تيانشان تورابى   ›   جاڭالىقتار   ›   ساياحات

مادەنيەت پەن ساياحات توعىستىرىلعان ەرەكشە ماركانى تانىستىردى

”شينجياڭ جاقسى جەر“ ازيا مادەنيەت - ساياحات كورمەسىندە ايگىلەندى

مادەنيەت پەن ساياحات توعىستىرىلعان ەرەكشە ماركانى تانىستىردى

  ءتىلشى ياۋ گاڭ 5 - ايدىڭ 16 - كۇنى بەيجيڭنەن حابارلايدى. 5 - ايدىڭ 16 - كۇنى ازيا وركەنيەتتەر تىلدەسۋى جينالىسىنىڭ ”ازيا وركەنيەتتەر اپتالىعى“ تاقىرىپتىق قيمىلىنىڭ ءبىرى بولعان ازيا مادەنيەت - ساياحات كورمەسى مەملەكەتتىك اۋىل شارۋاشىلىق كورمە سارايىندا اشىلدى. اۆتونوميالى رايوندىق مادەنيەت جانە ساياحات مەڭگەرمەسى 11 ايماق، وبلىس، قالا مادەنيەت جانە ساياحات مەكەمەسىن، 43 مادەنيەت جانە ساياحات كاسىپورنىن، 100گە تارتا مادەنيەت جانە ساياحات بۇيىمدارىن الىپ كورمەگە قاتىناسۋعا ۇيىمداستىرىپ، شينجياڭنىڭ مول ساياحات بايلىعىن، الۋان ءتۇستى ساياحات جانە مادەنيەت بۇيىمدارىن ايگىلەدى. ”شينجياڭ جاقسى جەر“ ساياحات ماركاسى ازيا مادەنيەت - ساياحات كورمەسىندە تارتىمدىلىعىن ايگىلەدى.

  ”ازيا وركەنيەتتەر تىلدەسۋى جينالىسى“نىڭ قۇرامداس بولىگى بولعان وسى كورمە ”اۋىس - ءتۇيىس جاساۋ، ءوزارا ۇلگى الۋ جانە بىرگە توعىسا دامۋ“دى نەگىزگى تاقىرىپ ەتىپ، ازيا وركەنيەتتەر تىلدەسۋىنىڭ كوپ نەگىزدى ارناسىن قۇرىپ، دۇنيە جۇزىنە شىت جاڭا، كەمەلدى ازيا وركەنيەتى، مادەنيەتى جانە ساياحاتى وبرازىن ايگىلەپ، جينالىستىڭ كاسىپ سالاسى جاعىنداعى اۋىس - ءتۇيىسى مەن سەلبەستىگىن جەبەدى.

  وسى رەتكى ازيا مادەنيەت جانە ساياحات كورمەسى جالپىلىق كورمە جانە تاقىرىپتىق كورمە دەپ 2 بولىككە بولىنگەن. جالپىلىق كورمەدە ازيا مادەنيەت - ساياحات سارايى، جۇڭگو مادەنيەت - ساياحات كورمە اۋماعى سياقتىلار ورنالاستىرىلعان، دۇنيە جۇزىلىك مۇرا بەينە جازبا كورمەسى تاقىرىپتىق كورمە اۋماعىنا جاتادى، شينجياڭ كورمە ورنى جۇڭگو مادەنيەت - ساياحات كورمە اۋماعى ىشىنە ورنالاسقان.

  كورمەدە شينجياڭ كورمە ورنىنا كەلىپ كەڭەس سۇراعان ساياحاتشىلاردىڭ جانە ساياحات كاسىبى ساۋداگەرلەرىنىڭ اياعى ۇزىلمەدى. ءوز كولىگىمەن ساياحاتتايتىنداردىڭ كوبەيۋ جاعدايىنا مەڭزەس، شينجياڭ شەتەل حالىقارالىق ساياحات سەرىكتەستىگىنىڭ قۇمىل بولىمشە سەرىكتەستىگى قۇمىلدى ارالاۋ ساياحاتىن تانىستىردى. قۇمىل بولىمشە سەرىكتەستىگىنىڭ باس ديرەكتورى گو لۋ ساياحات جەلىسىن اشۋدا ءونىمنىڭ مادەنيەت ىشكى مازمۇنىن اشۋعا باسا ءمان بەرىپ، ءتىپتى دە كوپ ساياحاتشىنى باۋراۋ كەرەكتىگىن ايتتى.

  كورمەگە قاتىناسقان ايماقتار، وبلىستار، قالالار وزدەرىنىڭ ەڭ زور باۋراۋ قۋاتىنا يە ساياحات ونىمدەرىن الا كەلدى: ءۇرىمجى قالاسى كوپتەگەن كورىنىس تۇيىندەرى مەن سەرۋەندەۋ، تىنىعۋ ورىندارىنا سۇيەنىپ، ءوز كولىگىمەن سەرۋەندەپ ساياحاتتاۋ ونىمدەرىن تانىستىردى؛ تۇرپان قالاسى جىبەك جولى كەلبەتى ساياحاتى، جىبەك جولىن زەرتتەۋ، ۇيرەنۋ ساياحاتى سياقتى ونىمدەرىن تانىستىرىپ، ”وتتى القاپ“تىڭ باي ساياحات جانە گۋمانيتارلىق بايلىعى ارقىلى ”جىبەك جولىنداعى مەرۋەرت . تۇرپان“نىڭ وبرازىن ايگىلەدى؛ قارامايلى قالاسى مايتاۋ - كۇشار تاس جولىندا ءوز كولىگىمەن ساياحاتتاۋ، ەكسپەدەتسيالق ساياحاتتاۋ ونىمدەرىن ءتۇيىندى تۇردە تانىستىردى؛ التاي ايماعى ”التاي مىڭ شاقىرىمدىق كورىنىس كاريدورى“ ەرەكشە ساياحات جەلىسىن شوعىرلى تانىستىردى؛ اقسۋ ايماعى ءۇشتۇرپان ”جىبەك جولىنداعى اراسان قالا“ كۇتىنۋ ساياحاتىن تانىستىردى.

  تۇت قاعازعا سالىنعان كوركەم جازۋ جانە سۋرەت تۋىندىسى، قولمەن سوعىلعان مىس شاينەك، توراڭعى تامىرىنان ويىلعان قالام ساۋىتى سياقتى شينجياڭ ەرەكشەلىگىنە باي مادەنيەتتە جاڭالىق اشۋ بۇيىمدارى مەن ساياحات ەستەلىك بۇيىمدارى دا قىزۋ قارسى الىندى.

  كورمە كەزىندە شينجياڭ كورمە ۇيىرمەسى تاعى ”شينجياڭ جاقسى جەر“ اتىنداعى شينجياڭنىڭ مادەنيەتىن جانە ساياحاتىن ارناۋلى تانىستىرۋ ءماجىلىسىن، ساياحات ءونىمى كاسىپورىندارىنىڭ تاۋار كورمەسىن، ساياحات كاسىبى ساۋداگەرلەرىنىڭ اۋىس - ءتۇيىس ءماجىلىسىن اشتى. كورمە الاڭىندا تاعى ”مۋزيكا اۋەنىنە ەلىتىپ شينجياڭدى ساياحاتتاۋ“ ءان - ءبي ويىنى سياقتى قيمىلدار وتكىزىلىپ، ۇستىندە تانىستىرۋ، ءان - ءبي ويىنى، بەيزاتتىق مادەنيەت مۇرا كورمەسى سياقتى قيمىلدار وتكىزۋ ارقىلى ەل ءىشى - سىرتىنداعى ساياحاتشىلارعا شينجياڭنىڭ مادەنيەت جانە ساياحات بايلىعىن ايگىلەدى. ”كورمە ارقىلى ءارقايسى ولكەدەن، قالادان جانە ازياداعى ءارقايسى ەلدەن كەلگەن ساياحاتشىلارمەن، كورمەگە قاتىناسقان ساۋداگەرلەرمەن شينجياڭنىڭ مادەنيەت جانە ساياحات جاعىنداعى دامۋ جەتىستىكتەرىن تەڭ بولىستىك. سونىمەن بىرگە، شينجياڭنىڭ الۋان ءتۇرلى، باي مازمۇندى مادەنيەت جانە ساياحات بايلىعىن كوپشىلىككە تانىستىردىق. ’شينجياڭ جاقسى جەر‘ دەگەن تاماشا وبرازىمىزدى تولىق ايگىلەپ، رايونىمىزدىڭ جانە بۇكىل ەلىمىزدەگى ءارقايسى ولكەنىڭ، قالانىڭ، سونداي - اق ازياداعى ەلدەردىڭ جانە رايونداردىڭ بارىس - كەلىسىن، اۋىس - ءتۇيىسىن، ىقپالداستىعىن، سەلبەستىگىن جەبەدىك“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار باستىعى گۇلي ابىلەليم.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى