تيانشان تورى   ›   زاڭ تارازى   ›   زاڭنان كەڭەس

بازار تيجارات ورتاسىنىڭ ءتارتىپتى، رەتتى بولۋىنا شىنايى كەپىلدىك ەتتى

ءۇرىمجى قالالىق بازار باقىلاۋ - باسقارۋ مەكەمەسى كوپ سالادا ارناۋلى رەتتەۋ - وڭاۋ قيمىلىن ورىستەتىپ بازار تيجارات ورتاسىنىڭ ءتارتىپتى، رەتتى بولۋىنا شىنايى كەپىلدىك ەتتى

   تىلشىلەر ياڭ شۋحان، جاڭ يانفاڭ 5 - ايدىڭ 14 - كۇنى ۇرىمجىدەن حابارلايدى. 4 - ايدان بەرى، ءۇرىمجى قالالىق بازار باقىلاۋ - باسقارۋ مەكەمەسى ءتۇرلى شارا قولدانىپ، ءدارى - دارمەك، ەمدەۋ، مەكتەپ اۋلاسى ازىق - تۇلىگى، اۋىل شارۋاشىلىق قۇرال - جابدىقتارى سياقتى كاسىپ سالالارىندا اداقتاۋ، رەتتەۋ، وڭاۋ قىزمەتىن ورىستەتىپ، كاسىپ سالالارىنداعى مۇددە بايلانىسى مەن قارا، سۇرقيا كۇش قىلمىستارىنىڭ ءوربۋ ورتاسىن كۇش سالا الاستاپ، بازار تيجارات ورتاسىنىڭ ءتارتىپتى، رەتتى بولۋىنا شىنايى كەپىلدىك ەتتى.

  5 - ايدىڭ 7 - كۇنى ءۇرىمجى قالالىق بازار باقىلاۋ - باسقارۋ مەكەمەسى ەمدەۋ جابدىقتارى سالاسىندا باقىلاۋ - تەكسەرۋ قىزمەتىن ورىستەتۋ جونىندە ارناۋلى كۋرس اشتى، سونىمەن قاتار ءدارى - دارمەك، ەمدەۋ سالاسىندا ورىن تەپكەن ”كۋالىك ءىلۋ“ سياقتى بىلىقپالىقتى رەتتەۋ - وڭاۋ قيمىلىن ورىستەتتى.

  ”ءدارى - دارمەك بولشەك ساتۋ كاسىپورىندارىنىڭ كاسىپتىك دارىگەر ’كۋالىگىن ءىلۋ‘ ارەكەتتەرىن ءتۇيىندى تۇردە تەكسەرىپ ءبىر جاقتى ەتىپ، كاسىپتىك دارىگەر ’كۋالىگىن ءىلۋ‘ جانە بولشەك ساتۋ دۇكەندەرىنىڭ رەتسەپپەن ساتىلاتىن دارىلەردى رەتسەپسىز ساتۋى سياقتى زاڭعا قايشى، ەرەجەگە قايشى ارەكەتتەردەن ءبىر توبىن اشكەرەلەدى.“ ءۇرىمجى قالالىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى گان چۋان بىلاي دەدى: وسى رەت ءدارى - دارمەك، ەمدەۋ سالاسىندا جۇرگىزىلگەن ارناۋلى رەتتەۋ - وڭاۋ قىزمەتى جارتى جىلعا جالعاسادى، مەكەمەمىز ءۇرىمجى قالالىق ەمدەۋدى قامتاماسىزداندىرۋ مەكەمەسىمەن بىرلەسىپ، ەمدەۋدى قامتاماسىزداندىرۋ مەكەمەسى دايىنداعان كاسىپتىك دارىگەرلەردىڭ قوعامدىق قامسىزداندىرۋ قاراجاتىن تاپسىرۋ ينفورماتسياسى مەن ءىس جۇزىندەگى قىزمەت ورنى ساي كەلمەۋ سياقتى ينفورماتسيالارعا نەگىزدەلىپ، 5 كاسىپورىننىڭ جاۋاپتىسىمەن جانە ەمدەۋ قۇرىلىمىندا قىزمەت ىستەيتىن، الايدا ”كاسىپتىك دارىگەر تىزىمگە الىنعان كۋالىگىن“ ءدارى - دارمەك بولشەك ساتۋ كاسىپورىندارىنا ءىلىپ قويعان 20 نەشە كاسىپتىك دارىگەرمەن شاقىرىپ الىپ سويلەستى، سونداي - اق ولاردى ءتۇيىندى تۇردە باقىلاۋ - باسقارۋ وبيەكتى قاتارىنا ەنگىزدى.

  سونىمەن قاتار ءۇرىمجى قالالىق بازار باقىلاۋ - باسقارۋ مەكەمەسى ارناۋلى رەتتەۋ - وڭاۋ ارەكەتىن قۋزاۋ - تەكسەرۋ گرۋپپاسىن قۇرىپ، ءۇرىمجى قالاسىنداعى مەكتەپ اۋلالارى توڭىرەگىندەگى ازىق - تۇلىك حاۋىپسىزدىگىن 8 باعىتقا ءبولىنىپ زاڭ اتقارۋ بويىنشا تەكسەرۋ جۇرگىزدى. قۋزاۋ - تەكسەرۋ گرۋپپاسى ارحيۆ تەكسەرۋ، سول جەردىڭ وزىندە تەكسەرىپ كورۋ سياقتى تاسىلدەرمەن مەكتەپ (بالاباقشا) ازىق - تۇلىك حاۋىپسىزدىگى تۇلعالىق جاۋاپكەرشىلىگىن تياناقتاندىرۋ، ءتۇزىم قۇرىلىسى، ەستەلىك تىزىمدىگىن جاساۋ، ازىق - تۇلىك نۇسقاسىن قالدىرۋ، قوسپا زاتتى باسقارۋ، ىدىس - اياق جۋۋ، دەزينفەكسيالاۋ جانە ءوندىرىس حاۋىپسىزدىگى سياقتى جاقتارعا ءتۇيىندى تۇردە تەكسەرۋ جۇرگىزدى.

  اۋىل شارۋاشىلىق قۇرال - جابدىقتارى بازارلارى دا ارناۋلى اداقتالاتىن، رەتتەلەتىن ءتۇيىندى سالا. 4 - ايدىڭ باسىندا ءۇرىمجى قالالىق بازار باقىلاۋ - باسقارۋ مەكەمەسى اۋىل شارۋاشىلىق قۇرال - جابدىقتارىندا وزگەلەردىڭ بەلگىسىنە ۇقسايتىن بەلگىدەن پايدالانۋعا قاتىستى دەلودان بىرەۋىن تەكسەرىپ ءبىر جايلى ەتتى، دەلوعا قاتىستى زاتتاردىڭ قۇنى ءبىر ميلليون يۋاننان اسادى.

  كاسىپ سالالارىن باقىلاۋ - باسقارۋمەن ۇشتاستىرىپ، ءۇرىمجى قالالىق بازار باقىلاۋ - باسقارۋ مەكەمەسى حالىق تۇرمىسىنا قاتىستى قولامتالى تۇيىندەر، بازار قيىن تۇيىندەرى، شاعىم ايتىلعان قاداعالانعان تۇيىندەر سياقتى ءتۇرلى دەلولاردى جان - جاقتى ءبىر - بىرلەي تەكسەرىپ، قارا، سۇرقيا كۇشتەرگە، بىلىقپالىققا ساياتىن دەرەكتەردى دەرەك كوزى بويىنشا ىشكەرىلەي انىقتاۋدان جازباي، قاتاڭ جازالاپ، ءۇرىمجى قالاسى بازارلارىندا قارا كۇشتەردى الاستاۋ، سۇرقيا كۇشتەردى جويۋ ارناۋلى ارەكەتىن تىڭعىلىقتى ورىستەتتى.

  كەلەسى قادامدا ءۇرىمجى قالالىق بازار باقىلاۋ - باسقارۋ مەكەمەسى باسىنۋ، وزبىرلىق ىستەۋ، زورلىقپەن ساتىپ الۋ، زورلاپ ساتۋ، قالىپسىز باسەكەلەسۋ، تيجاراتتى شەڭگەلدەپ الۋ، سونداي - اق جالعان، جارامسىز تاۋارلار جاساۋ، ساتۋ سياقتى ارەكەتتەردى تەكسەرۋ تەبىنىن ۇزدىكسىز ارتتىرادى، كۇش - قۋاتتى شوعىرلاندىرا وتىرىپ باقىلاۋ - باسقارۋدى كۇشەيتىپ، ءتۇرلى بازار تەكسەرۋىمەن ۇشتاستىرىپ، بازار باقىلاۋ - باسقارۋ سالاسىندا قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتەدى، قارا، سۇرقيا كۇشتەرگە ساياتىن دەرەكتەردى دەر كەزىندە جوعارىعا مالىمدەپ، وتكىزىپ وتىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى