تيانشان تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشتى

  ءتىلشى جاۋ جىيۇن 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 13 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، شي جينپيڭ ەكولوگيالىق وركەنيەت يدەياسىن دايەكتىلەندىرىپ، الەۋمەتتىك قۇرىلىمداردىڭ ەنەرگيانى، بايلىقتى ۇنەمدەۋ جانە ەكولوگيالىق ورتانى قورعاۋ قىزمەتىن ىشكەرىلەي ىلگەرىلەتۋدى؛ ەكولوگيالىق ورتانى قورعاۋ، ءوندىرىس حاۋىپسىزدىگى سالاسىنداعى اكىمشىلىك زاڭ اتقارۋدى ارناعا ءتۇسىرىپ، ۇكىمەت تاراۋلارىنىڭ قىزمەت وتەۋ، باسقارۋ قىزمەتىنىڭ ورەسىن ءوسىرۋدى؛ وڭتۇستىك شينجياڭداعى 4 ايماق - وبلىستا ”كومىردىڭ ورنىنا ەلەكتر پايدالانۋ“ ينجەنەرياسىنداعى گرافيتتەنگەن كومىر نەگىزىندەگى ەلەكترلى جىلۋ تاراتۋ جابدىعىنىڭ ءبىر تۇتاس تەحنيكالىق شارتتارىن جانە كاسىپورىنداردىڭ ساپاعا كەپىلدىك ەتۋ قابىلەتىنە قويىلاتىن تالاپتاردى؛ اكىمشىلىك رۇقسات ەتۋ ىستەرىنەن ءبىر توبىن كۇشىنەن قالدىرۋ، تومەنگە بەرۋ، قابىلداۋ سياقتىلاردى اقىلداستى.

  ءماجىلىس مىنانى باسا دارىپتەدى: ءارقايسى الەۋمەتتىك قۇرىلىمدار، اسىرەسە، پارتيا، ۇكىمەت ورگاندارى شي جينپيڭ ەكولوگيالىق وركەنيەت يدەياسىنىڭ تەرەڭ ءمانىن شىن مانىندە ۇيرەنىپ، ۇعىنىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، ەڭ قاتاڭ ءتۇزىم، ەڭ قاتال زاڭمەن جونگە سالۋ ارقىلى ەكولوگيالىق ورتانى قورعاپ، وسكەلەڭ ساياسي جاۋاپكەرشىلىك، تاريحي جاۋاپكەرشىلىك ارقىلى بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىن باستاماشىلدىقپەن اتقارىپ، ەنەرگيانى، بايلىقتى ۇنەمدەۋ جانە ەكولوگيالىق ورتانى قورعاۋدىڭ ماڭىزدى جاۋاپكەرشىلىگىن ارقالاپ، بۇكىل رايوننىڭ ەكولوگيالىق وركەنيەت قۇرىلىسىندا الدىڭعى لەكتە ءجۇرۋى كەرەك.

  ءماجىلىس مىنانى تالاپ ەتتى: جەر - جەر، تاراۋلار باس شۋجي شي جينپيڭنىڭ حالىقتىق كاسىپورىندار اڭگىمە ماجىلىسىندەگى ماڭىزدى ءسوزىنىڭ رۋحىن ويداعىداي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا جاڭا دامۋ ۇستانىمىن بەرىك ورناتىپ جانە امالياتتا ايگىلەپ، ەكولوگيالىق ورتانى قورعاۋ، ءوندىرىس حاۋىپسىزدىگى سالاسىنداعى اكىمشىلىك زاڭ اتقارۋ قىزمەتىن ارناعا ءتۇسىرىپ، زاڭمەن جونگە سالىناتىن ۇكىمەت، سەنىمدى ۇكىمەت قۇرۋدى جەدەلدەتىپ، شىندىقتى ءىس جۇزىنەن ىزدەۋگە، تۇرگە ايىرىپ جەتەكشىلىك ەتۋگە، دالمە - ءدال شارا قولدانۋعا تاباندى بولىپ، حالىقتىق شارۋاشىلىققا قىزمەت وتەۋ ورەسىن ءوسىرىپ، حالىقتىق شارۋاشىلىقتىڭ تيبىن جاڭارتىپ، دارەجەسىن ءوسىرۋدى جانە جوعارى ساپالى دامۋدى ىلگەرىلەتۋ كەرەك.

  ءماجىلىس مىنانى اتاپ كورسەتتى: وڭتۇستىك شينجياڭداعى 4 ايماق - وبلىستا ”كومىردىڭ ورنىنا ەلەكتر پايدالانۋ“ ينجەنەرياسىن ىشكەرىلەي ىلگەرىلەتۋ وڭتۇستىك شينجياڭنىڭ ەكولوگيالىق ورتاسىن قورعاۋ، تۇرعىنداردىڭ جىلىنۋ شارت - جاعدايىن جاقسارتۋ، وڭتۇستىك شينجياڭداعى تۇرعىنداردىڭ تابىس سەزىمىن كۇشەيتۋ، وڭتۇستىك شينجياڭداعى ءار ۇلت جۇرتشىلىعىن ەلەكترلەندىرۋ قۇرىلىسىنىڭ جەتىستىكتەرىنەن يگىلىكتەندىرۋ جونىنەن كەلەلى ماڭىزعا يە. وڭتۇستىك شينجياڭداعى 4 ايماق - وبلىستا ”كومىردىڭ ورنىنا ەلەكتر پايدالانۋ“ ينجەنەرياسىنداعى گرافيتتەنگەن كومىر نەگىزىندەگى ەلەكترلى جىلۋ تاراتۋ جابدىعىنىڭ ءبىر تۇتاس تەحنيكالىق شارتتارىندا جانە كاسىپورىنداردىڭ ساپاعا كەپىلدىك ەتۋ قابىلەتىنە قويىلاتىن تالاپتاردا جەكە - جەكە ونىمدەردىڭ، ءسوزسىز، ازىرلەۋگە ءتيىستى حاۋىپسىزدىك جانە يقۋات كورسەتكىشى بەلگىلەنىپ، توك سوعۋدان ساقتانۋ، ءورت كەتۋدەن ساقتانۋ، كۇيىپ جارالانۋدان ساقتانۋ سياقتى جاقتاردا ءتۇيىندى تۇردە قاتاڭ بەلگىلەمە جاسالعان ءارى قىزمەتشى، ءوندىرىس جابدىعى، تەكسەرۋ جابدىعى سياقتى جاقتاردان كاسىپورىندارعا تالاپ قويىلعان.

  ءماجىلىس مىنانى اتاپ كورسەتتى: مەملەكەتتىك كەڭەستىڭ قاتىستى تالاپتارى بويىنشا اۆتونوميالى رايوننىڭ ءىس ۇقىعى كولەمىنە ۇشتاستىرىپ، اۆتونوميالى رايون وسى رەت اكىمشىلىك رۇقسات ەتۋ ىستەرىنەن جيىنى التاۋىن كۇشىنەن قالدىردى، ەكەۋىن تومەنگە بەردى، ەكەۋىن قابىلدادى.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى