تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

دالمە - ءدال كومەكتەسۋ، سۇيەمەلدەۋ ”قان قۇيۋدان“ ”قان جاساۋعا“ وزگەردى

  − التاي ايماقتىق ورتا دارەجەلى حالىق سوت مەكەمەسىنىڭ بۋىرشىن اۋدانى شاڭتۇبەك قىستاعىندا تۇراتىن”ۇعىسۋ، تيىمدىلىك جاساۋ، توعىستىرۋ“ قىزمەت اترەتى تۋرالى

ءتىلشى جاڭ تيڭ، ەرىكتى ءتىلشى ۋاڭ چىن

  █ پويەزدىڭ جۇردەكتىگى پاراۆوزدان. كەدەيلىكتەن ارىلتۋدىڭ ”ارىن“ىن ارتتىرۋ، باستىسى، قىستاق پارتيا ياچەيكاسى سىندى ”پاراۆوز“دىڭ رولىنىڭ قالاي ساۋلەلەنگەندىگىنە بايلانىستى.

  █ قىستاقتا تۇراتىن قىزمەت اترەتىنىڭ مۇشەلەرى مەن قىستاق كادرلارى ۇنەمى وتباسىلارىن ارالاپ حال - جاعداي ۇعىسىپ، قىستاق تۇرعىندارىنا كىرىستى ارتتىرۋدىڭ جاقسى تاجىريبەلەرىن تانىستىرىپ، حالىققا ءتيىمدى ساياساتتاردى ۇگىتتەپ، قىستاق تۇرعىندارىنىڭ ءبىلىم الىپ، ونەر يگەرۋىنە مۇمكىندىك جاسادى.

  █ قىستاقتا تۇراتىن قىزمەت اترەتى مەن قىستاق ”ەكى كوميتەتى“نىڭ قاجىماي - تالماي قۇلشىنۋىندا، بۇگىنگى شاڭتۇبەك قىستاعى شىت جاڭا بەينەگە ەندى.

  5 - ايدىڭ 7 - كۇنى شينجياڭ قاناس ساياحاتتى دامىتۋ شەكتى جارنا سەرىكتەستىگىنىڭ قاناس ساياجايىنداعى كولىك توقتاتۋ الاڭىندا الىمبەك اقان كولىكتەردىڭ ءتارتىپتى توقتاۋىنا ءجون كورسەتىپ تۇر، قازىرگى قىزمەتىن ول ءدان ريزا بولا تىلگە الدى: ”ايلىق ەڭبەكاقىم 3500 يۋان، سەرىكتەستىك تاماعىم مەن جاتار ورنىمدى كوتەرەدى“.

  الىمبەك بۋىرشىن اۋدانى ويماقى قالاشىعى شاڭتۇبەك قىستاعىنان كەلگەن، بۇل قىستاق بۋىرشىن وزەنىنىڭ شوكپەلى قاباتىنداعى جازىققا ورنالاسقان، قىستاقتا جالپى 116 وتباسى، 367 ادام بار، ەگىنشىلىك قىستاعى بولعانىمەن، گەولوگيالىق شارت - جاعدايدىڭ ىقپالىنان ادام باسىنا تۋرا كەلەتىن ەگىستىك جەر 3 مۋعا جەتپەيدى. بۇعان قىستاق ”ەكى كوميتەتى“ القاسىنداعىلاردىڭ جاس قۇرىلىمى قارتتانعان، بايۋعا جەتەكتەۋ قابىلەتى كەمشىل بولۋ سياقتى سەبەپتەر قوسىلعاندا، شاڭتۇبەك قىستاعى بۇرىن الىس - جۋىققا اتى شىققان كەدەي قىستاق بولاتىن.

  پويەزدىڭ جۇردەكتىگى پاراۆوزدان. كەدەيلىكتەن ارىلتۋدىڭ ”ارىن“ىن ارتتىرۋ، باستىسى، قىستاق پارتيا ياچەيكاسى سىندى ”پاراۆوز“دىڭ رولىنىڭ قالاي ساۋلەلەنگەندىگىنە بايلانىستى. شاڭتۇبەك قىستاعىنىڭ بەت - بەينەسىن وزگەرتۋ ءۇشىن، ءسوز جوق، قىستاق ”ەكى كوميتەتى“ القاسى قۇرىلىسىن كۇشەيتۋ كەرەك.

  التاي ايماقتىق ورتا دارەجەلى حالىق سوتى مەكەمەسىنىڭ بۋىرشىن اۋدانى ويماقى قالاشىعى شاڭتۇبەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قالاشىق ۇكىمەتكە سايكەسىپ، اۋىلعا ورالعان ستۋدەنتتەردىڭ، قوسىننان قايتقان اسكەري ادامداردىڭ، سىرتقا جۇمىس ىستەۋگە شىققانداردىڭ اراسىنان لايىقتى كانديدات قاراستىرىپ، 4 قىستاق كادرىن رەتتەپ، اۋىستىرۋمەن بىرگە، ”ءۇش جيىن، ءبىر ساباق“ ءتۇزىمىن مۇقيات تياناقتاندىردى، قىستاقتا تۇراتىن قىزمەت اترەتىنىڭ مۇشەلەرى قىستاق كادرلارىن بىرەۋى بىردەن كومەكتەسىپ جەتەلەپ، قىستاق ”ەكى كوميتەتى“ القاسىنىڭ تۇلعالىق جاقتاعى جاۋىنگەرلىك قۋاتىن ارتتىردى. قىستاقتا تۇراتىن قىزمەت اترەتى پارتيا قۇرىلىسىن يگەرىپ، كەدەيلىكتەن ارىلتۋدى جەبەۋدىڭ جاڭا تاسىلدەرىن قاراستىرىپ، بۋىرشىن اۋدانىنىڭ كەدەيلىكتەن ارىلتۋدان قامال الۋ قىزمەتىنىڭ تىڭ ونىمدىلىككە جەتۋىن ىلگەرىلەتتى، سونداي - اق ۇزدىكسىز قۇلشىنۋ ارقىلى كەدەيلىكتەن ارىلتۋ جەتىستىكتەرىن بەكەمدەدى.

  ”قازىر قىستاقتا تۇراتىن قىزمەت اترەتىنىڭ مۇشەلەرى مەن قىستاق كادرلارى ۇنەمى وتباسىلاردى ارالاپ، حال - جاعداي ۇعىسىپ، بىزگە كىرىستى ارتتىرۋدىڭ جاقسى تاجىريبەلەرىن تانىستىرىپ، حالىققا ءتيىمدى ساياساتتاردى ۇگىتتەپ، ءبىزدىڭ ءبىلىم الىپ، تەحنيكا يگەرۋىمىزگە مۇمكىندىك جاساپ، ءبىزدى بايىتۋدىڭ بار امالىن قاراستىردى“، - دەدى قىستاق تۇرعىنى مۇرات قابىلقاق.

  القا كۇشەيگەن ەكەن، پارتيا ياچەيكاسىنىڭ رولىن قايتكەندە اناعۇرلىم جاقسى ساۋلەلەندىرىپ، ”قان قۇيىپ“ كەدەيلىكتەن ارىلتۋدان ”قان جاساپ“ بايۋعا بۇرىلىس جاساۋعا بولادى؛ قايتكەندە تۇتاس وڭىرلىك ساياحاتقا سۇيەنىپ، قىستاق تۇرعىندارىن كىرىستى ۇزبەي ارتتىرىپ، بايۋعا جەتەكتەۋگە بولادى، بۇل التاي ايماقتىق ورتا دارەجەلى حالىق سوتى مەكەمەسىنىڭ شاڭتۇبەك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ليۋ گوتيڭ ەڭ كوپ باس قاتىرعان ماسەلە ەدى.

  ليۋ گوتيڭ مەن قىستاقتا تۇراتىن قىزمەت اترەتىنىڭ مۇشەلەرى قىستاق تۇرعىندارىمەن اڭگىمەلەسۋ بارىسىندا ەگىستىك جەر از بولعاندىقتان، شاڭتۇبەك قسىتاعىندا ءۇي - ءۇيدىڭ بارلىعى دەرلىك سيىر باعاتىندىعىن، ءبىراق ۇزاق ۋاقىت بويى اسىل تۇقىمدى بۇقامەن ۇرىقتاندىرۋ كەمشىل، بۇزاۋدىڭ ءوسىپ - جەتىلۋ پەريودى ۇزاق، بازارداعى باعاسى تومەن بولىپ، قىستاق تۇرعىندارىنىڭ كىرىستەرىن ارتتىرۋىنا ىقپال جاساپ كەلگەندىگىن بايقايدى. سول سەبەپتى، قىستاقتا تۇراتىن قىزمەت اترەتى قالاشىق پارتكوممەن جەدەل بايلانىس جاساپ، كاسىپورىنداردىڭ 400 مىڭ يۋاندىق كومەكتەسۋ - سۇيەمەلدەۋ قارجىسىنان پايدالانىپ اسىل تۇقىمدى 20 بۇقا ەنگىزىپ، باعىمشىلىق شەبەرلەرىنىڭ باعىپ تۇرۋىنا تاراتىپ بەرەدى ءارى مال شارۋاشىلىعى ماماندارىن قىستاققا كەلىپ تەحنيكالىق جەتەكشىلىك ەتۋگە ۇسىنىس ەتەدى.

  ”قازىر تۇقىمى اسىلداندىرىلعاننان كەيىن، ءبىر سيىردى بۇرىنعىدان 3000 يۋان اينالاسىندا جوعارى باعامەن ساتاتىن بولدىق!“ - دەدى سيىرلارىنا جەم - ءشوپ بەرىپ جۇرگەن باعىمشىلىق وتباسى قابي وشىناي، بىلتىر ونىڭ وتباسى تەك باعىمشىلىقتىڭ وزىنەن كىرىسىن 9000 نەشە يۋان ارتتىردى.

  ”جۇمىس ىستەيىن دەسە، جول جوق بولۋ“ بۇرىن شاڭتۇبەك قىستاعىنداعى ارتىق ەڭبەككۇشتەر ءدوپ كەلگەن قيىن ماسەلە ەدى. قىستاقتا تۇراتىن قىزمەت اترەتى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋدى قىستاق تۇرعىندارىنىڭ كىرىسىن ارتتىرۋداعى تاعى ءبىر تۇتقا ەتىپ، وتباسىلاردى ارالاپ حال - جاعداي ۇعىسۋ، ەگىنشى - مالشىلاردىڭ كەشكى مەكتەبى سياقتى ورايلاردان پايدالانىپ، قىستاقتاعى 18 − 45 جاس ارالىعىنداعى جۇمىس ىستەۋ ويى بار قىستاق تۇرعىندارىنىڭ جاعدايىن دالمە - ءدال يەلەپ، جەكەلىك ينفورماتسيا ەستەلىگىن جاسادى، سونىمەن بىرگە اۋىل - قىستاقتارداعى جۇمىسقا تانىستىرۋشى دەلدالدار ارقىلى قالا كولەمىندەگى ”جۇمىسشى ىستەتۋشى ءىرى ورىن“ كاسىپورىندارمەن بايلانىس جاساپ، جۇمىسشى ىستەتۋشى كاسىپورىنداردىڭ قىزمەت ورنى قاجەتى مەن جەكەلەردىڭ تىلەگىن ”بىرىكتىرىپ“ ورنالاستىردى ءارى كاسىپورىنداردى قىستاققا كەلىپ تۇرعىندارعا جۇمىستان بۇرىن شەبەرلىككە باۋلۋ كۋرسىن اشۋعا ۇسىنىس ەتىپ، جۇمىس ورنىنا بارىپ قىزمەت ىستەۋدىڭ دايىندىعىن تولىق جاسادى. بيىل جىل باسىنان بەرى 73 قىستاق تۇرعىنى شينجياڭ قاناس ساياحاتتى دامىتۋ شەكتى جارنا سەرىكتەستىگى، بۋىرشىن حۇييۋان بيو - تەحنيكا شەكتى سەرىكتەستىگى سياقتى كاسىپورىندارعا ارت - ارتىنان بارىپ جۇمىس ىستەدى. قىستاقتا تۇراتىن قىزمەت اترەتى مەن قىستاق ”ەكى كوميتەتى“نىڭ قاجىماي - تالماي قۇلشىنۋىندا، بۇگىنگى شاڭتۇبەك قسىتاعى شىت جاڭا بەينەگە ەندى. قىستاقتا تۇراتىن قىزمەت اترەتى مەن قىستاق ”ەكى كوميتەتى“نىڭ باستاماشىلدىعىندا، جەتەكتەۋىندە، اناعۇرلىم باقىتتى تۇرمىسقا جەدەل ۇمتىلىپ جاتقان قىستاق تۇرعىندارى بارعان سايىن كوبەيۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى