تيانشان تورابى   ›   جاڭالىقتار   ›   ماڭىزدى حابارلار

شي جينپيڭ مەن پىڭ لييۋان ازيا وركەنيەتتەر تىلدەسۋى جينالىسىنا قاتىناسقان سىرت جاقتىڭ باسشىلارىمەن جانە ولاردىڭ جۇبايلارىمەن بىرگە ازيا مادەنيەت سالتاناتى قيمىلىنا قاتىناستى

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى (تىلشىلەر جىڭ ميڭدا، ۋاڭ جولۇن). مەملەكەت ءتوراعاسى شي جينپيڭ مەن حانىمى پىڭ لييۋان 5 - ايدىڭ 15 - كۇنى كەشتە بەيجيڭ مەملەكەتتىك دەنە تاربيە الاڭىندا ازيا وركەنيەتتەر تىلدەسۋى جينالىسىنا قاتىناسقان سىرت جاقتىڭ باسشىلارىمەن جانە ولاردىڭ جۇبايلارىمەن بىرگە ازيا مادەنيەت سالتاناتى قيمىلىنا قاتىناستى.

  ۋاڭ حۋنيڭ قاتىناستى.

  جاز باسىنداعى بەيجيڭ. جانعا جايلى قوڭىر سامال ەسىپ، تىرشىلىك اتاۋلى قۇلپىرىپ تۇر. ءتۇن قۇشاعىندا مەملەكەتتىك دەنە تاربيە الاڭىنداعى ”قۇس ۇياسى“ندا شىراق نۇرى جايناپ، جاستىق كوكتەم جايناي ءتۇستى.

  ساعات 19دان 59 مينۋت وتكەندە، سالتاناتتى «تاعدىرلاس ورتاق تۇلعا» مۋزيكاسى اۋەنى ىشىندە شي جينپيڭ مەن پىڭ لييۋان كامبودجانىڭ پاتشاسى سحاموني، گرەتسيانىڭ زۇڭتۇڭى پاۆلوپوۋلوس، سينگاپۋردىڭ زۇڭتۇڭى حاليما، شريلانكانىڭ زۇڭتۇڭى سيريسەنا، ارمەنيانىڭ زۇڭليى پاشينيان قاتارلى سىرت جاقتىڭ باسشىلارىمەن جانە ولاردىڭ جۇبايلارىمەن بىرگە ءتوراعالار مىنبەسىنە كوتەرىلدى.

  قۇس جولىنان اۋمايتىن شىراق نۇرى كەرى شەگەرىپ ساناۋ سيفرىن كەڭىستىكتە توركوزدەندىرە كورسەتكەندە، الاڭداعى كورەرمەندەر بىركەلكى ۇنمەن داۋىستادى: 10، 9، 8، 7، 6، 5، 4، 3، 2، 1! ”جاستىق كوكتەم سالتاناتى، ازيا ارمانىن بىرگە جۇزەگە اسىرايىق“ دەگەندى باستى تاقىرىپ ەتكەن مادەنيەت سالتاناتى شىمىلدىعىن اشتى.

  قىزۋ مەرەيلى شاپالاق ءۇنى ىشىندە شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان ءار ەلدەن كەلگەن قۇرمەتتى قوناقتار مەن كوركەمونەرشىلەردى قىزۋ قارسى الدى. شي جينپيڭ بىلاي دەپ اتاپ كورسەتتى: ازياداعى ءار ەلدىڭ بارلىعىندا بايىرعى شۇعىلالى مادەنيەت بار، ءارى وزىنە ءتان دارالىعىمەن ءوز كەلبەتىن ايگىلەدى، ءارى جاراسىمدىلىقپەن بىرگە ءومىر ءسۇرىپ، ءوزارا ساۋلە شاشتى. ازيا وركەنيەتىنىڭ الۋان تۇرلىلىگى ازيا مادەنيەتىنە اناعۇرلىم باي مازمۇندى اجار قوسىپ، اناعۇرلىم باياندى ومىرشەڭدىك كۇش ۇستەدى. بۇگىن كەشتە كوركەمونەر ۇلتتان اتتاپ، جۇرەكتەرگە جەتىپ، يدەيالاردى تۇتاستىرىپ، دۇنيە جۇزىنە اسەم كوركىمەن جان تەبىرەنتكەن ازيانى، ومىرشەڭدىك كۇشى قاۋلاعان ازيانى، بەيبىت، العا باسقان ازيانى كەسكىندەيدى.

