تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى

ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولىپ، كوركەمدىكتەن ءلاززات الىپ، كوركەمدىكتەن ورتاقتاسىپ، اشىق، سيىسىمدى بولىپ، ءوزارا ۇيرەنىپ، ءوزارا ۇلگى الىپ، داۋىرمەن بىرگە ىلگەرىلەپ، جاڭالىق اشا دامىپ، ازيا وركەنيەتى مەن دۇنيە ءجۇزى وركەنيەتىنىڭ جارقىن بولاشاعىن بىرگە جاراتۋعا ۇندەدى

  5 - ايدىڭ 15 - كۇنى مەملەكەت ءتوراعاسى شي جينپيڭ بەيجيڭ مەملەكەتتىك ءماجىلىس ورتالىعىندا ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى «وركەنيەتتەر اۋىس - ءتۇيىسىن، ءوزارا ۇلگى الۋىن تەرەڭدەتىپ، ازيا تاعدىرلاس ورتاق تۇلعاسىن بىرگە قۇرايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  5 - ايدىڭ 15 - كۇنى مەملەكەت ءتوراعاسى شي جينپيڭ بەيجيڭ مەملەكەتتىك ءماجىلىس ورتالىعىندا ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى «وركەنيەتتەر اۋىس - ءتۇيىسىن، ءوزارا ۇلگى الۋىن تەرەڭدەتىپ، ازيا تاعدىرلاس ورتاق تۇلعاسىن بىرگە قۇرايىق» دەگەن تاقىرىپتا ارقاۋ ءسوز سويلەدى. سۋرەتتە: اشىلۋ سالتىنىڭ الدىندا جۇڭگولىق، شەتەلدىك باسشىلار اشىلۋ سالتىنا قاتىناسقان ماڭىزدى قۇرمەتتى قوناقتارمەن توپتىق سۋرەتكە ءتۇسىپ، ەستەلىك قالدىردى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  وركەنيەت الۋان ءتۇرلى بولعاندىقتان اۋىس - ءتۇيىس جاسايدى، اۋىس - ءتۇيىس جاساۋ ارقىلى ءوزارا ۇلگى الادى، ءوزارا ۇلگى الۋ ارقىلى داميدى. ءبىز دۇنيە جۇزىندەگى تۇرلىشە ەلدەردىڭ، تۇرلىشە ۇلتتاردىڭ، تۇرلىشە مادەنيەتتەردىڭ اۋىس - ءتۇيىسىن، ءوزارا ۇلگى الۋىن كۇشەيتىپ، ازيا تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ گۋمانيتارلىق نەگىزىن بەكەمدەۋىمىز كەرەك.

  ءبىرىنشى، ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولۋ. ءبىز تەرەزەسى تەڭ بولۋدى جانە قۇرمەت ەتۋدى ۇستانىپ، تاكاپپارلىقتى جانە سىڭار جاقتىلى كوزقاراستى تاستاپ، ءوز وركەنيەتىمىز بەن باسقا وركەنيەتتەردىڭ ايىرماشىلىعى جونىندەگى تانىمىمىزدى تەرەڭدەتىپ، تۇرلىشە وركەنيەتتەردىڭ اۋىس - ءتۇيىسىن، تىلدەسۋىن، جاراسىمدى بىرگە ءومىر ءسۇرۋىن ىلگەرىلەتۋىمىز كەرەك. ەكىنشى، كوركەمدىكتەن ءلاززات الۋعا، كوركەمدىكتەن ورتاقتاسۋعا تاباندى بولۋ. ءبىز ءارى ءوز ەلىمىز وركەنيەتىنىڭ ومىرشەڭدىك كۇشكە يە بولۋىنا مۇمكىندىك جاساۋىمىز، ءارى باسقا ەلدەر وركەنيەتىنىڭ دامۋىنا شارت - جاعداي جاراتىپ، دۇنيە ءجۇزى وركەنيەت گۇلدەرىنىڭ قۇلپىرا اشىلۋىنا مۇمكىندىك جاساۋىمىز كەرەك. ءۇشىنشى، اشىق، سيىسىمدى بولۋعا، ءوزارا ۇيرەنىپ، ءوزارا ۇلگى الۋعا تاباندى بولۋ. ءبىز ءبارىن قامتۋداي دارقان قۇشاق ارقىلى مادەنيەت بارىس - كەلىسىنىڭ قامالىن بۇزىپ، بارلىعىن قابىلداۋداي پوزيتسيا ارقىلى باسقا دا وركەنيەتتەردىڭ ءنارىن الىپ، ازيا وركەنيەتىنىڭ اۋىس - ءتۇيىس جاساۋ، ءوزارا ۇلگى الۋ بارىسىندا بىرگە العا ىلگەرىلەۋىن جەبەۋىمىز كەرەك. ءتورتىنشى، داۋىرمەن بىرگە ىلگەرىلەۋگە، جاڭالىق اشا دامۋعا تاباندى بولۋ. ءبىز جاڭالىق اشۋ ارقىلى وركەنيەتتەردىڭ دامۋىنا قوزعاۋشى كۇش ۇستەپ، وركەنيەتتەردىڭ العا باسۋ قاينار بۇلاعىن تاسقىنداتىپ، ۋاقىت كەڭىستىگىنەن اتتاعان، ماڭگىلىك باۋراعىشتىققا باي وركەنيەت جەتىستىگىن ۇزدىكسىز جاراتۋىمىز كەرەك.

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى (تىلشىلەر لي جۇڭفا، شيۇڭ جىڭيان، ديڭ شياۋشي). مەملەكەت ءتوراعاسى شي جينپيڭ 5 - ايدىڭ 15 - كۇنى بەيجيڭ مەملەكەتتىك ءماجىلىس ورتالىعىندا ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى «وركەنيەتتەر اۋىس - ءتۇيىسىن، ءوزارا ۇلگى الۋىن تەرەڭدەتىپ، ازيا تاعدىرلاس ورتاق تۇلعاسىن بىرگە قۇرايىق» دەگەن تاقىرىپتا ارقاۋ ءسوز سويلەپ، بىلاي دەپ اتاپ كورسەتتى: جاقۇتتاي جارقىراعان ازيا وركەنيەتى دۇنيە ءجۇزى وركەنيەتىنىڭ دامۋ تاريحىنا مىڭ بوياۋلى ايشىقتى تاراۋ جازدى. ازيا حالقى بەيبىت، تىنىش، بىرگە گۇلدەنەتىن، اشىق، توعىسقان ازيانى كۇتەدى. ءبىز ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولىپ، كوركەمدىكتەن ءلاززات الىپ، كوركەمدىكتەن ورتاقتاسىپ، اشىق، سيىسىمدى بولىپ، ءوزارا ۇيرەنىپ، ءوزارا ۇلگى الىپ، داۋىرمەن بىرگە ىلگەرىلەپ، جاڭالىق اشا دامىپ، ازيا تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ گۋمانيتارلىق نەگىزىن بەكەمدەۋىمىز كەرەك. شي جينپيڭ بىلاي دەپ باسا دارىپتەدى: جۇڭحۋا وركەنيەتى باسقا دا وركەنيەتتەرمەن ۇزدىكسىز اۋىس - ءتۇيىس جاساۋ، ۇلگى الۋ بارىسىندا قالىپتاسقان اشىق جۇيە. بولاشاقتاعى جۇڭگونىڭ اناعۇرلىم اشىق بەينەدە دۇنيە جۇزىمەن قاۋىشاتىندىعى، اناعۇرلىم ومىرشەڭدىك كۇشكە يە وركەنيەت تابىستارى ارقىلى دۇنيە جۇزىنە ۇلەس قوساتىندىعى ءشۇباسىز.

  ۋاڭ حۋنيڭ اشىلۋ سالتىنا قاتىناستى.

  تۇستەن بۇرىن شامامەن ساعات 10نان 30 مينۋت وتكەندە، شي جينپيڭ مەن سىرت جاقتىڭ باسشىلارى جينالىس زالىنا بىرگە كىردى. شاتىرلاعان قىزۋ شاپالاق ءۇنى ىشىندە شي جينپيڭ ءتوراعالار مىنبەسىنە كوتەرىلىپ، ارقاۋ ءسوز سويلەدى.

  شي جينپيڭ بىلاي دەپ اتاپ كورسەتتى: كەزەكتە دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى، مادەنيەتتىڭ الۋان تۇرلىلىگى، قوعامنىڭ ينفورماتسيالانۋى ىشكەرىلەي دامىپ، ادامزات قوعامى ۇمىتكە تولدى. سونىمەن بىرگە، حالىقارالىق جاعدايدىڭ ورنىقسىزدىعى، تۇراقسىزدىعى اناعۇرلىم كورنەكتىلەنىپ، ادامزات ءدوپ كەلگەن الەمدىك سىن - سايىس اناعۇرلىم قاتايا ءتۇستى. ورتاق سىن - سايىسقا توتەپ بەرۋدە، تاماشا بولاشاققا بەت الۋدا ءارى ەكونوميكالىق، عىلىم - تەحنيكالىق كۇش قاجەت ءارى مادەنيەتتىك، وركەنيەتتىك كۇش تە قاجەت. ازيا وركەنيەتتەر تىلدەسۋى جينالىسى ازياداعى جانە دۇنيە جۇزىندەگى ءارقايسى وركەنيەتتەردىڭ تەڭ تۇرعىدا تىلدەسۋىن، اۋىس - ءتۇيىس جاساۋىن، ءوزارا ۇلگى الۋىن، ءوزارا وي سالۋىن جەبەۋگە جاڭا تۇعىر ازىرلەدى.

  شي جينپيڭ بىلاي دەپ اتاپ كورسەتتى: ازيا ادامزاتتىڭ ەڭ ەرتە قونىستانعان جەرلەرىنىڭ ءبىرى ءارى ادامزات وركەنيەتىنىڭ ماڭىزدى باستاۋ العان جەرى. نەشە مىڭ جىلدىق دامۋ بارىسىندا ازيا حالقى شۇعىلالى وركەنيەت جەتىستىگىن جاراتتى. ازيا وركەنيەتى دە ءوزىنىڭ ىشكى بولىگىندە جانە دۇنيە جۇزىندەگى وركەنيەتتەرمەن اۋىس - ءتۇيىس جاساۋ، ءوزارا ۇلگى الۋ بارىسىندا دامىدى، زورايدى. جاقۇتتاي جارقىراعان ازيا وركەنيەتى دۇنيە ءجۇزى وركەنيەتىنىڭ دامۋ تاريحىنا مىڭ بوياۋلى ايشىقتى تاراۋ جازدى، ادامزات وركەنيەتى ازيامەن اناعۇرلىم الۋان تۇسكە بولەندى. ءبىز وركەنيەت سەنىمىن كۇشەيتىپ، اعا بۋىندار سومداعان شۇعىلالى جەتىستىك نەگىزىندە دۇنيە جۇزىندەگى باسقا دا وركەنيەتتەرمەن اۋىس - ءتۇيىس جاساۋعا، ءوزارا ۇلگى الۋعا تاباندى بولىپ، ازيا وركەنيەتىنىڭ جاڭا شۇعىلالى ناتيجەسىن جالعاستى جاراتۋعا قۇلشىنۋىمىز كەرەك.

  شي جينپيڭ بىلاي دەپ باسا دارىپتەدى: ازياداعى ءار ەلدىڭ تاۋ - سۋى تۇتاسقان، گۋمانيتارلىق جاقتان جاقىن، قارايلاس تاريحي كەشىرمەسى، ۇقساس ارمان تالپىنىسى بار. بولاشاققا بەت العاندا، ءبىز اۋقىمدى يگەرىپ، اعىمعا ۇيلەسىپ، ازيا حالقىنىڭ تاماشا تۇرمىسقا تالپىنىسىن رەالدىققا اينالدىرۋعا قۇلشىنۋىمىز كەرەك. ازيا حالقى بەيبىت، تىنىش ازيانى كۇتەدى، ءار ەلدىڭ ءوزارا قۇرمەت ەتىپ، ءوزارا سەنىم ورناتىپ، تاتۋ - ءتاتتى ءوتىپ، مەملەكەت شەكاراسىن اتتاعان، ۋاقىت كەڭىستىگىن اتتاعان، وركەنيەت اتتاعان بارىس - كەلىس قيمىلىن كەڭ كولەمدى ورىستەتىپ، التىننان دا باعالى بەيبىت شاقتاردى بىرگە قورعاۋدى ءۇمىت ەتەمىن. ازيا حالقى بىرگە گۇلدەنىپ - كوركەيگەن ازيانى كۇتەدى،ءارقايسى ەلدەن اشىق، سيىسىمدى، جالپىعا ءتيىمدى، تەڭ، بىرگە يگىلىكتەنەتىن ەكونوميكانىڭ جاھاندانۋىن كۇش بىرىكتىرە ىلگەرىلەتىپ، ءىشنارا ەلدەردەگى بۇقارا ءالى دە ءدوپ كەلىپ وتىرعان كەدەيلىكتى، مەشەۋلىكتى بىرگە جويىپ، بالالارعا كيەر كيىمنەن، ىشەر استان الاڭدامايتىن تۇرمىستى بىرگە جاراتۋدى ءۇمىت ەتەمىن. ازيا حالقى اشىق، توعىسقان ازيانى كۇتەدى، ءار ەلدەن ەسىك اشۋ رۋحىن ۇستانىپ، ساياساتتىق كەڭەسۋدى، قۇرىلعىلاردىڭ ۇلاسۋىن، تۇتاسۋىن، ساۋدانىڭ ىركىلىسسىزدىگىن، قارجىنى اينالىمعا سالۋدى، حالىق تىلەگىن ءوزارا توعىستىرۋدى ىلگەرىلەتىپ، ازيا تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن بىرگە قۇرۋدى ءۇمىت ەتەمىن.

  شي جينپيڭ بىلاي دەپ باسا دارىپتەدى: وركەنيەت الۋان ءتۇرلى بولعاندىقتان اۋىس - ءتۇيىس جاسايدى، اۋىس - ءتۇيىس جاساۋ ارقىلى ءوزارا ۇلگى الادى، ءوزارا ۇلگى الۋ ارقىلى داميدى. ءبىز دۇنيە جۇزىندەگى تۇرلىشە ەلدەردىڭ، تۇرلىشە ۇلتتاردىڭ، تۇرلىشە مادەنيەتتەردىڭ اۋىس - ءتۇيىسىن، ءوزارا ۇلگى الۋىن كۇشەيتىپ، ازيا تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ گۋمانيتارلىق نەگىزىن بەكەمدەۋىمىز كەرەك. شي جينپيڭ 4 قۋاتتامانى العا قويدى.

  ءبىرىنشى، ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولۋ. ادامزاتتا ءتۇر - ءتۇس، ءتىل ايىرماشىلىعى عانا بار، وركەنيەتتە كوركەمدىك ايىرماشىلىعى عانا بار، الايدا جوعارى، تومەن، جاقسى - جامان ايىرماشىلىعى استە جوق. ءبىز تەرەزەسى تەڭ بولۋدى جانە قۇرمەت ەتۋدى ۇستانىپ، تاكاپپارلىقتى جانە سىڭار جاقتىلى كوزقاراستى تاستاپ، ءوز وركەنيەتىمىز بەن باسقا وركەنيەتتەردىڭ ايىرماشىلىعى جونىندەگى تانىمىمىزدى تەرەڭدەتىپ، تۇرلىشە وركەنيەتتەردىڭ اۋىس - ءتۇيىسىن، تىلدەسۋىن، جاراسىمدى بىرگە ءومىر ءسۇرۋىن ىلگەرىلەتۋىمىز كەرەك.

  ەكىنشى، كوركەمدىكتەن ءلاززات الۋعا، كوركەمدىكتەن ورتاقتاسۋعا تاباندى بولۋ. بارلىق تاماشا دۇنيەلەر تۇگەلدەي ۇندەسىپ جاتادى. ادامداردىڭ تاماشا دۇنيەلەرگە تالپىنىسىن ءارقانداي كۇش توسا المايدى. ءبىز ءارى ءوز ەلىمىز وركەنيەتىنىڭ ومىرشەڭدىك كۇشكە يە بولۋىنا مۇمكىندىك جاساۋىمىز، ءارى باسقا ەلدەر وركەنيەتىنىڭ دامۋىنا شارت - جاعداي جاراتىپ، دۇنيە ءجۇزى وركەنيەت گۇلدەرىنىڭ قۇلپىرا اشىلۋىنا مۇمكىندىك جاساۋىمىز كەرەك.

  ءۇشىنشى، اشىق، سيىسىمدى بولۋعا، ءوزارا ۇيرەنىپ، ءوزارا ۇلگى الۋعا تاباندى بولۋ. اۋىس - ءتۇيىس جاساۋ، ءوزارا ۇلگى الۋ وركەنيەت دامۋىنىڭ ءماندىك تالابى. وركەنيەتتەردىڭ اۋىس - ءتۇيىسى، ءوزارا ۇلگى الۋى كۇشتەۋدەن، زورلاۋدان كەلمەۋى، جالاڭ، ءبىر سىدىرعى بولماۋى، قايتا تەپە - تەڭ بولۋى، كوپ نەگىزدى، كوپ باعىتتى بولۋى كەرەك. ءبىز ءبارىن قامتۋداي كەڭ قۇشاق ارقىلى مادەنيەت بارىس - كەلىسىنىڭ قامالىن بۇزىپ، بارلىعىن قابىلداۋداي پوزيتسيا ارقىلى باسقا دا وركەنيەتتەردىڭ ءنارىن الىپ، ازيا وركەنيەتىنىڭ اۋىس - ءتۇيىس جاساۋ، ءوزارا ۇلگى الۋ بارىسىندا بىرگە العا ىلگەرىلەۋىن جەبەۋىمىز كەرەك.

  ءتورتىنشى، داۋىرمەن بىرگە ىلگەرىلەۋگە، جاڭالىق اشا دامۋعا تاباندى بولۋ. ءبىز جاڭالىق اشۋ ارقىلى وركەنيەتتەردىڭ دامۋىنا قوزعاۋشى كۇش ۇستەپ، وركەنيەتتەردىڭ العا باسۋ قاينار بۇلاعىن اشىپ، ۋاقىت كەڭىستىگىنەن ەندەي وتكەن، ماڭگىلىك باۋراعىشتىققا باي وركەنيەت جەتىستىگىن ۇزدىكسىز جاراتۋىمىز كەرەك. شي جينپيڭ بىلاي دەپ باسا دارىپتەدى: جۇڭگو ءارقايسى ەلمەن ازيا مادەنيەت مۇرالارىن قورعاۋ ارەكەتىن ورىستەتىپ، وركەنيەتتى اناعۇرلىم ويداعىداي جالعاستىرۋعا قاجەتتى تىرەك ازىرلەۋدى قالايدى؛ قاتىستى ەلدەرمەن بىرگە، ازيانىڭ كلاسسيكالىق ايگىلى شىعارمالارىن ءوزارا اۋدارۋ جوسپارىن جانە ازيا كينو - تەلەۆيزيا اۋىس - ءتۇيىس، سەلبەستىك جوسپارىن اتقارىپ، ادامداردىڭ ءبىر - ءبىرىنىڭ مادەنيەتى جونىندەگى تۇسىنىگى مەن ءلاززات الۋىن تەرەڭدەتۋىنە كومەكتەسەتىن، وركەنيەتتەر كوركەمدىگىن ايگىلەيتىن جانە تاراتاتىن اۋىس - ءتۇيىس جاساۋ، ءوزارا ۇلگى الۋ تۇعىرىن ورناتۋدى قالايدى؛ ءار ەلمەن ءار سالاداعى اۋىس - ءتۇيىستى كۇشەيتىپ، اقىل - پاراسات قويماسى اۋىس - ءتۇيىس، سەلبەستىك تورىن ورناتىپ، سەلبەستىك ۇلگىسىندە جاڭالىق اشىپ، ءتۇرلى تاسىلدەگى سەلبەستىكتىڭ تەرەڭدەۋىن، ناقتىلانۋىن ىلگەرىلەتىپ، وركەنيەتتەردىڭ اۋىس - ءتۇيىسىن، ءوزارا ۇلگى الۋىن ىلگەرىلەتۋگە شارت - جاعداي جاراتۋدى قالايدى؛ ءار ەلمەن ازيا ساياحاتتى جەبەۋ جوسپارىن اتقارىپ، ازيا ەكونوميكاسىنىڭ دامۋىن جەبەۋگە، ازيا حالقىنىڭ دوستىعىن كۇشەيتۋگە اناعۇرلىم زور كۇش قوسۋدى قالايدى.

  شي جينپيڭ بىلاي دەپ اتاپ كورسەتتى: جۇڭحۋا وركەنيەتى ازيا وركەنيەتىنىڭ ماڭىزدى قۇرامداس بولىگى. ەرتەدەن بەرى جۇڭحۋا وركەنيەتى مۇراگەرلىك ەتۋ، جاڭالىق اشۋ بارىسىندا ۇزدىكسىز دامىپ، جاعدايعا ۇيلەسىپ، وزگەرىسكە توتەپ بەرۋ بارىسىندا دەڭگەيىن ۇزدىكسىز ءوسىرىپ، جۇڭحۋا ۇلتىنىڭ ەڭ تەرەڭ رۋحاني ۇمتىلىسىن قوردالاندىردى، ول جۇڭحۋا ۇلتىنىڭ ماڭگى جالعاسۋىنىڭ، دامۋىنىڭ، زورايۋىنىڭ اسا مول قۇنارى. جۇڭحۋا وركەنيەتى باسقا دا وركەنيەتتەرمەن ۇزدىكسىز اۋىس - ءتۇيىس جاساۋ، ءوزارا ۇلگى الۋ بارىسىندا قالىپتاسقان اشىق جۇيە، بارلىعىن قابىلداۋ بارىسىندا باستان - اياق ۇزاق ۋاقىت بويى جاڭارىپ كەلەدى. جاقىندارعا قايىرىمدى، كورشىلەرگە ىزگى نيەتتە بولۋ، بارلىق ەلمەن تاتۋ ءوتۋ جۇڭحۋا وركەنيەتىنىڭ ەجەلدەن بەرگى قارىم - قاتىناس جاساۋ جولى، حالىققا تيىمدىلىك جاساۋ، حالىققا پايدا جەتكىزۋ، حالىقتى الاڭسىز ەتۋ، حالىقتى بايىتۋ جۇڭحۋا وركەنيەتىنىڭ ايقىن قۇن بەتالىسى، كونەنى جويىپ، جاڭانى ورناتۋ، داۋىرمەن بىرگە ىلگەرىلەۋ جۇڭحۋا وركەنيەتىنىڭ ماڭگىلىك رۋحاني قاسيەتى، تابيعات زاڭدىلىعىمەن ۇيلەسۋ، تابيعات پەن ادام ۇندەسۋ جۇڭحۋا وركەنيەتىنىڭ ىشكى ءومىر سۇرۋ ۇستانىمى.

  شي جينپيڭ بىلاي دەپ باسا دارىپتەدى: قازىرگى تاڭداعى جۇڭگو جۇڭگونىڭ جۇڭگوسى بولىپ قالماستان، ونىڭ ۇستىنە ازيانىڭ جۇڭگوسى، دۇنيە ءجۇزىنىڭ جۇڭگوسى. بولاشاقتاعى جۇڭگونىڭ اناعۇرلىم اشىق بەينەدە دۇنيە جۇزىمەن قاۋىشاتىندىعى، اناعۇرلىم ومىرشەڭدىك كۇشكە يە وركەنيەت تابىستارى ارقىلى دۇنيە جۇزىنە ۇلەس قوساتىندىعى شۇباسىز. كوپشىلىكتەن ازيا وركەنيەتى مەن دۇنيە ءجۇزى وركەنيەتىنىڭ جارقىن بولاشاعىن بىرگە اشۋدى ءۇمىت ەتەمىن.

  كامبودجانىڭ پاتشاسى سحاموني، گرەتسيانىڭ زۇڭتۇڭى پاۆلوپوۋلوس، سينگاپۋردىڭ زۇڭتۇڭى حاليما، شريلانكانىڭ زۇڭتۇڭى سيريسەنا، ارمەنيانىڭ زۇڭليى پاشينيان، بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باس القاسى ازۋلاي دا اشىلۋ سالتىندا ارناۋ ءسوز سويلەدى. ولار مىنالاردى ءبىلدىردى: دۇنيە ءجۇزى كوپ نەگىزدى، تۇرلىشە ەلدەر، ۇلتتار جانە وركەنيەتتەر باي مازمۇندى، الۋان ءتۇرلى دۇنيە ءجۇزىن بىرگە قالىپتاستىردى. تۇرلىشە وركەنيەتتەردىڭ تەرەزەسى تەڭ، ءارقانداي ءبىر وركەنيەت باسقا وركەنيەتتىڭ ورنىن باسا المايدى، ءارقانداي ءبىر وركەنيەت باسقا وركەنيەتتەن اسقاق تۇرا المايدى. ءوزارا قۇرمەت ەتۋ، وركەنيەتتەردىڭ ايىرماشىلىعىنا، دارالىعىنا جانە الۋان تۇرلىلىگىنە قۇرمەت ەتۋ كەرەك. وركەنيەتتەر اراسىنداعى كەڭەسۋدى، تىلدەسۋدى جانە اۋىس - ءتۇيىس جاساۋدى، ءوزارا ۇلگى الۋدى كۇشەيتۋ كەرەك، وسىلاي بولعاندا عانا دۇنيە ءجۇزىنىڭ باياندى بەيبىتشلىگى مەن ادامزاتتىڭ گۇلدەنۋىن، العا باسۋىن جۇزەگە اسىرا الامىز. ايتىلمىس ”وركەنيەتتەر قاقتىعىسى ءپاتۋاسى“ مۇلدە قاتە، ول وركەنيەتتەر ارا قارىم - قاتىناستىڭ كوپىرىن بۇلدىرەدى، ءتىپتى ءۇزىپ تاستايدى. مادەنيەتتەگى توقىراۋشىلىق، توماعا تۇيىقتىق، وزىمنەن كەرەمەت ەشكىم جوق دەۋشىلىك جانە ۇشقارىلىق دۇنيە جۇزىندەگى كوپتەگەن قايشىلىقتاردى جانە قاقتىعىستاردى كەلتىرىپ شىعاردى. ءتوراعا شي جينپيڭنىڭ ازيا وركەنيەتتەر تىلدەسۋى جينالىسىن وتكىزۋدى دارىپتەگەنىنە العىس ايتامىز، بۇل ازيا ەلدەرىنىڭ جانە تۇرلىشە وركەنيەتتەردىڭ تىلدەسۋىنە، اۋىس - ءتۇيىس جاساۋىنا ماڭىزدى تۇعىر ازىرلەدى، كەزەكتەگى جاعدايعا وتە ۇيلەسەدى، ءمانى زور، ماعىناسى تەرەڭ. ازيا ەلدەرى تىنىستاس، تاعدىرلاس بولىپ، تىلدەسۋدى، توعىسۋدى كۇشەيتىپ، ءوزارا ءتۇسىنىسۋدى تەرەڭدەتىپ، گۇلدەنىپ - كوركەيگەن ازيادان بىرگە يگىلىكتەنۋ كەرەك. ازيا وركەنيەتتەرىنىڭ اشىق، سيىسىمدى قۇن كوزقاراسىن ۇستانىپ، وزگە وڭىردەگى باسقا دا وركەنيەتتەرمەن اۋىس - ءتۇيىس جاساۋدى، ءوزارا ۇلگى الۋدى كۇشەيتىپ، جاراسىمدى دۇنيە ءجۇزىن بىرگە قۇرۋ كەرەك.

  سىرت جاقتىڭ باسشىلارى مىنالاردى ءبىلدىردى: بايىرعى جۇڭحۋا وركەنيەتى دۇنيە جۇزىنە قىمباتتى بايلىق قالدىردى، ءتوراعا شي جينپيڭنىڭ ازيا تاعدىرلاس ورتاق تۇلعاسىن جانە ادامزاتتىڭ تاعدىرلاس ورتاق تۇلعاسىن قۇرۋ ۇلى ويىن العا قويۋى قازىرگى زامانعى جۇڭگونىڭ دۇنيە ءجۇزىنىڭ بەيبىتشىلىگىنە جانە ادامزاتتىڭ العا باسۋىنا قوسقان تاعى ءبىر ەلەۋلى ۇلەسى. ءار ەل ”ءبىر بەلدەۋ، ءبىر جول“دى بىرگە قۇرۋ ماڭىزدى ورايىن يگەرىپ، حالىق تىلەگىن توعىستىرىپ، بەيبىتشىلىكتى، دوستىقتى، سەلبەستىكتى جەبەپ، تاماشا ارماندى بىرگە ورىنداۋ كەرەك.

  ديڭ شۋەشياڭ، سۇن چۇنلان، ياڭ جيەچى، ساي چي، ۋاڭ ي، حى ليفىڭ قاتارلىلار قاتىناستى.

  حۋاڭ كۇنميڭ اشىلۋ سالتىن باسقاردى.

  اشىلۋ سالتىنىڭ الدىندا، شي جينپيڭ قوناقتاردى قارسى الۋ زالىندا سىرت جاقتىڭ باسشىلارىمەن ءبىر - بىرلەپ قول الىسىپ، ءوزارا سالەمدەستى. ونان سوڭ جۇڭگولىق، شەتەلدىك باسشىلار مادەنيەت مۇرالار كورمەسىن ەكسكۋرسيالاپ، جۇڭگودان، شريلانكادان، سينگاپۋردان، گرەتسيادان، كامبودجادان، ارمەنيادان اكەلىنگەن سارا مادەنيەت مۇرالارىن تاماشالادى ءارى اشىلۋ سالتىنا قاتىناسقان ماڭىزدى قۇرمەتتى قوناقتاردىڭ ۋاكىلدەرىمەن توپتىق سۋرەتكە ءتۇسىپ ەستەلىك قالدىردى.

  ازيا وركەنيەتتەر تىلدەسۋى جينالىسىنىڭ نەگىزگى تاقىرىبى: ”ازيا وركەنيەتتەرىنىڭ اۋىس - ءتۇيىسى، ءوزارا ۇلگى الۋى جانە تاعدىرلاس ورتاق تۇلعا“، مۇندا اشىلۋ سالتى، جارىسپالى بولىمشە تالقى مىنبەرى، ازيا مادەنيەت سالتاناتى، ازيا وركەنيەت اپتالىعى سىندى 4 ۇلكەن بولىكتەن قۇرالعان جالپى 110 نەشە وركەنيەتتەر اۋىس - ءتۇيىسى قيمىلى وتكىزىلەدى. شامامەن 1200دەي جۇڭگولىق، شەتەلدىك قۇرمەتتى قوناق اشىلۋ سالتىنا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.