ءتىلشى لياڭ ليحۋا 5 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق حالىق قۇرىلتايىنىڭ قوعامدىق قۇرىلىس قىزمەتى جونىندەگى اڭگىمە ءماجىلىسى 5 - ايدىڭ 13 - كۇنى تۇستەن بۇرىن اشىلدى. ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، مەملەكەتتىك حالىق قۇرىلتايىنىڭ قوعامدىق قۇرىلىس قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، قىزمەت وي جەلىسىن، نىسانا - مىندەتتەردى جانە نەگىزگى تالاپتاردى اناعۇرلىم ايقىنداپ، اۆتونوميالى رايوندىق حالىق قۇرىلتايىنىڭ قوعامدىق قۇرىلىس قىزمەتىندە جاڭا جاعداي اشۋعا قۇلشىنىپ، تۇتاس رايوننىڭ رەفورما، دامۋ، ورنىقتىلىق ىستەرىنە تىڭ ۇلەس قوسۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: اۆتونوميالى رايوندىق حالىق قۇرىلتايىنىڭ قوعامدىق قۇرىلىس قىزمەتى كوميتەتىن قۇرۋ − اۆتونوميالى رايوندىق پارتكومنىڭ قوعامدىق قۇرىلىستى كۇشەيتۋ، قوعامدىق باسقارۋدا جاڭالىق اشۋ، حالىق تۇرمىسىن قامتاماسىز ەتۋ جانە جاقسارتۋ، قوعامدىق سالادا زاڭمەن جونگە سالۋ قۇرىلىسىن ىلگەرىلەتۋدەگى كەلەلى شاراسى. ارقالاعان تاريحي جاۋاپكەرشىلىك پەن تاريحي مىندەتتى ايقىن تانىپ، اسقاق رۋحاني كۇيمەن زاڭدىلىقتارعا بەلسەنە ىزدەنىس جاساپ، قىزمەتتى عىلمي ورىستەتىپ، باس نىسانانى جۇزەگە اسىرۋعا تيەسەلى ۇلەس قوسۋ كەرەك.
ءماجىلىس مىنالاردى اتاپ كورسەتتى: قىزمەت ورنىن دۇرىس تاۋىپ، زاڭدا بەلگىلەنگەن قىزمەت مىندەتىن شىنايى اتقارىپ، ادامنىڭ جان - جاقتى دامۋىن، قوعامنىڭ جاپپاي العا باسۋىن ىلگەرىلەتۋدى نىسانا ەتىپ، قوعامدىق قايشىلىقتاردى مەڭگەرىپ، قوعامدىق ماسەلەلەردى شەشىپ، قوعامدىق ونىمدىلىككە تالپىنىپ، جاۋاپكەرشىلىكتى باتىلدىقپەن ارقالاپ، بەلسەنە ىسكەرلىك تانىتىپ، قوعامدىق قۇرىلىستى زور كۇشپەن ىلگەرىلەتىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە زاڭمەن جونگە سالۋ جاعىنان كەپىلدىك رولىن اناعۇرلىم ويداعىداي ساۋلەلەندىرۋ كەرەك.
ءماجىلىس مىنالاردى تالاپ ەتتى: قاعيدا بويىنشا ءىس ىستەۋ كوزقاراسىن بەرىك ورناتىپ، ءتۇزىم ورناتۋ جانە اقاۋسىزداندىرۋ، تۇزىمگە سانالىلىقپەن بويسۇنۋ، ءتۇزىمدى قاتاڭ اتقارۋ كەرەك. جەرگىلىكتى ۇيىمدىق زاڭعا، حالىق قۇرىلتايىنىڭ جانە ونىڭ تۇراقتى كوميتەتىنىڭ اقىلداسۋ ەرەجەسىنە ساي، حالىق قۇرىلتايىنىڭ قوعامدىق قۇرىلىسىنىڭ قاتىستى قىزمەت ءتۇزىمى مەن ىشكى باسقارۋ ءتۇزىمىن مۇقيات زەرتتەپ جاساپ، اقىلداسۋ ەرەجەسى مەن جاۋاپكەرشىلىك مىندەتىن ايقىنداپ، قىزمەت جۇرگىزۋ مەحانيزمىن ورناتىپ، اقاۋسىزداندىرىپ، حالىق قۇرىلتايىنىڭ قوعامدىق قۇرىلىس قىزمەتىنىڭ ىركىلىسسىز، جوعارى ءونىمدى ورىستەتىلۋىنە شىنايى كەپىلدىك ەتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ يۇڭميڭ ءماجىلىستى باسقاردى ءارى قورىتىندى جاسادى.
