لۋ فىڭباۋ
كەدەيلىكتەن ارىلىپ، بايۋدىڭ ەڭ تەز جولى قايسى؟ جۇمىس ىستەپ جۇمىستانۋ! وڭتۇستىك شينجياڭداعى كەدەي وڭىرلەردە ءبىر ادام جۇمىستانسا، بۇكىل وتباسىنداعىلاردىڭ كەدەيلىكتەن ارىلۋىنا دەم بەرەدى، باسقا كاسىپكە ويىستىرىپ جۇمىستاندىرۋ رايونىمىزدىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋىندەگى ماڭىزدى شارالارىنىڭ ءبىرى.
جۇمىستاندىرۋ − حالىق تۇرمىسىنىڭ نەگىزى. 2017 - جىلدان باستاپ اۆتونوميالى رايون قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى باسقا كاسىپكە ويىستىرىپ جۇمىستاندىرۋ قىزمەتىن باستاپ، اۋىل - قىستاقتارداعى ارتىق ەڭبەككۇشتەر سىرتقا شىعىپ، كاسىپورىندارعا بارىپ، قاجىرلى ەڭبەگى ارقىلى ءوز دامۋىن جۇزەگە اسىرۋ ورايىنا يە بولدى.
ولار اۋىل - قىستاقتان قالاعا كەلىپ، اتىز باسىنان سەحتارعا كىرىپ، كوز اياسىن كەڭەيتىپ، كىرىستەرىن ارتتىرىپ، بولاشاق تاماشا تۇرمىستى اڭسادى، رۋحاني بەينەسىندە دە زور وزگەرىستەر جارىققا شىقتى.
كاسىپورىنداردا تۇيىندە تۇرىپ تىلشىلىك ىستەگەننەن بەرى ولاردىڭ قىزمەتىنىڭ جانە تۇرمىسىنىڭ قاربالاس ءارى ءتارتىپتى ەكەندىگىن، كوپتەگەن ادامداردىڭ بوس ۋاقىتتارىن مىقتى يگەرىپ، كىتاپ وقىپ، ۇيرەنىپ جاتقاندىعىن، جان دۇنيەلەرىنىڭ اناعۇرلىم تولىسىپ، جۇزدەرىنەن باقىت كۇلكىسى ەسكەندىگىن كوردىك. مۇنداي وزگەرىستەن كەلگەن جىگەر - قايرات اۋىل - قىستاقتى گۇلدەندىرۋدى ىلگەرىلەتەتىن ايبىندى كۇش. مۇنداي جىگەر - قايرات بولعاندا اۋىل - قىستاقتى گۇلدەندىرۋدى جۇزەگە اسىرۋ اناعۇرلىم سەنىمگە يە بولادى!
