ءتىلشى شى شين 5 - ايدىڭ 13 - كۇنى ۇرىمجىدەن حابارلايدى. «2019 - جىلعى اۆتونوميالى رايوننىڭ ماقتانىڭ نىسانالى باعا رەفورماسى قىزمەت تۇيىندەرى» جۋىقتا اۆتونوميالى رايوندىق حالىق ۇكىمەتىنىڭ ماقۇلداۋىمەن باسىپ تاراتىلدى.
«قىزمەت تۇيىندەرى» ”كولەمىن مەڭگەرۋ، وزىندىك قۇندى تومەندەتۋ، ساپاسىن ءوسىرىپ، ونىمدىلىگىن جوعارىلاتۋ، ءوندىرىس قابىلەتىن قامتاماسىز ەتۋ“ بەتالىسىنا تاباندى بولىپ، ساياساتتىق جوبالاۋدى مۇلتىكسىزدەندىرۋ، تولىقتاما تولەم بەرۋ مەحانيزمىن كەمەلدەندىرۋ، قوسىمشا قاراجات ءتاسىلى جونىندە ىزدەنىس جاساۋ، ماقتانىڭ ساپاسىن ءوسىرۋ، ءوندىرىس قابىلەتىن ورنىقتىرۋ، كاسىپ سالاسىنىڭ ورنالاسۋىن ساپالىلاندىرۋ سياقتى جاقتاردان تالاپ قويىپ، مەملەكەتتىڭ ساپالى ماقتا ءوندىرىس بازاسىن قۇرىپ، رايونىمىزدىڭ ماقتا كاسىبىنىڭ باسەكەلىك قۋاتىن جوعارىلاتىپ، رايونىمىزدىڭ ماقتا كاسىبىنىڭ تەرەڭ توعىسۋى مەن باياندى، اقاۋسىز دامۋىن جەبەۋدى ماقسات ەتتى.
2014 - جىلى − مەملەكەت رايونىمىزدا ماقتانىڭ نىسانالى باعا رەفورماسىن تۇيىندە سىناق ەتۋدى باستادى. 5 جىلدىق اماليات ارقىلى ماقتانىڭ نىسانالى باعا رەفورماسى مەملەكەت بەلگىلەگەن نىسانانى نەگىزىنەن ورىنداپ، ەلىمىزدىڭ نەگىزگى اۋىل شارۋاشىلىعى ونىمدەرىنىڭ باعا رەفورماسى ءۇشىن تاجىريبە توپتاپ، جاڭا جول قاراستىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىنا تيپتىك ۇلگى ۇسىندى.
2019 - جىل − 2 - كەزەكتەگى ماقتانىڭ نىسانالى باعا رەفورماسىن تەرەڭدەتۋدىڭ اياقتالار جىلى، سونداي - اق الدىڭعىنى سوڭعىعا جالعاۋدىڭ شەشۋشى جىلى. اۆتونوميالى رايون تۇيىندە سىناق ەتۋدى ۇزدىكسىز ورىستەتىپ، 2018 - جىلعى ماقتانىڭ ”باعا قامسىزداندىرۋى + مەرزىمدىك بۇيىم“، ماقتانىڭ نىسانالى باعاسىنا قاتىستى قوسىمشا قاراجات جانە ساپانى بايلانىستىرۋدى تۇيىندە سىناق ەتۋ قىزمەتىن قورىتىندىلاۋ نەگىزىندە، 2019 - جىلعى تۇيىندە سىناق ەتۋ جوباسىنا وزگەرىس ەنگىزىپ، كەمەلدەندىرىپ، ماقتاعا جاڭاشا قوسىمشا قاراجات بەرۋ ءتاسىلىن بەلسەنە قاراستىرىپ، ساپاسىن قۋزاستىرۋ جۇيەسىن اقاۋسىزداندىرىپ، ماقتانىڭ ساپاسىن مەڭگەرۋدى كۇشەيتىپ، وڭدەۋشى كاسىپورىنداردىڭ تازا ماقتانى تايلاۋىن ارناعا ءتۇسىرىپ، ماقتا بۇلىن سىرتتاي وراپ تاڭۋ ءتاسىلىن جالپىلاستىرىپ، ماقتا ساپاسىن قۋزاستىرۋ ارحيۆىن كەمەلدەندىرەدى.
اۆتونوميالى رايون ايىرباس بازارىن قۇرۋدى ىلگەرىلەتىپ، شارۋاشىلىقتىڭ تەرەڭ توعىسۋىن جەبەيدى. كەزەكتە، ”شينجياڭ ماقتا ايىرباس بازارىن“ قۇرۋدىڭ تەحنيكالىق - ەكونوميكالىق نەگىزدەمەسىن زەرتتەپ، ورتاعا قويدى، شينجياڭنىڭ ءىشى - سىرتىن، ەل ءىشى - سىرتىن، جەلىدەگى مەن جەلىدەن تىستى، دايىن بۇيىم مەن مەرزىمدىك بۇيىمدى قامتيتىن ماقتا ايىرباس بازارىن قۇرۋدى جەدەل ىلگەرىلەتىپ، رايونىمىز ماقتاسىنىڭ ەل ءىشى، حالىقارالىق ايىرباستا باعا بەلگىلەۋدىڭ ءسوز بيلىگىن جوعارىلاتادى.
سونىمەن قاتار، ماقتانىڭ كاسىپ تىزبەگىن تەرەڭ توعىستىرا دامىتۋدى جەبەپ، ماقتا توقىما كاسىبىنىڭ تەحنيكالىق جاڭالىق اشۋى مەن تۇرلەنۋىن، جاڭارۋىن ىلگەرىلەتىپ، شينجياڭ ماقتاسىنىڭ شينجياڭ ىشىندە كادەگە جاراۋ مولشەرىن ۇزدىكسىز جوعارىلاتىپ، ”ماقتا توقىما كاسىپورىندارى + ماقتانى وڭدەۋشى كاسىپورىندار + سەلبەستىك كووپەراتيۆتەر + شارۋالار“ كاسىپ تىزبەگىندىك بىرلەسىپ شارۋاشىلىق جۇرگىزۋ ۇلگىسىن جالپىلاستىرىپ، وڭدەۋشى كاسىپورىنداردى جوعارعى اعارداعى شارۋالار سەلبەستىك كووپەراتيۆتەرىمەن، تومەنگى اعارداعى توقىما كاسىپورىندارىمەن قوس باعىتتا سەلبەستىك ورناتۋعا جەتەكتەپ، شارۋالار سەلبەستىك كووپەراتيۆى مەن توقىما كاسىپورىندارىنىڭ تىكەلەي ايىرباس ۇلگىسىن قاراستىرىپ، اۋىل شارۋاشىلىعى ءوندىرىسى مەن تۇتىنۋ بازارى اراسىنداعى بايلانىستى جيىلەتەدى.
اۆتونوميالى رايون ماقتا ينفورماتسيا تۇعىرىن جاڭارتىپ، اۆتونوميالى رايوننىڭ ماقتانىڭ نىسانالى باعا رەفورماسى ينفورماتسيا تۇعىرى قۇرىلىسىن باسقارۋ ورەسىن جوعارىلاتىپ، اۆتونوميالى رايوننىڭ ماقتانىڭ قامبادان شىعار باعدارىن تىركەۋ ءتۇزىمىن كەمەلدەندىرىپ، ينفورماتسيا تۇعىرىنىڭ ۇلكەن ساندى مالىمەتتەرىنەن پايدالانىپ، شينجياڭنىڭ ماقتا دەرەكتەرىن تالداۋ بايانداماسىن دايىندايدى.
اۆتونوميالى رايون ماقتانىڭ ساپاسىن ۇزدىكسىز جوعارىلاتادى. ساپالى ماقتا بازاسى قۇرىلىسىن كۇشەيتۋ ارقىلى ماقتا ەگۋدى باسىمدىققا يە ءوندىرىس رايوندارىنا شوعىرلانۋعا جەتەكتەيدى؛ جوعارى ولشەمدەگى ماقتا اتىزى قۇرىلىسىن اتقارۋدى ىلگەرىلەتىپ، شارۋالاردىڭ جەردى اينالىمعا سالۋ، بىرلەسىپ ءوندىرىس جۇرگىزۋ سياقتى تاسىلدەر ارقىلى ماقتا ءوندىرىسىنىڭ شوعىرلى، ماشينالاسقان، وسىزاماندانعان بولۋىن جەبەۋگە بىرتىندەپ جەتەكتەيدى؛ ماقتا ەگۋدى باسقارۋ ورەسىن ۇزدىكسىز جوعارىلاتىپ، ساپالى ماقتا تۇقىمدارىن جيناقتاپ جانە ۇسىنىپ، ماقتا ساپاسىنىڭ بىردەيلىگىن جوعارىلاتىپ، ماقتا ساپاسىن جوعارىلاتادى. قوسىمشا قاراجات ەسەپتەۋ، تولەۋ جونىندە، «قىزمەت تۇيىنىندە» قوسىمشا قاراجاتتى دەر كەزىندە تولىق سومامەن تولەۋ، سەنىمدىلىك جۇيەسى قۇرىلىسىن كەمەلدەندىرىپ، ماقتا بازارىنىڭ ءتارتىبىن شىنايى قورعاۋ ايقىن كورسەتىلدى.
