تيانشان تورابى   ›   زاڭ تارازى   ›   زاڭنان كەڭەس

رايونىمىز قۇرىلىس كاسىبى سالاسىن باسقارۋ ءتارتىبىن بۇلدىرگەن قارا، سۇرقيا كۇشتەرگە قاتاڭ سوققى بەردى

  ءتىلشى ياڭ شۋحان، جاڭ يانفاڭ 5 - ايدىڭ 16 - كۇنى ۇرىمجىدەن حابارلايدى. 5 - ايدىڭ 16 - كۇنى اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى اشقان قۇرىلىس سالاسىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى ارەكەتىن ىلگەرىلەتۋ ءماجىلىسى تۇتاس رايونىمىزدىڭ قۇرىلىس سالاسىنداعى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى جونىندە تاعى دا اتتانىسقا كەلتىرىپ، ورنالاستىرۋ جاسادى.

  اۆتونوميالى رايوندىق تۇرعىن ءۇي، قالا، اۋىل قۇرىلىسى مەڭگەرمەسىنىڭ ورىنباسار باستىعى چۋان حىنىڭ تانىستىرۋىنا قاراعاندا، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، اۆتونوميالى رايوندىق تۇرعىن ءۇي، قالا، اۋىل قۇرىلىسى مەڭگەرمەسى ”قارا كۇشتەر بولسا الاستاۋ، قارا كۇشتەر بولماسا سۇرقيا كۇشتەردى جويۋ، سۇرقيا كۇشتەر بولماسا بىلىقپالىقتى وڭاۋ“ جالپى تالابىنا ساي، ىلگەرىندى - كەيىندى «اۆتونوميالى رايوندىق تۇرعىن ءۇي، قالا، اۋىل قۇرىلىسى جۇيەسىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى قىزمەتىنىڭ ماڭىزدى تۇيىندەرى» سياقتى 11 حۇجاتتى باسىپ تاراتىپ، «اۆتونوميالى رايوننىڭ تۇرعىن ءۇي، قالا، اۋىل قۇرىلىسى جۇيەسىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى ارەكەتى جوباسى»، «اۆتونوميالى رايوننىڭ قۇرىلىس ينجەنەرياسىنا مەردىگەرلىككە شاقىرۋ، مەردىگەر بولۋ سالاسىندا ”قارا كۇشتەردى الاستاۋ، سۇرقيا كۇشتەردى جويۋ“ ارناۋلى كۇرەسىن اتقارۋ جوباسى» سىندى 5 جوبا جاساپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتۋدى ۇزدىكسىز جەبەگەن.

  جۋىرداعى ءبىر مەزگىلدەن بەرى، جەر - جەردىڭ تۇرعىن ءۇي جانە قالا، اۋىل قۇرىلىسى تاراۋلارى قۇرىلىس كاسىپورىندارىنىڭ 1680 زاڭدىق تۇلعاسى ينفورماتسياسىنا سالىسترىپ تەكسەرۋ جۇرگىزدى ءارى تۇتاس رايونداعى 1063 قورا - جاي اشۋ كاسىپورىندارىنىڭ زاڭدىق تۇلعا ۋاكىلدەرى مەن 240 مەردىگەرلىككە شاقىرۋ ۋاكىلدىك كاسىپورىندارىنىڭ زاڭدىق تۇلعا ۋاكىلدەرىنىڭ قاتىستى ينفورماتسيالارىنا سالىستىرۋ جۇرگىزدى. قازىر جيىنى 206 دەلو ءىز - دەرەگى جينالىپ، ەستەلىك جاسالىپ ىزىنە ءتۇسىپ انىقتاۋ جۇرگىزىلدى. سونىمەن بىرگە، تۇتاس رايونداعى قۇرىلىس كاسىبىندەگى بىلىققان جاعدايدى رەتتەۋ - جونگە سالۋ تەبىنى ۇزدىكسىز ارتتىرىلىپ، قۇرىلىس ينجەنەريا سالاسىنا 365 رەتتەۋ - تۇزەتۋ ۇقتىرۋى ءتۇسىرىلىپ، 70 دەلو تۇرعىزىلىپ تەكسەرىلىپ، بەتوندى الدىن الا ارالاستىراتىن 14 كۋالىكسىز ورىن جابىلىپ، قورا - جاي كاسىبىندەگى قارا كۇش سيپاتتى 22 دەلدال تەكسەرىپ ءبىر جاقتى ەتىلدى.

  مەردىگەرلىككە شاقىرۋ، مەردىگەر بولۋ سالاسىنىڭ ءتارتىبىن ۇزدىكسىز ارناعا ءتۇسىرۋ ءۇشىن، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى «اۆتونوميالى رايوننىڭ ءۇي قۇرىلىسى جانە قالا ىستەرى نەگىزدىك قۇرىلعى ينجەنەرياسىندا ءتىل بىرىكتىرىپ مەردىگەر بولۋ جانە جالعاندىق ىستەۋ ارەكەتتەرىن تانۋ، تەكسەرىپ ءبىر جاقتى ەتۋ ادىستەرى (سىناق رەتىندە اتقارىلادى)»ن جانە «اۆتونوميالى رايوننىڭ ءۇي قۇرىلىسى جانە قالا ىستەرى نەگىزدىك قۇرىلعى ينجەنەرياسىندا مەردىگەرلىككە شاقىرۋدا، مەردىگەر بولۋدا ”قۇلاق قاعىس ەتىپ“ تىركەۋگە الدىرۋدى مالىمدەۋ ءتۇزىمى»ن جاساپ شىعارىپ، ءتۇزىم تەجەمى ارقىلى ءتىل بىرىكتىرىپ مەردىگەر بولۋ جانە جالعاندىق ىستەۋ سياقتى زاڭعا قايشى ارەكەتتەردى ۇتىمدى شەكتەپ، رايونىمىزدىڭ ءۇي قۇرىلىسى جانە قالا ىستەرى نەگىزدىك قۇرىلعى ينجەنەرياسىندا مەردىگەرلىككە شاقىرۋ، مەردىگەر بولۋ بازارىنىڭ ءتارتىبىن ارناعا ءتۇسىردى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى تاعى قۇرىلىس بازارى، قوراجاي بازارى، قىستاق - قالاشىق قۇرىلىسىن باسقارۋ، قالا باسقارۋ سياقتى جاقتارداعى تارتىپتەردى ۇزدىكسىز ارناعا ءتۇسىرىپ، قارا، سۇرقيا كۇشتەر ءوسىپ - ونەتىن ورتانى ۇتىمدى جويىپ، باياندى مەحانيزم ورناتىپ، بۇكىل رايوننىڭ تۇرعىن ءۇي، قالا، اۋىل قۇرىلىسى سالاسىنىڭ جاراسىمدىلىعىن، ورنىقتىلىعىن قورعايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى