«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
جاڭا دامۋ ۇستانىمىن ىشكەرىلەي تۇسىنەيىك
شينحۋا اگەنتتىگىنىڭ 5 - ايدىڭ 16 - كۇنى بەيجيڭنەن بەرگەن حابارى. 5 - ايدىڭ 16 - كۇنى باسپادان شىققان «ىزدەنۋ» جۋرنالىنىڭ 10 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا دامۋ ۇستانىمىن ىشكەرىلەي تۇسىنەيىك» اتتى ماڭىزدى ماقالاسى جاريالاندى.
ماقالادا مىنالار اتاپ كورسەتىلدى: دامۋعا جاڭالىق اشۋ ارقىلى دەم بەرۋ ستراتەگياسىن كۇش سالا اتقارۋ كەرەك. جاڭالىق اشۋدى يگەرگەندىك ەكونوميكالىق، قوعامدىق دامۋ جالپى جاعدايىنا دەم بەرەتىن تەتىكتى يگەرگەندىك. جاڭالىق اشۋدى يگەرۋ − دامۋدى يگەرگەندىك، جاڭالىق اشۋدى كوزدەۋ − بولاشاقتى كوزدەگەندىك. ءبىز دامۋ نەگىزىن، ءسوز جوق، جاڭالىق اشۋ جاعىنا قويۋىمىز، جاڭالىق اشۋ ارقىلى دامۋدىڭ جاڭا قوزعاۋشى كۇشىن جەتىلدىرىپ، الدىمەن ارەكەتكە كەلەتىن، الدىمەن دامىتۋ باسىمدىعىن ساۋلەلەندىرەتىن اناعۇرلىم كوپ جەتەكشى دامۋدى تۇلعالاپ، باسقالاردا بارى بىزدە دە بار بولۋدى، باسقالاردا بارى بىزدە كۇشتى بولۋدى، باسقالاردا كۇشتى بولعاندارى بىزدە تاڭداۋلى بولۋدى ورىنداۋ كەرەك.
ماقالادا مىنالار اتاپ كورسەتىلدى: دامۋدىڭ جالپى تۇلعالىعىن، سايكەستىگىن كۇشەيتۋگە كۇش سالۋ كەرەك. سايكەستىك ءارى دامۋ ءتاسىلى، ءارى دامۋ نىساناسى، سونىمەن بىرگە دامۋدى باعالايتىن ولشەم جانە تارازى، دامۋدىڭ ەكى جاقتىلىعى نازارياسى مەن ءتۇيىن نازارياسىنىڭ بىرلىگى، دامۋدىڭ بىركەلكى بولۋ - بولماۋىنىڭ بىرلىگى، دامۋداعى ولقىلىقتار مەن كومەسكى كۇشتىڭ بىرلىگى. ءبىز ديالەكتيكانى قولدانىپ ءىشىنارالىق پەن جالپىلىقتىڭ، قازىرگى مەن بولاشاقتىڭ، ءتۇيىن مەن ءتۇيىن ەمەستىڭ قاتىناسىن ويداعىداي ءبىر جاقتى ەتۋدى ۇيرەنىپ، وڭىرلەردىڭ سايكەستى دامۋىن، قالا مەن اۋىلدىڭ سايكەستى دامۋىن، زاتتىق وركەنيەت پەن رۋحاني وركەنيەتتىڭ سايكەستى دامۋىن كۇش سالا ىلگەرىلەتىپ، ەكونوميكالىق قۇرىلىس پەن مەملەكەت قورعانىسى قۇرىلىسىنىڭ توعىسا دامۋىن ىلگەرىلەتۋىمىز كەرەك.
ماقالادا مىنالار اتاپ كورسەتىلدى: ادام مەن تابيعاتتىڭ جاراسىمدى قاتار ءومىر ءسۇرۋىن كۇش سالا ىلگەرىلەتۋ كەرەك. ەكولوگيالىق ورتانىڭ ورنىن ەشتەڭە باسا المايدى، ودان پايدالانىپ وتىرعاندا سەزبەيسىز، قولدان كەتكەننەن كەيىن قايتا كەلمەيدى. كەلەلى جاعداي كوزقاراسىن، بولاشاق كوزقاراسىن، كەلەلى تۇلعا كوزقاراسىن ورناتىپ، بايلىقتى ۇنەمدەۋ جانە قورشاعان ورتانى قورعاۋ سىندى مەملەكەتتىڭ نەگىزگى ساياساتىنا تاباندى بولىپ، ەكولوگيالىق ورتانى كوز قاراشىعىنداي قورعاپ، ەكولوگيالىق ورتانى ومىرىندەي قاستەرلەپ، جاسىل دامۋ ءتاسىلى مەن تۇرمىس ءتاسىلىن قالىپتاستىرۋدى ىلگەرىلەتىپ، حالىقتىڭ بايۋىن، مەملەكەتتىڭ قۇدىرەتتەنۋىن، جۇڭگونىڭ كورىكتەنۋىن سايكەستىرە ىلگەرىلەتۋ كەرەك.
ماقالادا مىنالار اتاپ كورسەتىلدى: سىرتقا ەسىك اشۋدىڭ جاڭا ءتۇزىلىسىن كۇش سالا قالىپتاستىرۋ كەرەك. ەكونوميكانىڭ جاھاندانۋ اۋقىمىنا، ءسوز جوق، ىرىقتى تۇردە ۇيلەسىپ، سىرتقا ەسىك اشۋعا تاباندى بولىپ، ادامزات قوعامى جاراتقان وزىق عىلىم - تەحنيكا جەتىستىكتەرىنەن جانە ءتيىمدى باسقارۋ تاجىريبەلەرىنەن تولىق پايدالانۋ كەرەك. امالياتقا ۇزدىكسىز ىزدەنىس جاساپ، ەل ءىشى جانە حالىقارا سىندى ەكى كەلەلى جاعدايدى يگەرۋ سانالىلىعىن جانە قابىلەتىن جوعارىلاتىپ، سىرتقا ەسىك اشۋدىڭ ساپاسى مەن دەڭگەيىن ءوسىرۋ كەرەك.
ماقالادا مىنالار اتاپ كورسەتىلدى: حالىقتى وزەك ەتكەن دامۋ يدەياسىن امالياتتا كۇش سالا ايگىلەۋ كەرەك. حالىقتى وزەك ەتكەن دامۋ يدەياسى ابستراكت، ءتىلسىم ۇعىم ەمەس، اۋىز جۇزىندە عانا ايتىپ، يدەيالىق بۋىندا توقىراپ قالۋعا بولمايدى، قايتا ەكونوميكالىق، قوعامدىق دامۋدىڭ ءارقايسى بۋىندارىندا ايگىلەۋ كەرەك. ەلىمىز سوتسياليزمنىڭ العاشقى ساتىسىندا تۇر ءارى ۇزاق ۋاقىت تۇرا بەرەدى، ءبىز قازىرگى شارت - جاعدايعا قاراي، ىستەي الاتىن ىستەردى مۇمكىندىگىنشە ىستەپ، شاعىن تابىستاردى ۇلكەن جەڭىسكە اينالدىرىپ، جالپى حالىقتىڭ بىرگە بايۋى نىساناسىن بەتكە الىپ ۇزدىكسىز ىلگەرىلەۋىمىز كەرەك.