  شي جينپيڭ بىلاي دەپ باسا دارىپتەدى: جۇڭگولىقتار ەجەلدەن ”كورشىمەن جاقىن ءوتۋ، كورشىمەن دوس بولۋ − ەل اسىلى“، ”تۋىس تۋىسىم جاقسى بولسىن دەپ، كورشى كورشىم جاقسى بولسىن دەپ تىلەيدى“ دەگەندى ۇلاعاتتاپ كەلدى. جۇڭگو حالقى ازياداعى ءار ەلدىڭ ءوزارا قارايلاسىپ، بەينەت پەن زەينەتتى بىرگە وتكەرىپ، دۇنيە ءجۇزىنىڭ العا باسۋ اياق الىسى بارىسىندا العا باسىپ، دۇنيە ءجۇزى دامۋىنىڭ تولقىنىندا دامىپ، ازيا مەن دۇنيە ءجۇزىنىڭ اناعۇرلىم تاماشا بولاشاعىن قول ۇستاسا بىرگە اشۋدى شىن نيەتپەن ءۇمىت ەتەدى.

  شي جينپيڭ: ازيا مادەنيەت سالتاناتى قيمىلى رەسمي باستالدى! - دەپ جاريالادى.

  كەڭ تىنىستى مۋزيكا ءۇنى تۇنگى اسپانعا قالىقتاپ، ازيا وركەنيەتتەر تىلدەسۋى جينالىسىنىڭ ۇلكەن جينالىس بەلگىسى كەڭ ەكراندا كورىنىپ، ازيا وركەنيەتتەر اۋىس - تۇيىسىنە، تىلدەسۋىنە سيمۆول بولعان 6 كۇلتەلى مۋدان گۇلى اشىلدى.

  كونسەرت وركەسترلى توعىسپالى حور «ءبىزدىڭ ازيا»مەن شىمىلدىعىن اشتى. كوپ ەلدەن كەلگەن جاس انشىلەر مەن بىرلەسكەن مۋزيكا ۇيىرمەسى سالتانات قيمىلىنىڭ ارقاۋ ءانىن بىرگە شىرقادى. ساحنادا ازياداعى ءار ەل جاستارى ءوز ەلدەرىنىڭ مەملەكەت تۋىن بيىك ۇستاپ، ءوسپىرىم بالالاردىڭ ورتاعا الۋىندا الاڭعا ەنىپ، تۋ تەڭىزى بولىپ توپتاستى. ساحنا الدىندا ءار ەل ۋاكىلدەرى گۇلدى كولىكتەرمەن سەيىلدەي ءوتتى. «الاۋلاعان اسقاق سەزىم» اتتى ءبي 9 ەلدىڭ دارا ەرەكشەلىككە يە ۇلتتىق ءبيىن توعىستىردى.

  «جەل مەن گۇلدىڭ شەكاراسى» اتتى ءان قۇلاق قۇرىشىن قاندىرا شىعانداپ، توعىسقان دوستىق سۇيىسپەنشىلىكتى بەينەلەدى. جۇڭگو، جاپونيا، كورەيا بارابانشىلارى «بارابان ءۇنى اسقاقتاپ، سان مىڭ كەمە زاۋلادى» اتتى سوقپالى مۋزيكانى ورىنداعاندا، كۇمبىرلەگەن بارابان ءۇنى ازيانىڭ قايراتتانا العا باسقان اسقاق بەينەسىن سومدادى. قول يشارات ءبيى «قۇلپىرعان جىبەك جولى» جىبەك جولىنىڭ ەرتەدەن بۇگىنگە جالعاسىپ، دۇنيە ءجۇزى ەلدەرىنىڭ باقىتتى بولاشاقتى بىرگە قۇرىپ، بىرگە يگىلىكتەنۋدەي كورىكتى كەلەشەگىن بەينەلەدى. جيڭجۇي «كوركەيگەن زامانداعى المۇرت باعى» جۇڭگونىڭ مادەنيەت جاۋھارىنىڭ كوركىن شەگىنە جەتكىزە كورسەتتى. يتاليالىق ايگىلى ەرلەر شىعان داۋىستى ءانشىسى اندرە پوچەللي جۇڭگولىق مۋزيكانتتىڭ سۇيەمەلىمەن وپەرا «تۇراندوت»تان ءۇزىندى «ۇيقىسىز ءتۇن»دى ورىندادى. «ازيا اجارى» اتتى ءان - ءبي ءار ەلدىڭ سان الۋان ستيلدەگى ءان - بيلەرىن كورسەتتى. «سياداعى ىرعاق» اتتى جۇدىرىقشىلىق ويىنى ءوزى جاراتقان كوركەمدىكتەن ءلاززات الا ءبىلۋ، باسقالار جاراتقان كوركەمدىكتەن ءلاززات الا ءبىلۋ، ءوز كوركەمدىگى مەن باسقالاردىڭ كوركەمدىگىن توعىستىرۋ، ۇلى بىرلىكتەگى كوركەمدىككە جەتۋ سىندى اسقاق كوڭىل كۇيدى بەينەلەدى. «جاقسىلىق» اتتى ءبي تاۋىستىڭ قاناتىن جايۋى جانە كوبەلەكتىڭ قالىقتاپ ۇشۋى ارقىلى تاماشا تىلەكتى جەتكىزدى. «جاستىق ورالى قاۋلاعان ازيا» اتتى ءبي زامانا كەلبەتىن بيگە قوسىپ، كەلەشەكتى كەستەلەدى. ”دوستىق ماڭگى جالعاسسىن“ اتتى مۋزيكا اۋەنىندە، ءار ەلدىڭ كوركەمونەرشىلەرى شاتتانا اندەتىپ، قۇبىلتا بيگە باستى. «الىستان كەلگەن قوناقتار، وسىندا قالىپ قويىڭدار» اتتى ءان - ءبيدى جۇڭگو مەن شەتەلدىڭ انشىلەرى، بيشىلەرى بىرگە ورىنداپ، دوستىقتى ساقتاۋدى، دوستى ۇمىتپاۋدى بەينەلەدى. «شۇعىلالى ازيا» حورى ازيا حالىقتارىنىڭ تاعدىرلاس بولىپ، باقىت ارمانىنان بىرگە يگىلىكتەنۋدەي ورتاق تىلەگىن انگە قوسىپ، كونسەرتتى شىرقاۋ بيىككە كوتەردى. تولاسسىز شاپالاق ءۇنى مەن مۋزيكا اۋەنى ىشىندە، كونسەرتتىڭ شىمىلدىعى جابىلدى.

  بۇگىنگى ”قۇس ۇياسى“ندا اسقاق سەزىم اۋەلەدى، بۇگىنگى بەيجيڭنىڭ كوركى دۇنيە ءجۇزىن ءتانتى ەتتى.

  ديڭ شۋەشياڭ، سۇن چۇنلان، ياڭ جيەچى، ساي چي، ۋاڭ ي، حى ليفىڭ قاتارلىلار قاتىناستى، حۋاڭ كۇنميڭ قيمىلدى باسقاردى.

  ازيا مادەنيەت سالتاناتى ازيا وركەنيەتتەر تىلدەسۋى جينالىسىنىڭ ماڭىزدى قيمىلدارىنىڭ ءبىرى، شامامەن 30 مىڭ كورەرمەن الاڭدا مادەنيەتتىڭ وسىناۋ سالتاناتتى قوناقاسىن تاماشالادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى