنگە ۇلگى بولۋ، يدەياعا ىشكەرىلەي تالداۋ جاساپ، ماسەلەلەردى ىشكەرىلەي تەكسەرىپ انىقتاپ، شىن ويلانۋ، شىن رەتتەۋ - تۇزەتۋ، شىن جاۋاپكەرشىلىك ارقالاۋ، ءبىرى ارقىلى باسقاسىن باعامداپ، بىلىنگەن زامان تيىم سالىپ، اۆتونوميالى رايوندىق پارتكوم شارلاۋ گرۋپپاسى اڭىس ەتكەن ماسەلەلەردى باتىلدىقپەن ناقتاپ تياناقتاندىرۋ كەرەك.
ءماجىلىس مىنانى تالاپ ەتتى: ارناۋلى شارلاۋ جەتىستىكتەرىن كەدەيلىكتەن ارىلتۋدان قامال الۋدىڭ ءارقايسى بۋىنىندا، تۇتاس بارىسىندا پايدالانۋعا تاباندى بولىپ، جاۋاپكەرشىلىكتى كۇشەيتىپ، تياناقتاندىرۋدى مىقتاپ يگەرىپ، دالمە - ءدال شارا قولدانىپ، ولقىلىقتاردى تولىقتاپ، كەدەيلىكتەن ارىلتۋدان قامال الۋدى تىڭعىلىقتى ىلگەرىلەتۋ كەرەك. نىسانالاردى، ولشەمدەردى قاداعالاپ، قىزمەت شارالارىن كۇشەيتىپ، كەدەيلەردى دالمە - ءدال سۇيەمەلدەۋ جالپى جوباسىن دايەكتىلەندىرىپ، ”التىدا دالمە - ءدال بولۋ“دى تياناقتاندىرىپ، ”جەتى ءبىر توپ“تى تىڭعىلىقتى ىلگەرىلەتىپ، ”ۇشتە سەرپىندى ارتتىرۋ“دى شىن مانىندە ورىنداپ، ادال، كىرشىكسىز، جاۋاپكەرشىلىك ارقالايتىن تاماشا ستيلمەن پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى ءتۇرلى شەشىمدەرىنىڭ، ورنالاستىرۋلارىنىڭ تەرەڭ تامىر تارتۋىنا كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين ءماجىلىستى باسقاردى.
