تيانشان تورى   ›   جاڭالىقتار   ›   شينجياڭ حابارلارى

”شينجياڭ جاقسى جەر“ ازيا وركەنيەتى ارالاپ ويىن قويۋ قيمىلىندا تارتىمدىلىعىن ايگىلەدى

  5 - ايدىڭ 16 - كۇنى شينجياڭ كوركەمونەر تەاترحاناسى ءان - ءبي ۇيىرمەسىنىڭ ارتيستەرى ازيا وركەنيەتى ارالاپ ويىن قويۋ قيمىلىندا ونەر كورسەتۋدە. سۋرەتتى ءتىلشى حان لياڭ تۇسىرگەن

  ءتىلشى سۇي يۇنيان 5 - ايدىڭ 16 - كۇنى بەيجيڭنەن حابارلايدى. 5 - ايدىڭ 16 - كۇنى تۇستەن بۇرىن ازيا وركەنيەتى ارالاپ ويىن قويۋ، ازيا ءدامدى تاعامدار مەرەكەسىنىڭ اشىلۋ سالتى بەيجيڭ وليمپيادا باقشاسىندا وتكىزىلدى، «ءبىزدىڭ شنجياڭ جاقسى جەر» ويناقى مۋزيكاسىنىڭ ۇنىنە ىلەسە، شينجياڭ كوركەمونەر تەاترحاناسى ءان - ءبي ۇيىرمەسىنىڭ بيشىلەرى اسقاق ىنتاعا تولى ويىن نومىرلەرى ارقىلى شينجياڭداعى ءار ۇلتءان - ءبيىنىڭ باۋرامدىلىعىن ايگىلەدى.

  5 - ايدىڭ 15 - كۇنى ازيا وركەنيەتى تىلدەسۋى جينالىسى بەيجيڭدە اشىلدى. ازيا وركەنيەتتەر تىلدەسۋى جينالىسىنىڭ ماڭىزدى سايكەستى قيمىلى بولعان ازيا وركەنيەتى ارالاپ ويىن قويۋ جانە ازيا ءدامدى تاعامدار مەرەكەسى 5 - ايدىڭ 16 - كۇنىنەن 22 - كۇنىنە دەيىن جالعاسادى.

  ازيا وركەنيەتى ارالاپ ويىن قويۋىندا ازياداعى ءار ەلدىڭ ەرەكشە مادەنيەتى مەن مەرۋەرتتەي جارقىراعان وركەنيەت تابىسى قامتىلعان. وعان بانگلادەش، كامبودجا، ءۇندىستان قاتارلى 16 ەل تاڭداپ جىبەرگەن ويىن قويۋ ۇيىرمەسىنىڭ ارتيستەرى قاتىناسادى، جۇڭگو دا ءار ولكە، اۆتونوميالى رايون، قالالاردان تاڭداۋلى كونسەرت ۇيىرمەسىن تاڭداپ، سالتاناتتى ارالاپ ويىن قويۋعا قاتىناستىردى.

  ”جۇڭگو كەلبەتى“ بولەگىندە، سىچۋان، گۇيجوۋ، جيلين سياقتى ەل ىشىندەگى ۇيىرمەلەر 2 مينۋتتىق ويىن قويۋ ۋاقىتىندا جەرگىلىكتى ورىننىڭ دارا ۇلتتىق ءبيىن جانە سالتىن ايگىلەدى، شينجياڭ كوركەمونەر تەاترحاناسى ءان - ءبي ۇيىرمەسىنىڭ بيشىلەرى دە حانزۋ، ۇيعۇر، قازاق، قىرعىز جانە موڭعۇل سياقتى ۇلتتاردىڭ مۋزيكاسىن، ءبيىن توپتىق كورسەتتى.

  ”ءبىز’شينجياڭ جاقسى جەر‘ سىندى وسى تانىسقىنى نەگىزگى تاقىرىپ ەتىپ، وزىندىك ەرەكشەلىككە يە مۋزيكا، ءبي جانە كيىم - كەشەك ارقىلى شينجياڭداعى ءار ۇلتتىڭ جاراسىمدى، توعىسقان، كوپ نەگىزدى ءبىر تۇلعالى، گۇلدەنگەن، دامىعان جاعدايىن اڭىس ەتەمىز“، - دەدى شينجياڭ كوركەمونەر تەاترحاناسى ءان - ءبي ۇيىرمەسىنىڭ جاۋاپتىسى چياۋ سىميڭ.

  2 مينۋتتا ەڭ تارتىمدى مازمۇنداردى ايگىلەۋ ءۇشىن، ويىن قويۋ ۇيىرمەسى كوپ ۋاقىت جۇمسادى. شينجياڭ كوركەمونەر تەاترحاناسى ءان - ءبي ۇيىرمەسى وقىتۋ، جاسامپازدىق زەرتتەۋ كەڭسەسىنىڭ ورىنباسار مەڭگەرۋشىسى ميھراي ىبىرايىم اتالعان ۇيىرمەنىڭ وسى رەتكى ارالاپ ويىن قويۋىنا كوركەمونەرلىك جەتەكشى ءارى ويىن نومىرلەرىنىڭ رەجيسسەرى. ول تىلشىگە بىلاي دەدى: ”ويىن قوياتىن 24 ارتيستىڭ تاجىريبەسى مول، كوپشىلىك ءار ۇلت ەرەكشەلىگىندەگى كيىم - كەشەكتەردى كيىپ ساحناعا شىعادى، مۋزيكا دا كوپشىلىكتىڭ قۇلاعىنا ءسىڭىستى كلاسسيكالىق ۇزىندىلەر، ارەكەتتەرىندە ءار ۇلت ءبيىنىڭ ەڭ ەرەكشەلىككە يە، ەڭ تارتىمدى بولىگى كورسەتىلەدى، مىسالى: ۇيعۇر ۇلتى بيىندە شىر كوبەلەك اينالۋ ارەكەتى كوبىرەك قولدانىلىپ، اسقاق سۇيىسپەنشىلىكتى ايگىلەيدى.

  اشىلۋ سالتىنىڭ الدىندا ارتيستەر كونسەرت ورنىنا ەرتەمەن كەلىپ، دايىندىق جاسادى. قىزمەت ارالىعىندا ارتيست رانا ابدۇكەرىم كوپشىلىكپەن بىرگە قول تەلەفوندارىنان ازياداعى ءار ەل مادەنيەتىن ايگىلەيتىن شاعىن كەسكىندەردى كوردى، رانانىڭ ارالاپ ويىن قويۋعا قاتىناساتىندىعىنان حاباردار بولعاننان باستاپ، ونىڭ دوستىق شەڭبەرىنە شىعاتىندار كوبەيە ءتۇستى، ونىڭ دوستارى ازيا وركەنيەتتەر تىلدەسۋى جينالىسىنىڭ قاتىستى ينفورماتسيالارىن راناعا جەتكىزىپ تۇردى.

  رانانىڭ اجارلى الپەتى، كيىمى ەرەكشە كوز تارتتى، ول تاعى وزىنە 5 شاش ءورىمىن جاسادى. ويىن قويعان كەزدە قىزمەتتەستەرى مەن رانانىڭ كوركەم ءبي ارەكەتتەرى سول ورىنداعى كورەرمەندەردىڭ قىزۋ قارسى الۋىنا بولەندى. ”ءبىر اپتا ۋاقىت ارالاپ ويىن قويامىز، ءار كۇنى تۇستەن بۇرىن جانە تۇستەن كەيىن ويىن نومىرلەرىن ورىندايمىز، ءبىز ەڭ جاقسى بەينەمەن ءار رەتكى ويىن نومىرلەرىنىڭ كورەرمەندەرگە تەرەڭ اسەر قالدىرۋىنا مۇمكىندىك جاساۋىمىز كەرەك“، - دەدى ول.

  داپ ءبيىن ورىندايتىن ءىلشات اسەت بۇرىن تالاي رەت بەيجيڭگە كەلىپ ويىن قويعان بولاتىن. ”بۇل رەت كوڭىل كۇيىم مۇلدە باسقاشا، ەل ءىشى - سىرتىنىڭ تاڭداۋلى ارتيستەرىمەن ءبىر ساحنادا ويىن قويىپ، پىكىر اۋىستىرا العانىمىزعا ءبىز قاباعات جەلپىنىپ وتىرمىز“، - دەدى ول. وسى رەتكى ازيا وركەنيەتى ارالاپ ويىن قويۋ قيمىلىنىڭ نەگىزگى تاقىرىبى: ”ازيا وركەنيەتى. دۇنيە ءجۇزىنىڭ توعىسۋى“. چياۋ سىميڭ بىلاي دەدى: ارالاپ ويىن قويۋ ارقىلى شينجياڭداعى ارتيستەر دە قالىڭ كورەرمەندەرمەن بىرگە ازياداعى ءار ەلدىڭ ايشىقتى مادەنيەتىن سەزىندى، كوپشىلىك ءار جەردىڭ، ءار ۇلتتىڭ ارتيستەرىمەن پىكىر اۋىستىرۋ بارىسىندا ءوزارا ۇلگى الىپ، دوستىقتى نىعايتىپ، قىمباتتى رۋحاني بايلىققا يە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.