تيانشان تورابى   ›   جاڭالىقتار   ›   شينجياڭ حابارلارى

رايونىمىزدان 22 وتباسى داڭق تورىنەن كورىندى

  2019 - جىلعى مەملەكەت بويىنشا ەڭ تاڭداۋلى وتباسىلارى جاريالاندى

  رايونىمىزدان 22 وتباسى داڭق تورىنەن كورىندى

  ءتىلشى ميھىرگۇل ناسىر 5 - ايدىڭ 15 - كۇنى ۇرىمجىدەن حابارلايدى. ”15 - مامىر“ حالىقارالىق وتباسى كۇنىندە مەملەكەتتىك ايەلدەر بىرلەستىگى بەيجيڭدە ”وتباسىلارىنىڭ باقىتتى، ەسەن - ساۋ بولۋ ينجەنەرياسى“ن جۇرگىزۋدى ورنالاستىرۋ جانە 2019 - جىلعى مەملەكەت بويىنشا ەڭ تاڭداۋلى وتباسىلارىن جاريالاۋ ءماجىلىسىن وتكىزدى ءارى سيلانعان وتباسىلارىنا سيلىق تاراتتى. رايونىمىزدان 22 وتباسى مەملەكەت بويىنشا ەڭ تاڭداۋلى وتباسى بولىپ باعالاندى. اقسۋ ايماعىنىڭ ونسۋ اۋدانىنان كەلگەن ارزىگۇل ءيۇنۇس وتباسى ۇسىنىس بويىنشا جاريالاۋ سالتىنا قاتىناستى ءارى ساحناعا شىعىپ سيلىق الدى.

  ”ۋاكىل رەتىندە مەملەكەت بويىنشا تاڭداۋلى وتباسىلارىن جاريالاۋ ماجىلىسىنە قاتىناسقاندىعىمدى شەكسىز داڭق جانە ماقتانىش سەزىنەمىن. از ۇلت پارتيالى كادرى رەتىندە كۇش - قۋاتىمدى سارقا جۇمساپ، قوعامداعى كومەككە مۇقتاج جاندارعا شامامنىڭ جەتىسىنشە مەيىر باعىشتاپ، ۇلگىلىك، باستاماشىلدىق رول اتقارامىن“، - دەدى ارزىگۇل تەلەفوندا تىلشىگە.

  ءتىلشى اۆتونوميالى رايوندىق ايەلدەر بىرلەستىگىنەن سيلىق العان وسى 22 وتباسى اراسىندا 2018 - جىلى ”اۆتونوميالى رايون بويىنشا تاڭداۋلى وتباسى“ اتاعىن العان شينجياڭ اۋىل شارۋاشىلىق عىلىم اكادەمياسى ميكرو ورگانيزمدەردىڭ قولدانىلمالىلىعىن زەرتتەۋ ورنى بايلىق زەرتتەۋ كەڭسەسىنىڭ تەتە اعا زەرتتەۋشىسى گۋ مەييىڭ وتباسى، 2018 - جىلى ”اۆتونوميالى رايون بويىنشا ەڭ تاڭداۋلى وتباسى“، ۇرپاقتارعا كوڭىل ءبولۋ قىزمەتىندەگى مەملەكەتتىك وزات قىزمەتكەر، ۇلتتار ىنتىماعىنداعى، العاباسارلىعىنداعى اۆتونوميالى رايوندىق ۇلگىلى جەكە، تەكەس اۋداندىق ساياسي كەڭەستىڭ زەينەتكە شىققان كادرى شىن جيانجيا وتباسى، قىزىلسۋ قىرعىز اۆتونوميالى وبلىسىنىڭ 12 - كەزەكتى ءمورال ۇلگىسى، 2018 - جىلعى ”كەدەيلىكتەن ارىلتۋدان قامال الۋ مەملەكەتتىك سيلىعى“نىڭ ۇلەس قوسۋ سيلىعىن العان دۇيسەن جوكەش وتباسى قاتارلىلار بار ەكەندىگىن ۇعىستى. وسى وتباسىلارىنىڭ ىزگى ىستەرى توتەنشە تيپتىك ءمان الادى، ولار ۇلكەندەرى مەيىرىمدى، كىشىلەرى وپالى، مادەنيەتتى دارىپتەپ، ءمورالدى قاستەرلەيدى؛ ولار ۇرپاق تاربيەسىنە شەبەر، تاربيەگە باسا ءمان بەرەدى؛ ولار شەكسىز مەيىرىمدى، الەۋمەتتىك يگىلىك ىستەرگە ىنتالى، جۇبايلار تاتۋ - ءتاتتى بولۋ، ۇلكەندەردى قۇرمەتتەۋ، كىشىلەردى ايالاۋ، ۇرپاقتاردى عىلمي تاربيەلەۋ، وتباسىن ۇنەمشىلدىكپەن باسقارۋ، كورشىلەر ارا قارايلاسىمدى بولۋ سىندى وركەنيەتتى وتباسى سالتىن بىرگە اسقاقتاتۋدا جانە ونى جالعاستىرۋدا.

  ارزىگۇل كەزىندە اقسۋ ايماعى بويىنشا ۇلتتار ىنتىماعىنداعى، العاباسارلىعىنداعى ۇلگىلى جەكە، اۆتونوميالى رايون بويىنشا ۇلتتار ىنتىماعىنداعى، العا باسارلىعىنداعى ۇلگىلى جەكە سياقتى اتاقتاردى العان. ارزىگۇل وتباسى 2009 - جىلى جوۋ جىشيان اجەيمەن تانىسادى، سول كەزدە اجەي 72 جاستا ەكەن، جولداسى قايتىس بولعان، بالا - شاعاسى، قارايلاساتىن ادامى جوق بولاتىن. ارزىگۇل مەن كۇيەۋى قارتتى وزدەرىنىڭ شەشەسىندەي كورىپ، قىزمەتتەن تۇسكەن ۋاقىتتان پايدالانىپ ول كىسىگە قارايلاسادى. 2010 - جىلى حالىق ساقشىسىنىڭ كومەگىندە ول كۇيەۋىن جوۋ جىشياندى چۇڭچيڭ قالاسىنداعى تۋىستارىمەن باس قوسۋعا جەتكىزىپ سالۋعا جىبەرىپ، قارتتىڭ 20 نەشە جىل بويى تۋىستارىن ىزدەگەن ارمانىن جۇزەگە اسىرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى