تيانشان تورى   ›   زاڭ تارازى   ›   زاڭنان كەڭەس

رايونىمىزدىڭ قاتىناس - تاسىمال جۇيەسى كىرە اۆتوكولىك كاسىبىنىڭ دامۋ ورتاسىن كىرشىكسىزدەندىردى

  تىلشىلەر جاڭ يانفاڭ، ياڭ شۋحان 5 - ايدىڭ 15 - كۇنى ۇرىمجىدەن حابارلايدى. ”قارا كۇشتەر بولسا الاستاۋ، سۇرقيا كۇشتەر بولسا جويۋ، بىلىقپالىق بولسا وڭاۋ“ قىزمەت تالابى بويىنشا، جاقىننان بەرى رايونىمىزدىڭ كىرە اۆتوكولىك كاسىبىندە ورىن تەپكەن زاڭسىز تيجارات جۇرگىزۋ، ورىنسىز باسەكەلەسۋ، جولاۋشىلاردى اۆتوكولىككە وتىرۋعا زورلاۋ، بەتالدى اقى الۋ، سونداي - اق رەسمي ەمەس سايتتاردا اۆتوكولىككە كەلىسىپ، تيجارات بازارلارىنا سوقتىعۋ سياقتى بىلىقپالىق ارەكەتتەرگە قاراتا اۆتونوميالى رايوندىق قاتىناس - تاسىمال مەڭگەرمەسى ءبىر قىدىرۋ شوعىرلى وڭاۋ ارەكەتتەرىن ورىستەتىپ، كىرە اۆتوكولىك كاسىبىنىڭ دامۋ ورتاسىن كىرشىكسىزدەندىردى.

  اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، ايماقتاردىڭ، وبلىستاردىڭ قاتىناس - تاسىمال تاراۋلارى قوعام حاۋىپسىزدىگى، زات باعاسى سياقتى تاراۋلارمەن بىرگە ۆوكزال، اۆتوكولىك جولاۋشى تاسىمال بەكەتى، ساۋدا شەڭبەرلەرى سياقتى ورىنداردا كىرە اۆتوكولىك كاسىبىنىڭ زاڭسىز تيجارات جۇرگىزۋىنە جانە كاسىپ بىلىقپالىعىنا ارناۋلى وڭاۋ جۇرگىزگەن ءارى دەر كەزىندە قوعامعا قارا كۇشتەردى الاستاۋ، سۇرقيا كۇشتەردى جويۋ بويىنشا مالىمدەۋ تەلەفونىن جاريالاپ، قاتىستى مالىمدەگەن دەرەكتەردى تەرەڭدەي سارالاپ، تۇبەگەيلى تەكسەرگەن. 5 - ايدان بەرى جەر - جەر ”قارا كىرە اۆتوكولىگى“نەن 208 ىن ۇستاپ قالىپ، زاڭعا، ەرەجەگە قايشىلىق جاساپ كىرە اۆتوكولىك تيجاراتىمەن شۇعىلدانعان 39 ادامدى تەكسەرىپ ءبىر جاقتى ەتىپ، كىرە اۆتوكولىكتەردىڭ بەتالدى اقى الۋ سياقتى جايتتەرى ءونىمدى تيىلعان.

  ىلە قازاق اۆتونوميالى وبلىستىق قاتىناس - تاسىمال مەكەمەسى كىرە اۆتوكولىك شوفەرلارى اراسىندا قارا، سۇرقيا كۇش قىلمىستارىنا زاڭ بويىنشا قاتاڭ سوققى بەرۋ، جازالاۋ ۇگىت قيمىلىن كەڭىنەن ورىستەتىپ، بۇقارانىڭ مالىمدەۋ ارناسىن ىركىلىسسىزدەندىرىپ، ۇسىنىس - پىكىرلەردى تىڭداپ جانە جيناپ، جۇرتتى قارا، سۇرقيا كۇشتەردىڭ زاڭعا قايشىلىق جاساۋ قىلمىس دەرەكتەرىن بەلسەنە اشكەرەلەۋگە شابىتتاندىرىپ، بۇقارانىڭ مۇددەسىنىڭ زيانعا ۇشىراماۋىن قامتاماسىز ەتتى.

  اقسۋ ايماقتىق قاتىناس - تاسىمال مەكەمەسى ورتالىقتىڭ قارا كۇشتەردى الاستاۋعا، سۇرقيا كۇشتەردى جويۋعا قۋزاۋ - جەتەكشىلىك ەتۋ گرۋپپاسى اڭىس ەتكەن ماسەلە دەرەكتەرىن دەر كەزىندە ءبىر جاقتى ەتىپ، دەر كەزىندە تۇزەتىپ، قوعام حاۋىپسىزدىگى قاتىناس ساقشىلارىمەن جانە زات باعاسى تاراۋىمەن بىرلەسىپ، كىرە اۆتوكولىك كاسىبىندەگى زاڭسىز تيجارات جۇرگىزۋ جانە جولاۋشى الماۋ سياقتى جاعدايلاردى ارناۋلى وڭاۋ ارەكەتىن ورىستەتىپ، كىرە اۆتوكولىگىنەن جيىنى 350 رەت تەكسەرىپ، زاڭسىز تيجارات جۇرگىزگەن 24 اۆتوكولىكتى تەكسەرىپ ءبىر جاقتى ەتىپ، بەتالدى اقى الۋ سياقتى ەرەجەگە قايشىلىق جاساۋ ارەكەتى ساقتالعان 17 كىرە اۆتوكولىگىن تەكسەرىپ ءبىر جاقتى ەتتى.

  باسىنۋ، وزبىرلىق ىستەۋ، جولاۋشىلاردى اۆتوكولىككە وتىرۋعا زورلاۋ سياقتى زاڭعا قايشى ارەكەتتەرگە سوققى بەرۋ ءۇشىن بايىنعولين موڭعۇل اۆتونوميالى وبلىستىق قاتىناس - تاسىمال مەكەمەسى ”كىرە اۆتوكولىك كاسىبىندەگى بىلىقپالىققا سوققى بەرۋ، وڭاۋ“ ارناۋلى ارەكەتىن ورىستەتىپ، كىرە اۆتوكولىك كاسىبىندە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ىشكەرىلەي ورىستەتىلۋىن ىلگەرىلەتتى. يانجي حۇيزۋ اۆتونوميالى اۋداندىق قاتىناس - تاسىمال مەكەمەسى تاس جول تاسىمال ىستەرىن باسقارۋ مەكەمەسىمەن، قوعام حاۋىپسىزدىگى قاتىناس ساقشىلارىمەن، قاراستى اۋماقتاعى ساقشى بولىمشەلەرىمەن بىرلەسىپ، بىرلەسكەن زاڭ اتقارۋ قوسىنىن قۇرىپ، ۇزاق ۋاقىتتان بەرى ۆوكزالدى، جولاۋشى تاسىمال بەكەتىن يەمدەنىپ الىپ، ەرەجەگە قايشىلىق جاساپ تيجارات جۇرگىزىپ كەلگەن كىرە اۆتوكولىگىنەن 22 سىن تەكسەرىپ ءبىر جاقتى ەتىپ، تيجارات ورتاسىن كىرشىكسىزدەندىردى.

  كەلەسى قادامدا اۆتونوميالى رايوندىق قاتىناس - تاسىمال مەڭگەرمەسى دەرەكتەرمەن جانە وڭاۋ جاعدايىمەن ۇشتاستىرىپ، ارناۋلى وڭاۋدى جۇيەلى وڭاۋمەن، جالپىلىق وڭاۋمەن، زاڭ بويىنشا وڭاۋمەن، تۋ باستان وڭاۋمەن ۇشتاستىرىپ، كىرە اۆتوكولىك كاسىبىندە قارا كۇشتەردى الاستاۋ، سۇرقيا كۇشتەردى جويۋ ارناۋلى وڭاۋ قىزمەتىن تىڭعىلىقتى ىستەپ، اقاۋسىز، ارناعا تۇسكەن، ءتارتىپتى كىرە اۆتوكولىك جولاۋشى تاسىمال تيجارات ورتاسىن قۇلشىنا قالىپتاستىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى