اۆتونوميالى رايون اتقارۋ جوباسىن باسىپ تاراتتى
اۋىل - قىستاق ساياحاتىنىڭ دامۋىن جەبەپ، ساپاسىن جوعارىلاتىپ، دەڭگەيىن كوتەرەدى
ءتىلشى شى شين 5 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، تاياۋدا اۆتونوميالى رايوندىق دامۋ جانە رەفورما كوميتەتى قازىنا، مادەنيەت جانە ساياحات، جاراتىلىستىق بايلىق سياقتى تاراۋلارمەن بىرلەسىپ، رايونىمىزدىڭ ءىس جۇزىندىك جاعدايىمەن ۇشتاستىرىپ، «اۋىل - قىستاق ساياحاتىنىڭ دامۋىن جەبەپ، ساپاسىن جوعارىلاتىپ، دەڭگەيىن كوتەرۋدىڭ اتقارۋ جوباسىن (2019 جىلدان 2020 - جىلعا دەيىن)» جاساعان ءارى باسىپ تاراتقان.
اۋىل - قىستاق ساياحاتىنىڭ ساپاسىن جوعارىلاتۋ مەن دەڭگەيىن كوتەرۋدى جەدەلدەتىپ، اۋىل - قىستاق ساياحاتىنىڭ تۇتىنۋدى جەبەۋدەگى، كەدەيلىكتەن ارىلتۋدان قامال الۋداعى، اۋىل - قىستاقتى گۇلدەندىرۋدەگى، حالىق تۇرمىسىن جاقسارتۋداعى، جوعارى ساپالى دامۋدى تياناقتاندىرۋداعى ماڭىزدى باستاماشىلدىق رولىن اناعۇرلىم ساۋلەلەندىرىپ، ساياحات شارۋاشىلىعىنىڭ شينجياڭنىڭ ستراتەگيالىق تىرەكتى كاسىبىنە اينالۋىن ىلگەرىلەتۋ ءۇشىن، «اتقارۋ جوباسى»ندا اۋىل - قىستاق ساياحاتىنىڭ دامۋىنداعى ءالسىز بۋىندار توڭىرەگىندە، اۋىل - قىستاق ساياحاتىنىڭ نەگىزدىك قۇرىلعى قۇرىلىسى، اۋىل - قىستاقتىڭ قونىس ورتاسى، اۋىل - قىستاق ساياحات ونىمدەرى مەن قىزمەت وتەۋ، قارجى قۇراۋعا جاڭالىق ەنگىزۋ، سايكەستى ساياحات سياقتى 5 جاقتان ناقتى تالاپ قويىلعان.
اۋىل - قىستاق ساياحات جولدارى جانە كولىك توقتاتۋ قۇرىلعىلارى قۇرىلىسىنداعى ولقىلىقتاردى تولىقتىرۋ جاعىندا «اتقارۋ جوباسى»ندا اۋىل - قىستاق ساياحاتىنىڭ جول قۇرىلىسىن جەدەلدەتىپ، اۋداندى بىرلىك ەتە وتىرىپ اۋدان قالاشىعىنداعى، اۋىل - قالاشىقتارداعى، كورىنىس وڭىرلەرىندەگى، سونداي - اق ەرەكشە قورعاۋ تۇرىندەگى قىستاقتارداعى كولىك توقتاتۋ قۇرىلعىلارىن ءبىر تۇتاس ورنالاستىرىپ، اۋىل - قىستاقتارداعى، اسىرەسە، كەدەي وڭىرلەردەگى ساياحات قۇرىلعىلار قۇرىلىسىن كۇشەيتۋ، قۇرىلعىلارعا پايدالانىلاتىن جەر مەن قارجىلاي قولداۋدى كۇشەيتۋ العا قويىلدى.
قوقىر - قوقسىق پەن لات سۋدى جونگە سالۋدى ىلگەرىلەتۋ سياقتى اۋىل - قىستاقتىڭ قونىس ورتاسىن جونگە سالۋ جاعىندا «اتقارۋ جوباسى»ندا قوقىر - قوقسىق پەن لات سۋدى ءبىر جاقتى ەتۋدە شارۋا وتباسىلارى اقى تولەۋ ءتۇزىمىن ورناتۋ جونىندە ىزدەنىس جاساپ، اۋىل - قىستاقتا ساياحات قوقىر - قوقسىقتارىن بايلىققا اينالدىرىپ پايدالانۋدى جانە زالالسىزداندىرىپ ءبىر جاقتى ەتۋدى كۇش سالا ىلگەرىلەتۋ، اۋىل - قىستاقتا تۇرمىستىق لات سۋدى ءبىر جاقتى ەتۋدى ساتىلى تۇردە ىلگەرىلەتۋ، دارەتحانا توڭكەرىسىن ۇزدىكسىز ىلگەرىلەتۋ العا قويىلدى.
اۋىل - قىستاق ساياحات ونىمدەرى مەن قىزمەت وتەۋىنىڭ ولشەمىن جاساۋ، اقاۋسىزداندىرۋ جاعىندا «اتقارۋ جوباسى»ندا قونالقى ءۇي، شارۋالار شاتتىعى ساياجايى سياقتى اۋىل - قىستاق ساياحات قىزمەت وتەۋ ولشەمىن ارناعا ءتۇسىرىپ، رايونىمىزدىڭ اۋىل - قىستاق ساياحات تاس جولى مەن كولىك توقتاتۋ قۇرىلعىسىنا ۇيلەسەتىن قۇرىلىس ولشەمى مەن شارۋاشىلىق باسقارۋ ولشەمىن شىعارىپ، اۋىل - قىستاق ساياحات بازارىن باقىلاۋ - باسقارۋدى كۇشەيتۋ العا قويىلدى.
قوعامدىق كاپيتالدى اۋىل - قىستاق ساياحاتىن دامىتۋ قۇرىلىسىنا ات سالىسۋعا ىنتالاندىرۋ، جەتەكتەۋ جاعىندا «اتقارۋ جوباسى»ندا حالىقتىق قارجى قوسۋشىلاردى ۇكىمەت سالۋ، جەكەلەر جۇرگىزۋ سياقتى تاسىلدەر ارقىلى بەلگىلى تابىسى بار اۋىل - قىستاق نەگىزدىك قۇرىلعى قۇرىلىسى مەن شارۋاشىلىعىنا قاتىناسۋعا ىنتالاندىرۋ، جەتەكتەۋ، شارت - جاعدايى بار شارۋا وتباسىلارىن وزدەرىنىڭ تۇرعىن ۇيلەرىن جوندەپ، وزگەرتىپ قونالقى ءۇي ەتىپ اشۋىنا دەم بەرۋ، قالا - قالاشىقتارداعى ءوز قالاۋى بار ۇيىمدار مەن جەكەلەردى تۇرعىلىقتى جۇرتتىڭ ۇيلەرىن جالعا الىپ قونالقى ءۇي اشۋعا ىنتالاندىرۋ، ەل ىشىندەگى قونالقى ءۇي شارۋاشىلىعىن جۇرگىزۋشى تانىمال كاسىپورىندار مەن قوعامدىق كاپيتالدى تۇرعىلىقتى جۇرتتىڭ ۇيلەرىن جالعا الىپ، قونالقى ءۇي اشۋعا باۋراۋ العا قويىلدى.
اۋىل - قىستاق ساياحاتىن دامىتۋداعى سايكەستى ساياساتتى كۇشەيتۋ جاعىندا «اتقارۋ جوباسى»ندا بازاردى جەتەكشى ەتىپ، جوبامەن جەتەكشىلىك ەتۋ، ساياساتپەن قولداۋ، ۇلگى كورسەتىپ باستاماشىلدىق ەتۋ ارقىلى اۋىل - قىستاق ساياحاتىنىڭ دامۋىن جەرگىلىكتى جاعدايعا قاراي ىلگەرىلەتۋ، دەڭگەيى تومەن، ساپاسى ۇقساس بولۋ باسەكەسىنەن ساقتانۋ، سونىمەن قاتار اۋىل - قىستاق ساياحاتىن زايوم بەلەتىمەن قارجى قۇراۋ ارقىلى قولداۋ سەرپىنىن ارتتىرۋ، اۋىل - قىستاق ساياحات شارۋاشىلىعىنا قارجى قوسۋ قورىن دايىنداۋ جونىندە ىزدەنىس جاساۋ العا قويىلدى.
